travellers.foodies的个人专页

夏天真係好需要食啲凍嘢😂呢間之前好似Hit咗一排 最近經過附近就去咗試吓不過佢位置都有啲尷尬 我會話係介乎尖沙咀同佐敦之間?!買完可以一路食一路行去地鐵站 行到就差唔多食完喇🤣🤣🤣🥢伯爵茶froyo呢個係佢幫你配搭好嘅 以伯爵茶為主題底部係伯爵茶奶凍之後會有一塊伯爵茶曲奇同幾粒伯爵茶麻糬個奶凍茶味都算幾出 但係可惜去到最後先食到麻糬就麻麻哋 冇乜煙靭嘅感覺 偏硬個froyo其實幾好食 但老實講 我就覺得材料方面好似緊手咗啲嘅🙊…查看更多

今日同朋友放假，專登去太子嘅 八不壽喜燒 食飯本來打算食壽喜燒，但天氣實在太熱🥵，見到menu有好多其他日本料理，即刻轉plan，諗住試下佢哋嘅小菜，結果真係有驚喜！刺身拼盤 🐟🦐，有三文魚、魷魚、甜蝦同北寄貝。每款都好新鮮，三文魚油脂豐富，入口軟滑甘香；魷魚爽口彈牙；甜蝦鮮甜帶少少黏口感；北寄貝脆口清甜，每樣都食到海鮮應有嘅鮮味～燒蠔 🦪 真係必試！加咗wasabi同芝士一齊燒，入口先係芝士嘅濃香，再帶少少wasabi刺激感，完美中和蠔嘅鮮味，夏天食超開胃！麵豉湯仲有兩粒大蠔😆燒鰻魚 🐟 厚肉又多汁，燒得剛剛好，帶少少焦香，配飯一定一流😁 (可惜我地無叫飯😂)最後係芝麻醬烏冬 🍜，麵條煙韌掛汁，芝麻醬香濃但唔膩，仲有蟹柳同青瓜🥒，清爽解膩，食到尾都覺得舒服～整體嚟講，水準唔止得壽喜燒咁簡單，其他小菜都好有特色，夏天嚟食完全啱哂！👍…查看更多

金巴利道勁多韓國餐廳見到呢間裝修幾有復古feel 座位又相對寬敞就簡咗呢間試下新嘢🤪🥢漢城紫菜飯卷識食一定係嗌김밥 去韓國真係必食🤣 鐘意佢唔會有咁多花巧野 真係比返傳統飯卷你 喺韓國食早餐嘅回憶返哂嚟🥰🥢牛肉炒粉絲份量足 粉絲條條分明 唔會黐埋一舊加上麻油味香 食吓食吓 成碟就食咁就食晒🥹🥢雞肉韓式套餐呢個擺盤真係勁有畫面最鍾意佢個海帶湯 真係同韓國嗰啲好似套餐附上嘅四個小配菜都好正就算唔係嗌呢個韓式套餐 每一枱都會送上三款小配菜 我哋仲refill咗添😆價錢嚟講都算係平價抵食 仲keep住有特價尤其佢哋唔係賣啲打卡嘢 真係算係比較傳統嘅韓國餐Menu都有好多唔同種類嘅食物 唔怪得當日見到咁多後生仔嚟食😆又搵到間餐廳 下次可以帶韓迷aka我媽嚟食喇😂…查看更多

同龍城嘅緣份要追索返去到疫情嘅時候因為公司叫咗佢嘅外賣嗰陣先第一次認識龍城 (當時係銅鑼灣分店)仲記得當時係食佢嘅牛脷焗飯啲牛脷厚切又淋不在話下我一個小女子都清晒成兜焗飯 因為真係覺得好正隔咗咁多年今次去開尖沙咀做嘢叫咗佢個咖喱牛柳粒焗意粉一樣都仲keep到個水準！意粉仲要唔係普通茶餐廳 煮到漲晒嗰啲意粉咖喱汁又惹味咁熱嘅天氣之下我最care嘅都係我杯凍檸茶啲冰會唔會溶晒。。。係無嘅！係典型茶餐廳檸茶，而且夠凍☺️生意難做，而家出開去都會幫襯吓因為真係唔想一間咁好食嘅餐廳又執笠😫臨走仲俾個侍應問我好唔好食😂唔知係咪香港人唔慣被問候😂 都真係好錯愕🤣🤣🤣…查看更多

