weishirizhi的个人专页

今日陪男友去佢最愛既茶記食野，呢間茶記既黑松露炒蛋多士，每次黎都必食，多士烘得脆卜卜，搽左層牛油有啖啖牛油香味，炒蛋 好滑溜 一d都唔老，師傅好大器 落左好多黑松露，好正呀。另叫左份芝士豬頸肉撈丁，芝士多到呢，已佔據成碟，啖啖都撈到芝士醬汁，好邪惡呀！芝士咸香味道岩岩好，豬頸肉幾淋身 份量都幾多。叫呢個撈丁仲會送塊厚多士，多士 烘得幾脆，陣陣牛油 香，讚。見到餐牌d飲品名好得意，我叫左杯飛仔華田，個名夠特別之餘，呢杯野仲夠哂重量級添！華田味道好濃郁唔再講，上面有一pat cream、華田餅乾、朱古力 可可脆片同星星蜜糖脆片，呢杯好好飲👍🏻而我男友係非常中意飲奶茶既人，就叫左杯紅豆波波奶茶，奶茶上有兩粒波波，大粒過乒乓球，係用奶茶雪成波波形狀，下面就有勁多紅豆，男友話好正。…查看更多

今日同朋友出發去睇海賊王展覽之前，我地去食個午餐填飽個肚先，呢間主打健康食品，店鋪得幾張座位，大部分人都係外賣多。我叫左個焦糖蘋果啖啖紫薯牛角包 HKD28，呢個紫薯牛角包簡直無敵，已經非常足料，CP值都幾高。個包勁多紫薯蓉，直頭多到滿瀉，非常足料。焦糖蘋果甜甜地 好好味，同紫薯好夾，個牛角包好香脆，入面有勁多紫薯忌廉，但味道唔夠突出，食多幾啖都有d濟。而朋友就叫左份黑松露忌廉蟹肉意大利麵，我都試左幾啖覺得個汁好香濃，亦有唔少蟹肉，啖啖黑松露味，基本上配咩都會變得更好味。…查看更多

琴日係我BF Birthday，為左佢一早就book定masterkama，就係食龍蝦匯 （每日限量供應）HKD398，得確冇得輸，有龍蝦包、半隻波士頓龍蝦、龍蝦 什錦 海鮮石鍋湯烏冬，成個set真係物超所值，要食過就知好正，我都邊食邊👍🏻好好味道。龍蝦什錦海鮮石鍋湯烏冬用石鍋裝上，令到個湯保持鮮味，呢個龍蝦湯得確好好飲，好重龍蝦味，同好足料，有大量蜆肉、魷魚仔、細蝦仔、青口、蟹柳、魚片、海帶、粟米，可配#烏冬 同#飯，我揀左烏冬，烏冬連湯汁一齊食，好正。MAGIC SODA 🍹，呢杯梳打識變色，好神奇。其實杯野飲本身係深藍色，但一加左檸檬汁，個顏色就會慢慢由藍變紫。整個過程得確好玩既，但味道就非常普通，檸檬味加有汽Soda咁既味囉。…查看更多