hoikwai的个人专页

今天經過葵興、順道去久違的lassana吃個午餐、今次試了煙鴨胸蕃茄意粉以及點了latte! 意粉新鮮熱辣醬汁味道剛好！latte 夠濃温度適中、完全是一個滿足的午餐！ 下次要黎試埋第二啲意粉！ …查看更多

Kcc附近從來欠缺一間好咖啡舖、oss唔係果回事！終於有新野進駐、原來呢間lassana都有幾間分店、所以即管試下！舖頭地方唔大但啲梳化都算舒服！食左個下午茶tea set , Earl gray 旦糕鬆軟唔太甜、咖啡好ok 、濃香又唔過熱、絕對係心機野！ 見到個lunch menu 有熱食意粉、下次經過要試下！…查看更多

無影相因成件事太突然！ 星期六一家三口去食午餐、第一次幫襯。午餐點左carbonara 同蕃茄吉列豬扒烏冬、再諗住等2:30叫多個下午茶比阿仔！ 野食唔太大問題、炸野係少少太乾但ok的！但carbonara黎到變左通粉非意粉，阿仔唔食、問清楚店員係廚房改左但無通知、所以我只能抱歉地讓他們取消、店員一開始唔太明要再轉手有個senior先處理到！食到半路、有另一枱客入黎話我知身後天花冷氣滴水、我一擰轉唔係滴咁簡單係開水喉咁、我架bb手推車全濕連帶我背囊都濕！即時起身處理通知店員！店員a隔一分鐘出現拿住支長棍上面包住抹布、意圖印下...我忍唔住話你望清楚係水柱咁喎！佢呆左唔識反應！轉個頭講英文店長出現、我要再轉channel講一次先有人拿個水桶黎！跟住我開始又好忙咁叫人拿紙巾比我抹車抹袋...無人主動問我要啲咩或者叫我換枱...外語店長返轉頭...竟然係用手機向天花板位置影相...我真係有啲嬲...唔通影相緊要過處理個客？外語店長說佢要report to her boss ...我真係多謝晒. 佢影完、我問係咪會換枱因為我個位置個地板全濕、店長指下唯一嘅吉枱叫我過去、但轉頭另一位店員b又帶左另一枱新客坐左落去了、好有黙契！ 又轉過頭另一位senior 同事(處理carbonara 果個）再走埋黎問我需要咩、我答你唔知發生咩事呀？佢答我頭先唔享度...gosh..我究竟去左間咩舖！擾攘一輪轉左枱...食埋諗住走..外語店長黎真誠道歉...仲free左成張單...但我堅持比返錢...唔多只係$140..我唔係要用投訴R免費餐、但有認真話佢知同事們太年青（而家啲舖成日要幫年輕人但有冇認真train up 佢地）...食飽擺低錢收銀即閃...不能說無下次但有啲卻步...上網搜尋個餐廳嘅底細大概知一二...所以間舖有好勁音響設施..都係果句..飲食除左食物都要有服務...淨係搞promote 或一味年輕唔係好work..good luck …查看更多

一心諗住幫襯唔係starbucks嘅舖、佢主打係illy咖啡、好啦諗住齋買一杯，grand size要$40蚊...要左杯latte、首先等左一輪、唔覺有人去沖咖啡、問下負責包裝同事、幫我催、結果剛才收銀姐姐行埋去沖，心諗大鑊！黎到杯野超熱、隻外賣杯係完全拎唔到、佢有比膠袋但唔想浪費、格硬拎住走！攤一輪叫啱温度開始飲....頂...難飲到只有奶味無啡味...我一粒糖都無落！我準備拎返去換、因為真係無辦法飲落去…查看更多

之前黎過飲野、今日上黎慶舊曆生日！上網沒有太多呢排嘅推廣、唯有盲摸摸上去試.上到去有5/6枱客、唔算靜！因為帶住阿仔、阿仔只吃白汁類意粉、咁啱午市套餐無、就即管問下alc有無、侍應很有耐性問准廚房可以煮carbonara、仲第一時間落單、抵讚！四個大人再吃左三個套餐、價位200中到200尾唔算平！先黎頭盤妅抵食夾大件、唔記得影相但parma ham加煙三文魚加生果真心大件、味道亦尚可！再黎今日餐湯黑蒜薯蓉湯是心機作！主菜上場、牛肋骨嘅汁略帶過酸但牛肉很嫩、有水準！雞扒也是新鮮雞味與也可！甜品有芝士餅加芒果千層酥加生果...你無睇錯係三款...食完仲有咖啡或茶未講完其實仲有面包（但略嫌唔熱唔跪）、仲奉送餐前酒或橙汁！一個午餐食6款野...呢個價錢合理的.唔嫌熱可坐戶外、景觀一流睇晒成個將軍澳!留意星期六日沒有信用卡優惠、有就會比多粒星…查看更多

