LCLEO的個人專頁

💛第二次嚟深水埗呢間小店食嘢 同朋友兩個人叫咗好多款唔同嘢食 店主好親切會為我哋介紹邊一款水餃🥟好食 由於上次叫兩份水餃食唔得曬所以今次只係叫咗一款椰菜豬肉餃 🥟🥟呢款可以話最普遍嘅水餃餡料 佢嘅椰菜甜味真係令到個水餃好好食 椰菜清甜爽脆 豬肉都唔會好多肥肉麻辣雞翼 😀係跟餐嘅小食 麻辣汁好入味 少少麻 最特別係個台式大腸羹 🤣🤣本身以為佢好似平時食開嗰啲大腸麵線 但係佢個湯底冇咁鹹同埋重麻油 識落係好清 好似飲緊豬骨或者雞湯咁 入口好滑 大腸豬紅都洗得好乾淨 唔會有異味 怕腥嘅可以落多少少胡椒粉 呢個真係好有驚喜…查看更多

今日嚟到屯門，全日都想食日本嘢，嚟到呢一間日本餐廳見到午市套餐幾抵食，坐咗入去即刻就想食一個牛扒午市餐但係可惜沒有，轉戰漢堡牛扒玉子飯，玉子蛋為流心溫泉蛋，是幾有心思的。漢堡扒上亦配上醬汁，稍為略嫌醬汁比較厚身少少，如果可以將醬汁放在一邊更好。配上的麵豉湯調校得恰到好處不太鹹。而且午市套餐更包一杯飲品，咖啡質素可以接受。閂左大食積嘅我仲叫咗一份壽司，包括吞拿魚腩用同埋飛魚子壽司，兩款壽司都非常新鮮，而且軟殼蟹牛油果卷配上的沙律醬汁簡直是天衣無縫的配合。餐廳食物質素非常不錯性價比高，午市價格亦非常可以接受，一解日本嘢飲之餘亦為你帶嚟不錯的新鮮感十級推介！…查看更多

今日入到黎屯門以為只係可以食草，點知為左準備個個趕住走佢準備睇Mirror, 竟然喺市中心有間咁有日式風味嘅日本餐廳。梗係入去望吓到底發生咩事啦 ，裝修好有日本居酒屋嘅感覺，恍似置身於日本東京嘅一個小鎮入邊。坐低之後見到餐牌上邊有一個迷你丼飯，牛肉應該是牛腩肉來的，味道不油膩而且好有牛嘅鮮香味。另外全消小食入邊我哋叫咗一串燒雞，一串燒牛舌呢兩個串燒都笑得非常恰到好處，牛味濃雞味重不得不提的是這個玉子燒，出面食的玉子燒都是麵粉為主的，但呢個完全右蛋組成，燒得非常好吃。櫻花蝦餅非常脆口不太鹹。雞泡魚乾向來都是我去居酒屋必要的食品，佢的口感好好味道一條配得非常好。還配上呢一個三文魚，燒得香脆而不失三文魚油的肉汁。…查看更多

今天中午和媽媽到長沙灣聯邦廣場“馬師傅菜館“飲茶，屬於舊式茶樓，服務員態度有禮親切。點了幾個點心，水準不俗。 蟹籽燒賣皇：每籠2粒，燒賣上有一隻大蝦，賣相吸引，豬肉味道可口。 馬師傅鮮蝦餃：都係每籠2粒，內裏充滿蝦肉，非常美味。 珍珠鷄：糯米軟硬適中，餡料調味ok，不覺太漏。 鷄扎：大大件有2件，腐皮包著嫩滑雞肉、魚肚和冬菇，美味而且滿足。 海蜇燻蹄：燻蹄不會太咸，海蜇爽脆。 整體食物水準高，服務殷勤，值得一試。…查看更多

突然想同女朋友浪漫一下，嚟到旺角呢一間西餐廳，一出電梯門口已經營造到浪漫的氣氛，入到去餐廳第一時間見到好靚同好浪漫嘅裝飾，有着心形的花朵圖案，食慾大增。我哋坐低後叫咗一杯特飲，特飲不算很甜，而且很有特色，調劑一下心情。前菜方面，我哋叫咗一份沙律 沙律配上吞拿魚，而吞拿魚的外圍有一層黑胡椒包圍，感覺上非常之特別。另外仲叫咗一份鵝肝，鵝肝味道非常好，沒有半點腥味，其他配菜更有焦糖味非常有特色。主菜方面，一份鱸魚，鱸魚的肉質恰到好處不會太乾不會太濕，已配菜薯蓉亦都準備得好用心。另一個是意大利飯，意大利飯的飯質本身比較硬，但配上醬汁食用卻有另一番風味。…查看更多

