JoyceKP的个人专页

再次幫襯，同屋企人食生日飯鴨依然好食，食到唔停，酒糟肉有酒香，但皮無原味咁脆，原味比較油香。松子魚大條夠脆香，酸甜度剛好。木桶飯睇落普通，但有驚喜。服務態度好好，職員有笑容，細心。OpenRice 訂座有小食送，生日亦有壽包送。…查看更多

想搵間質素好少少嘅壽喜燒，搵到十侍二人餐 兩個女仔計 份量啱啱好 可以揀配飯或烏冬一人一個蛋汁牛味重 質地淋滑 再連埋蛋汁而且服務態度，衛生都幾好，職員會幫手灼肉，會問生熟喜好，簡單講下食法，亦會俾時間打卡。不過除咗壽喜燒之外，其他野食就一般。…查看更多

尖沙咀搵食，食得多日韓西，想轉少少口味，見到呢間性價比都幾合理，而且睇中左個流心Pancake ，決定試吓。今晚人流唔算多，座位舒適寬敞，職員態度好，Menu都幾多野揀，小食，意粉，Pizza，肉，飲品，甜品好似都有兩版。叫左個蟹撻，味道夾同幾有新意，都幾好食。主菜叫左慢煮牛肋條，份量夠三個人食，不過味道係帶甜，唔係我杯茶，肉類我都係偏向咸口味除咗叉燒流心Pancake 係重點，製作時間半個鐘，味道口感都唔會令人失望，好大件切開有流心效果又鬆軟，夠三至四人份量，值得試。…查看更多

同事住荃灣介紹食韓燒，今日臨時有機會可以去試下。所以無預約，就直接撞彩過去睇下有冇得walk-in ，好彩今日都算早過去，有位食(當然係預先book左會比較好嘅)同事上次食set已經覺得好好，又推薦炸雞，我今日都照辦叫左個SET E，再加左半隻香蔥炸雞，一隻醬油蟹。餐湯揀咗大醬湯，唔咸好鮮，多料，夠我哋兩個人每人兩碗。無論係牛肉定係五花腩肉質都好好，新鮮有牛味，五花腩唔厚唔薄，但有咬口，點醬夾蒜用生菜包住食好正。不過無豬皮叫差左少少野，但發現老闆幫我哋燒五花腩嘅時候，將豬皮同肉剪開，變條狀豬皮，算係有得食啦配菜同小食都有成五六小碟，另外韓燒生菜唔洗問都係免費fill。醬油蟹係我必點，係我喺香港食過最肥嘅一隻，膏量就普通啦，但好好肉，味道都唔錯，無腥味，今日無人同我爭，一個人食咗一隻，而且仲免費跟左一大碗紫菜飯，俾我撈蟹膏食(食咗先醒起無影相）。全程我哋就掛住食，店員同老闆都好好，幫我哋燒肉，分湯俾我哋，我哋都無郁過手(可能係因為時間早，客比較少，所以照顧到，又或者係見我哋唔識）韓燒嚟講，算係好抵食，食到飽，炸雞食唔晒要打包走…查看更多

最近拎到有海港城劵去食餐好啲嘅，揀嚟揀去決定左鮨勘，原先以為係要叫人落單，喺度死記餐牌菜名同頁數，後來眼尖見到塊QR code牌，先發現係可以掃code落單(帶位嗰個咩都無講, 比左位我哋就走左, 無人提，無人知佢靜雞雞咁放低左塊code牌)原本諗住海港城日本料理食物質素會比出面同類型餐廳好啲，點知都係一般水平，但價錢就。。。性價比低可能係本身期望高左，但鵝肝壽司同丼飯係好OK嘅！鵝肝價錢同出面差不多，但比出面嘅大塊。丼飯抵食。其他刺身，壽司，串燒，天婦羅就。。。好一般廚師發辦豊洲壽司盛都係普普通通。特別要提，羊肉串(自家製)真係so到一個點，十分超級中意so味嘅可以一試。…查看更多

提前三日預定及付全款有折扣，住客正價餐牌都有折。餐廳裝修佈置好一般，唔似酒店feel。職員服務都唔錯。前菜同窩巴蟹粉煎焗元貝最好食。酒釀雙耳煮雞鍋，雞肉爽口，正。大閘蟹單點$98隻，膏都算多。其他一般。亞麻籽黑糖薑母茶湯圓，湯好難飲，湯圓係芝麻湯圓好食。…查看更多

