charlotte430的个人专页

星期天在OpenRice搵餐廳食飯，見到網上評價不錯，立即訂枱試試。一進店，老闆非常友善，逐一介紹今晚的食材和怎樣去蒸海鮮。11款海鮮一上枱，非常震撼！一整盆海鮮份量非常多，每樣海鮮都閃閃令，非常新鮮而且最重要的是，海鮮處理得非常乾淨。我覺得這一點非常重要，因為一般蒸海鮮最後都會吃蒸海鮮後的精華海鮮粥。那麼豐富的晚餐，竟然只是$268，仲要包飲品同免加一！ 性價比極高，我覺得是我有史以來品嚐過最好的一餐蒸海鮮。新開張客量不多，老闆非常健談，開開比渡過了3小時，超幸福的晚餐P.S. 這間餐廳是根據Booking新鮮購買海鮮, 所以一定要book枱。…查看更多

今天午餐我點了一個海南雞喇沙，朋友點了海鮮喇沙。見餐廳人來人往，食評又不是太差，對食物實在有一種期待。怎料將海南雞放入口中，一陣似有還無的酸餿味撲鼻…..試了一口喇沙湯底，湯底味道不錯，怎料b不在米線太淋….也是不好吃的。朋友吃了一件雞，沒有做聲。其他枱也在吃海南雞，我心想，難道是我的幻覺？ 再吃一件雞試試…. 實在不想再吃下去。朋友說，他也覺得很難吃。只是不好意思說出聲，他說他的海鮮喇沙也不新鮮。唯一可以欣賞的，是熱檸檬茶有茶香，加一片青檸，增加了風味。老闆是有花了些少心思的。平常很少會花時間寫劣評，但是今天的午餐實在太失望了。招牌的海南雞和喇沙竟是這個質素，失望的星期天午餐….…查看更多

會所環境非常優美，兩邊落地玻璃，天花中空設計充滿了自然光照入餐廳。旁邊是泳池，看着正在玩水，照日光浴的一家大小，心情特別寫意。入到餐廳，服務員馬上招呼了我們在窗邊的位置坐下，態度殷勤親切。星期天餐廳開早上10點，有中式點心，我們點了蟹子燒賣、棉花雞、柴魚花生粥、山竹牛肉球、鳳爪和鮮竹卷。每款點心味道都不錯，不輸外面酒樓，大人小朋友都都很喜歡吃。而重點是，星期天也不用排隊，落樓下就有得食，很慶幸滿名山有這間會所餐廳。看一看賬單，餐廳仲免加一服務費，六款點心埋單只收$199。堅抵食！…查看更多

平日呢間水靜河飛，但係10月30日當日很多人同小朋友慶祝Halloween，餐廳非常忙碌。不過忙碌唔代表可以鬧客。我媽咪想同個侍應講句野，佢好惡話：「唔好嘈！一樣一樣嚟！」跟住隔離枱舉手好耐都冇人理，想叫住阿姐都係俾阿姐鬧。片皮鴨要提早打嚟預訂，訂好晒等咗個1.5小時都未到，中間催咗1次，等到晚上9點幾再催先話師傅燒燶咗冇貨！擺明比錯咗其他枱啦！！真係極度失望～ 趕時間唯有轉食燒鵝，肥膏厚到一路食一路要選啲肥膏出嚟。因為食完有印仔送酸菜魚，之後11月5日想試多次啦～ 電話訂好晒，講明係食印仔上嘅酸菜魚，我哋臨到之前突然間打嚟話今日唔可以用印仔，話我應該要睇清楚印仔上面嘅條款！咁點解唔係我打電話訂魚嘅時候，同事同我講用唔到？又是個客錯！跟住掉低個電話等你同空氣講嘢⋯⋯服務無與倫比。…查看更多

午餐時間行過屯門市中心錦薈坊新開咗新加坡餐廳，即刻入嚟試新野一打開餐牌，估唔到款式算多，淨係喇沙都有幾款，而且午餐免費飲品唔係普通咖啡茶。我見其他食評都有貼餐牌，我就唔重複啦~我今日叫咗新加坡喇沙摻摻+香茅鮮橙茶。鍾意重口味嘅我，呢度個人覺得超正👍🏻 夠香濃，辣到適中，不過唔食得辣嘅人可能要叫小辣。香茅鮮橙茶有新鮮感，不過我諗杯野本身唔算甜，我在加少甜就略為淡咗少少。忍唔住寫返個食評推介會返轉頭幫襯…查看更多

因為有Afiniti 會員優惠，所以嚟呢間餐廳一試。已酒店餐廳來講，呢度裝修略嫌簡約咗少少，但勝在枱同枱之間位置充足，坐得都算舒服。服務方面非常不錯，餐廳經理細心留意需要。我哋兩個人叫咗鮑魚雞煲，酥炸日本蠔，面醬千層龍躉。鮑魚雞煲可能因為有燒熱石盤底，一出場香氣撲鼻 ，連隔離枱都話「嘩，好香喔！」而日本蠔炸得適中，外脆內軟，加上賣討好，算是不錯👍🏻千層龍躉重點在於千層豆腐，非常嘢味！最後加埋個燕窩燉木瓜，呢個超級好食，唔會太甜，值得一試👍🏻…查看更多

