糟糕島民的个人专页

book位嘅時候話星期五六日嘅預約已經full晒，心諗唔通又係團購騙案？無奈之下只好book星期二8:30食之前睇見咁多食評話好差，都叫班fd去之前做好心理準備點知去到嘅情況同其他人口中嘅劣評都相差幾遠book位時已經奇奇怪怪，我一個鐘之內打左去四次，佢每次都好聲好氣咁幫我查時段早到左15分鐘都立即有位坐，時間照樣由8:30~11:00，坐位唔迫，最重要係座位下面有地方比你放袋選擇方面不過不失，係唔叫多但樣樣都有D，有魚有牛有豬有雞有波蘿有串燒有粟米有菜有蜆等等，全部食過晒都差唔多飽唔係話幾好味，但又唔會唔好食，調味唔係好夠不過枱面有唔少調味料(七味粉胡椒芥末鹽海鹽等)，自己調味都ok，不過幾考食家功夫服務方面，之前聽聞得熱水，所以大家都有自備飲料，待應見到都只係叫我地唔好咁揚冇話唔比空碟收得幾快，可能因為出入口人多？每燒兩輪就叫佢地換一次pan都好快換待應態度都冇乜話差定好，畢竟野食係自己拎飲品自備，唔係好需要佢地出面D肉盤一空左就有人換，除左海鮮少左D，問題不大總括而言，不過不失，但由於抱住中伏嘅心態上去，反而喜出望外…查看更多

啱啱食完番到屋企，就算眼瞓都要寫完呢篇食評先，如果唔係實在對唔住我隻憤怒鳥之前上網買團購嗰時重係舊鋪，見其他人嘅評價唔錯就買左八人份打算兩家人一齊去食點知之後轉左新鋪評價一落千丈，出發前已經好擔心，點知！真係"沒有最差，只有更差！"首先係張落單紙，得四張(便條紙size)！？之前買嘅時候話有嘅甘蝦啊雞肝啊和牛啊，要乜冇乜問佢點解，佢就拎左另一張出黎，想點嘅喺晒上面，但加左句"團購客每點一種需另加$20"！！！錢已經比左，肉在跕板上只能任人宰割。好啦落完單等上，８個人叫２０塊三文魚唔過份啊？點知第一碟上刺身唔夠十塊....好，我都算啦，食放題叫野冇比足都唔係第一次再點知，上左一碟刺身之後，過再半個幾鐘都冇再上過任何野！連水都冇人加(冇錯係水，茶都冇)！！！！咁唔催佢唔通等天光？又點知只不過係叫佢一次，個男侍應就已經咁答我：「啦喇等多陣咪上比你囉！」好！我EQ高，我忍！（腦中浮現華仔嘅今時今日咁嘅服務態度.......)之後再過十分鐘都未上，只好再落單，誰不知今次張單嘅腐皮壽司立即就到，即係咩意思？即係之前落嘅單除左唔夠十塊刺身之外，全部消失晒........之後不停落單又落單催單又催單，終於上左串燒（都係唔齊！），但係Ｄ肉又乾又鞋又老，咬一淡已經冇晒胃口，自己整都好食過佢再來一碗佢地稱之為"拉麵"的食物，根據我十幾年經驗，那絕對係一碗公仔麵！！，而且冇連料都冇！有冇搞錯！？當我傻架！？好！我都忍佢，因為我有理由相信碗公仔麵會好味過真係佢地自己整嘅拉麵......等等吓我地發現，坐左個幾鐘頭，叫左咁多次叫左咁耐，連天婦羅嘅粉漿都未見過！！好啦喺我地再三催促之下，終於上左碟..........佢地稱之為"軟殼蟹天婦羅"嘅"物體"問佢可唔可以換，佢就更加語出驚人！「係咁架啦，你要食就食唔食罷就！」What the [嗶]!!!!我冇立即反枱可見我EQ實在高得驚人.....咬落去，先不說係涼嘅，口感就好似放潮左嘅蝦片，冷油味道更是令人作嘔......二話不說就吐了出來.........要我稱"呢碟野"做天婦羅，根本就係叫我得罪所有日本人我真係第一次去食放題，叫佢之後唔好放任何炸野上枱.........其間有一段小插曲，旁邊有一枱人埋單，有個男侍應行埋去，以下是其對話男侍應："唔準走住，要食晒D野先" (粗聲粗氣)客人："我唔想食啦咁點？" (不滿)男侍應："要食晒枱面D野先！！"(凶神惡剎)客人："你講咩話！？" (吵架口吻)男侍應："我話要你地食晒枱面D野先！！！" (吵架中)之後再嘈左幾句，個男侍應就冇理佢地直接走左，客人錯愕了.......…查看更多

以前我家姐有睇過佢D短片學整蛋糕，又係電視見過佢教人整甜品，睇佢D成品個樣相信都應該幾好食見到網上有coupon賣幾抵，就一次過買左好多張成班人一齊去點知大失所望！首先係時間，話就話一個半鐘任食，落一張單等左九個字都未有野上黎，又唔係即製，我自己去廚房慢慢揾都唔洗咁耐啦第二張單D野黎到，時間都已經過左，冇機會落第三張走嘅時候，根本同冇食過野冇乜分別食物質素就更難以想像，難以想像佢點解可以開班教人，重咁多人去報芝士蛋糕有兩種，但兩種冇味，除左"漏"都只係"漏"心太軟冇心，連普通朱古力蛋糕都不如馬卡龍唔知落左D咩，竟然有藥味焦糖布甸又唔凍又唔熱(~室溫)，而且好似隔夜咁，又實又硬最離譜嘅係泡芙，入面乜料都冇！只得麵皮！而D麵皮連面包都不如......朱古力蛋糕都叫食得落口，不過都只係因為我頂得順酒味先食得落，我細妹話食落去好似飲阿爸D白酒咁(明顯落得太多酒)唯一一樣好味嘅係曲奇，不過都只係曲奇拼盤入面嘅其中一種唉......反正令各位朋友失望了早知唔貪嗰少少便宜買咁多張coupon，得不償失還不如買材料自己整好過…查看更多

聽聞尖沙咀又開左間明將又聽聞明將在剛開店的時候會有一定水準(超市水準)再加上銀包缺水就決定去試一試這間新開張的廉價壽司店由於事前冇做調查，只靠打電話向店員問路，所以都揾左好耐先揾到間店不過到達後唔洗等位直接入坐(根據過往食明將的經驗，以為冇個半鐘都唔洗入)，感覺良好可能因為太晚，店內人客不多，地方還算舒適食物方面名經久傳的紅豆軍艦和咸魚壽司等都不在列上反轉壽司碟，壽司會掉下來用筷子夾起來壽司飯亦不會散可能因為係新店，師傅刀工冇老店好，所以魚生都還算有一點厚度味道......就見仁見智啦我們只點了很普通的壽司來吃(三文魚xN, 鰻魚xN)，可以接受倒是那個腐皮船&和牛壽司出乎意料之外，賣相同味道都超出超市水準明將的水準一向是隨時間直線下跌的想吃正常廉價壽司的話，要快D去啦…查看更多