JanuaryLeung的個人專頁

✅TERA今次同朋友去咗圍方食呢間日式Cafe~平日夜晚去到估唔到都超多人 滿座！原來平日夜晚做緊promo 叫pancake有優惠！😍🔆蜜糖牛油雞翼   $68新鮮炸起熱辣辣 雞翼一碟有6隻 雞翼外皮香脆 充滿牛油香味 又帶啲蜜糖嘅甜味仲可以鎖緊肉汁 雞翼嘅肉質好嫩滑 夠juicy!🔆All Day Breakfast Set $138呢到夜晚都有得叫all day breakfast平時嘅all day breakfast會係麵包或者多士呢到係用咗牛角包壓成窩夫 仲要勁脆身好正！呢個set仲有煙三文魚 大啡菇 豬肉腸 煙肉 黑松露炒蛋 同乳酪😝🔆明太子蟹肉意粉   $158呢到都有好幾款意粉好吸引！最後揀咗明太子蟹肉 睇落好似好漏但食落一啲都唔漏 好重忌廉好creamy加明太子嘅咸香味 中和得啱啱好！😀🔆抹茶pancake   $158呢到有pancake 亦都有窩夫我哋揀咗好似梳乎厘咁嘅pancake😆配抹茶忌廉 蕨餅 白玉丸子 紅豆蓉pancake即叫即整 熱辣辣 好重蛋香抹茶忌廉亦都唔甜 加埋白玉同紅豆就更加match啦！味道:8.5/10賣相: 8.6/10地址: 大圍車公廟路18號圍方3樓320號舖…查看更多

✅洋食商店今次就嚟咗長沙灣嘅洋食商店 係屬於西日嘅居酒屋呢到嘅設計都係以日式嘅建築特色為主入面有好多日系嘅design 霓虹燈等 打卡able~而最近佢哋就有個超推介嘅壽喜燒套餐！基本上每枱都必點丫！招牌鍋料理二人餐   $548🔆壽喜燒壽喜燒可以揀唔同嘅肉類 豬或者和牛我哋揀咗澳洲和牛西冷 & 美國頂級牛頸脊牛頸脊相對比較腍身同埋會有多啲牛味👍🏻👍🏻而每一份嘅壽喜燒都會有一份蔬菜 & 蘭王蛋店員會一步一步由大蔥 肉類 菇類咁煮壽喜燒醬汁係店舖特別調製 配埋砂糖煎煮甜甜哋好特別！菇菌同洋蔥吸哂個醬汁好正！🔆壽喜燒黑松露燉飯食完壽喜燒 店員就會用剩低嘅醬汁加入未完全煮熟嘅黑松露牛油飯個飯除咗好重黑松露味外 仲有好濃嘅牛油同忌廉！愈煮愈濃郁同creamy😝 食落好有驚喜 好似意大利飯🤣吸埋壽喜燒嘅甜味同肉味 好特別😍🔆關東煮套餐包咗關東煮🍢 有蘿蔔 福袋 魚糕等🔆小食小食可以揀兩款 而每款份量都幾多👍🏻🔹明太子玉子燒超鐘意食玉子燒嘅我見到就必點啦😻玉子燒燒得啱啱好 甜味十足加上海量嘅明太子😸 兩者好夾！🔹唐揚爆谷雞唔好睇少呢個爆谷雞啊！佢可以做到唔係好覺啲炸粉！食落好脆 但個雞都仲係keep到好juicy!🔆菠蘿百香果乳酪烏龍  +$38套餐可以以優惠價加飲品呢杯乳酪烏龍就好似飲緊益力多咁🤣仲有菠蘿同百香果粒 甜甜酸酸咁好開胃！🔆期間限定Tiramisu杯  $78最後叫埋個期間限定甜品就啱啱好啦！擺脫一般Tiramisu嘅樣 用杯嚟組裝底層係咖啡酒手指餅 然後加上cream再有一大球朱古力雪糕！打卡十足 勁大杯 好彩有兩個人食😝地址:長沙灣福榮街538號喜遇地下2號舖…查看更多