無諗過九龍灣都有間咁闊落嘅咖啡店、新開當然新淨企理、梳化好坐、重點當然係咖啡，好有水準、好飲過樓下間p字頭幾十倍！最怕咖啡太熱、佢真係啱啱好、沖果個都睇得出係專業嘅咖啡師，所以好啱我呢啲偏濃口味人士、唔係奶水咁！ 啲staff 好friendly, 唔會趕你走、約客傾野或者偶然要工作嘅好地方！今日試左latte 同一個菌類芝士toast, 份量唔太大很好！會多啲幫襯希望佢做落去、好飲嘅咖啡店唔多、一定要支持一下！…查看更多

過年要你分兩時段、6-8/8:30-10:30，為左就朋友食頭輪！去到臨時多左一個人，問我可否放bb 車享第度、因為太逼、但當時我毎仔享車訓左，我望住佢唔知應該比咩反應（唔係普通侍應，高級著西裝的）！野食真心一般，又細又唔特別同埋偏鹹，個樣睇得但食落只係正路野、性價比太有距離！全晚比無數個侍應撞我張櫈、兼且要我郁位就佢、sorry, 我全晚抱住件40磅仲叫我郁，想點？朋友做公關享度搞function 以為好野，點知失望到爆！的確無敵維港景你二人世界應該呃到女女、但團體聚會絕對比人鬧爆！9大1細盛惠$2600、呢個價錢食呢啲大把野㨂！不揸車由地鐵行過去堅遠、手推bb車更是要躲避强國人潮兼無數電梯！不方便小朋友之選！除非你打算上樓上玩具反斗城破財另計！全晚只能讚埋單部長細心教點樣分三張信用卡碌以拿盡三架車泊車優惠（並非前文的經理啊）！…查看更多

天晴當然入西貢行下、去到舊墟果邊原來開左幾間新cafe, 見到唔駛等位即刻坐低食個晏熱辣辣又想食好啲於是㨂左帶子合桃沙律同埋杯涷啡，上菜算快，好快有得食！生菜好新鮮，帶子份量頗大、蒜蓉多士都係脆既（不過蒜蓉有啲辣），一個人食曬食份都幾飽！ 咖啡很不錯，夠濃夠味唔太甜！ 期間好多帶狗狗朋友幫襯、出面個露台區啱啱好！隔離間cafe 好鬼多人排隊，呢間都可以encore 再食！不過如果跟餐叫飲品可以半價更好（而家叫意粉先可以）假日都撞倒明星、楊怡家姐帶埋個女食！…查看更多

今日同事提出想食呢度，好在我地食飯時間夠彈性，所以2：00先出黎食！果然唔駛點等位，一陣就有張四人枱！第一次黎，見個個都係食呢個滑旦叉燒飯，梗係跟風唔蝕底啦！ 廚房姐姐超快手，唔駛五分鐘就有得食！ 滑旦既軟滑程度啱啱好，葱花夠香，叉燒又好味，簡直係全城最好味既滑旦叉燒飯！ 同事建議可以加豉油，我初頭都驚鹹，但原來加少少又真係香啲喎！ 一個人食晒食碟都堅係飽，食唔晒下次可以叫少飯！如果想黎傾計就唔好㨂呢度食，因為等位既人真係源源不絶！…查看更多

生日週繼續，同事買了出名的彩虹旦糕黑白版！ 個包裝真係好鬼靚，個盒打開完全係啱晒女仔既蝴蝶and粉藍色！跟旦糕支蠟蠋係金色既，果然係注重包裝！餅店姐姐話旦糕啱啱雪櫃取出，要室溫放兩小時才能品嚐最佳味道，咁我地即管放佢一粒鐘先食！等左一粒鐘後，滿心驚喜地切旦糕，食落其實又唔係好特別！我已經算喜歡椰絲，但係都唔算覺得好好味！個旦糕入面唔算甜，個質感算係界乎軟軟地硬硬地之間，唔識點形容！最好食反而係個朱古力底，好香同好濃！我估佢既朱古力旦糕應該幾好味！上網check返原來佢所有材料原裝外國進口，同埋佢係用代糖同no gluten！可能咁所以多人買啦！但個人認為性價比不太出色！…查看更多

