Qooooooo的个人专页

又到一年一度同雞仔大人慶生的日子，當然不能怠慢今次搵到這間充滿少女心的花花主題餐廳，肯定能滿足她內心的少女情懐餐廳門口已經開始是打卡位，門口走廊兩旁放滿不同種類的鮮花，中間位置有一朶好大造型的花花，視覺上令人賞心悅目餐廳入面有好多卡位，每張枱都放了一瓶鮮花，而為客人慶祝生日的枱就會放上寫上壽星名字的祝福語花花紙牌好窩心。我預訂了繁花生日套餐$1388，有加一收費。首先這個套餐會送壽星一個繁花生日抱抱桶侍應會推來一個大禮盒，禮盒上面有一隻毛毛熊仔負責幫我唱生日歌（笑）當壽星打開禮盒後，裡面的氣球會緩緩升起，之後便會呈現出插滿鮮花的繁花生日桶在禮盒裡，還寫上壽星名字的祝福語及附上生日王冠供影相，儀式感滿滿套餐包：菌菇湯配2片法包 ～ 湯上面有朶食用黃色小花做點綴靚，而且菇味好出，還有菇粒呢，不錯。沙津（2選1）～ 我們揀了蜂蜜烤南瓜沙律， 賣相吸引 沙律菜豐富，伴溫泉蛋撈起食， 但醋多點較好，本人覺得醬汁略油了點。 前菜（2選1）～ 我們揀了麻辣田螺， 辣辣地好惹味 主廚推薦（2選1）～ 我們揀了玫瑰鹽烤鵝肝牛柳， 牛柳好味好腍 無渣配玫瑰鹽一齊食好夾 鵝肝無騷味，不錯。 主菜（3選1）～ 我們揀了黑松露香草烤三黃雞（半隻）配烤新薯， 賣相都不錯， 略嫌雞肉唔夠juicy 肉質較鞋， 烤新薯最失色，口感好淋飲品（4選2） ～ 我們揀了藍蝴蝶及玫瑰馬格麗特 ～ 兩杯飲品賣相都十分吸睛 尤其是玫瑰馬格利特部份杯邊鋪滿玫瑰花瓣， 十分靚 而且雞仔大人話這杯cocktail易入口好好飲而藍蝴蝶味道中規中矩。 侍應會推著花車送上心形生日蛋糕， 及附上皇冠以供影相，又一儀式感滿滿系列真心覺得好靚，好適合打卡 至於蛋糕味道方面略嫌mousse唔夠香滑，蛋糕質地同餡略乾服務方面， 侍應態度好，很樂意幫忙影相，換碟，派紙巾等總括來說，如果對食物沒有太大要求，是一間很適合慶祝生日打卡的好地方:)…查看更多

今晚🐥仔帶我去星空慶祝生日入到餐廳覺得自己好似去了太空，見到每張枱都有一個個發光的星球包住，真心覺得好靚🐥仔一早預訂了星空枱，我們一見到張枱佈置及背景已經好興奮，會不會太靚了吧每張枱都有生日佈置，有生日帽，皇冠，汽球，閃閃棒，彩帶等等，都可以比我們用來影相還有一個月球裡的兔公仔是送給我的禮物造型好靚也不馬虎，好窩心呢～（這是夢幻星空套餐包的）我們預訂了夢幻星空套餐，原價$888（每人），折後$768（每人），正價加一。限時90分鐘。套餐有海膽及黑魚子生蠔（各3隻） ～ 賣相吸引 生蠔新鮮大隻肉厚，海膽無腥味，好食前菜炸魷魚配蛋黃醬～ 魷魚炸得香脆可口， 沒有一堆炸粉包住，好味凱撒沙律 ～ 沙津菜新鮮:)湯 龍蝦濃湯 ～ 龍蝦味香濃，口感香滑 ，飲得出是廚師親手做，不是罐頭湯好飲主菜 燒乳豬配焦糖蘋果芥末籽蓉 ～ 乳豬皮香脆，但略嫌豬肉有點肥， 好彩有蘋果醬配食，可解油膩感。香草牛油汁燒黃油雞 ～ 估唔到份量有半隻雞咁多，雞肉有香草牛油味，食落好香口， 而且雞肉裡有汁不會鞋口，好味甜品星座蛋糕（另加88蚊）～ 令人十分驚喜，在星球裡藏了一個小小的雜莓朱古力慕絲蛋糕 ， 然後侍應在蛋糕前燃點起星星之火，成個畫面好壯觀 好靚，玩味十足慕絲蛋糕好好食唔太甜tiramisu ～ 咖啡同酒味好平均，但又不失香濃，口感香滑唔太甜，好好味服務方面唔錯我們食到超時都冇黑面趕我們走，態度好好，而且每款食物食完都會換一套碟同刀叉，還先等我們食完才上另一款食物。做得好細緻我還見到有侍應幫隔離枱打燈影相哈，好專業今晚環境同食物質素各方面都令人滿意，令我渡過了一個難忘的生日，多謝🐥仔…查看更多