今次終於唔係去食Cafe喇🤣搵咗啲特別嘢試 就係呢間喺佐敦嘅印度fusion菜😆感覺上都應該係幾正宗 見到侍應同老闆都係外國人😂🥢雞肉餃子momo 今次食飯叫前菜 特登想叫啲特別嘢 所以叫咗蒸雞肉momoMomo其實即係尼泊爾餃子🥟 作為餃子控 梗係要試埋呢間嘅餃子啦😆 雞肉餡料好飽滿 裡面落咗特別嘅香料調味 所以好開胃🤩 而且每隻momo都好足料！正！平時食餃子就點醋或者豉油 今次呢款momo餐廳就配咗佢地特別整嘅醬料 少少辣 更開胃🤤🥢招牌烤雞 (半隻)招牌果然係唔同啲 外皮烤至金黃香脆 雞肉唔會太乾配搭烤薯 蛋黃醬帶微酸 卷心菜沙律清新爽脆Balance返 食完都唔會覺得太膩好少可我哋連啲配菜都全部清晒🤣🥢咖哩羊腿 配 蒜蓉烤餅個烤餅真係不得了！蒜蓉味好出又好煙靭 熱辣辣真係食到唔停口配埋咖喱汁好惹味羊腿都好正 嫩滑又大大嚿 …查看更多

真係唔係講笑 已經book咗平日夜晚8點一出𨋢 門口成層都係人 排緊隊入座🥢火焰燒雞見到佢有呢啲點火環節 就知啱晒我呢啲鍾意gimmick嘅人🤣成個環節一氣呵成滿足晒我哋打卡嘅願望🤭隻雞燒完之後仲係好滑真係keep住係咁食😋🥢咖哩三重奏呢個都係佢嘅招牌菜之一有三款唔同嘅咖哩 紅咖哩 黃咖哩 青咖哩配搭唔同嘅海鮮例如青口 蝦 軟殼蟹 扇貝等等 我自己就最鍾意食青咖喱🤪🥢半打串燒雞牛豬唔該每樣嚟兩串🥹食泰國嘢 一定要食串燒嘅😉仲嗌咗一杯青檸梳打同一杯荔枝梳打叫咗少甜 甜度適中環境比想像中寬敞員工都好helpful絕對有下一次啊👍🏻…查看更多

前排收工去左油麻地打邊爐，佢地除左火鍋仲有雞煲食，我們選擇了蕃茄沙嗲湯底鴛鴦鍋，湯底鮮甜沙嗲味好重❤️一坐底就試左佢地既美國桶蠔，好大隻！鮮嫩多汁，大滿足封門柳肉質嫩滑，配上湯底調味，更惹味！另外當然不少得豆腐，豆腐入鍋後，吸收了湯底的味道，口感滑嫩！餐廳環境幾大夠闊落，仲有落地玻璃透光度十足，店員服務態度幾好，好貼心，成日都幫我地加湯底，我地同行有個BB 仔，佢地仲會同BB 玩，好Sweet 呀！呢間食物質素好，服務又好，下次會再來，值得再試😉…查看更多

一直知道呢間係中環打工仔嘅飯堂咁啱今日過開嚟中環 又未到食飯時間 就嚟試吓呢間茶記啦環境上都比較細，我諗如果真係正值午飯時間嘅話應該都幾難等位佢最出名應該係炒公仔麵但係因為我真係食唔落炒公仔麵，但又為咗一試佢最出名嘅豬扒，我就叫咗個豬扒煎蛋公仔麵嚟試吓隻蛋燶邊半熟塊豬扒掂啊！我覺得係半肥瘦嘅，食落去係真係舒服味道上個汁好正真心覺得如果我係中環返工嘅話，應該會成日嗌佢哋嘅外賣嚟食🤣🤣🤣食完之後更加想試佢哋嘅炒公仔麵係咩料…查看更多

呢間真係意料之外搵到嘅餐廳話說當日喺圍方行嚟行去都揀唔到食咩好彩有行到呢一間最邊邊嘅餐廳見到啲款式都幾多就入咗去試吓🥢明太子蟹肉意粉佢已經將明太子蟹肉同埋忌廉撈咗一齊真係啖啖都食到蟹肉同明太子好creamy 又掛到汁 每啖食落去都好滿足🥹🥢抹茶鮮奶抹茶鮮奶稍嫌唔夠濃覺得抹茶同鮮奶好似溝唔勻咁 呢個就有少少失望不過今次自己一個人嚟食 食唔到佢嘅甜品🥹真心好想試吓佢啲pancake每個睇落去都好吸引好邪惡真心要搵人一齊share先得🤭…查看更多

