Huiwo太太的个人专页

看莆田以福建菜為主, 我日常生活成日食到福建菜, 今次一於試下有咩唔同!二人點了椒鹽豬手, 九轉小腸, XX豆腐鍋(忘記了名稱)椒鹽豬手豬手是炸的, 皮好厚好硬, 好難咬, 肥膩感重, 幾乎食唔到肉, 唔講真係唔知食緊豬手。九轉小腸上菜是有蠟燭在底部座熱, 但我發現蠟燭並沒有點著, 於是跟店員說, 那位店員說"一樣食得"。我就信此為裝飾品, 試下小腸係咪"一樣食得"先! 食一口, 小腸只是微微的暖, 而且不久後小腸的油脂凝固成白色。於是我就跟另一位店員說, 請點著蠟燭, 那位店員隨即找出火槍點著蠟燭。蠟燭熱力發揮, 熱熱的小腸好食好多!第一位店員, 因為懶惰, 令到食物不能以最佳的狀態給客人品嚐, 亦是扣分主因之一。XX豆腐鍋此味很送飯~很家常小菜感, 不錯! 很大的一鍋, 吃不完打包走了! 總結, 我對此打著福建菜為名的食店有點失望。原本打算好味會帶全家人一起來吃, 看來還是吃媽媽煮的福建菜好了...…查看更多

食過幾次下午茶，價錢同環境都唔錯，坐得舒服。上星期再光臨，叫了豬頸肉清湯米粉+泰式春卷，熱檸水。豬頸肉清湯米粉，豬頸肉好食易咬，清湯底亦不失色，唔會好淡，夾米粉好食。泰式春卷，咬了一口，凍冰冰的，似係雪櫃拎出黎，我非常猶疑地問侍應，春卷係熱定凍架？侍應回是炸的，然後我說但是我呢份春卷係凍嘅。侍應立即收起那份凍春卷，重上了一份熱辣辣的。原本期望吃個簡單正常下午茶，想不到一間大餐廳會犯下如此低級的錯誤。廚師到底在忙什麼呢？食物未處理好便上枱。而且當日是閒日，店內亦沒有坐滿令我很失望的一次下午茶……查看更多

順路買啲小食醫下肚先，買左牛肉球$9兩粒，同咖哩魚蛋$7。魚蛋超細粒，顏色奇怪。味道腥，亦食唔出咖哩味。牛肉球，未食過咁難食嘅，麵粉，麵粉同麵粉，淋淋唔彈牙。在一個人肚餓狀態下仍覺得難食嘅食物，仲要無食哂掉左垃圾桶。你還會再幫襯嗎？…查看更多

當天點了咖哩豬扒飯, 滷味拼盤, 朱古力普洱凍飲咖哩豬扒飯咖哩醬汁味道還可以, 但略欠單調層次。豬扒軟淋易切, 好味!滷味拼盤飯幾乎吃完才上, 滷味拼盤有蛋, 雞翼, 豬肉切片。食物連碟都是熱辣辣的, 可能是連碟蒸返熱。滷味拼盤死咸的味道, 雞翼很鞋, 很難食的滷味, 性價比超級低!此餐最出色的是"朱古力普洱"普洱味減低朱古力的肥膩感, 多了一點兒清新茶香, 好飲! 值得一試…查看更多

這餐廳經過多次, 也沒有幫襯, 看情人節那天排隊那條龍, 也嚇一跳今天就試一試吧!二人點了炸蝦餅, 蝦皇炒飯, 串燒它好像沒有套餐, 人少吃選擇比較少 (因為份量關係, 點不了太多口味)炸蝦餅這個好味, 食得出彈牙蝦味!蝦皇炒飯只能說是普通, 不是招牌菜式, 也不是廚房拿手好菜。(下次不會再點此)串燒牛串,雞串, 都好正!其實是它那個沙嗲汁最惹味!值得再試的餐廳!…查看更多

點了一客香辣紅薯粉+手撕雞一客巴鮮米線+豬軟骨另再跟餐+雞翼香辣紅薯粉+手撕雞紅薯粉是粗身的, 湯底辣度適中, 味道不錯,:(手撕雞很鞋...料十分之少!!巴鮮米線+豬軟骨不辣的湯底及米線都不錯, 比其他店舖好一點,豬軟骨十分入味, 非常好食!此值得再試。雞翼即炸, 皮脆肉有汁, 好味!跟餐來了兩杯飲品, 好立克, 柯華田只能說是淡到跟水一樣...卻比水難飲多倍!這一點真的是, 請不要開餐廳吧! 連基本的沖製飲品味道也做不出來!價錢比起同類店舖貴, 餸料卻少得多...但主食米線及湯底真的不差, 如能改善, 日後也許也能吸引多D回頭客人…查看更多

晚上六點多去到,不用等位,即入環境就是老店的格局, 還有一陣怪味...我和老公點了一份鐵板西冷牛扒SET, 一份鐵板羊架SET點完餐很快便端上周打魚忌廉湯和餐包, 味道不錯之後來到的鐵板羊架, 雖然灑上黑椒汁時都沙沙聲作響, 看似很熱辣辣, 但羊架不是太熱(只是暖, 這點很失望), 鐵板西冷牛扒卻是真正的熱辣辣, 所以對比十分明顯。只能說最後的雪糕是最美味的!老店都只是吃回憶, 吃懷舊, 不用特意排隊或節日才幫襯就比較好。…查看更多