今日有同事訂了位話要一齊試下這間出名的店，未去前見到OpenRice 有這麼多負評都有點擔心。不過我們都有冒險精神一於一試！去到見到1樓已經有好多人，所以我們被安排上2樓坐，樓面阿姐好熱心問我們飲咩茶，又介紹點心區有什麼點心，又講這裡是要自己拎點心。還主動加水同收碟，本人覺得服務無想像中咁差。茶位每人18蚊，中點$30，大點$35，特點$42，頂點48，另有加一收費。我們4人食了10款點心有蓮蓉包（出面酒樓好少有，而且這個蓮蓉包裡面還有咸蛋黃，更希有呢），黑椒牛仔骨（好惹味），咖哩魷魚（口感彈牙），蝦餃（皮薄有蝦），牛肉腸粉（一般，粉皮太淋），糯米雞（大隻，餡料豐富），炸雲吞（口感鬆脆，不油膩），西米焗布甸（也是出面酒樓好少見，熱熱的布甸食落好香好綿，中間還有蓮蓉，不會太甜）等等。。。我們4人都一致應為份量同味道都滿意，無想像中咁差:)好彩可以訂位，如果要我排1，2個鐘隊食就未必會食。…查看更多

今日lunch 同事帶我去K11新開的日本拉面店，她說在日本好出名雞白湯拉麵。因為本人對拉麵程度一般，所以直到現在才試什麼叫雞白湯拉麵我們等了一陣便有位了，舖面不大，所以要人齊才可以入座。另有加一收費。我們同樣叫了：雞白湯拉麵$98 ～ 賣相吸引湯頭好濃郁，口感好滑，好好飲配料有3片雞肉，一片南瓜，一條鮮筍，一粒車厘茄等。雞肉肉質嫰，但略嫌味道比較清淡。拉麵質地比較淋，本人喜歡食爽口的煎餃（5隻）$38 ～ 味道中規中矩，勝在夠熱有汁。…查看更多

今晚約左靚靚表姐交換手信，相約在海港城覓食，誤打誤撞搵到這間馬來餐廳，貪佢二人餐好抵食。我們好運地被安排坐窗口二人位，剛好睇到好靚的日落海景，這點已經加分了，哈一坐下侍應便上一壺茶及小食脆蝦片，茶位每人8蚊，蝦片16蚊。蝦片好香脆有蝦味，好食到停唔到口我們叫了2人套餐，做會員可以用優惠價388蚊食到，我們當然要即場做會員啦～但要以正價（$518）加一。2人套餐包括有：前菜（3選1）沙嗲4串（豬，雞）～ 夠熱，肉質不鞋，好味湯（2選1） 冬陰功湯 ～ 湯料有蝦、磨菇等，酸酸地少辣，好惹味，我同表姐都好中意飲主菜（6選2）其中有些餸要另外加錢！不過我們揀了不用加錢的～哈海南雞+椰香雞飯 ～ 超有驚喜的海南雞皮脆肉嫩，不帶點肥膩，配上惹味的海南雞醬汁，我同表姐異口同聲都覺得好好食椰香雞飯都好香，不會在出面食到一口油。椰香青咖喱豬+白飯 ～ 好椰香的青咖喱，好惹味撈白飯一流豬肉肉質夠嫩。蔬菜（2選1）森巴蝦仁通菜 ～ 份量比想像中多，蝦也比想像中大隻，通菜咬落爽口，好食甜品（3選1）其中有2款要另外加錢，我們也是揀了不用加錢的泰式甜品（椰汁糕+西米糕）各二 ～ 味道中規中矩。飲品二杯 ～ 我們都叫了凍檸檬茶，味道正常！這個價錢同時睇到海景日落+夜景燈飾，食物味道也不錯，真心覺得抵食，CP值很高…查看更多

