kieu的个人专页

同佬公慶祝生日x米芝蓮摘星之旅香港四大名雞之一既黃油雞是好吃的，不過唔止黃油雞好食，由bread basket(bread is fresh but not significant, incomparable to Joel R.)既nutty butter cream, appetizers 到desserts 我地都覺得幾好食。黃油雞成set其實份量睇落唔覺咁多，不過一食落都覺得at least for 3,我地兩個人食唔晒，最後pack左半份番屋企。我地去Louise 當日係星期日，食Sunday brunch，book嗰時remark左揀上層balcony，好彩當日冇太陽係陰天，如果唔係會太熱相信秋天會正好多。Conclusion: 一定會再嚟，menu仲有其他dishes 想試。Remark: Recommend一行四人黎，環境幾chill, 啱幾個朋友傾計，名雞值得一試不過多啲人分嚟食比二人適合。…查看更多

N年前食過Choco theme既afternoon tea for 2之後，今次第二次嚟，一行四人，見到個主題係日式下午茶，有啲期待，不過期待不似預期⋯⋯最頂層嘅係鹹點，雞肉丸串啲肉又乾又硬，配咖喱味嘅汁，正常配搭。甜點個樣正常發揮，不過食落有一件係我哋四個一致認為都好難食既紅豆泥抹茶卷?我咬咗一搭就冇再食喇。另外幾件食完連味道都唔係好記得喇，成個set最好食嘅係個scone(不過又唔會好食過MO)⋯⋯之前聽過朋友話呢度嘅High tea好麻麻，我諗住話哂係Ritz Carlton，以前食過又覺得Ok，應該伏極有個限度⋯⋯係我錯⋯Conclusion, 暫時冇下次。…查看更多

預早一個月前book，星期六夜晚6:00/8:00pm兩場（呢下港式D)，揀左6:00pm等多啲時間落格。我哋2個人去，安排坐4人枱，有足夠空間，如果想坐海景則邊既位book時要講定。我地一人一個梅Set，食壽喜燒，其中一個set追加左一件A5西冷和牛肉片(highly recommend)，A la carte加左一份蘆筍燒牛舌(好食不過以份量計算貴)同兩份和牛三吃壽司(都值得試)，飽到上心口。日山出名食牛同壽喜燒，所以睇完幾個set既details, 梅包3塊A5和牛肉片，其他set(貴啲)但係都係包2塊，多左既係sashimi，時令魚等，如果你鍾意試唔同類型嘅嘢食，其他sets唔錯。不過如果主要黎食牛壽喜燒(同我地一樣)，直接揀梅Set性價比最高。服務好好(雖然你會feel到佢哋有時有啲趕，擔心趕唔切下一場開始)，不過D staff趕極其實都好有禮貌，keep住留意每一枱既客有咩需要。Conclusion: 一定會再幫襯。…查看更多

自從半年前第一次試完佢既Epic Choco Cookie之後，每次去大坑都一定會買黎食。前個排見佢出doughnuts，買咗Creme Brulee flavour黎試，之後每次就Cookies Doughnuts都會買。佢既Cookies/Doughnuts價錢由$30到$45/pc，每件個份量都好足，特別係Cookies，攞起手會feel到個重量，我一個人剩係食到半塊。如果鐘意真。朱古力既朋友，可以直接試Epic Choco, 佢一塊融合咗Molten Choco Cake+Cookie+Crunch既texture, 有流心既朱古力醬inside。Doughnuts 就隻隻味都唔錯，大推Banoffee! Its cream on top既thickness同涼涼地既temperature 都好fit! 呢排唔知點解佢咁紅，勁多人排隊⋯好在staff快手，cookies同doughnuts都keep住出。…查看更多

