愛食的欣女的个人专页

行完街好累一定要食好野滿足自己嘅胃。欣女今日想食泰國餐，朋友強烈推薦呢間。果然無介紹錯。咁靚嘅環境食泰國野真係比較少有。通常食泰國野諗起九龍城，或者一啲裝修無咁靚嘅餐廳。但呢度嘅環境真係好加分。重點係咁好嘅環境，價錢仲好合理。都幾抵。好肚餓，叫左金邊粉黎食。靚靚擺盤，吸睛。有大蝦俾你，足料。金邊粉炒得夠火候，味道香，濕度啱啱好。口感彈牙，好耐無食過好味有鍋氣嘅金邊粉。香芒軟殼蟹米紙卷。有驚喜！首先口感香脆，味道係新鮮嘅軟殼蟹。同芒果原來好夾，加埋蔬菜係入邊，多左清新嘅味道。呢個真係要encore！泰國街邊豬肉串。去到泰國必食。今日終於俾欣女食到。除左惹味熱辣辣之外，只可以用好爽黎形容。好滿足好滿足。食完今餐都真係好似去左泰國咁。好東南亞熱情嘅環境，價錢又合理。性價比高嘅餐廳，欣女會返兜，因為欣女真係好掛住好掛住泰國。…查看更多

至從疫情，已經好耐無食過自助餐。今日難得放假，食一食雞煲過下癮。我鍾意呢度夠空間。坐得舒服，而且裝修都唔錯。重慶雞煲惹味又香。雖然天氣依家好熱，但坐係呢度冷氣夠凍，無野可以阻止到香港人想打邊爐嘅決心。雞肉質地順滑，味道濃郁。加左少少辣，所以食得好開胃。好想再encore雞煲，整得好好味。食完要繼續打邊爐！肥牛任食，新鮮有夠滑。依家電子落單真係超方便，又環保！食左好多靚肥牛。蔬菜，丸，應有盡有，已經好耐唔食得咁開心咁放縱。仲有呢個特別嘅響鈴。浸一浸個湯底，脆身又吸晒啲汁。已經encore左幾個。出邊仲有好多唔同飲品自己攞。食完仲有甜品！開啟第二個胃。食得好滿足。好抵食又多樣化嘅食物，係一個好值得再回頭嘅餐廳。…查看更多

今日放假，決定係荃灣黎個美食之旅。講到美食。好掛住樓下既瑞士雞腿。冰室依然保存住好多懷舊野。冰室夠大，冷氣夠，作得好舒服，好chill。瑞士大雞腿。成個雞腿咁大隻。見到都興奮，雞腿好伶身，發光，外觀好靓。雞肉好入味。瑞士汁入晒雞肉。好濃郁。汁同出邊唔同，有陣甘甜既味道。好特別。濃郁既瑞士汁，唔怪得係招牌菜。有好多瑞士汁係個碟度。可以點其他野食。因為呢個汁真係太甘香。滑蛋叉燒飯。成盤都係蛋。好大份。啱啱整出黎，好香好熱。叉燒加滑蛋真係超好既搭配。滑蛋既質感滑又痴痴地，蛋味又香。好好食。叉燒有啲部位係有少少肥肉，更加滑。呢個飯煮得真好。醬油撈上去，簡單但好味。綠椰冰。呢杯凍飲係冰室必飲。所以就叫黎飲。椰汁味好濃。粒粒綠豆係底，好多。椰汁陪綠豆好奶好滑。飲完好舒服。…查看更多

欣女去完日本食左燒肉就好掛住牛肉。今日食左個大塊牛扒。餐廳係自助形式的。首先去收銀揀扒，睇下要咩部位，跟住要幾重，餐廳按重量計算價錢。揀左西冷。之後攞牌等佢響。餐廳好有日式食鐵板牛扒既餐廳feel。好快西冷就整好。哇，滋滋聲，流晒口水。西冷真係好大塊。而且價錢都唔貴。切開個西冷，入邊熟得啱啱好。牛肉好多汁，仲好熱。牛扒本身新鮮，無雪櫃味，所以整半熟完全食到個好靓既鮮味牛扒可以點西柚汁，甜味十足。如果想令牛扒再甜啲，可以自己加鹽，同埋胡椒粉。全部都係自助自己黎。食得好滿足。salad餐配埋野飲。芝麻醬好開胃，完全啱我口味。唔想食飯澱粉質，呢餐最啱自己減肥食。味增湯，好暖又開胃。好彩黎得早，之後見到有人開始排隊。呢間算係好新鮮既牛扒，價錢好，野食靓，性價比真係超高既一間牛扒店。…查看更多

