Minicar123的个人专页

朋友見到網上介紹荃灣「寶蓮素食」新開張推出自助素食，一於約埋成班朋友試新嘢！我哋食過大部份素食自助餐都係新派fusion菜式，反而未試過傳統素食自助餐！早幾日打電話去問只有晚市先可以訂位，其他時段要walk in，暫時未有下午茶時段，話未知幾時會有！我哋食午市自助餐，由於我哋人多，職員好好，特別俾我哋訂位，服務值得一讚！我哋一去到餐廳門口，仍然貼住張收費表寫明有下午茶，所以收費有點混淆，若果暫時未有下午茶就應該刪咗佢！餐廳環境其實都算闊落，放置食物位置很好，方便大家取食物！食物方面：飲品：熱水，熱羅漢果茶，熱普洱陳皮菊花茶（幾特別），沒有凍飲！熟食：鼓油炒腸粉，炒粉麵飯，蕃茄炒蛋，炒茄子，炒南瓜，豆腐，蓮藕，菠蘿咕嚕肉，炒菜，炒四季豆，芽菜，排骨蘿蔔（幾特別），蒸燒賣（有創意）等等..炸物：必食芋頭魚（必食😋），炸蜜瓜奶（必食😋），炸雲吞，炸茄子，炸南瓜等等...齋： 酸齋（好食😋），咖哩齋，齋义燒（好食😋）..有4款前菜：沙律（當中有羽衣甘蘭）醃青瓜，木耳，蓮藕水果：橙**沒有湯，只有粟米粥（好食），紅豆湯，碗仔翅值得一讚，員工有禮貌，服務好好，收拾碗碟快！總結：收費應該要清晰，午市下午茶都應該提供訂座服務，飲品應該要有凍飲（朋友鐘意飲凍飲，提議加凍豆漿🤣），熟食款式都算多，味道好！炸物方面最欣賞芋頭魚同炸蜜瓜奶）（朋友提議加炸煎堆🤣），綜合朋友意見，應該要加中湯，加蒸飽，加中式甜品（例如：蘿蔔糕之類，水晶糕之類）見到門口外賣區好多精美點心，有雞仔，有梨...其實都可以係自助餐提供更加好，或者每個客人送一件，等食客都可以試食完好味嘅話又可以買外賣都得！**純粹朋友意見，餐廳可以參考下**…查看更多

成班朋友慶祝生日, 諗住食放題, 見呢間係旺角,一來未食過, 二來方便朋友, 所以決定試下呢間食放題!我哋一行十幾人, 一早打電話預訂留座, 訂了9點入座, 收費: $158 + 10%, 另外佢哋有個生日優惠, 8至12人惠顧, 免壽星全費 , 好似聽落唔錯呀! 不過好戲再後頭 ......當日訂了9點鍾, 限時食2小時, 未夠9點己去拎位, 門口己企滿人, 心諗你間放題咁多人食應該唔錯誤 仲諗住準時入席, 點知要等15分鍾先可以入座, 見到全場爆滿 ! 一坐低, 即時ORDER嘢食, 俾D ORDER紙俾侍應時, 黑口黑面, 態度極差! 點咗D刺身一來到, 見到賣相已經好唔掂, 超細件, 同手指尾差唔多咁細,唔新鮮! 一食三文魚刺身, 條筋仲粗過條骨, 真離譜! 從未食過咁難食嘅三文魚刺身 其它刺身都唔掂! 炸物 - 炸到燶晒, 硬到似餅乾! 就連火煱配料一樣唔得, 豬頸肉有臭味! 一句講晒, 冇下次! 仲要呢個價錢大把其他選擇!…查看更多

之前食過呢間pizza覺得唔錯, 所以再encore! 今次試過佢d意大利飯同意粉都有驚喜, 好有水準! 首先, 講下個意大利飯, 一d都唔乾, 又唔會太濕, 飯粒唔軟唔硬, 好好味呀! 另外, 佢嘅意粉唔會太冧, 正! 佢嘅pizza 係必食呀, 今次叫咗個佢哋獨家自製蕃茄pizza, 好濃嘅蕃茄醬, 配上蕃茄醬, 味道好配合, 好特別!下次都要試下佢其他嘅唔同款式嘅pizza先…查看更多