✅點心到MIX.大排檔相信大家對點心到都唔陌生超多遊客同本地客歡迎嘅點心餐廳！我間唔中都會同朋友去飲夜茶 重點係免加一！！！今次發現點心到係旺角開咗新店朝早同晏就就會做茶樓 食點心夜晚就會轉做大排檔 食小菜！新店亦都坐得更加舒服！🔆熱情百香果蒸鮑魚 (2隻起)  $18係大排檔到見到有前菜鮑魚 仲要咁抵食成隻鮑魚起咗殼之後放咗係熱情果上面蒸煮熱辣辣嘅鮑魚配上熱情果同百香果嘅酸甜味好特別又開胃！😍🔆鑊氣小炒王   $98小炒王最啱就係試一間餐廳嘅鑊氣😎配以韮菜 腰果粒 魷魚 蝦仁等平時坊間食到嘅會有蝦乾同銀魚仔但呢到就加咗炸芋頭條 增加咗香脆嘅口感！🔆紅燒乳鴿   $55乳鴿一隻又唔會太細喎！個皮烤得好香口好juicy 保留到大部分肉汁！唔需要加醋或者鹽 都已經好夠味！🔆大肚婆炒飯  $82呢個名見到忍唔住叫！因為真係好得意其實姐係揚州炒飯嘅高級版有叉燒粒 有蝦仁 有菜粒 個飯特別值得一提嘅係佢炒得好粒粒分明！而且好有蛋香！味道: 8/10賣相: 8/10地址: 旺角洗衣街39號金雞廣場地下1A, 1B, 1C號舖…查看更多

✅雞湯小聚最近喺旺角top商場地庫 開咗間又可以食米線 & 主打一人鍋嘅餐廳米線就以養生雞湯為主 一人鍋就可以選擇養顏嘅花膠鍋或者係麻辣鍋另外呢度係自助形式喺入口嘅位置落單 然後就可以去搵位坐㗎啦！(而我所見應該就係無限時嘅)🔆招牌花膠雞湯鍋每款鍋都會包揀一款肉類同埋一款主食要特別留意本身花膠雞湯鍋係冇雞件嘅！所以我哋呢個鍋就揀咗雞件 同刀削麵雞件淥完之後好嫩滑 刀削麵熱都吸晒湯！花膠都好滑身 食完之後覺得好滋潤！😍🔆麻辣鴨血鍋另一個鍋底我哋就揀咗台式嘅麻辣鴨血鴨血又比較爽身 而且原來個辣度都唔好睇小🤣食吓食吓都幾辣㗎😝😝肉類就揀咗安格斯牛排 (+$15)一份大概有六件 大件得嚟又唔會話太肥！主食就揀咗讚岐烏冬(+$5)食完個烏冬之後真係超飽！ 因為個烏冬係完整嘅一份！我哋仲嗌咗兩份配料黑魚片$28 同廣島蠔 $38睇完片食得出係有經過處理！ 應該用咗生粉同埋油去醃製！基本上淥十幾秒就食得㗎啦！魚肉好滑身又冇骨！至於廣島蠔一份有三件 食落一啲都唔會覺得好腥！🔆椰子雞湯米線  $68另外一位朋友就嗌咗佢哋嘅養生湯米線 椰子雞湯個椰子味好濃！而且仲有椰子肉喺入邊添雞件嚟講一啲都唔吝嗇 俾咗隻雞髀切件每一件食物都好滑，一啲都唔鞋！米線份量亦都好多 一碗絕對夠食！😀😎味道: 8.5/10賣相: 7/10地址:旺角彌敦道700號T.O.P This is Our Place地庫R1號舖…查看更多