已經不是第一次來吃飯，今日正值生日，繼續選擇呢度作為慶生地點。經table map book位及準時到達，侍應哥哥很貼心安排了四人餐枱位，因為我呢個大肚婆真需要舒服少少。點了set dinner，因為選擇多價錢又合理。我㨂左兩個courses，老公㨂左四個courses。前菜casear salad沒什麼驚喜，不過不失。跟住到湯，洋葱湯保持一貫水準，熱辣辣之餘，味道非常可口！反而老公個龍蝦湯偏鹹，可以淡返少少！ （跟湯上既包非常好味）到主菜上場，我個rib eye steak七成熟，真係足300gram，份量好大。伴菜有我喜愛既火箭菜同埋個薯蓉球非常好味！rib eye steak軟熟又有牛味，我真係成份食得晒！不過因我一人食二人份量，建議女士可能要同人share！老公個朱肉反而有少少鞋，但都好好味，而且份量超大，啱晒男士！是晚最開心係個vanilla souffle，其實佢甜品有成十幾款選擇，平時我每次都係叫心太軟，今日改試梳乎里，哇！！！好好味！ 熱之餘又香甜，又不會過甜！一個人食都啱啱好！老闆仲好好人打左個折比我，所以下次會繼續encore！…查看更多

一班老友的開年飯加2/3月生日之星飯局，為左就腳即管試下！去到都多人等位，可能咁啱又有壽宴又春茗，無訂位肯定等好耐！坐低睇餐牌原來選擇唔多，價錢仲係中上果種！最後選左啲基本野，包括前菜烤夫，椒鹽豆腐，主菜有麻婆豆腐，上湯菜心，樟茶鴨，九層塔豬肉，茶樹菇蚊雞，無花果朱肉，炒年糕，仲有甜品東方之珠！全晚最驚喜反而係麻婆豆腐，夠辣！其他野真係一般！我覺得灣仔果間文鼎好食啲！個東方之珠其實係為左比人影相，除左佢個發光閃閃底座應記一功，最特別佢會伴個雪糕點黎食，其實兩件事完全唔夾，都唔知搞咩！忠告無8/9人唔好叫，一黎貴，198一個咁既波，除非你帶遊客朋友或者鬼佬客為左影相！二黎堅食唔晒，免得浪費！仲有原來真係會播張國榮Monica 作為上菜音樂，但只限於酒席出呢個東方之珠既時候！註：全晚最煩係隔離港女阿媽唔知成枱咩活動，媽媽會或者生日之類，出出入入撞我張櫈2/30次，食餐飯啫，唔駛公關咁行黎行去，仲要sorry 都無聲！希望你有緣見到呢個post,反省反省！…查看更多

一行五人聚會在西環，食飽就去附近睇睇有咩甜品！發現呢間新開小店。去到門口已經有人等位，稍等左一陣親切既姐姐安排了高枱位置，仲貼心地問我呢個大肚婆有沒有大問題。坐低睇下佢有咩食，主打係waffle，仲有雪糕同各類飲品。五個人就梗係叫野share啦，拿住個ipad睇野食特別開心，因為可以睇住個圖係咁揀，加上侍應哥哥都好親切。我地叫左rasperry waffle 同埋佢地推介既紫薯waffle，仲有apple crumble 添。果然如果一間小店係專一做某幾款野，係會好食既！waffle好脆好fresh，個雪糕好味，紫薯係真係好home made好正宗，唔怪得佢會比rasperry貴都有道理。Apple crumble製作需時，等左15－20分鐘到，哇！堅係食過最好味既crumble，份量足又唔甜，又大件又好味，一個人食都唔覺得漏。超級推介。由於果日係人日初七，我地享度各祝大家生日快樂，點知老闆聽到以為我地真係有人生日，就自製個小甜品出黎，真係唔好意思啦老闆！不過真係多謝你既窩心安排！我地只係食左大半個鐘，出面就開始多人等位了，問老闆點解唔整幾張摺枱擺門口，反正巷仔無人理，老闆話要奉公守法喎！真係好人，咁唯有我地要食早啲去或者等耐少少啦！…查看更多

今晚是老公生日，選擇了公司附近的餐廳食一頓簡單的西餐！諗住網上預約仲有9折，姑且一試！上到去環境算寬敞，不過硬係感覺不太高級！今日set menu 四度菜418，選擇左wild mushroom 做頭盤，意大利菜湯，主菜食steak, 甜品係心太軟！前菜個酥皮盒好韌，味道普通！湯就正常偏酸，牛扒就普普通通！全晚最好食只係餐前熱辣辣面包！同埋廚房真係記得我留言要享甜品寫happy birthday to my hubby! 只不過心太軟都唔特別好味！埋單先知係restaurant week, 個set dinner 已經平左所以無訂位九折優惠！雖然送埋matching wine (我大肚唔飲得），轉左做餐飲，之但係都唔算好抵！2人埋單$920！…查看更多