堂食見到有一個Set好似都幾特別蘿蔔糕英式鬆餅配炒滑蛋+自定冷萃奶茶蘿蔔糕味嘅鬆餅，滑蛋太碎，麻麻，但同辣椒蛋黃醬係夾嘅，反而覺得點多醬先惹味啲。奶茶茶味唔夠，太淡。另外外賣左楓糖牛角包吐司，香腸芝麻酥卷同龍眼，密瓜，芒果撻。三款撻撻底同醬料嘅味道都大同小異，最大分別係上面嘅生果唔同，但生果唔會酸。香腸芝麻酥卷好普通。呢兩樣都性價比低，唔出色。反而楓糖牛角吐司係幾好食，不過一定要熱食，唔熱就唔酥脆。…查看更多

放工行過去趕得切下午茶餐，叫左個滷肉飯(小)配蜂蜜檸檬愛玉滷肉飯好食，肥瘦適中，唔會好油膩，滷肉份量都算足夠，送到飯。男朋友飲檸檬愛玉話好飲，我本身唔算中意果茶，所以覺得酸因為跟餐只可以叫指定飲品，同埋唔可以加錢轉其他，所以都只係叫左一個餐。再叫一碗秘製麻辣牛筋牛肉拌麵，唔係十分辣，麻嘅味道多啲，牛筋蘿蔔好淋入味，蘿蔔得一舊。牛肉係牛展，麵質地似上海粗麵，拌麵個醬汁都OK。跟住忍唔住又叫左幾個小食，最後飽到行唔郁小食拼盤：甜不辣，好煙韌，正。四季豆，爽脆。花枝丸，正常。粟米條，一般。面上撒左椒鹽粉偏咸。鹽酥雞 同 酥炸雞扒 性質差唔多，但酥炸雞扒炸得好靚，上枱啱啱炸起咁，熱辣辣，表面酥脆，入面有肉汁嫩滑，好出色，份量都唔少。薯餅起司蛋餅有驚喜，有芝士拉絲效果，外軟內脆，襯熱食好正，特別要點配汁，個汁好惹味，唔溜。蒜片香腸唔太ok，太乾，無油份，面上都係撒咸椒鹽粉，椒鹽味好出。單點左一杯綿綿芋頭鮮奶，綿綿以為係芋泥質地，不過唔係 係芋頭碎粒，但都好飲，呢杯無得揀糖度。值得再試！…查看更多

突然好想食牛肉麵，OpenRice 搵到如心有間過江龍, 近近地走去試試去到門口都排左6,7組人等緊位，我哋排第8，可能佢限45分鐘用餐時間，所以流轉得算快，唔洗好耐就入到座。叫左香麻醬涼拌豆腐，紅油抄手，一碗招牌紅燒腱心牛肉麵同一杯香芋珍珠奶茶。食物上枱速度快。最好食都係碗麵！湯底好濃，忍唔住飲咗唔少湯。腱心牛肉都算入味淋身，有三塊。我哋揀咗手工麵，麵質都唔錯，有口感唔淋。個人覺得小食唔算特別出色，兩個小食上枱嘅時候，D芽菜多到，淨係見到一碟都係芽菜，見唔到豆腐同抄手，仲以為送錯左，後來撥開一堆芽菜挖個窿先見到，可能我自己本身唔算中意食芽菜，所以覺得芽菜真係可以少返D。香麻醬涼拌豆腐，豆腐係原磚冷豆腐，滑得嚟又唔會好易爛，可以掛到醬。紅油抄手都唔細粒，無認真數，應該有6粒，餡料好食有口感。不過除左太多芽菜阻住點醬汁之外，如果醬汁多啲會好好多，因為呢兩個小食要多醬汁先正香芋珍珠奶茶，香芋味夠，珍珠彈牙，整體都唔錯。…查看更多

Lunch Meal服務態度招呼好好，座位闊落舒適。叫左特級鴨肝牛肉芝士漢堡同德州燒烤牛肉漢堡有餐湯同指定飲品跟。磨菇湯都幾好飲，指定飲品係Regular coffee/熱情果紅茶，叫左凍紅茶唔洗加錢。兩個漢堡扒都係乾身，無肉汁。鴨肝煎得都ok，但鴨肝味唔夠香。德州燒烤牛肉係煙肉+牛肉漢堡。…查看更多

提早打電話Book左位到達嘅時候都幾乎滿座，得返兩張二人枱其中一張就係我哋嘅坐低無耐就有店員拎住一塊黑板過嚟，上面寫左有咩「飛機貨」刺身魚供應，店員話可以根據喜好，例如口感，油份等推薦俾我哋，而且建議我哋可以影低塊牌慢慢考慮，之後就行開咗，一啲都唔hard sell唔chur 。因為我哋一早喺OpenRice 睇左一啲推介，心目中一早有想試嘅野食，所以無叫「飛機貨」。見到餐廳入面有好幾台客都係嚟聚會，老闆都親自落場同啲客傾計飲酒，真係有日本居酒屋感覺。值得一提的是，店員好細心勤力，無論加水定係介紹食法。成餐飯食完，最中意係雞泡魚干，燒年糕，燒牛舌串燒，六本木秘制牛肉，相比其他就比較普通。今次食哂想試嘅，知道咩好食，下次就有肚可以試吓「飛機貨」。…查看更多