今日食完lunch ，經過K11見到有間新開的果汁店，又開啟了我的冒險精神當然要試試。所有smoothies果汁39蚊起，全部都是即叫即做的，店面可以清楚看到2位外籍員工是用水果製作smoothies果汁Classic Smoothies有8款選擇，另外又有7款增強能量蛋白 smoothies ，真係令人有選擇困難，最後我點了：manago-a-go-go 芒果阿哥哥 regular size $39 ～ 滿滿的一杯，一飲透心涼，smoothies 打得好滑，芒果同菠蘿味好夾好適合天氣熱時飲。而且本人覺得是一杯不錯的健康飲品，好過在出面飲那些化學元素飲品下次會試試另一款蛋白smoothies…查看更多

在公司附近新開了這間全城熱話的咖啡店，新開張優惠第一杯飲品$15.90。當然要試下啦我選擇了早晨沒有這麼多人時段幫襯。並問了咖啡店職員如何付款，她說不收現金，只收微信支付，信用卡及支付寶，我當下呆了一下，暫且不說不收現金有無不妥，其實在香港還有好多人未必有電子支付，例如老人家。那豈不是他們就不能幫襯？？而且優惠一定要裝APPS 才可使用，感覺對不太懂用智能電話的老人家不友好我揀了：烤椰拿鐵 $15.90（不另外加糖） ～ 咖啡味略淡，椰子味無想像中濃厚，整體味道偏甜 葡萄乾司康$9.90 ～ 即鬆餅。回到公司叮熱食，味道不錯口感鬆軟，不會太甜。如沒有優惠，差不多要三，四十蚊杯，會考慮下會否再幫襯。…查看更多

這間海鮮放題中午時段超難訂到位，好感謝墨丸米排除萬難訂到。終於有機會食到嘞，我們都超興奮午市每人288蚊一位，另有加一收費。一開始全人類都去海鮮區撈海鮮，有鮑魚，花螺，三點蟹，藍蟹，大頭蝦，基圍蝦，九節蝦及一些蜆。每張枱都有1個海鮮桶比客人可以無限次撈海鮮。撈完後比負責清理海鮮的職員清洗海鮮。但因為客人比較多，清理海鮮職員只有2個，所以會比個號碼籌客人到時贖回自己的海鮮桶。撈完海鮮便去其他區拎野食。火鍋料區有田鷄肶，蠔，沙猛魚，花膠，各類丸類，菜等等。飲品區有清酒，梅酒，各類樽裝茶，各式汽水，咖啡等等。還有我們至愛的甜品區，m字頭同h字頭雪糕，其他品牌雪條，楊枝甘露，芝士蛋糕等等。醬料區也有十多款醬料任揀!還有9款湯底選擇，我們揀了金湯花膠鷄鍋，湯頭鮮甜用QR code可以點火鍋料牛肉、豚肉、鷄肉。熟食有乳鴿， 糍粑，炸牛奶等等。食物款式多到不能盡錄我們今日主打食海鮮，每款海鮮好新鮮，因為撈起時見到它們 紮紮跳 。食落好鮮甜由其是鮑魚及蝦啖啖肉，好爽口雖然中午時段可以食3個鐘，我同墨丸米好有默契分頭行事，但都還有好多款食物未試，覺得時間過得太快，唔太夠喉。不過大家都食得好滿足！另外有一點要讚賞這間餐廳侍應做事很勤快，不斷拖地掃地，收碗碟骨盤也好快手，而且服務態度好好，會叫客人拎野時小心。…查看更多