欣女聽講呢間泰國餐廳野食都好靓，味道又好，特登過黎朝聖。估唔到太和有間好靓既泰國餐廳。入到去就見到架木船，周圍都裝修得好靓好精緻。木瓜沙律。看似普通既沙律。第一口已經充滿開胃既味道。木瓜切絲口感好爽口。有蘿蔔絲，口感更甜。辣椒好開胃，酸酸甜甜既汁，沙律既味道調得啱啱好。好開胃既頭盤。小食拼盤。拼盤有炸蝦餅，春捲等等。啱啱炸出黎。香噴噴，點點泰式酸辣醬。好開胃！好正宗既泰國野食。菠蘿炒飯終於黎啦。好霸氣呀！真係整個菠蘿隊過黎。擺設都好有心思。兩個新鮮大蝦，加埋菠蘿串係側邊。好夏天好泰國。炒飯好好味。除左有樣，內涵都有！呢個菠蘿炒飯真係入得廚房出得廳堂！側邊有肉鬆。炒飯有陣酸甜既菠蘿味，同肉鬆一齊食好好味。香茅特飲。好清新既飲品。清新既香茅味，同檸檬既酸味。飲完欣女覺得好爽。第一次飲香茅飲品。估唔到味道好好。夏日巴東海灘。椰青加菠蘿。飲左一啖，椰汁既香味濃郁咁滲入個口度。好濃好舒服。飲到椰青既清甜，加埋椰汁既濃郁香味。呢個係我飲過最好既飲品。整得真係啱啱好，perfect！…查看更多

觀塘其實有好多好味既茶餐廳等人發掘。今日係呢間冰室有個愉快既美食旅程。見到餐廳黃色柔和既燈光，入邊既氣氛睇落好好。入左去覺得好舒服。欣女有啲肚餓，於是見到鐵板餐就叫個鐵板北海道帆立貝雞扒黎食。配左個蔬菜。好大份！雞扒超級大。鐵板好熱，煎得雞扒既皮好脆。雞扒煎得好好味。好有水份，而且仲好夠味。仲有好多青菜係下邊，好健康。北海道既帆立貝好新鮮。口感彈牙又甜。煎完特別香海鮮味。落左洋蔥汁之後，所有既野食更加甜。味道更濃，好味又抵食既鐵板餐。有碗忌廉湯可以飲。湯入邊加左菜，難怪忌廉湯有個香味，原來係菜既甜味。之後欣女食食下就想飲杯野啦。冰室原來有生果茶。好多生果擺埋一齊。茶味濃，加左生果既甜味，成個果茶好清香，好順口。冰室都可以整到咁好味既野飲，覺得好滿足。好飽既晚餐，唔洗100蚊。好抵食！…查看更多

海洋顏色既冰室，的確好搶眼。冰室廣闊，全部都係女侍應，給人好溫柔既感覺。因為出邊有啲凍，所以要左杯熱鮮奶暖一暖肚。北海道熱鮮奶味道真係同平時唔同。陣奶味好濃厚，奶香味特別強勁。好滑好奶既熱鮮奶。飲完一定好好訓。瑞士汁乾炒牛河。陣鍋氣攻鼻，好麻甩又不失霸氣既牛河。牛河炒得滑，河炒到香，完全蓋過曬鹼水味。瑞士汁炒既乾炒牛河味道帶少少甜味，令牛河更加開胃。甜味真係好關鍵。欣女覺得這個乾炒牛河係好味既。牛肉爽滑，炒得有水份。好抵食又好味。蜜糖雞翼有6隻咁多。炸到皮超脆。而且乾爽。蜜糖自己加，加左層皮吸左少少蜜糖開始有少少軟又脆既口感，非常好。雞肉滑，juicy。簡單既蜜糖雞翼整到好細緻，好好食。價錢合理，野食又食得飽。呢間冰室都算有8分！…查看更多

話說呢度既甜品好好味。想食好耐，終於搵到鍾意甜品既朋友一齊食。草莓蜜糖磚塊見到都流曬口水。一黎真係嚇親，同menu一樣樣。好大好靚。咁靚自己一個都食得曬。cream都充滿住草莓味道。鬆脆多士同雪糕擺落口既感覺好美妙。多士香，蜜糖味重。成個甜品好好食。雖然好多但完全唔覺得飽，而且佢唔會漏，所有野都配合得啱啱好。食完甜品，再食牛肉麵。湯底少辣，辣味唔算刺激，所以開胃。好傳統既牛肉粗麵，口感彈牙。牛肉煮到質感軟又順滑。入口係有好香濃既牛肉味，霖得黎又有口感。整得好之餘，牛筋都keep到好爽口。真係好一碗牛肉麵。鹽酥雞得意之處，係有六種唔同口味既粉任自己添加。一次過食左好多唔同味既鹽酥雞，滿足曬大胃既我。鹽酥雞香脆多汁，俾8分。鹵水雞腎爽口。鹵水完全入曬雞腎度。味道好夠。彈牙既雞腎，令人諗起係台北既旅程。豆腐皮蛋幾新穎。呢個菜色有創意。凍豆腐同皮蛋俾人清新既感覺。肉鬆既味道同豆腐加埋一齊，香得黎又有皮蛋既粉粉又濃郁既感覺。好fresh。兩個人飲一杯水果茶。清清地，味道清甜，茶味濃。清下口，又夠凍，感覺好舒服。餐廳野食好好味，好掛住台灣！…查看更多