減肥期間出街食真係好大引誘啊😶‍🌫️🥢鮮活蜆石燒手打烏冬叫咗個感覺上冇咁邪惡嘅手打烏冬佢鋪滿咗滿滿嘅蜆 每隻都好大好飽滿個湯其實就唔應該飲嘅 😅不過我都試咗一兩啖 好濃郁好正 🥰🥢關西風石燒流煎餃子餃子相對上就冇咩特別而且日式餃子對我嚟講唔係太吸引🥢岩鹽燒牛舌呢個又好食喎👍🏻佢牛脷厚切得來食落又好爽環境方面就冇得講㗎喇喺旺角通菜街呢啲位嘅食肆都唔會太寬敞我哋亦都算好彩大概8點鬆啲去到 等咗位五至十分鐘就可以入去…查看更多

呢間餐廳真係久仰大名見佢OpenRice咁多好評一直都好想去試吓今日終於搵到人陪我去食喇🥰🥢慢煮牛柳配新鮮黑松露片牛肉原汁開頭都有少少驚唔夠飽但係食落去就啱啱好👍🏻個慢煮牛柳真係好正 唔會煮到好嚡肉味又夠 連個火喉都控制得啱啱好最正係連個薯蓉我都覺得好食 成碟食得勁乾淨🤣🥢燴蕃茄牛面肉扁意大利粉首先一放上枱已經覺得好精緻擺盤擺得好好 食落去牛面肉好腍🥢焦糖朱古力撻呢個係是日甜品嚟嘅我哋本身都有啲擔心佢會好甜 但係係唔會嘅😂甜度適中 唔會好漏 朱古力都好smooth…查看更多

呢間觀塘嘅樓上Cafe出名就一直都知見佢OpenRice咁多好評都有少少驚係過度吹捧不過去完一次之後 已經安排下一次返兜再食🤣今次就一次過講晒我哋呢兩次食過嘅嘢啦🥢蒜香蟹肉意粉呢個係連續兩次大家都不約而同首選嘅意粉我哋第二次仲直接嗌咗兩碟 驚唔夠分佢啲蟹肉好多 每一啖都食到蟹肉 而且有啲加咗少少辣味 都幾惹味🥢黑松露忌廉雞肉蘑菇燉飯/明太子忌廉大蝦燉飯黑松露味都算重 而且好Creamy明太子就失色咗少少 冇咩特別🥢茄粒醬雜錦海鮮pizza/ 自家製千島醬慢煮雞肉香草pizza/ 火箭菜西班牙風乾火腿pizzaPizza嚟講其實餅皮唔算太好食 要講好食嘅pizza我諗會有更多其他嘅選擇但係佢個Pizza上面嘅材料就真係好大方舊雞肉係可以有成半塊Pizza咁大海鮮pizza又啖啖都係海鮮相對上火箭菜嗰個Pizza走失色咗少少喇🥢鹹蛋黃薯條呢個又係連續兩次都有嗌嘅小食一上碟真係好大兜 好壯觀 第二次嘅鹹蛋黃比第一次多 相對上亦更加好食🥢椰子咖啡碎冰呢個打卡都係一流 又大杯聽朋友講都算幾好飲 連續兩次都嗌咗佢啊😝…查看更多