我地三人點左:大PIZZA黎到睇到仲以為比錯細PIZZA我地!@@PIZZA都幾好食,係簿批好脆,不過條邊好燶!薄荷蜜糖雞翼個汁唔錯!不過翼雞唔夠滑千層麵好食~不過好細碟仔!得三層!自選配料+闊蛋麵+卡邦尼汁闊蛋麵唔香,而且有D乾身,個汁無味又少!唔夠熱!最失望的食物!食完我地三人都覺得好似無野落過肚咁!要走左去食糖水填肚!下次不會再去!…查看更多

與先生吃過晚飯, 再散一散步, 想吃個糖水為今年復活節假期畫上完美的句號。荃灣糖水店舖眾多, 先生極力推介這間!入去細看之下, 的確是比其他店客源不絕, 幾乎坐滿!我們二人點了幻彩粒粒 $26好多生果, 中間有舊士多啤利味的冰, 二人食極也不完糯米茲西米露 $17糯米茲係好香濃的荔枝味, 真係好似食緊荔枝咁!不過得兩粒, 剛好與先生一人一粒!我們二人撐著肚皮離開, 好飽! nice!…查看更多

今日同班朋友去了這吃半價的宵夜時段, 很多人排隊呢!忘記等了多久, 反正大伙兒很餓就是, 開心吃吧吃吧!我們點了很多, 食物來的速度很快! 台面也沒位了Round 1已經半KO左我地, 平時我地食第三round先夠!一口芝士, 勁濃芝士味! 外脆內暖我喜歡!我們吃得飽飽, 每人一百蚊都唔駛, 剩返比貼士款式同味道同價錢都幾好, 抵食丫!…查看更多

老公常說, 新開通常都好味D, 所以見li間野咁多人, 就入去試試 招牌鍋貼 + 旗魚丸湯 $26 這碟鍋貼很快便上, 但溫度係暖暖地, 食落無咩特別ja!以為叫得招牌會好掂, 但係煎得係幾香口。旗魚丸湯, 粒丸好好味! 好有口感~個湯就係清湯。 黃金咖哩鍋貼 + 粟米忌廉湯 $28食完哂招牌鍋貼, li碟野先上到黎, 等耐d, 但係就新鮮熱辣好多!正丫! 我同老公都覺得咖哩鍋貼好味D。 粟米湯忌廉湯好濃, 食li碗野都飽啦~哈哈!另加$5豆漿好甜, 一定加左好多糖! 成間得餃子食, 有點悶! 同埋好Dry...無其他小食! 味道其實都OK, 不過就真係唔夠多花款同埋特別服務麻麻咋! 唔想多講…查看更多

陪老公去黃金睇野, 之後晚餐揀左食li間$28 豬軟骨飯 d豬軟骨無咩味$36 吉列豬扒拉麵套餐, 豬扒炸得唔油, 不過無咩肉味同口感! d拉麵比一般貨色仲一般!老公說d湯好重味精!服務真係麻麻, 我見到隔離台, 上錯食物, 但個服務員個樣就好似唔滿意同埋無出聲。仲有我地埋單比錢時無講多謝! 無服務, 但都要比加一。早知聽老公話, 食隔離個間牛牛啦~:(…查看更多

前星期與老公試了三隻味, 原本想要的朱古力味賣哂!我們揀了, 日本紅豆, 法國吉士, 意大利味日本紅豆 - OK!普普通通, 但是好味的!法國吉士 - 正!吉士好滑, 魚仔出面灑左肉桂粉好香!意大利味 - 這是咸的口味, 入面有芝士腸, 我最喜歡這個!老公說比想像中好味! 下次有機會再食多d先~三條魚仔 $40…查看更多

前天與友人們聚首一堂慶祝朋友T的生日, 於是我們叫了外賣在家開Party叫了一個6人份的套餐, 大約是$350有兩個大pizza, 兩客小食, 兩個主菜, 四個沙律, 一支大汽水兩個pizza很足料, 正, 不過批底和平時pizza hut的不同, 但我喜歡, 有少許乾的。小食叫了薯波和蒜蓉包, 薯波就像薯餅一樣味道, 不過有點散吞拿魚蘑菇螺絲粉, 鴨胸飯, 這個一般, 但不錯啦~沙律, 很清新就是了可樂是百事的總括來說, 份量足夠6人吃, 我們四男兩女, 還吃剩呢, 太飽了!送到時間還挺快的, 價錢十分合理! 味道我愛pizza, 真的很多料!請埋朋友T, 每人都係$70…查看更多

同友人與老公一行四人來這裡晚餐, 叫了五樣蘑菇肉醬辣意粉蕃茄'默'魚意粉超級薄餅焗法式田螺蜜糖雞翼全部都好好味, 除左:焗法式田螺, 好細粒, 食完都唔知食左! 不過入面D芝士薯蓉幾正架! 價錢合理, 但無水飲, 話就話快餐, 但點完都係坐低等人送過來, 幾好又快!不過唔係咁夠食, 我估叫多兩個主菜就夠。總數是$188…查看更多