✅長阪燒今次呢就同朋友去咗呢一間omakase嘅餐廳餐廳總共有兩款唔同嘅套餐每個套餐都會有12道菜而套餐嘅分別在於有一兩道菜係有貴價嘅食材我哋就揀咗一個比較平嘅套餐試吓！🔆長阪12旬彩席間料理  $468🔹前菜係一款有3個少嘅前菜饑煮鮑魚個醬汁有帶少少柚子醋 食落鮑魚暖暖地同腍 好似腐皮嘅日本千葉呢個係一個冷盤 食落好香豆味中間夾咗個Wasabi可以增強佢嗰個口感然後無骨嘅醬魚但係有少少鰹魚汁味嘅魚 食落好似沙甸魚🔹先付帶子八爪魚醋物刺身帶子同埋八爪魚，用咗黑醋汁醃製食落酸酸地好開胃！🔹刺身左目魚 帶子 &海膽帶子上面有個昆布漬夾埋一齊食嘅 可以帶出帶子嘅鮮味左目魚亦都好新鮮，一啲都唔腥至於個海膽，簡直就係冇得頂😍😍平時唔多鍾意食海膽嘅我都覺得佢好鮮甜！🔹蒸物魚子醬鵝肝蒸蛋使用咗高湯蒸蛋 配上鵝肝 有一陣油脂嘅香味！💛🔹御造最中餅入邊夾咗吞拿魚蓉😀外層脆嘅口感 配搭咗入面綿密嘅呑拿魚蓉 又幾特別喎！伊達卷 就好似玉子燒咁 係壓扁咗嘅玉子燒入邊加咗啲魚蓉 食落好甜！！！🔹味自慢燒物日式醬油燒豆腐兩件豆腐用咗日式醬油慢燒 保留到豆腐嫩滑嘅質感！🔹時令燒魚當日嘅燒魚係吞拿魚下巴 味道足！而且吞拿魚嘅魚肉係超嫩滑 仲要係好香吞拿魚油 大滿足🔹天婦羅天婦羅沙錐魚&蓮藕記得要將蘿蔔蓉擺喺天婦羅汁入邊蓮藕亦都好爽甜啊！🔹燒時令貝牛油北寄貝加咗少少柚子皮，令到成件事冇咁油膩好重牛油同黑胡椒味😍😍北寄貝都好酸甜，好彈牙爽口🔹飯櫻花蝦炒飯 炒飯除咗櫻花蝦仲有紅蘿蔔同洋蔥🔹湯白酒蜆湯一飲落去就好重白酒味 蜆肉亦都好鮮甜！🔹甜品煙燻丸子紅豆湯 吉士鯛魚燒配蕨餅熱辣辣嘅紅豆湯入邊配咗自家製嘅丸子食埋個綠茶蕨餅就Perfect啦！味道: 9/10賣相: 8.5/10地址: 旺角砵蘭街189號2樓…查看更多

✅老二花廳最近喺旺角開咗間fusion中西餐廳餐廳嘅環境設計同中式懷舊有關室內嘅佈置就好似帶你翻返去80年代！😛打卡到十足！😚😚當你以為叫緊中式嘢食嘅時候 佢又會帶啲驚喜俾你 因為會夾雜着西式或者日式嘅材料配搭成件事好神奇好特別！仲意外地夾添！😋呢度餐牌好貼心 會寫明堂食同外賣嘅兩個價錢俾大家睇仲要其實性價比極高，一啲都唔貴！😆😆🔆乾炒牛肉腸粉 $58可以幻想為乾炒牛河啲friend🤣 炒得好夠鑊氣，每條腸粉都包住咗醬汁！腸粉亦都好嫩滑 而且牛肉大大塊又唔韌😍 配埋靈魂嘅辣椒油 簡直係絕配！🔆豬油渣卡邦尼銀針粉 $62湯銀針粉就食得多啦 今次用卡邦尼醬炒銀針粉真係Crossover到極致！完全冇諗過卡邦尼醬同銀針粉係可以咁夾！😋每一條銀針粉到包住卡邦尼同蛋黃醬每一啖都好Creamy😍😍 而且一啲都唔漏！而呢度就將煙肉換成咗豬油渣 又好似帶返少少中式嘅特色落返呢度菜度！🔆牛油蜜糖雞翼 $38呢個真係其中一個好邪惡嘅小食！😈鍾意食雞翼千祈唔好錯過 佢係單骨雞翼嚟嘅重點重點係佢上枱嘅時候係會有一嚿牛油係啲雞翼面上面簡直係超級邪惡！！！！😉🙂😈😈😈😈當牛油溶晒之後就同底下嘅蜜糖融合咗稍為煎炸嘅雞翼，配咗蜜糖牛油汁 完全係冇得輸！🔆三姊妹咖央饅頭  $38呢個可以話係小食或者係甜品 因為佢係屬於甜嘅小食嚟😜餐廳首先將饅頭拎去炸 然後中間再配上牛油 花生醬同咖央三種唔同嘅醬一上樓就見到成嚿牛油喺饅頭嘅中間 就好似菠蘿油咁🤣🤣🤣如果話頭先牛油雞翼係五級邪惡 呢個一定會係十級啊！！！！🙈🙈🙈😈😈😈😈但出到嚟嘅配搭幾得意又好食！🔆抹茶豆腐拿鐵 $45呢杯抹茶豆腐拿鐵第一下入口抹茶味好濃飲落之後就有淡淡的豆腐味出咗嚟因為抹茶無添加，所以佢完全唔甜嘅唔飲甜嘢嘅人都可以試吓啊！🔆豆腐花薑汁梳打 $48至於呢一個就係餐廳嘅signature！除咗主食同小食之外，連飲品都打造埋Crossover點估到豆腐花都可以變飲品🙂‍↔️🙂‍↔️雖然賣相上就一般般 但係攪勻咗之後沉咗底嘅豆腐花味就好出啦！ 然後仲帶啲薑味嘅aftertaste 👍🏻👍🏻👍🏻仲要係有氣梳打 飲得好過癮！呢個真心係相當有驚喜 嚟到一定要試！味道: 9/10賣相: 8/10地址: 旺角白布街22號地下4號舖…查看更多

