miuzi43的个人专页

安樂咖啡，飲完唔單止唔會安樂，仲會多左好多怒氣～千祈唔好睇到啲相覺得間野好似有啲設計就有意慾想去，咖啡唔覺得有咩咁特別，但係啲職員嘅態度就真係世界級地差。如果你諗住幾個朋友放假黎飲杯野傾下計，Sorry，多人嘅話佢地會唔歡迎你～ 當日我五個人去到，入到去佢話無位，無問題呀，我話我可以等（係呢一刻啲職員無出黎講啲乜，如是者我地繼續等，btw間野係free seating，入面啲人都係搭枱坐)，然後有人走，我再入去搵啲職員，唔知佢係唔係真係好好生意啦定唔想做我地生意，一個冬菇頭嘅男職員第一句同我講就係話「唔方便」，請問你開門做生意有乜野唔方便呢？最後佢地好唔情願咁提議我地分開3/2咁坐。其實另外兩位一男一女嘅職員態度都係差，我地再入去個一刻嗰帶眼鏡嘅男職員對住我地「zep」左一聲，真有趣！之後有5位外國人想入黎飲野，我地後面有張6人枱，有一位男人正在用餐，佢個袋佔左一個位，然後啲職員都好有性格地話無位請佢地離開～如果呢幾位年青人係老闆，我欣賞你地經營呢盤生意嘅性格！如果呢幾位年青人只係打工，我亦都欣賞老闆繼續聘用你地！ 預祝你地長做長有！…查看更多

單刀直入，晚餐套餐性價比高，蛋滑，豬扒即炸係熱同脆👍🏻 見到網上仲未有第一個評價，我食完真心覺得值得一個好評，好想大家街坊都可以支持下，所以先的起心肝打咁多字黃埔有好多唔同類型嘅餐廳，但印象中好似無一間係食吉列豬嘅～呢度晚餐有套餐揀，一個主食跟一杯野飲(咖啡/日本茶)，同時佢仲有一個特飲餐牌，跟餐叫嘅話可以有半價。最後嗌左吉列豬滑蛋飯 + 烏龍奶茶，兩樣都推薦!如果黎開黃埔睇戲/玩都可以去試下～近近地趕時間都唔怕 …查看更多