記得初初新開嘅時候，食過一次晚餐，喺舊區入面嚟講，呢間舖位唔算大嘅西餐廳俾人嘅感覺坐得舒服乾淨，食物質素唔差，份量OK，價錢唔貴。今次去食午餐，感覺同開初差唔多，坐得好舒服，環境乾淨衛生，午餐食物嘅選擇都算多，飯，意粉，Burger都有，仲可以另加配小食，無限用餐時間同最低人均消費。另外Drink List仲有Cocktail可以叫。南瓜餐湯好飲珍珠帶子南瓜忌廉汁意大利麵珍珠帶子有口感，充滿南瓜味，略唔夠Creamy。吉列蝦牛小排餃子喇沙稻庭烏冬吉列蝦同牛小排餃子係另上，唔會浸淋，新鮮炸，外表炸得好靚，但牛小排餃子嘅餡料好一般，無牛味。喇沙湯底OK，烏冬淋身唔彈牙。加配左特飲 本來想叫鮮紫薯牛奶，可惜無，侍應推薦薰衣草牛奶，好飲，薰衣草味啱啱好，唔會過濃又唔會無味。餐牌寫住星期六日及公眾假期收加一，唔知平日係咪免加一呢？另外門口好似有寫晚市8折，都可以一試。咁啱今日撞見有一台食客帶住狗隻喺度用餐，應該係可以招待帶住狗隻嘅食客。唯一唔方便就係，無得用信用卡俾錢，會加收2%手續費。要俾現金。有進步空間，值得期待。…查看更多

同男朋友預祝生日喺The one睇戲，之後想就近搵間餐廳食晚飯，所以提前一晚上OpenRice搵下有冇好啲嘅餐廳。Search 到呢間餐廳人氣都幾好就喺OpenRice度book埋位，request 窗邊位。8點去到餐廳，餐廳都差不多滿座，帶位有留意到我嘅request ，所以都盡力安排左窗邊位俾我哋。餐廳氣氛燈光都好舒服，坐低之後就有侍應主動提供水(PS. 依家好多餐廳都要問先有)我同男朋友都係鵝肝控，所以叫咗鵝肝多士，蟹肉牛油果他他，帶子蕎麥薄餅，2份5成熟極致羅西尼牛扒同一杯雞尾酒，本來想要埋甜品燒布蕾，但賣晒。鵝肝多士個人覺得好好食，但男朋友話算正常。牛油果他他配蟹肉，唔會溜，當沙律食幾好。蕎麥薄餅係軟身質地，類似厚版千層蛋糕皮咁，味道都OK，但我比較鍾意佢上面嘅帶子同雜菌，新鮮，Creamy。牛扒出咗少少意外，上牛扒嘅時候，男朋友發現同圖片完全冇同，而且無左煎鵝肝，問侍應發現落錯左單，侍應有即時問需唔需要換，雖然呢兩塊錯左嘅牛扒賣相都好好，但因為我同男朋友都中意食鵝肝又係生日飯，所以都堅持換返，侍應態度都好好，無黑面，好快換返俾我哋。牛扒肉質嫩滑，生熟程度控制得好好，薯蓉底配蜜糖醬好好食。成餐飯食得好舒服，唔催趕，埋單連加一兩個人$1170。…查看更多

今日因爲有一段時間無黎到深水埗肇順飲茶，所以就一家人去，黎到門口已經1點40分左右，同行入門口的仲有其他客，同我地一樣都諗住差不多時間就等一等飲下午茶，之後嗰位知客見多人等下午茶位，就話可以俾我地下午茶客早d入座，點知全部人都入左座，我地一家人都無分到位，我地就向知客查詢，點解我地仲未可以入座，知客就話要再等等，一係就上2樓（2樓茶位價錢比1樓會多$1），我地唔肯，覺得唔公平，點解人人等下午茶，得我地無得入座，如果要入座仲要比多$1上2樓坐，好似有d歧視，所以我地想投訴，點知嗰位知客仲大大聲話 我姓X你上去啦，上去投訴我，見到X知客咁理直氣壯，我當下真係無言，終於擾攘左一陣之後，可以入座了，當我地上到1樓，竟然有最少6, 7張空枱，當中不缺乏4人座，咁我地一家為咩係樓下一等再等呢？未食野已經成肚氣，無曬用餐既心情。…查看更多