✅鍾爺爺海鮮火鍋刺身專門店天氣開始凍啦 終於感受到冬天嘅來臨又係時候淥下淥下 打邊爐啦😎今次同大家介紹嘅係位於太子嘅海鮮火鍋呢到主打食海鮮同刺身 食完刺身再打返個邊爐就啱哂啦😆呢到嘅枱都偏大張 成班人嚟打邊爐完全唔係問題！想有啲私隱嘅 仲可以提早打電話嚟預約房間添！🔆海南椰子雞鍋 (半隻)  $168揀咗個清清地嘅湯底 可以試真啲啲肉類😆呢個椰子雞鍋主打唔用水嘅去熬煮用椰子水加入新鮮椰子肉同雞件淥大概5分鐘後就可以飲一個頭啖湯😀清淡得嚟又會帶淡淡嘅椰子香味 好清甜☺️🔆霜降手切頸脊肥牛 (小) $238呢個手切肥牛真係好正！ 淨係賣相個啲油花已經好靚！輕輕淥到轉色就可以食啦🤩 建議大家首先可以食咗個原味先！真係入口即融嘅感覺！而且超濃牛味😝😝每一塊個口感同味道都一樣㗎！😍😍😍真係食到停唔到🥰🔆牛胸爽 $88唔知大家有冇食過牛胸爽呢 (又可以叫佢做牛白肉睇落好似牛嘅脂肪咁 但食落係好爽口 但又會同時帶出好濃好濃嘅牛味！ 個陣牛油嘅感覺😍😍好彩朋友都有食😝咁就可以開心share啦！🔆即炸響鈴 $48呢個真係要極力推介！ 一上枱係即炸起 可以點酸甜汁食咗個即炸嘅狀態先之後等湯底淥起後再淥幾秒入口個陣豆味好濃郁 而且又好香脆 好好食！🔆牛骨髓 $68呢到比較特別嘅內臟部位都食到！當然要叫埋少見嘅牛骨髓😙淥完個口感係比較軟身 吸哂椰子湯嘅精華🤩🔆手打鮮蝦丸 (半份) $42鮮蝦丸真係有大大粒蝦係入面㗎！😀😍爽口彈牙！😙🔆白蘿蔔片 $35個湯底咁清甜 當然要叫返個蘿蔔片索哂啲湯汁啦😎🔆汽水 $14🔷火鍋醬料 每位$15  花生小食 $15味道: 8.5/10賣相: 8/10地址:太子砵蘭街368號地舖…查看更多

✅鍋霸今年開幕5週年啦 呢間主打台式嘅養生火鍋長期都大排長龍今次終於同朋友預約咗去食😚平時仼食火鍋最多都係食兩個鐘但最近佢哋仲推出咗自由選擇時間仼食套餐！可以揀食120分鐘 或者係無限時！大家冇睇錯！係無限時啊！！！無限時都只需要係套餐+$40就食到啦😻 好抵食！🔆Prime Grade 牛肩胛肉無限時套餐   $313呢到嘅湯底種類有好多款選擇 真係會選擇困難症㗎！有成20款咁多㗎！😆😆 所以我哋就決定加$48要鴛鴦鍋 可以食到兩款湯底！麻辣蕃茄都會有分牛肉湯底或者雞肉湯底我哋叫咗麻辣蕃茄牛肉湯 & 養生姫松茸雜菌湯前者個湯底就相對上比較濃厚 酸酸哋又帶少少麻辣味牛肉湯唔係淨係用牛骨湯咁簡單而真係有一舊舊牛肉！好足料！😎😎而雜菌湯就真係好鮮好清 同麻辣湯有好強嘅對比！雜菌湯入面除咗有唔同嘅菇菌 仲唔少得姫松茸啦💛要嚟淥菜就一流！呢個套餐跟咗Prime Grade牛肩胛肉同西班牙無激素豬肉片雖然係屬於第一個套餐 但一啲都唔輸洩㗎啲肉質都好靚 薄身淥一淥就食得啦！仲有其他配料例如丸類 菇菌同菜類！種類都幾多選擇 仲有蝦滑 餃子等~前菜有蒜香青瓜同陳醋雲耳 好開胃！仲可以加$48 要炸花枝丸或者鹽酥雞做小食呢到好特別有唔同口味嘅shake shake粉例如麻辣味 紫菜味 芝士味等 可以點鹽酥雞食！每人仲有一杯雪糕 幾款大牌子都有仲有雪條或者甜筒添！地址: 佐敦彌敦道219號莊士倫敦廣場6樓…查看更多