俾欣女印象深刻既就係呢度既員工。有禮貌同埋動作快。寫完餐紙唔洗叫就即刻自動過黎攞。檯面唔會擺得好多野，因為食完侍應就會過黎收，留返個舒適既環境繼續享受。先食個小食枝豆。可以去前面攞。食幾多都無所謂。枝豆一定要配啤酒，主食未黎欣女已經食到好high。欣女鍾意食壽司。鵝肝帶子呢個組合係可以直接融化我既心。鵝肝既肥油香為壽司添加左好多色彩，停唔到。芝士蟹柳都係必食。黑松露蝦壽司又係係香港先食到。黑松露陣濃味同壽司配搭得完美。蝦肉本身甜，好豐富既味道。欣女對呢個得意仔小型海膽手卷好唔捨得食。好迷你，適合唔多食飯既我。海膽好甜好滋味。雞軟骨叫完又叫。爽口既感覺令人上曬癮。芝麻雞翼同榴槤炸彈都係每次放題的不二之選。可以任食鰻魚係放題既大恩惠。好多放題未必俾你任食。鰻魚新鮮又燒得好正，一定會encore既野食。天婦羅又係放題點都要食。呢度炸得好脆，蝦肉又多汁又彈牙，好味。食完就俾另一個胃滿足下。就係自製既乳酪雪糕。自己可以放朱古力上去裝飾。不過欣女整得唔好，但味道係好好食架！…查看更多

平時食開午餐。今日係度食晚飯，先發現晚餐特別多選擇。有芝士包，焗飯，石窩飯，扒等等。搞到唔知食咩好。揀左好耐終於揀到個水牛芝士忌廉軟殼蟹海鮮焗飯。軟殼蟹霸氣企係芝士上，芝士下邊埋左好多海鮮。見到拉絲既芝士已經好興奮。芝士落足料，好香。海鮮包括有章魚，蝦仁，青口，魚，蟹柳。海鮮新鮮，芝士味香濃。這個海鮮焗飯真係好味。軟殼蟹上邊有芝士粉，咬落食到芝士香味同軟殼蟹既鮮味。口感脆口又夠熱，炸完都咁多汁。鍾意食濃味野既時候叫杯熱檸蜜。清下個胃，之後再食。蒜香蜜糖雞翼。雞翼皮脆，上層乾身爽口 i，蜜糖甜味入左雞皮。好好食。蒜粒又脆又香，增加左個口感。欣女食緊呢個小食既時候係好熱好香，真係好好食。好開心呢間餐廳永遠都咁多野食又整得好食。…查看更多

荃灣茶餐廳個個野食都差唔多，但要脫穎而出，野食一定要有自己特別既一面，同埋最重要好味。碟頭飯黎講，個金牌牛腩飯都算大份。得一塊薯仔，全部都係牛腩。個金牌咖喱一食就知道落足料。食到好多種材料，八角都有放落去。好香又濃郁。咖哩唔會辣，但香味十足。牛腩質感軟滑，吸左咖哩汁，特別入味。好多塊牛腩，食完都覺得好飽。要杯熱檸蜜清一清胃。好多檸檬好開心。最後欣女要食佢個瑞士雞腿。雞腿好大個，睇到都興奮。雞腿肉已經入曬味。瑞士汁好濃，陣糖香味聞到都覺得好香，食落更加美味。雞腿浸係瑞士汁應該好長時間，雞肉水份多，又滑。味道同口感真係一流。…查看更多