平時食LUNCH都有幫襯開, 就未試過食夜晚! 今日終於有機會試下, 我們一行二人, 叫咗個二人套餐,!前菜有薯仔沙律, 好creamy, 好正呀! 主菜有蟹籽沙律, 好好食!炸天婦羅蝦, 一d都唔油, 好正!燒銀雪魚, 入口即溶, 好有水準!雜錦壽司, 好新鮮海膽炒飯, 好乾身, 好正！麵鼓湯甜品－雪米磁食物有水準，　好有心思，　好好食！…查看更多

之前食開嘅"清亭燕萍", 呢家改咗名叫同搬咗去地鋪! 一於去新鋪試下先,叫咗牛油雞翼, 勁香牛油味, 好正再叫咗個"香茅豬扒撈檬", :好食, "越式雞扒配糯米飯"呢個糯米飯,軟綿綿,好特別, 好好食! …查看更多

好友極力推介下, 去試呢間餐廳出名嘅"胡椒豬肚雞煲"! 間餐廳都偏僻, 但都好容易搵, 好彩去到唔駛等就有位一坐下, 就即係叫咗佢嘅"胡椒豬肚雞煲"! , 原來呢間餐廳出名小菜, 仲有泰國嘢都炙出色, 由其是係"泰式生蝦", 好爽口, 好新鮮,另外, 又將蝦頭炸咗, 好脆!"胡椒豬肚雞"果然正呀, 好多料, 湯底好濃! 必食!",蠔仔粥"好好味, 係即煮呀, 等侯時間雖然耐咗d, 但係值得! 佢嘅米唔會好淋, 好有口感, 同埋d蠔比平時食開嘅大隻好多 ,仲要一粒沙都冇, 洗得好乾淨, 一d都唔馬虎! 總括來說, 食物方面都好有水準, 好想再食呀! …查看更多

: 食過幾次, OK啦, 價錢不太貴, 味道唔差! 但係等侯時間特別長, 食LUNCH都要等成個鍾, 真係有D離!食LUNCH都係食一個鍾咋, 等都要一個鍾! 我發覺佢哋編排坐位有問題, 有位都唔俾人坐, D嘢又上得慢, 渡怪得之要等成個鍾啦!我叫咗個滑蛋豬扒飯, 份量多, 味道好!值得一讚係個 "燒玉子", 好正!另外, 叫咗個"燒雞腎", 好爽, 唔"UN", 唔錯!友人叫咗"炸豬扒飯定食", 正呀!食物質素OK, 但輪侯時間太長, 有待改善!…查看更多

好友提議去"金潮", 佢話試過都好食, 仲話有時會見到名人呀, 所以約埋成班好友一齊去試下! 一早打電話去訂位, 訂咗8:00, 好彩去到都係等一陣就有位, 唔算等太耐!:) 原本佢哋限時食個半鍾, 我哋一行12人, 邊食邊傾, 個半鐘就根本唔夠駛:(若果係聚會嘅話就要諗清楚啦!食物方面, 我哋叫咗"南乳炸豬手", 好好味!白灼魚皮,好爽口, 好味!炸蠔, 勁大隻, 必食!海鮮炒粉絲, 正!各款菜式都好好味, 一定會再去!!!…查看更多

好友生日話想去食日本放題, 大部份嘅日本放題佢都食過晒, 於是上openrice搵下睇下有冇好食嘅日本放題, 無意之中, 發現這間日本餐廳不錯,見到好多食評都是笑的, 一於同好友去試下先! 我預早一星期訂檯, 幸好都有位! (收費每位$208 + 10%)我們一行三人, 本來訂了六時30分, 但是我們早了一些, 餐廳侍應都好好, 提早安排我們入座, 入到餐廳, 見到好多人已經開始進食中. 環境闊落, 一d都唔迫. 我們一坐下, 急不及待點菜, 首先點選了剌身, 款式很多,有三文魚, 吞拿魚,墨魚,希靈魚, 障紅魚, 鮑片,螺肉,日本 牡丹蝦 有蝦籽呀, 超好味!食過咁多間日本放題, 唯獨是這家是用上日本牡丹蝦, 仲要係有蝦籽, 都係第一次食有蝦籽嘅牡丹蝦, 蝦籽味道是咸的, 比海膽清淡, 幾特別! 所有刺身都好新鮮, 正呀! 前菜更不可不吃, 款式多又好味壽司方面, 排列整齊, 絕不馬虎, 誠意之作! 至於小食, 值得推係"芝士年糕", 好香濃嘅芝士味, 同埋"蒲燒鰻魚"都好好味!甜品方面, 係"牛奶公司"雪糕. 另外, 每人送一客海謄翅, 不過冇咩特別! 我們三人食得唔算多, 但係都捧住個肚走, 勁飽! 下次會再去!…查看更多