✅串囍 好耐冇返屯門揾嘢食 今次就去咗置樂呢邊揾好西😎自從唔係返學就冇行過呢邊 發現都開咗好多新餐廳今次就試咗呢間居酒屋！聽個名就知專食串燒😎 平日夜晚去到都唔少人啊！🔆串燒拼盤  $88呢到有晚市套餐 有拉麵 飯類同串燒我第一眼就睇中咗呢個串燒拼盤！其實可以話係全雞拼盤😆拼盤有6款唔同嘅雞串燒有雞三角軟骨 雞膝軟骨 雞尾 雞頸肉 雞腎 雞皮呢到嘅雞串燒比較有特色 例如雞軟骨都分咗兩串唔同種類食落會大粒啲同爽口啲！我自己當然就推介雞皮串燒到啱啱好 有雞嘅油脂味出嚟 又燒到外面脆脆地好香口！鐘意雞嘅朋友唔好錯過😝🔹轉生啤  +$48套餐跟咗普通餐飲 (可以揀汽水或者果汁)我哋就加錢轉咗生啤 生啤種類都有好幾款㗎！👍🏻食串燒當然要啤啤佢🤭🔆鰹魚湯底廣島蠔烏冬  $88另外叫咗係主餐牌嘅鰹魚湯廣島蠔烏冬！鰹魚湯好濃 仲有大量嘅海帶同埋腐皮！烏冬係稻庭烏冬 所以好煙韌！👍🏻👍🏻廣島蠔有4隻 配埋鰹魚湯原來都好夾㗎！可能都係海鮮嘅緣故🤣🤣🤣千其唔好睇少一碗烏冬嘅份量 兩個人share食每人都有好大碗😀🔆燒鱔串  $48燒鱔串雖然得一條 但係佢都好肥美用咗少少鰻魚汁去燒 食落會有甜甜哋😝燒到啱啱好 可以保留到鱔入面嘅juicy😆👍🏻🔆味淋魚乾  $38食居酒屋當然要食味淋魚乾送啤酒！做餐前小食都好唔錯啊！🔆日本蛋蟹肉大啡菇  $28呢個大啡菇係上枱嘅時候好有驚喜啊 大啡菇底下佈滿沙律菜 中間就有蟹肉同流心蛋而且仲好貼心咁俾埋刀，叉去食呢個大啡菇！成個食嘅口感好豐富！ 有蛋汁有蟹肉仲有好juicy嘅大啡菇一啲都唔會燒到過乾😎🔆波子汽水  $20味道: 8/10賣相: 7.8/10地址: 屯門青山公路 - 青山灣段351號彩華花園A座地下10號舖…查看更多