本身好難book，咁啱朋友訂左枱去唔到，讓左個reservation俾我，食完無幾耐老佬就話要book夜晚試埋⋯餐廳紅紅黑黑，開頭覺得暗黑系左少少，waitress安排左我地兩個坐喺對住open kitchen/bar table既其中一張四人高枱，坐定左眼仔適應左光暗度之後又覺得個格局色調其實都幾型格。我地當日坐近出口嗰邊，如果大家需要多啲私隱，可以book位嗰時落request坐bar table再入啲既位置，不過揀位首選頭一兩次我覺得可以坐bar枱位，直接望住chef/staff預備dishes.我地食lunch嗰日fell into晚市禁堂食，所以個staff話有啲（我地target左既）main courses冇得試，但係就試左無諗過都幾好食既kinki, it surprised us. 另外我對佢啲dishes既presentation有好深印象，最鍾意有對手（好似奉上食物）嗰隻碟，未食先開懷🥰。價錢方面，lunch menu真心抵食，Michelin 3粒星$690/4 courses (不過要預早三個月前book位）。…查看更多

環境，服務，食物都對得住Michelin三粒星。由make reservation, arrival到bill都令人覺得好輕鬆愉快。Waiters were very observant and sincere. They knew when and what to serve throughout the dining experience. 雖然dinner係貴side既Michelin, 而lunch相對係a good bargain, 不過兩個menu唔一樣，有啲我地想食既dishes係dinner exclusive (😆We actually went there in April 2021, too lazy to ✍️🙊). Overall, 未試絕對要試（except wine😂). 試過可以再去（我去嗰晚有幾枱係常客😆）。大家都好識食。…查看更多

睇完michelin報導，知道Arbor短時間內就取得2星，再加上見到部份客人甚至覺得Arbor可以上3星，令我對Arbor充滿期望，不過整餐晚飯既體驗，Arbor作為一間2星餐廳OK，但係要上3星既話，著實要改進服務質素同坐位編排。我哋一星期前book位慶祝生日，揀左6:30pm。當晚我地係第一枱客人，經過暗暗既走廊入到去見到落地玻璃，燈光配合餐廳牆身色調好和諧，本身感覺良好，直到個staff lead我哋去到角落既一組二人座位（兩張凳加上一張比較貼近茶几size既圓枱），喺我哋身邊其餘3組梳化座配上寬闊既四方枱既映襯下，我終於明白另一個review所指既「臨時座位」係咩意思⋯⋯整個seating plan望落去，我當時第一個impression係有臨時加枱既感覺，而且我坐既位置剛好貼住幅curtain🤧，有少少擔心會有蟎引起鼻敏感。其實我扒文發覺呢一組二人枱喺2018年已經存在，而對佢既評論都比較負面，希望Arbor將來會有rearrangement啦。黎緊book Arbor既客人可以考慮喺make reservation個時request定梳化座既window seats，咁就可以避免呢組角落中的臨時座位😅喇。除咗座位問題，我會用未成熟去形容Arbor既服務質素。Arbor既staff其實好有禮貌，當晚既sommelier好用心介紹每支酒，不過唔知係米佢帶住口罩既關係，好多時我都聽唔清楚佢講到邊，餐前酒係當晚既selection,唔喺wine list, 所以要靠睇wine label既資料去估佢講咩，之後餐酒有番wine list睇住，起碼最基本跟得到佢幾時講緊邊個酒名同介紹緊邊支酒😆。另外當晚serve我哋既waiter年資應該比較少，佢其實好俾心機，不過serving既細節上係有待改善，例如開頭喺我哋伸手去bread basket攞 🍞 既時候，放緊麵包入口個陣，或者之後用餐間我哋伸緊手攞酒杯🍷既時候，咁啱要上/換餐具🍴既話，只係幾秒既空間，其實可以等一等(事緣餐具擺放位置喺貼窗既一邊）⋯⋯不過當晚有另外一位負責上菜既staff，無論上菜時間既控制，對每個dish既解釋都好流暢清楚，為Arbor既服務加番分🤓。至於食物同酒既質素，Arbor is comparable with restaurants awarded with 3 Michelin stars ⭐️ ⭐️ ⭐️ . 我地兩個本身都鐘意食日本同法國菜，所以一知道Arbor係日法fusion菜就即刻check it on the list. 我地當晚兩個都叫左full course, main course一個揀fish另一個揀pigeon, pigeon is definitely the dish of the night 😋. 另外sashimi鯖魚非常新鮮，鮑魚用昆布marinate過質地幼軟，不過呢兩個dish喺預備米方有少少美中不足既地方，對於食開日本米或者omakase既朋友黎講對Arbor處理米方面係有比下去既情況。甜品方面，加埋petite four it’s more like a palette, It’s all soy size非常大，佢本身比較甜，我咬兩口已經食唔落，可能2-3 pcs in bite size會好過一大件，自己食唔晒可以分俾其他人食，無咁浪費。整體黎講，5星食品，4星服務（staff既誠懇態度），4星環境（5星餐廳設計，但有令人唔想俾星既seating arrangement）。…查看更多