見到食評推介，今日拉住老公一齊去試沙爹牛麵：加咗兩蚊要蟹王面，果然好好味，蟹王面吸盡沙嗲湯汁，相比老公碗丁面偏淋身，合晒我口味。炸豬扒就冇咩特別，鬆軟程度幾好。另外加碼要火腿西多士，呢個超邪惡，但超好食。係嘅西多士中間， 夾左片火腿，香甜中帶點鹹香，堅得！…查看更多

見個名話有東南亞美食, 好似幾特別，諗住同老公午餐過黎一試。入到去裝修ok, 感覺都幾舒服。我地點左招牌翡翠炒飯同大蝦炒脆麪，$68包例湯、飲品～ 正常價格～首先黎個例湯，好淡，好一般例湯。奶茶ok, 茶記水準。:)到主角翡翠炒飯，係幾好食嘅，唔會過鹹 ，又唔會乾，而且有翠玉瓜粒一齊炒，清清地口感不錯。再加上蟹子點綴，真的可以一試。另外大蝦炒脆麪老公話OK，不過我就覺得比較一般。脆麪個汁係普通生粉水衍，冇咩味。整體試一次就夠。…查看更多

見到有推廣火焰龍蝦海鮮煱既活動，就打黎book枱試下～ 驚喜既係，由訂枱到入黎食飯，全程既接線生同服務員都好有禮貌食材好多元化，除左打邊爐外，刺身、串燒都應有盡有！天氣熱辣辣，我同老公坐低即刻叫左生啤同生蝦刺身先，生蝦肉好厚身，好鮮味👍🏻跟住主菜火焰龍蝦煱黎啦！服務員係你面前用牛油炒香個鍋底先，海鮮香味已經涌曬出黎！根手淋d酒落個煱度再點火，真係見到都口水流～🤤 之後服務員將龍蝦湯煮沸左叫我地飲湯先，超好飲，好濃既蝦味，但又唔係出面好傑果種！其他火鍋料都新鮮既，呢度唔多講啦～ 不過個香桃雪葩好好味，個質感好軟，唔似出面有點雪葩好似食冰甘......呢個係好香桃味，食左甘多野清一清口腔感覺好舒服!贊👍🏻 會再黎！…查看更多

平心而論，食物質素同性價比係ok既！但甘樣既安排，真是無理由貼$買難受！ :( 我同朋友一行三人晚上7點黎到呢間餐廳，食到9點幾加左第二支紅酒。點知.....10點15分，係我地仲有成枱野食+ 半支紅酒既情況之下叫我地埋單！  好多餐廳都有時限我明，但呢間餐廳無論係book枱既過程，去到我地叫第二支紅酒，佢地都無提過有時限既問題！我地回應男侍應，話無人同我地提過有時限，食物又未食完，酒又剛開不久～ 個男侍應淨係好似機器人甘同你講「sorry but 你地都係要埋單」！！ 我地堅持唔埋單佢就黑面強行拿走我地半張枱！就算我地同shop manager講，佢求期講句sorry，仲介紹埋個assistant manager, 話再有咩事可以搵個AM！我發誓，以後唔會再入呢間餐廳！…查看更多

今日幾個朋友聚舊，朋友介紹話呢間bar& restaurant 不錯就黎試下。黎到門口就見到一大個玻璃櫃裝滿不同既beer~  ~ 仲有幾支寫住"9龍，新界，華花，黑龍"既beer, 好eye catching! 後黎老闆介紹話呢幾支係香港製造既beer! 真是第一次飲！即刻叫左支9龍試試佢，入口感覺有少少菠蘿feel但偏苦左d，雖然未算突出但9龍兩個字加左唔少分！香港人緊係要支持本土釀啦！哈哈！之後我又試左朋友叫既toffee and apple beer, 不錯，無諗到蘋果同toffee 可以甘夾～ 好岩女仔飲！食物方面不錯，但掛住食唔記得影相......不過推介Nachos，係新鮮焗既，好香脆非常不錯！如果叫記得加肉醬呀，好野味～ 一上台已忍不住狂食！整體環境食物不俗，又有特色beer,係同朋友傾計catch up既好地方！…查看更多

星期六想搵個地方飲杯靚咖啡，食個令人放鬆既午餐，講真好少會諗起太子。最近係呢頭上堂先知原來有不少好餐廳～Boundary無論廚房，侍應都係年輕人，態度友善又認真^^ 佢不停幫得加水，又提我洗手間有人話vancant 就叫我，抵贊👍食物方面甘荀忌廉薑湯係原先餐湯賣曬臨時改既，聽個名原洗都無咩期望.....但係一入口，不得了！ 真是好好味～個薑原來可以同忌廉甘夾！我覺得呢個湯應該做正室上餐牌先岩！其他食物整體不錯，而且收費唔算貴，我會為左呢度既服務同湯返轉頭。…查看更多