✅花晨月夕 Omakase都淨係係日本食過一次今次適逢生日月份 可以乘機係香港食一次😝呢到嘅Omakase有total 3款唔同嘅餐分別係Omakase Flower, Omakase Sun & Omakase Moon今次同朋友揀咗一個Sun 同一個Moon餐~Sun & Moon 嘅分別在於Moon餐有多兩款刺身同壽司有多一款Omakase Sun     $ 1380Omakase Moon   $ 1580🔷前菜 首先兩個餐都有先付 即係前菜🔺蘋果綠茶啫喱🔺榮螺🔺三文魚子玉子豆腐🔺牛蒡漬物特別一提蘋果綠茶啫喱 食完個感覺好清新🔹Sun餐刺身🔺金鯛魚刺身 鯛魚刺身好薄身 配埋酸汁好開胃 又唔腥！🔺海膽杯用咗一板板嘅海膽製成嘅海膽杯 中間又有三文魚子🥰🔺毛蟹毛蟹加蟹膏配紫菜食特別能夠特顯蟹嘅鮮甜味！🔹Moon餐刺身🔺日本口岸蠔好鮮甜嘅蠔 又唔會有腥味！帶有少少海水味！🔺鯛魚卷配甜蝦他他打卡十足啊！係玻璃球入面放咗鯛魚卷 鯛魚入面包咗甜蝦刺身 一啖可以食到兩款唔同口感嘅刺身🥰師傅會加入液態氮 整成一個波波 好有美感💛🔺鰹魚🔺燒梭子魚🔺新鮮海膽同Sun餐嘅唔同 就係呢個係原隻新鮮海膽上 果然新鮮原隻嘅海膽係唔同啲 好鮮甜 係口入面溶化🥹😆🔹御料理🔺紫菜海膽漬帶子帶子輕輕火炙咗 中間仲保持住好嫩滑 配上新鮮紫菜漬 可以更突顯帶子嘅鮮味！🔹壽司十貫🔺紅鯛魚油脂感十足 好creamy🔺夾帶魚🔺鮫鰈魚🔺燒帶子帶子輕輕炙燒 上面有少少岩鹽 仲帶有檸檬味！🔺石坦貝貝類好爽口 好鮮甜！🔺地貝🔺關池魚🔺黑目魚🔺豉油漬赤身🔺拖羅 (moon餐)拖羅好有油香味 個魚油口感入口即融 🔹海膽手卷仲有一個海膽手卷 鮮甜嘅海膽 成晚食咗好多海膽 勁滿足🥰🔹蜆清湯最後食完壽司會上一個蜆清湯清湯好鮮甜 仲有一隻大蜆！ 🔹甜品紅酒啫喱西瓜 & 赤月蜜瓜係黃色西瓜面有自製嘅紅酒啫喱 食到好香紅酒味！又個蜜瓜真係可以話係劃上完美嘅句號！蜜瓜真係好好好好鮮甜！同平時食到嘅完全唔同！味道:9.5/10賣相: 9/10地址: 尖沙咀赫德道2號金麟商業中心2樓…查看更多

✅Owens呢間Cafe bookmark咗好耐 每次經過太子都見到好多人排隊今次朋友約我嚟食 就決定早啲嚟排隊😙平日夜晚都依舊好多人 好旺~🔆二人晚餐  $408見到每枱都叫呢個二人餐 因為真係好抵食😝有餐湯 有頭盤 有主菜 有甜品 仲有飲品！🔹餐湯🔹芝士焗生蠔 (4隻)頭盤可以揀沙律 雞翼或者焗蠔！好少可會有餐廳有焗蠔選擇 二話不說就揀咗啦😈焗蠔真係熱辣辣焗起 每隻都大大隻 爆哂汁好juicy 又有芝士點綴 好味🤤🔹龍蝦汁虎蝦闊麵主菜揀咗虎蝦闊麵 闊麵煮得啱啱好 唔會過腍龍蝦汁包哂每條麵條 一啲都唔dry👍🏻虎蝦有兩大隻 一人一隻就啱哂啦！蝦肉都好爽口 唔係鞋口嘅質感！🔹美國安格斯肉眼扒另一款主菜就叫咗肉眼扒！初頭好擔心肉眼扒一係會好鞋 一係就用鬆肉粉整得太腍但完全冇呢個問題啊😻 有肥嘅油脂部分亦都有瘦嘅肉眼位置 咬落都係好自然嘅質感而且配埋黑椒汁又幾惹味！😚🔹牛角窩夫配雪糕套餐跟咗窩夫雪糕 係最近好興嘅牛角包窩夫🧇窩夫又幾脆口😚🥐配埋雲厘拿雪糕🍦 咸咸甜甜咁幾特別！🔹柚子蜂蜜連跟餐飲品都唔馬虎！ 除咗茶啡外 仲有得叫柚子蜜而且賣相都好幾靚添！😚🔆脆炸魷魚鬚 +$28另外二人餐仲可以加幾款小食太多嘢想食 所以就加埋炸魷魚鬚同蜆雖然係追加小食 但份量一啲都唔少㗎！魷魚鬚每條都好脆 又唔會太厚炸粉加埋少少椒鹽調味 啱啱好！🥰🔆意式白酒煮蜆  +$38至於白酒煮蜆真係好重白酒味 但又唔會蓋過蜆本身嘅海鮮味！依然食到鮮甜嘅味道！🔆伯爵茶麻糬提拉米蘇  +$48小食有得追加之外 仲有甜品追加！做咗功課先嚟食 就知道Tiramisu係必點😎伯爵茶tiramisu又幾特別 好重酒味之如又帶點伯爵茶味中間又有煙煙韌韌嘅麻糬 口感好豐富！鐘意食tiramisu嘅朋友要嚟試下啦😚 仲有新出嘅開心果口味😜~🔆紫薯芋泥麻糬卷蛋 +$38另外店員都推介我哋試埋新推出嘅甜品係紫薯芋泥卷蛋 我成日都有諗如果紫薯芋泥crossover會點㗎呢今次仲唔俾我試到😎 坦白講 其實係食唔到紫薯味😂芋泥味會比較突出 但顏色就用咗紫薯嘅顏色🤣卷蛋做到好鬆軟 中間夾咗麻糬煙韌又軟熟嘅口感真係幾特別 一啲都唔漏！味道: 8.8/10賣相: 8/10地址: 太子砵蘭街412號地舖…查看更多