如果以前有食過又好鍾意鰂魚涌佳記幼麵既人，喺呢度就食得番個種無乜鹼水味而仍然爽彈既幼麵。個日行過本身想食好耐無食過既粗豪澳牛，不過條龍長到一個點，等得黎胃口都無埋，就撞咗入呢間都好有名既老舖，果然名不虛傳！𥚃面嘅裝修好舊式，仲係用緊以前茶記個啲雅座，外國朋友黎香港旅行一定會鐘意。野食睇相就知料足味足，最緊要質量穩定，我一路食既途中就見到好多應該係食開嘅舊顧客，一黎伙記就知咩order，好快手,直接寫單入廚房。我覺得係老香港既味道，一定有下次！…查看更多

我2pm左右到舖面見到好齊款，除左滿滿一櫃既signature,仲有好多fruit-based同tea-based既sponge cakes可以揀當時仲有兩個客而舖面得一個人serve, 不過我好欣賞呢位staff, 佢好細心咁回答我地既問題，而且對每款蛋糕都好熟悉，會就住我地喜歡既味道介紹我地試邊幾款。最後我揀咗6款，多數都係fruity，其實我哋每一款都好鍾意，味道有新鮮感又唔會重複，個人而言特別推介有花香配合夏果既款式，比較適合夏天。…查看更多

同同事喺附近買完嘢諗住食個下午茶先番屋企，去完每次到新蒲崗都必去既享樂X焙買麵包之後，見近近地試吓呢間台式餐廳四季，一試就出事。入到去先發現無下午茶餐，剩做午餐同散叫，同事叫左午餐set有麵/飯包$8或以下小食一款，加$11有餐飲，我自己唔肚餓就散叫左一碟甜不辣同凍飲蜜桃茶少冰。同事覺得佢個份餐都正正常常，不過我哋兩個見到份甜不辣就呆左⋯⋯如圖所見，一整碟「甜不辣」係一堆切片炸左既花枝丸，我忍唔住再問左舖面既伙記碟花枝丸片係咪就係佢地既甜不辣，伙記確實答「係」⋯我只能講一個字：服（伏）！其實個頭附近好少餐廳，可能質素好唔好都有生意啦，不過喺香港呢個飲食天堂開得舖，都希望有番基本質素，而且碟細過手掌既「甜不辣」價值$28，無論交出嚟既食物同份量都令我有入左🖤店既感覺。…查看更多

其實早在今年四月尾食既一餐生日晚飯，不過太懶所以而家先寫食評參考完呢度同Trip Advisor既食評之後決定order A la carte，我覺得無揀錯，主要原因係set dinner裡面無包到signature dish: truffle tagliolini同部份其他食評家highlight既必試菜。以下係我地當晚試左既drink and dishes:老公揸車所以得我自己飲，本身請serve個位waiter介紹（其實諗住佢會請番在場負責wine pairing既staff過嚟，點知佢自己喺個drink menu度指左杯italian exclusive既wine⋯）結果，味度同點既appetizer唔係好夾，酒味偏酸，只能說not my cup of tea餐廳送既appetizer ，佢哋既tasting menu都有既hors d‘oeuvre，有好重既牛肝菌味，入口好香，very italian其實海膽fans對呢個dish既海膽唔好抱太大期望，佢新鮮不過味道比較清淡，Scampy新鮮挺彈牙seafood soup，必試！龍蝦肉新鮮彈牙係基本，不過佢既湯底濃得黎唔會太咸，質地順滑唔會太watery or thick，飲完一碗好想encoreBrittany blue lobster，必吃！唔知係米對truffle tagliolini期望太大，睇住staff原隻french truffle片片落dish其實visually效果好吸引，不過食落呢隻truffle其實無乜香味，反而尖沙咀既sabatini ristorante italino仲impressive. Homemade tagliolini食到italy新鮮即造既質素。Short rib and beef tenderloin，😆I would say it’s tender and juicy as expected but nothing special. 食開日本各prefectures既牛肉的話，呢個dish實在無太大驚喜，typical quality standard. Chocolate soufflé with dark choco ice-creamPerfect for chocolate lover. It’s dark and rich enough without shallow sugary sweetness. 兩個人其實一份甜品已經full load，不過我同老公各有preference ，所以一人一份，試哂兩隻味。Limoncello soufflé，清新，喜歡citrus味道既人一定會鍾意，我地唔突別好都覺得好好味，食落會有份清香，好舒服。如果食得幾飽又真係好想食甜品結尾我highly recommend呢份dessert如你所見，仲有complimentary既petite four同chocolates，不過太飽，petite four食左半份，朱古力只係揀左一粒coffee flavour（唔記得影）總括而言，以上食既我地最impress既係appetizer，lobster同soufflé ，用餐全程都有assigned staff每分每秒留意你有冇任何需要，非常有禮貌，坐得舒服，幾chill（係當晚離遠有枱ABC講嘢大聲左少少），唔會太formal～值得一試（Reservation是必須的）～…查看更多

