安妮區的个人专页

由於我在 Openrice 內有些積分共 $ 170 ，因就到期，也不知如何使用，看過介紹，可在一些指定餐廳堂食或外賣時扣除。發現這間平時有幫襯堂食的見多面，經 Open rice 外賣自取，雙拼三文治早餐平 $10，所以便上網買，扣除積分 $ 24 ， 我只需付 $ 1。但餐廳出的收據卻是正價 $ 35。見多面的雙拼三文治很足料，奶茶也很有茶味。他們的食物質素不錯，環境及枱面和各調味容器也很乾淨整潔，加上幾位員工很有禮貌及親切，這也是我多次幫襯見多面的原因。…查看更多

之前見 社交平台網友，成日推介呢間串燒好食，話老細好好服務😊一直都好想試吓。因為見D相，舖頭唔大，唔敢叫咁多人去。今晚一行 2人總於去咗食。去到見間舖頭主要係廚房，入面企咗 3個人，一個主要做燒烤，旁邊放咗張摺枱，已有一對男女坐咗係到，另外有些人外賣中。當時唸，如果坐戶外，都想放棄。好彩睇到舖頭有張紙牌，寫堂食有室內冷氣。便詢問其中一位男店員，佢即刻帶咗我哋入商場，開枱比我哋坐。佢哋有套餐 $ 47 ：包一個大撈麵，二串 $ 15 串燒。撈麵味道都可以，又未致於網友講到好好食。$ 75 有 4隻蠔，如圖見一個體型較少，不過味道都唔錯。燒茄子，$ 37 ，牛肉，豬腩，豬頸肉，豬腸，雞翼串燒。 (老板仔好好，我哋想茄子一邊辣，一邊唔辣，佢都盡量滿足我哋嘅要求🤗)整體食物，燒烤時間掌握不錯，不會過火，令食物乾。沙爹醬可選擇不辣，小辣，大辣。味道調得好好，不過個人喜歡沙爹有些花生粒會好D，但這裡的沙爹沒有。…查看更多

呢間喺荃灣廣場新開嘅，嚮和民，今晚朋友話去試下。食店環境唔錯，都舒服，服務態度亦好。食物價錢偏高，但食物質素一般，有些份量超小。😑蒲燒鰻魚壽司卷 $ 98 , 特上壽司盛合 $ 168饗和民沙律 $78，冇乜料。特製餃子 $ 48 ，冇特別。日本產蕃薯條 $48， 呢個先小得離譜，得七條，朋友忍唔住問侍應生，係咪得咁少，佢話係 100 g 計。🙄厚切牛舌串燒 $ 38 , 燒雞翼串 $ 28 。 個牛舌一啲都唔係厚切囉，有啲靭 ，細到好似雞腎咁，個燒雞翼好乾。(大)季節海鮮相撲鍋 $ 168 (二 至 三人)叫大鍋送多碟菜。…查看更多

因為見到食評話，閒日來食米芝蓮一星點心 好抵， 最平每款點心 38元，如果星期六或日，同一款點心要 $58元 ，因為閒日放假，便和媽媽及姊姊一起去品嚐。記得提早訂位，都好爆滿， 原來係分咗三場 ：11 am 至 12:30 noon , 12:45 noon 至 2:15 pm , 2:30 pm 至 4 pm ( 約 90 分鐘一埸 ) 。因為我哋都係早一日先訂，淨返早場同第三場，最後揀咗 早上十一點嗰場。😮環境係唔錯嘅，好典雅，舒服。餐具都好精緻，漂亮。😊點心都多款選擇，價錢清晰。荀尖鮮蝦餃 $ 38帶子蒸燒賣 $ 38叉燒腸粉 $ 58燕窩瑤柱菜苗餃 $ 48杏片叉燒菠蘿包 $ 48叉燒香芹芝麻蝦桶 $ 48海鮮芋角 $ 48香滑芝麻卷 $ 38其實佢點心D質素，真係唔錯👍咁嘅價錢，食到五星級酒店，真係值得一試😋服務唔算殷勤，都算有禮貌，不過食客一批接一批，冇停手，佢哋工作量都好大，所以體諒的。…查看更多

2019年曾經來過呢度食，最近同事話約去食， 佢話上次來食，見其他食客叫拿破崙蛋糕好正，不過好大，所以今次要叫多啲人來分享，一行 八人去食店，個拿破崙蛋糕要預早訂定。 一開𨋢就係入口，裝潢都好典雅，侍應生服務都唔錯。環境都好舒適寬敞， 每張枱到有一定距離。陳醋水晶肴肉，做得幾好。$ 60豔影蝦球 ， 招牌菜，賣相唔錯，味道尚可 $ 198孔門牛肋排，味道可以，不過份量唔多，價錢唔平 $ 388椒鹽牛舌 , 幾特別, 出面都冇見過, 但味道一般 $ 75豆腐雜菜煲酸菜桂魚片酥炸鮮魷, 呢個最差，啲炸粉又厚，魷魚完全冇味。呢個拿破崙蛋糕真係唔錯，賣相又靚， 做得好鬆脆，又大件，侍應仲會幫你分埋，不過真係要人多分嚟食， 飯後甜品，正 。😋…查看更多