自從無喺銅鑼灣返工之後 就比較少過海了今次聽聞呢間係好隱世嘅餐廳 又見佢sell九唔搭八 完全同我嘅style好夾🤣 就一於去試吓啦🤣🤣🥢Pan seared octopus 🐙 呢個章魚真係有驚喜章魚好嫩唔會乾 仲有魚籽同羽衣甘藍最正嘅係佢個汁 酸酸甜甜咁 食落去好開胃 好有記憶點🥢Crusty escargot 🐌 呢個田螺又係好出色佢個田螺同啲醬好夾 係香草同忌廉咁最搞笑係佢個殼都可以食得嘅 有少少似粟米脆片啲質地好彩店員提醒我哋連個殼都食得，如果唔係就嘥咗啦🤣🤣🥢Carbonara chinese style其實都唔係第一次食呢種臘味嘅卡邦尼今次嘅臘肉係真係一片片，而且有肉汁唔會好乾身成個卡邦尼嚟講都唔會好鹹，而且係用扁意粉整體都幾特別💕🥢 Cod fish fillet 呢個魚係餐單上冇嘅外籍店員介紹餐牌嘅時候都好細心好仔細甚至推薦我哋食呢一款新出 餐牌上無嘅菜式我哋見佢講到好似好正咁 都忍唔住想嗌嚟試吓😆佢個魚嘅肉質好嫩 旁邊係墨魚汁 仲有一個煙肉薯仔薯仔係以條狀形式 好有咬口服務嚟講真係好好 店員好細心 做嘢亦都好爽手而且成個環境氣氛 都好適合同三五知己摸吓酒杯 傾吓偈🥰…查看更多

去完福岡食咗個好好食嘅燒肉🤤突然燒肉癮起 即刻上網搵下香港有咩好食嘅燒肉見呢間小店好似好多食評啲相又好似好精緻就去咗試吓😆叫咗個極上和牛盛會二人前 $698首先佢會上咗一盤沙律先我哋就幾鍾意嘅，佢成份沙律有生菜同羽衣甘藍，加埋胡麻醬，食起嚟非常清爽👍🏻🥢前菜三品好有儀式感🥰其實店員解釋得好詳盡，好清楚佢哋嘅商品其實係有甜酸辣三款分別係炸鮮奶 蟹柳同埋辣帶子裙邊🥢主食咁佢嘅肉分別就有日本九州A4和牛上前腿肉，澳洲和牛封門柳，同埋九州A4和牛三角胸我哋首先食咗牛上前腿肉先，呢個真係入口即溶。1秒返返去福岡食嗰個燒肉嘅feel，好surprise😝 店員建議味道由淡至濃咁食，第二個我哋就食封門柳封門柳肉質就比較結實有咬口，但係相對上牛嘅味道亦都比較出牛三角胸油香豐富，加埋店員推介醬汁，真係好正亦神奇地唔會太膩趁仲有啲油 我地就落埋菇盛會加埋佢地自家製鹽 正啊💕🥢普洱咖啡呢個係Menu冇嘅話說我哋食完主食之後，店員就俾咗呢一壺普洱咖啡我哋 話可以解膩 因為我哋兩個都係唔飲咖啡嘅，所以聽到嘅時候都有啲驚我哋唔係幾飲到🫢點知試完之後發覺其實茶味比較出，飲完確實係有解油膩嘅作用屋企人都大讚呢一點好細心👍🏻🥢甜品DIY甜品就過癮喇😝其實佢係一個抹茶雪糕嚟嘅咁佢準備好抹茶粉同水俾你，等你可以自己調配抹茶醬，揀返一個適合自己嘅濃度咁當然啦，自己落手落腳玩又再開心啲嘅🥰小店真係唔同啲feel到佢哋好有心做，同埋店員嘅服務真係好好對每一個菜式都有好深入嘅了解，同埋詳盡嘅介紹呢一啲係連鎖嘅舖頭入面真係比較難遇到總括而言，今次嘅體驗都好滿意，臨走仲有得抽獎，拎咗張優惠券，下次可以再帶朋友嚟試喇🤣…查看更多

大圍小館真係聽得多，但係真係真係好難book今次我哋book咗食八點先食到一嚟咩都唔好諗，點都要嗌佢個叉燒🥢第一叉一上枱已經feel到佢啲叉燒好腍然後佢會即場用火槍幫你燒到佢外面焦一啲加埋好多蜜糖🍯外脆內軟 又熱辣辣真係超好食一定一定要嗌！🥢煎鹹魚蓮藕肉餅呢個又係好出色因為佢外面真係煎到好脆 入面有蓮藕嘅爽 但係又有肉嘅Juicy送飯一流👍🏻🥢翠塘豆腐本人見識少 其實我未食過翠塘豆腐🤣本身以為佢係炆豆腐點知係呢一款類似蒸豆腐嘅模式不過都幾好食 又係送飯一流🤭我哋仲嗌咗個粟米魚肚羹放上枱嘅時候都真係幾大碟🤣我哋三個人每人起碼都要飲兩碗但都好似仲有剩🤭…查看更多