火鍋一年四季都啱食 今日作為火鍋控就去咗元朗呢一間充滿懷舊感覺嘅火鍋店試試佢魚肚豬骨湯底 真係估唔到一個200幾蚊嘅湯底竟然有咁多材料 豬骨都有成四大嚿 仲有其他魚肚冬菇雞腳 真係食個湯底都已經飽 個湯底超級甜 因為有太多肉類嘅關係所以都煲成奶白色 而家都好少火鍋館有珊瑚蚌 仲要好大嚿 又爽口 雖然係急凍貨色 但係解凍得好好冇雪味脆魭骨腩好新鮮 真係好爽口彈牙 腩位冇乜骨 啖啖肉黑豚肉腩片 肥瘦適中 入口有油香又甘甘地我哋仲叫咗椒鹽魷魚 🦑 超大碟 香口都唔油膩 炸到熱辣辣上枱好正蔬菜方面有冬瓜同油麥菜 夏天嘅油麥菜真係好甜 同樣都洗得好乾淨…查看更多

行過旺角突然間好想食法國西餐，去到呢一間Sky726景觀一流就當然唔使講啦，餐廳氣氛仲非常好，見到餐牌上面嘅選擇唔算話好多但係全部都係一啲好想食嘅西式fusion食品。前菜方面我哋叫咗一個青口，青口配上薯條，感覺清新得來有胃口大增，青口嘅醬汁非常入味，配起新鮮嘅青口簡直是一流。薯條亦都是新鮮炸起非常有誠意。除此之外我哋仲叫咗一客舖頭最出名嘅炸雞軟骨，亦都係新鮮炸起熱辣辣，誠意爆燈。至於主菜方面我自己叫咗西冷牛扒五成熟，雖然比想像中熟咗少少但係肉味亦都非常鮮味，而且配上嘅薯蓉同埋蔬菜都非常好吃。有人就叫咗羊扒，味道都好像不錯！ 一定會再返嚟食多次…查看更多

琴日揸車入到黎大埔，見到有一間幾有特色嘅西班牙菜。本來香港都比較少食西班牙菜因為價錢都相對偏貴，但見得得到呢一間價錢相宜，而且裝修亦都非常之有特色。佢哋入嚟試一試。見到佢有好多款唔同嘅肉類，當然見到有好吸引嘅豬手亦都有鹹蛋黃味嘅豬手，同事之間仲有燒乳豬添。不過最後都係忠於傳統嘗試一個傳統炸豬手，豬手嘅皮非常脆，而且並不油膩。配上傳統嘅酸蘿蔔，味道非常清新。另外仲叫咗一個燒牛肉，牛肉配上意大利醋，以及新鮮嘅菜，夾起來吃非常獨特開胃。主菜方面我哋仲叫咗一個全隻燒春雞，雞笑得比較乾身，一點也不油膩，配上獨特調製的沙律醬味道非常好吃，而且半菜還有薯角非常新鮮香口。以上所有的菜式都非常獨特，而且比較清新一點也不油膩，是相對健康的西班牙菜。…查看更多

好耐冇食雞煲啦 平平哋就梗係黎18樓雞煲啦 為咗個雞煲癮 都係揀咗最平嘅嗰個餐因為唔係好食得辣 每次都係叫小辣 我覺得個辣會越煮越辣 今次當然都唔例外 食到一半之後就好快加湯打邊爐啦講返啲雞肉 一樣保持到水準 唔會有冰鮮味 而且每一舊都好入味 係會令到你越食越停唔到口打邊爐當然唔少得牛肉 雖然係最平嗰個餐 但係特級牛肉一樣好有水準 唔會一味得個肥字當然點少得叫啲海鮮呢 值得一讚蝦真係好新鮮 非常彈牙 是日海鮮係花甲 冇沙 而且上枱嘅時候花甲仲會郁 真係估唔到放題火鍋都有咁新鮮嘅海鮮 絕對對得起呢個價錢跟住叫咗幾款丸 特別推薦黑椒台灣腸 一條一口 調味好好味 另外叫咗鮮淮山 爽口好味打完邊路梗係唔少得食返啲雪糕 仲可以任加配料添…查看更多

星期五放工，到太子 “熱點” 點心專門店晚膳，餐廳吾使加一，仲有八八折，質數高，價錢合理。 八寶飯︰有多種材料的蒸飯，內有臘腸、內飯、冬菇、雞肉、鳳爪、排骨、蝦米…等，一次過滿足晒多個願望。 蝦餃︰兩粒一籠，外型非常飽滿，皮薄餡靚，蝦肉爽口。 尖椒︰從未見過咁巨型的尖椒，每碟有4件，每件有一隻手咁長。 豬肚燒賣︰一碟有2件，美味的豬肚配上大大粒的豬肉燒賣，充滿懷舊情懷。 芋角︰又係另一種我非常喜愛的懷舊點心，外層蜂巢造型，賣相相當吸引，內裏餡料美味。…查看更多

放工係油尖旺區想食西餐，好多樓上/地下 cafe都價錢貴但冇特式。今日黎到呢度有驚喜，一入去除左有set dinner 仲有我至愛嘅石燒牛。雖然冇任食沙律同白飯，但黎到嘅牛係我食過最高汁(真心多肉汁)嘅牛肩扒。加30仲有set 配飲品，沙律個湯一d都唔hea我地，好夠味又有配料食。呢個牛一上枱都幾生，但一路切一路燒，可以自己控制熟度，加上側邊的牛脂肪繼續將牛嘅味道昇華。有2種醬汁配上食入口真心一流，勝價比超高！作為食肉獸，呢份豬手都不得了，肉味好出，都有調味，個皮係好好好脆，肉嘅味道都調得好好！ 雖然份量真係好大，但香港人工作壓力仲大，係隔離枱有一份好香黑松露嘅味道嘅意粉，搞到我都忍唔住再叫左份！ 味超香，寬條麵好彈牙，100分！ 一定再encore …查看更多