今日同黃兔去買聖誕禮物，當然要醫肚先，之前在日本食過炸牛覺得不錯，見到這間餐廳所以想在香港試下:)假日沒有set lunch，我們叫了主餐牌2款牛肉套餐，包飯，味噌湯，椰菜絲。這3款可以免費refill。因為炸牛只有3成熟，侍應也會問客人是否需要熱pan再煎一下牛肉。經典元袓牛御膳 $178 ～ 份量比想像中少，有點失望牛肉部位是翼板牛，炸牛外脆內嫰，味道不錯牛西冷青唐辛子味噌御膳 $168 ～ 同樣份量比想像中少。不過牛肉炸得香脆，點牛肉汁配飯是不錯的不過以這個份量略嫌貴了點熱蘋果玫瑰花茶 $58 ～ 味道香甜解膩，熱辣辣好適合冬天飲另有加一收費。…查看更多

原本今晚同墨丸米去海x食長腳蟹，但已經加到208斤，後來得知稻香做緊長腳蟹198蚊斤，橫掂就在對面就立即轉場這間稻香新搬來的，我也是第一次食，估不到地方都很大。我們2人被安排坐6人枱，所以坐得好舒適寛落而且沒有用餐時限，也沒有好似海x分2輪時段，所以食得好輕鬆。後來人漸漸多，全場爆滿，好多都為長腳蟹而來我們當然必點長腳蟹，由侍應姐姐帶我們去海鮮區揀蟹，每隻蟹都好生猛，還上演逃獄戲碼最後我們揀了一隻3斤半左右的長腳蟹清蒸$693還點了孖寶餐$188，有： 脆皮乳鴿兩隻 ～ 香口肉厚，好和味 椒鹽蝦 ～ 蝦炸得好香脆，連殼都食得， 椒鹽好惹味，不錯長腳蟹 ～ 賣相超吸引打卡一流！長腳蟹肉質鮮甜多肉，好正食得超滿足另有每人15蚊茶位及加一收費。…查看更多

今晚同🐥仔大人慶生，我私心下訂了這間餐廳因為我要祝🐥仔熊運當頭，嘻～而且這裡也很適合慶生的地方。在openrice 訂位可以免費寫祝福語及送一張即影即有相在餐廳門口已經見到有bear bear歡迎我入到這間奇幻熊仔屋已經覺得自己充滿童心每個角落都會見到熊仔踪影。 甚至有大大個熊bear bear公仔陪食，影相打卡一流我們被安排坐梳化4人枱，所以坐得寬敞舒適。我們點了$568 2人套餐，套餐還送一個熊仔匙扣，另有加一收費。套餐有：沙津煙鴨胸溫泉蛋沙律 ～ 沙津新鮮， 鴨胸的煙燻味好出，好食。沙津醋好開胃，整體味道不錯前菜（2選1） 日式磯燒鮑魚 ～ 每人一隻鮑魚，已切成一片片易食，鮑魚好入味，不會太咸，又有口感，好好味主菜（5選2） 黑松露磨菇忌廉汁帆立貝意粉 ～ 黑松露好香，意粉軟硬適中， 帆立貝每人一粒 ，意粉掛滿蘑菇忌廉汁超好食 甲羅燒蟹膏松葉蟹肉意粉 ～ 有蟹蓋做點綴賣相吸引！有真蟹肉同蟹籽食落同意粉好夾最值得讚賞是個意粉保持到熱辣辣，因為我們是先食帆立貝意粉，再加上又影相，這個蟹肉意粉已放了一段時間，但我們食這個意粉時溫度還熱的，意粉掛滿了汁，所以不失味道，好味甜品 睡眠熊仔蛋糕（cheese／earl grey) ～ 我們揀了earl grey味。 賣相非常吸睛熊仔好可愛！不捨得食呀～等到🐥仔打完熊仔pat pat後，就忍下心品嚐熊仔身上有股earl grey味，肌膚滑流， 但又不會太油膩，也有點肌肉（口感）， 幾㗳得杯落（好食）2杯飲品初戀（另加34蚊轉特飲）～ 好靚呀士多啤梨奶顏色真係好似初戀（粉紅心心爆發）飲品上面有一隻粉紅熊仔超可愛賣相及味道都好好千語星辰（另加34蚊轉特飲）～ 嘩顏色好夢幻呀！橙色及紫色的fruit punch 好靚飲品上面有一隻紫色的熊仔冰好可愛呀賣相及味道同樣都不錯打卡一流！另外值得讚是服務態度好好，侍應好主動提供餐具，主動幫我們影相，說話語氣客氣等等。今晚🐥仔小朋友有小熊禮物收，又食得好開心…查看更多