呢間分店d雞蛋仔好差, 燶晒好硬, 仲要係每粒大半都係空心, 比起北角總店差好多, 總店好食好多, 每粒都好多料:),完全兩回事! 等侯時間又長, 食物又差, 唔怪得冇咩人坑幫襯, 心知不妙, 諗住都唔會太差, 點知真係出事, 好難食 下次要食都係去返總店呀!…查看更多

今日行開將軍澳, 見到有間出名食"叉燒", 緊係去試下新嘢啦! 去到門口好多人, 諗住都有排等, 點知等咗都唔夠10分鍾就有位, 唔算等得耐! 間餐廳都好大, 荼餐廳格局, 主要係食小菜!二人叫咗"功夫黑胡椒叉燒"套餐 (配 "腩汁生菜", 雞汁蒸飯, 老火湯)($47), 價錢都ok! 另外叩咗一碗 "蠔仔粥" ($38)! 食物方面: 叉燒好正, 唔肥唔瘦, 不過唔夠黑胡椒味, 稍為遜色:(! "腩汁生菜"好味, 好過用蠔油! "雞汁蒸飯"不錯, 不會太肥膩, 好過食白飯! "老火湯"都好好味, 味濃, 一d都唔淡! :) "蠔仔粥"好多蠔仔呀, 好肥美, 味道唔錯! 不過有沙同殼但呢間餐廳嘅嘢食都唔錯, 會再去....…查看更多

食過幾次都唔錯今次見到團購有優惠，即刻買咗2張，好抵食！只需$23就有一個豆奶凍同中式糖水！食完飯，就去呢間食甜品，諗住一次個用晒2張coupon,跟住有個好好人嘅侍應同我哋講，我幫你用咗一張coupon先，唔夠食先再用埋另一張啦！服務好好，好細心，抵讚！呢間係皇室堡樓上，地方寬敞，環境清靜，唔知點解都冇咩人食！我叫咗個芒果奶凍同馬蹄露小丸子，好味！之前食過佢哋D湯丸都好食，好多唔同嘅涵！…查看更多

見到團購有呢間新店， 就買張試下！$39有一個吉列豚肉飯同一杯飲品，好抵食！起初都係諗住一試心態，點知有意外驚喜呀，豚肉炸得剛剛好，一d都唔肥膩，仲好脆添，好正！但美中不足之處係唔夠醬汁，飯嘅份量都ok,不過，冇汁撈飯就差d!呢個價錢真係價廉物美，冇諗過團購都有咁好嘅質素！::)…查看更多

尋睌食完壽司，又好想去食甜品，就諗起去食松記，因為食刺身食到好飽，所以叫咗個杏仁糊同合桃糊，D糊好唔掂，一D 都唔結，好似水咁，又冇味，好難食！下次都係唔好叫傳統糖水，要叫返＂幻彩明珠＂！…查看更多

:見到呢間pizza店新開張, 緊係要去試下啦! 見到佢哋獨家秘製嘅"檸檬蜜糖雞全翼"好特別, 就叫咗客嚟食, 蜜糖雞翼平時就食得多, 檸檬蜜糖雞翼記第一次食, 味道好特別, 好fresh嘅檸檬味, 好正呀! 仲要2隻雞全翼都係$25, 好抵食呀!另外, pizza都好正意大利夙味, 餅底薄而脆, 有口感, 唔會好似麵包同餅乾咁! 加上配料多, 真係一試難忘, 好想再去食呀 ~…查看更多