雖然疫情期間好少有機會出街食飯，不過嚟到一間咁有日式風味嘅餐廳就覺得好似置身左喺日本咁。嚟到只係想一次過試晒呢一度咁有特色嘅串燒。先來一客墨魚咀，呢個墨魚咀非常新鮮，一啲都唔乾。再之後嚟咗幾串牛肉羊肉。每一個肉類嘅肉汁都保留得好足，調味都恰到好處。通常去日本餐廳食都好貴嘅鰻魚，呢度價錢非常適中，而且味道好新鮮，燒汁特別調製，同魚的味道很夾。由於實在太掛念日本美食的味道，特意加咗呢一個烏冬。講到特色小食啦喎，呢個煙肉荔枝卷簡直係一流。甜味同鹹味夾得好好。呢度嘅兩款海鮮都非常鮮味，海水味很濃，但亦不會腸過海鮮本身的鮮味。對我自己來講呢個羊扒就係最好食嘅一個菜式啦，洋味非常鮮，而且調味亦做得很好，不會過鹹。一流！…查看更多

今次又去到一個村屋商場入邊搵美食。竟然俾我哋見到一間新開嘅日本餐廳，對於好耐冇去日本既香港人黎講真係好吸引。我哋一入到去就即刻問吓佢有啲咩好介紹。店員好有禮貌同我哋推介最新推出嘅火鍋，啱啱天氣開始轉冷，呢個火鍋嘅份量剛剛好。我哋叫咗一個受喜燒嘅湯底，味道非常適中唔會太鹹但係香味十足。附上嘅豬肉牛肉亦都好高質量！ 大家見到入邊嘅配料都好有份量嫁！ 依家叫咗火鍋，仲會送一隻生蠔刺身，雖然睇落去非常新鮮不過我哋都怕生食，一樣可以放入火鍋整熟佢黎食，好鮮！ 小食方面我不得不推介呢一個燒三文魚皮 廢話都唔太多講啦因為真係好好好好食！ 入邊我哋都仲叫咗唔少嘅壽司食不過最想推介嘅係一份和牛刺身同生蝦！ 好好味好鮮味！ 好鍾意食蠔既我地，仲叫咗一個熟嘅焗蠔，蒜蓉味好重😍😍😍…查看更多

今日去咗一間好友泰式風味嘅餐廳，佢喺門口用嘅燈光已經另外有去咗曼谷嘅感覺 ，好耐冇去旅行真係好掛住我嘅屋企泰國啊入邊有一啲卡位仲係用嘟嘟車做設計非常有特色。入到去見到餐單一啲都唔貴，決定同自己好好慶祝一下補償番冇得去泰國嘅失落。梗係要來返個鹹檸檬梳打先啦 相信鍾意去泰國嘅人見到呢一樽水一定有唔少嘅回憶再嚟頭盤 一shot 生蝦，相信大家都好耐冇去飲過嘢啦食住生蝦先啦，佢嘅味道好好食，真係新鮮運到㗎生蝦！ 之後再嚟就係冬陰功啦。 相信識泰文嘅大家都知道功就係蝦，但的而且確好多出邊嘅冬陰功都係冇大蝦食㗎，但呢一度真係有好多嘅材料係入邊，而且蝦亦非常新鮮鮮甜！ 鍾意食蝦我哋仲叫咗三隻大頭蝦，選擇用少嘅方法就知道佢真係有幾新鮮啦？ 仲有好耐冇食過豪餅，呢度嘅蠔餅比泰國仲用少好多麵粉，蛋味非常濃郁而且蠔一啲都冇縮水！ …查看更多

本來去尖沙咀staycations，行行吓商場覺得有啲攰想搵個地方坐低食下野飲吓嘢，以為去親尖沙咀呢啲地方一定好貴要去港女Cafe先至有得嘆個下午茶，點知比我搵到呢一間茶墨，見到佢嘅飲品好友設計好有特色決定同有人坐低試一試一！ 店舖環境好開陽喺電梯一想就係好易搵，而且錯嘅位置亦非常多，非常歡堂非常舒服。見到餐牌上面嘅飲品選擇非常多，我就揀咗其中一個最有特色嘅芝麻奶茶，入邊亦都有一啲麻薯，麻薯嘅口感同芝麻非常融洽，大家都有啲磨砂嘅感覺。配上奶茶嘅香滑可以做一個好好嘅平衡。大家仲見到手上面搦住一個好靚嘅盒，入邊就係有兩件蛋糕🍰味道唔係太甜亦都食得出係新鮮製造！ 而且口感非常滑，特別係番薯蛋糕，或者我見識少出邊冇點食過，但佢嘅感覺好似食緊一個蒸番薯🍠一句到尾點會唔撐啊？ …查看更多