呢間食店，地點有點難揾， 係轉角位上一層。入口唔起眼，差D行過咗，個商場好舊。需上一層自動電梯間食店應該開咗好耐， 佢用屏風間開咗埋邊大部份，但又唔好多客係入面， 聽到好似有一，兩枱熟客係入面，因為佢哋好大聲。酒樓只係留返入門口幾張枱，我哋一行 6人 就係坐門口旁的枱，環境就係麻麻，一坐低就聞到啲地毯噏味，當時真係好想打退堂鼓。不過後來朋友來咗，所以就作罷。馬友咸魚煎肉餅，味道香口，唔錯。椒鹽九肚魚炸蝦球西蘭花鮮魷魚珊瑚蚌，朋友食第一口珊瑚蚌質感好硬，我食直情有酸味，變壞咗。 通知侍應，佢話海鮮好易變壞，換另一款比我哋。 就係换咗以下呢款，改咗帶子。脆皮雞豉油王炒麵，夠乾身，味道唔錯。芝麻糊，味道一般，好稀。整體食物係可以，價錢唔算貴，但係環境真係一般，侍應生冇乜服務，唔會考慮再去。…查看更多

朋友夫婦二人之前食過呢間，今次有 5個人可以食多啲款，所以帶我哋去。 呢度嘅侍應九成都係外籍人士, 所以要有心理準備講英文，不過服務態度唔錯。Mexican Taco Beef (墨西哥玉米卷牛肉) $ 148，個賣相好得意，分量唔多，味道 OK 。Beef Lasagna Grilled ( 烤牛肉千層面 )$ 148， 呢個千層麵味道都可以。Baby back Ribs (Full) (烤豬肋骨) $ 358Chicken Tikka sizzler plate $ 180 , 呢個鐵板雞肉，份量唔多，但啲雞肉都嫩滑，有啲似印度烤雞。 食鐵板雞可選配印度蒜味薄餅，佢雖然冇餡料 ，但係味道整得唔錯。La Mensa House Pizza $ 170 。Chocolate smooth $ 85Pina Colada $ 85Fruit Punch $ 95飲品就好似一般 Bar 的水準，不過價錢唔平。…查看更多

同事帶我去呢間日本餐廳晚飯，厚福街 H8 成座大廈都係食店，呢間我未來過，我哋放工下午六點半左右到，可能閒日同早，加上打風前夕，冇乜食客。同事話上次佢同朋友星期六來，好多人排哂隊。一開升降機門就見到舖頭，地方唔算太大，但環境都舒適乾淨。多數人都係食定食，佢最出名係藍鯨吞拿魚， 揀咗 ⇒ 特選海之辛壽司丼定食 $ 178，貪佢多唔同款嘅刺身。日本食物一定砌得好靚，好有賣相。😊Order 完好快上菜，份量唔算太大，啲刺身都新鮮，各款食物味道幾好。 侍應生都有禮貌， 大約七點幾，已經開始多食客到店，差不多坐滿。…查看更多

朋友生日話好想食呢間，因為好出名， 早一個月前訂到話冇窗口位， 又唔係任食，價錢又唔平，仲要限時120分鐘。 冇可否認，佢嘅餐具好精緻， 食物嘅賣相亦都非常之靚， 但係食物嘅質素，就唔係話物有所值囉。揀咗鴛鴦煱 $ 338 (名稱：紅泥小染 及 東方美人)]枝仔冰 $ 78 ， 好細枝，味道一般。手工蛋皮 $ 88 , 味道普通。水蓮 $ 78壽司滑盛盒 $ 268 , 賣相係好靚 , 貴過真壽司，但又唔係咁好味侍應生好貼心話畀你聽，要焯 4分鐘，但係上面嗰件係牛肉，底嗰個係豬肉球，如果跟足佢做法，牛肉就就變咗過熟。就好似以下幅相咁😩玫瑰枝香 $ 168 , 只有賣相。澳拼重量和牛(大) $ 788 , 諗住食最貴呢款, 份量唔多預咗，點知灼完竟然係有渣同鞋，已經灼一陣都係咁，真係失望。有兩個魚缸，放咗幾隻龍蝦。環境唔錯嘅。雖然坐唔到窗口位，但係都係窗口位嘅隔離枱，都望到窗邊風景。😊總括嚟講： 環境係好，侍應生服務態度好嘅，食物賣相係靚，但質素真係一般，收咁嘅價錢，真係唔值，仲要限時 120分鐘。唔會再考慮幫襯囉。…查看更多