今日去佐敦經過這間麵包店，之前買過幾次這店的麵包覺得幾好食，所以今次又再買其他款麵包試下。其實這麵包店麵包價錢都不便宜，但記得當年睇過訪問麵包店老細視頻，他稱做麵包過程全天然發酵，食得健康。所以對佢有信心，就算貴點都接受。我揀了：栗子包$16 ～ 外觀似栗子，細細個。但咬落去竟然係空氣包，重要係好大個窿，超級失望餡料有栗子蓉及栗子粒粒，雖然不是太甜，但沒有麵包口感黑芝麻麻糬包$16 ～ size也是細細個，同樣也是一個空氣包，也是有一個好大個窿，真是失望至極餡料是黑芝麻及麻糬，麻糬口感軟糯是好食的，但就好似只食餡料，沒有食包的感覺其實麵包價錢已經不是便宜，而且麵包size已經細，重要係空氣包真的太令人失望！那麼同坊間麵包店的空氣麵包有什麼分別？而且一個正常食量的人要買幾多個麵包才會食飽？？本人不會再幫襯了…查看更多

今日同🐥仔在坪洲享受慢活生活，在海邊吹完海風後，再慢步去食tea。在網上看到有好多人推薦這間餐廳，於是決定去試試:)餐廳面積細細，裡面已經坐滿了人，但也有露天座位。好彩我們被安排坐裡面吧位，這位置打卡一流 用餐時限90分鐘，有加一收費。我們點了： double lemonade soda $50 ～ 飲落好清新好開胃，適合夏天飲 orange lemonade soda $50 ～ 🐥仔話飲落好酸，如再加少少甜度會更好。蘋果金寶芝士蛋糕 $50 ～ 蛋糕內有蘋果肉，增加口感，芝士食落不會膩，但略嫌餅底硬了點:(如鬆化少少口感會更好。總結：本人覺得飲品價錢定位有點偏高。…查看更多

今日同🐥仔留港消費，去坪洲1日遊，由於大家都是第一次來坪洲，所以上網找了坪洲有什麼好食的，看到這間餐廳蝦多士有好多人推薦，一於同🐥仔試試。餐廳地方細細，枱與枱之間都好親密，所以都好迫。我們等了差不多20分鐘才有位，並安排我們坐卡位，由於人多關係，所以一定要同其他人搭枱。我們點了：蝦多士（下午茶套餐包一杯飲品）$53 ～ 炸起熱辣辣，好脆口，口感外脆內軟，食到有2粒蝦肉，但如果蝦肉再多點，增加咬口及蝦味會更好！奶茶紅豆冰（套餐另加$13轉紅豆冰）～ 好好飲奶茶味奶及茶比例和甜度都剛剛好，紅豆份量多，又不會太甜及太淋，不錯 xo醬豬扒炒烏冬（午市套餐包一杯飲品）$65 ～ 份量都多， xo醬香辣惹味，但略嫌豬扒質地較薄，烏冬口感太淋，味道整體一般 Tiramis紅豆冰（套餐另加$13轉紅豆冰）～ 飲第一啖覺得有點甜，但加埋紅豆一齊飲味道剛好，都好好飲總結：本人覺得飲品比較有驚喜…查看更多

今日同家人飲完茶剛好經過德福平台，見到這間新開的新加坡豆乳店，由於近排在網上見到有好多人推薦，於是便買來試試看。它有吐司加飲品套餐的，但套餐沒有我想食的吐司，所以我唯有散叫，點了：爆餡芋泥肉鬆吐司$38 ～ 目測是多餡的，但芋泥口感不太幼滑，肉鬆味道不太香口，整體一般，沒有驚喜，有些失望:(樽裝咖啡豆乳$24 ～ 本來唸住點正常味道不會中伏點知飲一啖，竟然嚐到人生的甜酸苦澀味道忍不住要講真係好難飲我已經無勇氣飲第3啖，最終成樽掉了。如果想挑戰甜酸苦澀咖啡的人可以試試。這店寫明是即叫即整，所以我等了差不多15分鐘。不過性價比太低，不會再有下次了！…查看更多