難得去大圍踩完單車。燒左好多脂肪係要食下啲美食慰勞自己。欣女入到去覺得好舒服。主要係呢度俾人感覺空間夠大夠grand。踩完單車好累但一入黎好似去左另一個地方，同大圍完全唔同，我今日去左義大利。不嬲迷上黑松露，所以黑松露野菌意粉已成為首選。有個甘係意粉上邊，好得意。見到大大粒既帶子同海蝦就好開心，因為好耐無食海鮮。帶子新鮮，啱啱好熟，所以特別多水份。海蝦又整得夠爽口，大粒又甜。食埋個意粉，黑松露味真係好香，意粉彈牙又唔會好乾，煮得好香。欣女無揀錯黑松露意粉，乾身得黎醬料又夠，有海鮮，口感絕對豐富。食個甜品蘋果樹。好靚呀整得。糖霜整既M3，呢個設計好靚，所以我早已攞黎呃like！酥皮餅底焗完特別香脆，加左雪糕係上邊都仲有少少熱，口感好。雪糕下邊有蘋果。淡淡的蘋果味令到我好似食緊個雪糕蘋果批。呢個蘋果樹味道真係好，又靚。雪糕滑，第一次食蘋果樹，原來m3甜品都整到咁出色。…查看更多

係愉景新城見到角落位有個森林大自然既餐廳，環境真係唔錯。坐係入邊個感覺勁舒服，唔想出黎。平時係屋企整開smoothie既我，都想試下人地既smoothie好唔好飲。藍莓香蕉smoothie好滑。沙冰幼，味道唔算好甜，係我鍾意既原汁原味。藍莓無藥水味，smoothie味道有8.5分。食個set晚餐先。西湯係黑松露湯。味道濃郁，飲落好滑，好舒服。溫度唔太熱，易入口，又食到陣濃郁既黑松露味，欣女好鍾意這個西湯。欣女第一次見到終於有西餐廳用藍蟹肉整意飯，好期待。一個看似普通既意飯，但食左一啖發現真係好感動。蟹肉既味道係超濃郁。齋睇意飯既顏色係完全估唔到意飯係咁有蟹肉既鮮味。蟹肉味道搭配露筍既口感同味道好夾，完美！意飯吸曬蟹肉鮮汁，而且意飯口感係欣女鍾意既。飯中間熟曬，但飯唔爛，煮得啱啱好，真係超好味。食完欣女覺得其實好食又價錢合理既餐廳算少，但整得咁好味價錢又唔算貴既餐廳真係好難得俾我搵到！…查看更多

欣女都幾鍾意食小菜。半隻頭抽雞食到好滿足。生抽味勁濃，未擺落口已經聞到陣濃濃既生抽香味。雞肉入曬生抽味道，真係好香。雞肉又煮得滑又juicy。嫩滑又有彈性，味道欣女無可否認係正！冬瓜盅有半個大冬瓜係個煲。好暖又好清涼既湯。冬瓜既清甜味道好好飲，飲開就知煲左好耐既老火湯。入邊仲有好多配料。蝦，豬肉，節瓜，令湯更甜。好夠味既老火湯。欣女好鍾意呢個健康之選。聽聞叉燒一定要食。叉燒顏色靚，可以話係色香味俱全。大舊價錢又唔貴，好味又值得。欣女好鍾意慢慢咬個叉燒，因為陣蜜汁既香味不停係口度，慢慢品嚐每一啖叉燒，越食越好食。住係沙田圍真係有福了。味覺大享受！…查看更多

鍾意食放題既人，一定會追求更好既放題。今日欣女食左最豪華既日式放題。欣女主要係黎食海膽手卷。新鮮既海膽係見到成塊完整無溶化既跡相。而呢個海膽就係正正好新鮮既海膽。食落係有陣甜味，約食約開胃既鮮甜。手卷放左好多塊海膽，毫不吝嗇。海鮮方面，今次主要食蟹鉗，青口。任食既新鮮蟹鉗，欣女把握機會食左好多。蟹鉗甜，食落陣蟹味濃，新鮮程度係難以置信，仲要可以keep住叫黎食。太多野食，所以揀野方面要好謹慎。刺身我淨係食拖羅。拖羅新鮮，肥美，入口即溶，已經不停咁叫，我諗得呢間先有得拖羅刺身任食。high tea set既壽司。帶子鵝肝壽司係欣女最鍾意既壽司。鵝肝油脂味道同帶子融為一體，肥美既口感真係好獨特。其他壽司都新鮮，海膽蝦好彈牙鮮甜。卷物都好多種類。芝士鰻魚卷味道配搭好，鹹中帶甜。牛油果軟殼蟹手卷好脆口，俾人好fresh既感覺。第一次食海葡萄刺身。海葡萄同刺身加埋調味醬一齊食，口感好爽口。好有層次感既口感。蒲燒和牛肉質仲有少少紅，加埋和牛醬就超級好味。欣女瘋狂叫左好多碟。最後有一大櫃既甜品等緊欣女。我不嬲早有準備，留低另外一個胃食曬啲甜品。當然movenpick既朱古力雪糕都唔可以放過。…查看更多