又到食大閘蟹嘅月份喇， 今年揀鴻星食呢個大閘蟹宴，因為有三隻蟹，夠滿足，揀星薈另一原因，佢環境一流， 可以出露台睇夜景。一行七人最後揀咗， 王者大閘蟹一位餐。頭盤嘅鴨胸青瓜，味道都 ok。蟹肉芙蓉羹，唔算多蟹肉。第一輛上嘅係蟹公，都算大隻同埋都多膏。蟹粉小籠包，個皮做得幾好，唔厚，味道不錯。侍應生見你食完第一輪，就會上第二輪，係蟹乸，明顯比蟹公細好多。最後個輪，就係蟹公啦。食晒蟹先會上其他菜。黑醋霜降肉， 呢個做得好，肉質好爽，味道又唔錯，有驚喜。😋酥炸廣島蠔 ，畧為油D，同粉厚，個蠔較細 。最尾上呢個窩心薑茶湯圓， 薑茶夠熱同薑，湯圓皮薄， 芝麻餡都唔太甜，完美句號。侍應生服務都做得好好，招呼周到亦都有禮貌。…查看更多

今日同朋友下午去沙田行道風山，所以諗住早D去附近龍華酒店食乳鴿，3 pm 沙田火車站出發，來回行程約兩小時，落到山下致電龍華即時訂位，行到去大約 5:48 pm , 由於早不算人多。 都有差不多五年冇嚟過，旁邊士多仔仍然在。😊仍然保留兩邊掛滿紅燈籠🏮🏮🏮嘅特色裝修過後，環境優雅咗， 廁所搬咗去另一邊，乾淨咗。乳鴿價錢叫咗紅燒頂鴿，$ 98一隻，叫咗 3 隻，六個人，每人食半邊。 乳鴿保持水準，雖然唔算太多肉，但肉質嫩滑，味道做得幾好，蝦片都好鬆脆。新鮮菠蘿咕嚕肉 @ 168 , 呢個菠蘿係新鮮，但係咕嚕肉味道一般 , 收咁嘅價錢 ，份量唔算多。油鹽水浸蔬菜 @ 108，味道尚可，菜都鮮嫩沙田雞粥 @ 168， 個粥幾棉，雞就有啲鹹，整體味道都可以嘅，每人都分到兩碗仔。干炒牛河就做得唔好，牛河好硬，牛肉又係柴皮咁，麻麻。原味豆腐花一窩 @ 138， 來到見到唔係木桶裝，有D失望，唸住係熱食，點知食嗰陣時先知原來係凍嘅 ，落單時侍應生又冇問我哋要凍定熱，唔算好滑 😒其他食物價錢👇埋單真係要睇清楚，佢原先張單加多咗我一個飯 ，我查單先發現到，告知佢後幫我改返。…查看更多

今晚逛完荃灣千色店，想在附近吃晚飯，朋友想食中菜，上 Open rice 搜尋一下，發現呢間御名苑， 其實之前呢個位置都係酒樓，內裡格局冇乜點變，可能改咗名。😁星期五晚唔算人多，酒樓的套餐都多選擇，見網友推介蟹煲，都唔算好貴，最後揀咗個 B 餐。 叫咗個小吃鹵水豬腳仔 @ 68 , 做得唔錯，夠霖同入味。套餐B @ 338 包⇒黑胡椒炒蟹，雖然唔係好大隻蟹，但係有兩隻，D肉質都唔差，唔會係水蟹，買手應記一功👍份量都 OK ， 煮得好惹味😋 套餐B 另一個揀 ⇒ 脆皮英文昌雞，果皮係脆嘅，都算整得嫩滑，但係隻雞就瘦咗D。瑤柱海味雜菜煲，個湯清甜唔咸，什菜都鮮嫩，材料豐富，味道不錯， 略嫌部份枝竹有點硬。@ 108侍應服務都周到禮貌， 一坐低寫張枱卡嘅時候會問你貴姓，中途會幫你換碟，見你差不多食完，就主動話送糖水比我哋，糖水係紅棗雪耳南北杏雪梨，清潤不太甜，不過忘記咗影相。😅我們旁邊間咗啲房，入面有人唱卡拉ok，就比較嘈，基本上環境同食物都 ok，可以考慮下次再幫襯。😊…查看更多