✅東京の味雖然夏日熱辣辣 但都冇阻我打邊爐嘅決心！今次就去咗位啦長沙灣東京街嘅東京の味食火鍋放題😎😎餐廳分開咗有得選擇食火鍋放題 或者燒肉放題毫無疑問一定揀火鍋放題🤙🏻呢到放題嘅時間統一咗係90分鐘有得揀唔同嘅套餐同肉類最平$168 就已經有牛肉放題🔆牛胸腹肉日本豚放題套餐  $198呢個套餐包咗基本嘅嚴選牛肉 仲有美國牛胸腹肉 仲有北海道豚肉牛胸腹肉油花唔算太多 但勝在食落都好有牛味！湯底一共有6款選擇 有辣有唔辣今次火鍋就想食清啲 所以叫咗昆布鰹魚湯😻😻唔好以為完全冇味 食落清清地仲有淡淡嘅鰹魚味食菜就啱哂啦！自助吧可以仼拎丸類餃子等 仲有各種嘅菜類！熟食就有關東煮同炸物 飲品都花多眼亂~ 呢個價錢食到咁多嘢其實真係好抵食到飽仲可以食埋韓國嘅雪糕雪條添！地址: 長沙灣東京街31號恆邦商業大廈地下3號舖及1樓…查看更多

✅泰·初夏超鐘意打邊爐嘅我 真係可以每個星期食一次😉但每次都港式邊爐或雞煲就有啲悶啦所以今次就地咗試新嘢😎 泰式火鍋呢到嘅裝修風格有啲田園感覺 有別於平時火鍋店咁好密集🙈 呢到坐得比較舒服！而且呢到係有兩種唔同嘅計時方式 可以揀食90分鐘 或者120分鐘大家可以按返需要揀唔同嘅時間~🔆Set B 雞煲 + 牛板腱火鍋放題 (90分鐘)  $238講返個套餐先😎 set B包咗個雞煲 店員會問咗選擇嘅辣度 就會即刻上枱！雞件辣度唔算太勁 不過勝在熱辣辣又惹味！然後就揀湯底！😁 泰式火鍋最期待嘅就係個特別嘅湯底就要咗冬蔭功 & 椰汁雞湯底！ 冬蔭功微酸微微辣 配埋啲肉就啱哂！ 索哂啲汁😏嫌唔夠辣仲可以係出面自助吧拎啲辣椒放落去😎😎椰汁雞湯就相對比較清啲！ 有淡淡雞湯味 但飲落都會有少少酸酸地店員亦都有指係正常~ 可能加咗泰式配料去煮~肉類方面 一開始就點哂每款肉試下啦😎牛板腱油花分布均勻！ 食落都好香牛味！大推！👍🏻另外除咗牛 仲有豚肉同醉雞建議有點椰子雞湯嘅可以叫醉雞放落去煮 會更重雞味😻呢個B餐仲有牛胸爽 爽口質地但每一啖都充滿牛嘅油脂味 好香濃😛然後每款套餐都包咗仼食配料吧可以拎唔同嘅泰式小食 例如新鮮炸起嘅雞翼 蝦片等~仲有冷盤小食 例如青木瓜沙律 泰式鳳爪等另外火鍋嘅菜料亦都可以自由拎🤙🏻選擇都幾多㗎！有萵荀啊 蘿蔔啊 菇菌類啊除咗自助形式出去夾配料之外 仲可以用QR Code落單點肉類同丸類！😎當然唔少得嘢飲！ 呢到啲飲品一啲都唔求其！唔係罐裝飲品！而係手沖嘅泰國飲品！☺️基本嘅梳打類 泰國奶茶 椰子冰 龍眼冰都有真係飲嘢都可以飲飽🤪🤣🤣試咗椰島雪香 & 青檸梳打前者充滿椰子味 好香濃嘅椰汁 入面仲有少少燕麥片作點綴 幾特別👍🏻至於青檸梳打就比坊間飲到嘅更加酸~可能係正宗泰式嘅緣故🤣🤣甜品出面都有提供幾款時令嘅泰式甜品有超鐘意食嘅椰汁糕！煙煙韌韌好彈牙😍😍仲有多款嘅雪糕同雪條！ 真係好抵食🩷味道: 8.7/10賣相: 7.5/10地址: 荃灣青山公路 - 荃灣段398號愉景新城2樓2030號舖…查看更多

