hehaking的个人专页

細細個果陣會特登草錢同朋右去食triple o，當係獎勵下自己，因為貴嘛！今次再番番黎食，價錢已經比以前再貴左一大截，最可惜係水準已經大不如前。感覺burgerking仲好食啲，但triple o仲要再貴幾個價位！可能因為生意少左啦！薯條最多只可以用暖暖地黎形容，食落口粉粉地咁，似乎用料都為左減低成本將貨就價。個包食落口就知完全唔同晒！呢個包我最鐘意食佢入面薄薄地果層芥末，但佢竟然無左！呢個位真係全餐飯最失望既地方。整體黎講唔係難食，但就唔太對得起個價錢嚕！…查看更多

講左咁耐，仲終有心情遠道黎到灣仔築地黎試下有無料到！近期整緊路，要黎到呢樹都唔係咁易！呢度環境算係唔錯，乾淨之餘又有啲景，有海又開揚，夠晒光猛醒神，食都食得心情好啲先講個抹茶飲品，其實幾好飲，不過唔係幾解渴，口渴既朋友就注意喇IMG:1]到主菜 海膽拖羅碎飯 海膽同魚餅都好鮮甜，份量都唔少， 對得住個價錢！佢有個小賣點，就係除左就咁撈飯，仲有provide 茶漬比我地自己浸佢做茶漬飯，或者provide紫菜比我地做手卷，幾有心思，唔錯！…查看更多

開舖至今都keep住間唔中有黎食下野，因為住呢頭附近。但係近兩三次真係明顯比以前水準下降左！佢都唔係平，黎食唔好味既話真係有少少dum心呀!首先個二人套餐上菜既次序亂晒大龍！首先就直接黎左條煎魚，都算啦，但係佢非常油，未食完佢都已經飲晒杯茶之後再黎埋炸雞先上番個沙律，都ok，無咩問題算係咁！肥牛烏冬就差啲，淡某某，唔係幾好食但好彩佢細細碗好易食得晒食完晒啲野佢先上番壽司同剌身，三文魚 蝦 吞拿魚同蟹子就唔錯! 不過其他就麻麻地喇！…查看更多

經過呢樹咁岩想食日本野就撞左入黎，見到隔黎食個鰻魚飯侽樣好得意就叫左一份黎玩，另外仲叫左個牛舌串燒同和牛炒飯先講牛舌，對住牛精的我黎講都覺得好食，好香牛肉味之燒得岩岩好，最緊要係除左佢無落汁同醬，咁先食到塊牛既味架嘛！鰻魚飯外觀係好得意，仲要大大條鰻魚，百鬆啲蚊都唔算貴。味道就無咩特別，勝在大大條口感唔錯！最後個和牛炒飯真係差！差到唔記得影相，呵呵。和牛碎細粒同少到好難搵之餘，味道極淡！我同友人加埋食左一半就頂唔順無再掂碟飯了！…查看更多

之前都聽過朋友講呢間漢堡包幾好食，今日經開深水埗終於有機會試下！叫左個雙層漢堡，佢幅圖最大應該係主力菜色掛？哈哈！配埋薯格汔水，大約100蚊左右首先薯格非常香脆，即叫即炸熱辣辣，好食。不過即使五點去無人都要等15~20分鐘左右，唔算特別快。雙層漢堡勁大個，揸扁佢都係一口食唔晒，食到個口污做晒。結果都分開上下食算調味有啲太咸，但係個漢堡扒入面仲有少少粉紅色，幾正！最後就係佢啲枱其實無位放腳，我同朋友都係打側坐咁食，其實都幾辛苦。不過幾好食咁就算啦！…查看更多

每月例牌一次既ot，夜媽媽如常黎食m記。唔同既係今次食既係少有既新包同薯皇。平時凌晨既薯條凍冰冰又淋，但薯皇唔知點解出奇地熱同脆而主角磨菇安格斯都好特別，由包，肉，去到醬汁都唔係平時用開既材料。整體黎講幾有驚喜，唔似食緊麥當勞…查看更多