今日和朋友下午去咗行 M+ ，離開時附近有小巴去九龍站，那時 5 pm 多，因為中午我們在帝苑酒店，食咗個 lunch buffet 好飽，所以就諗住早啲食啲嘢，決定在圓方找餐廳，食個 Early dinner 及 輕食。原本唸住食越南菜，發現好多間餐廳都係限時 60分鐘，太趕了，呢一間竟然有 90分鐘，所以就揀咗佢啦，我哋坐嗰個位可以望到溜冰場，境觀唔錯， 坐低先發現原來佢有兩個火爐烤薄餅， 都幾有特式。😊餐廳環境都好舒適， 侍應嘅服務態度好好。叫咗呢個 ⇒ 意式牛油果蟹肉及煙三文魚多士$ 92，面頭鋪滿芝士， 味道唔錯， 不過就冇乜牛油果味啦。夏威夷風光$152，呢個烤薄餅熱辣辣，所以都好味， 不過餡料唔多。香蒜辣椒蜆肉扁意粉， 呢碟意粉，侍應生拎埋來，已經聞到好香，味道都好食。飲品最平都要 $ 58 一杯，有 D Bar 嘅味道。左邊：Lychee Refresher , 右邊：Passionate Blitz 。中間個杯，唔記得個名。😅…查看更多

因為行山去到山頂尾站，朋友話之前馬料水嘅雍雅山房係山頂重開，所以就決定試下。可能當時已經係下午 2:45 pm , 過咗午飯時間, 餐廳冇乜人，環境係唔錯嘅，同埋你去得山頂食，都預咗價錢唔會平，不過食物質素實在太差， 落完單啲食物好快送到，水都要收錢，侍應服務一般， 餐具又執唔齊，不過侍應生都有提醒客人可到餐廳旁邊戶外影吓相，睇吓風景。最後揀咗套餐，因為大家都未食晏，散叫食物及飲品，價錢都唔平。 前菜 ⇒ 燒雞科布沙律， 一細塊冇味嘅燒雞。另一款前菜 ⇒ 其中一個招牌菜 → 懷舊煎釀山水豆腐 ，豆腐滑嘅，不過冇特別。 主菜 ： 秘製紅燒乳鴿，係佢其中一個招牌菜， 佢賣相係ok嘅，但係乳鴿冇味。(燒鴿餐 $ 238 , 加一後 $ 262 )配薑蔥蠔油撈蝦子麵。 全個餐最差就係呢個蝦子麵，又霖又爛👎 真係唔希望畀外國人遊客食咗之後，以為香港D蝦子麵係咁質素😢另一主菜 ⇒ 烤伊比利亞豬梅肉配焦糖蘋果。(豬肉餐 $ 268 , 加一後 $ 295 )味道普通， 唔係現在睇番個 Menu 同相，我都唔知嗰啲係蘋果。戶外個境真係唔錯。總括嚟講：餐廳個名除咗都係叫雍雅山房，同以前嘅味道完全唔同 。舊嘅雍雅山房之前我都幫襯過，食物價錢都唔平，但係起碼味道都可以， 呢間食物質素真係太差 ，凍檸茶唔夠味，個湯冇特別，所以冇影相，呢間餐廳食過一次就夠。…查看更多

今天和朋友到薄扶林至山頂遠足，行完想早些晚飯，諗住去尖東酒樓，應該沒有那麼多人，朋友提議去馥苑，即場致電訂了 6:30 pm 。 由中環坐船過尖沙咀也很方便，一行七人準時到達， 環境都算寬敞，只有一兩枱客 。片皮鴨做緊特價 $ 288，所以就揀咗一份。 侍應生會拎咗一隻鴨出嚟，比你哋睇下 ，然後即場喺你旁邊切片，份量都算多，味道都可以。個薄餅做得唔錯，唔太厚，好細心咁，每塊中間用張紙隔住，味道都好。都係一般片皮鴨嘅配菜，青瓜，大蒜。中式焗牛柳，只有六小塊，冇乜味道，太多醬汁。$ 198梅菜蒸菜心，味道尚可。$ 148咸魚煎藕餅 ，因為得六塊，所以切開咗，呢個味道唔錯，又香口。$ 168鍋燒銀絲中蝦煲, 其實佢整得唔錯， 粉絲做得好乾身，不過份量真係太少，三隻蝦剪開一半。$ 228每人送咗個紫米露糖水，呢個有驚喜， 又夠熱，唔太甜，味道不錯。埋單時，大家真的要查單， 最好自己計定大約幾多錢， 因為佢開頭畀我張單，計多咗我支忌廉汽水同兩樽啤酒， 好彩我發現，佢先同我改過張單，唔係就收多我 $ 122 。 如果係自己飲咗冇問題，唔係就唔抵啦。總括嚟講 ：環境舒適，侍應生服務都尚可，食物味道係可以嘅，但份量就太少 ，價錢都唔平，酒水就更貴啦。…查看更多