✅丼丼屋相信大家對丼丼屋都唔陌生 親子丼真係每次嚟都必食😆今次見佢哋推出咗[贅沢三種吞拿魚定食]! 勁吸引！呑拿魚粉絲嘅我就即刻去朝聖下😎🔆贅沢三種呑拿魚定食 $118呢個定食係有3 款迷你丼,包括:赤身配醬油玉子丼大大件呑拿魚赤身配上醬油漬蛋撈匀後每一啖都充滿蛋汁😆更突顯到赤身嘅鮮味同好滑😆炙燒拖羅.拖羅蓉丼呢款係我最愛！有拖羅蓉外仲有炙燒拖羅 可以滿足到多重口感！啖啖拖羅蓉係個口裏面融化😍 如果有多啲香蔥就更正啦😈仲有炙燒拖羅 外層輕輕咁經過炙燒 一次過食晒兩種口感 外層比較有咬口 而內層就保留到呑拿魚本身嘅鮮味😍☺️特上中拖羅刺身丼厚切背中拖羅片一片片係丼飯面上點上少少嘅壽司豉油作調鮮！油脂豐富又肥美😀一個定食有晒3款唔同嘅丼飯 份量認真十足啊🤪除咗3款丼飯外 仲有前菜 同呑拿魚湯！真係同平時嘅麵豉湯唔同！有呑拿魚肉係入面！飲落亦都有啖啖呑拿魚香味😆 …查看更多

✅春城銅鍋米線一有米線新店我都會衝去試😎今次同大家介紹嘅係主打銅鍋米線旺角店已經朝聖咗~ 今次係尖沙咀厚福街開新店所以又嚟試試🫶🏻🔆酸酸辣辣銅鍋米線  $36呢到嘅米線大多主打銅鍋米線啱哂打卡影相外 仲可以保持熱度！🤙🏻上次試過麻辣口味今次就試下酸麻辣味 辣味相對上唔太突出反而酸度就好夠啦！入面仲有大量酸菜🤪餸菜方面揀咗鮮蠔仔 & 特製雞翼！(各+$16)好少可見到米線店會有得揀蠔仔做餸 雖然係bb蠔 但每一隻都唔腥！好鮮甜！雞翼做餸一份有3隻！好抵食！係瑞士汁雞翼 每隻都醃得好入味！😍🔆海南胡椒豬肚雞湯飯   $68除咗米線外 仲有湯飯食㗎！胡椒豬肚雞湯都係佢哋推介之一~一上枱就聞到好香濃嘅胡椒味😀飲落雞湯味好出 但又有淡淡嘅胡椒味！雞件好嫩滑！☺️飯索哂雞湯味好正！🔆炸脆脆蝦膠豆卜(3件)   $22上次唔舒服冇食到 今次就叫返啦😎幾乎見到每一枱都有食到嘅小食！豆卜炸到脆卜卜 面頭有蝦膠！又有脆嘅口感 又有爽口彈牙嘅口感！🤣🔆秘製酸菜腩肉荷葉包  $40店員推介小食可以試吓佢哋嘅荷葉包其實就好似刈包咁 軟熟嘅包皮包住酸菜&腩肉啲酸菜爆多🤣加埋千島醬 好開胃！腩肉係似五花肉多啲 雖然有肥膏但一啲都唔膩！加埋酸菜就啱啱好了！味道: 7.5/10賣相: 7/10地址:尖沙咀厚福街6號地舖…查看更多