pikapi的个人专页

lunch去食好啲，雖然lunch 90幾蚊好似有啲貴。不過上菜之後發現一啲都唔算貴，$100都唔使又有刺身飯，又有刺身，又有壽司，仲有湯同沙律，Facebook打卡之後再送多另外一份小食。除咗份量充足之外，連質素都係非常之好，同同事都一致認為呢個質素本來可以賣貴啲價錢。…查看更多

一入到去，見到人地份豬肋骨意粉好大份，就叫黎試下，果日餓餓地，叫左多意粉，黎到d意粉係人地三倍，老闆好大方😂份豬肋骨有成十幾條骨，個餐又有湯，又有野飲，都係八十幾蚊，抵到爛。意粉唔太淋，豬肋骨亦都好好食。…查看更多

叫左蠔仔肉碎煎蛋角套餐，$58包湯包飲品，本身以為唔會好大份，點知一黎到，碟蛋角好大份🤓平時餐廳淨係碟餸都起碼$80，呢到成個餐都係$58，好抵食，而且味道都好好。不過，入面有少少蠔殼碎，食既時候要小心d。…查看更多

我地6個人，叫6個小菜套餐一齊食，咁每人都可以食6個餸，好似屋企食飯咁，每人仲有一碟菜、湯同埋野飲，埋單都係每人$60。不過籠仔飯就唔岩share食，我地叫左一個，結果剩左d飯係到😐…查看更多

點心普普通通，最出名好似係雪山叉燒包，係ok既，就係一個幾脆既墨西哥包包住d叉燒咁。可能因為去之前，d朋友講得太好食，期望太大，食落唔覺有咁好食😐最差係d茶好似水咁淡，無咩味，就係啡色既水一樣😐…查看更多

6個人去食，除返開都係六十幾蚊。😗去親都會叫焗魚腸，因為除左呢到，唔知邊到有得食。不過就唔係人人岩食，我d朋友就覺得麻麻地，嫌苦。最後我一個人食左半份，好爽🤓…查看更多

叫左黃咖哩軟殻蟹飯，晚市會送埋前菜（可以揀木瓜沙律或者肉碎湯），仲有椰汁糕做甜品。咖哩一d都唔辣，不過好香好濃，軟殻蟹應該係即炸，好好食。另外叫左個凍檸茶，係泰式凍檸茶，同平時果d唔一樣，不過都好好味！午餐仲會抵d添，下次再食…查看更多

一入門口，好似時光倒流咁，d裝修好古色古香，好有六/七十年代既感覺。叫左兩個餐，一個西冷扒餐，一個瑞士雞翼餐。西冷扒餐有搭多幾粒蝸牛，幾特別，塊扒叫左medium rare，中間仲有少少凍，不過總括黎講都幾好食。瑞士雞翼就係呢間餐廳其中一樣最出名既，係幾嫩滑，而且都入味。…查看更多

一個二人套餐有一份吉列牛飯，跟一份忌廉咖哩烏冬或者唔知咩炒麵，份量唔太多，價錢偏貴。我同女朋友揀左忌廉咖哩烏冬，一上檯，成碗都係忌廉，撩起個底就有好香既咖哩味。另外兩位朋友揀左唔知咩炒麵，好辣，但同平時茶餐廳d炒一丁差唔多，但價錢同烏冬一樣，唔係幾抵。個牛係幾好食，有個爐俾你煎熱塊扒，幾好味。不過，間餐廳冷氣唔夠，仲對住個火爐好難頂，又熱又焗，食得好唔舒服，食完要快d走。如果諗住舒舒服服咁食餐飯，就唔好揀呢間...…查看更多

上次食蒸魚飯，都發覺條魚個肚好苦，諗住可能係自己唔好彩。😖尋日去食，諗住俾次機會佢，再食多次蒸魚飯，仲苦過上次，個肚入面仲有d內臟係到。🤮佢d野食應該真係洗得好求其....杯凍檸茶味道仲怪怪地，有d好似洗潔精咁既味，唔知係檸檬壞左，定係隻杯洗唔乾淨😐…查看更多

兩個人去食，一份台式梅酒雞，一份鳳梨糖醋排骨，每份都有前菜、白飯/糙米飯/炒飯、燉花膠湯，都係$48一份。兩個主菜都好食，而且份量都夠。個飯上到黎有d細碗，不過原來可以無限添飯，所以一定夠飽。…查看更多

兩個人去食，食左兩個麵加個菜。一個叫紅菜頭麵，一個係普通幼麵，紅菜頭麵除左係紅色，影響食慾之外，味道一d分別都無。建議唔好貪特別叫呢d特色野。我地果日12:00去食，金沙青、牛爽、牛腩呢d比較吸引既野，全部賣晒。其他都係普普通通，無咩特別，剩係價錢比較貴，而且座位好逼。另外，無水吧，無得飲檸茶果d，剩係可以飲氣水😐…查看更多

呢個夏天咁熱，出街真係好辛苦，企係到都出晒汗🐶天氣熱自然想食凍野，但又無錢食太貴既雪糕，就可以揀麥當勞既新地。最近食仲出左海鹽味，可以揀要唔要朱古力脆皮。不過，朱古力脆皮比較濃味，食落唔太食到海鹽味，可能唔要會好d。…查看更多

蔥油雞/豬扒飯有得配煎雙蛋，我叫左雞扒，一上檯，碟飯成個矇面超人咁嘅樣。😂揭起隻蛋之後，塊雞扒上面全部都係蔥油，好香。呢度啲蔥油唔似燒味鋪嗰啲咁咸，但就好有蔥既香味。…查看更多

一個人想食扒，行過見到大家樂就入，諗住平平地食住先，叫咗個雜扒鐵板餐，都真係算平連埋凍飲都係$59。不過呢間大家樂好細，加埋都應該大約得十幾張四人枱，夜晚多人嘅時候，好難搵位，同埋坐得比較迫，唔太舒服。…查看更多