趁無咩人出街，餐廳易book左好多，一星前book都book得米芝蓮3星廣東菜。第一次去龍景軒，巧期待！分享番少少基本資料：1）免費+待客泊車（不過埋單後15分鐘內要攞車）2）我地weekend去，本身有3set menu，每個星期轉換，我上官網睇過，有得睇D menu, 不過就無顯示邊個星期用邊set menu，所以想知既話可以通電話個時問埋。服務，食物都令我覺得龍景軒擇星有理，餐廳內部其實好乾淨整潔，不過我哋今次張枱對住海景，見到落地玻璃好多水漬，浪費左個靚景⋯可惜可惜。我哋兩個人去，之前扒文知道叫點心可以選半份或跟人頭點，要❤️❤️❤️呢個安排～喺客人既角度諗，巧貼心哩～我哋當日叫咗以下既點心，最驚喜既係燒味3點中既炸鰻魚（超juicy，完全無骨，巧新鮮彈牙肥美既白鱔，中式脆䊢厚簿啱啱巧），同埋我一心去試既得獎菜龍帶玉梨酥（不解釋，你試完就明），其他點心炒飯甜品正常發揮。食完送咗complimentary petite2，唔知咩味，因為太飽同埋我唔食馬仔結論：會再去試埋另外兩set menu…查看更多

兩星期前屋企人到訪后特別推薦~ 尋日特登走過黎試試, 對佢既食品, 價錢, 裝修同服務都感覺良好! 我同男朋友分別食'日式豬軟骨飯'同是日精選'雜菇茄子咖喱特式飯'~  食品份量適中, 豬軟骨其實有兩大件, 男朋友太肚餓, 食到一半先影張相 (哈哈又夠貪吃的～)! 佢煮得好入味, 甜甜咸咸既味道, 火喉好夠, 幾香, 最緊要有軟骨又有肉地, 軟lim lim但又吾太痴牙, 我地兩個就好鐘意喇!至於我份雜菇茄子咖喱特色飯, 食得出雜菇同茄子都係先快炒再落咖喱, 係有口感既, 吾會好似炆菇茄子咁lum pat pat, 覺得個廚幾有心機煮架! 咖喱應該係牛肉味甜咖喱~  不過個飯我覺得有D失色, 因為唔係珍珠米, D飯有D仲係唔完整, 浪費左混落去既Veggie配料(carrots/corn/pumkin...)~ 今餐我地無叫野飲, 只係一人一杯暖水~裡面大概有20個座位, 地方細細, 勝在簡單, 特別喜歡店內放置左一小缸魚仔同埋一列排開既綠色植物, 牆身主要用木條板, 我見到仲掛住左個行山旅包(潮款), 吾知係吾係裝飾品黎哈哈~ 總括而言, 會再黎~ 溫馨提示: 堂食每人都有茶介$3, 一杯麥茶/水, 可選冷/熱~八嬸資料: 聽聞主廚係一位日本師傅黎!  …查看更多