Jo Y的个人专页

之前就聽fd話想試下意蠔屋，不過佢點都搵唔到系邊度。。。 於是本人唯有使D時間認真研究下地圖先～果日去科學館睇戲之前，決定一齊去搵下呢間餐廳仔，終於都比我地搵到！ 原來係德民街同民泰街之間唔知咩樓地下。。。唔怪得佢之前係兩條街行左咁多次都見唔到啦！三個人都唔係好中意食蠔，今次都係主要試下D意粉啦！ 焗芝士煙三文魚尖通粉：好香芝士味！淨系聞到已經好滿足～尖通粉唔會太淋（本人最驚D意粉淋pat pat..!），底下仲有秀珍菇，解膩就最啱，正！ 分量太足，又多芝士，真係食唔晒～ 白汁菠菜XX尖通粉：fd叫嘅，唔係好記得有咩配料。。。試左兩啖，都幾好wo~白汁唔太杰又唔會太流～芝士三文魚多士：脆脆地口感唔錯，有芝士就梗系香口啦～！:)下次可以再嚟呢度開飯！ 33蚊有個意粉餐真係好吸引～最大優點就係可以隨意轉意粉，甚至揀配料，好似車仔麵咁，哈哈！…查看更多

之前朋友話呢間D餸唔錯，不過貴少少，果晚想食『輕量晚餐』，就嚟試下所謂嘅“平價滷肉飯”先囉～對比其他菜式，加埋茶位&加一都係廿幾蚊嘅滷肉飯，真係好平wo~點知。。。見到碗飯就真係"surprise"！份量少到你唔信！滷肉已經係碎肉，仲要只得零零星星咁鋪一層係白飯上面。。！如果唔係叫左一碟蒜蓉黃瓜（都係好細碟！）呢碗飯真係唔知用咩送！:(其實如果店家無此誠意，不如唔好做呢樣“平價飯”啦～！反而唔會比人留低咁差嘅印象！…查看更多

終於搵到機會，有時間去到呢間排隊！11點幾門口都未算好多人排隊（好多遊客！估唔到D侍應粵語國語英文樣樣都得，勁！），不過我地嘅號碼已經係75...等左陣先知原來好多人攞左號碼都唔系度等，我地先會咁快有位～:)馬拉糕：好香嘅紅糖味～！口感鬆軟，完全唔滯，難得！沙爹金菇牛肉春卷：餡料唔同於普通春卷，有創意，味道都正～鳳爪：飲茶必食！ 不過就冇咩特別...黃沙豬潤腸粉：麻麻地。。。有D腥味，豬潤口感都係一般。。。杞子桂花糕：冇咩特別印象酥皮焗叉燒包：姍姍來遲～口感真係正！不過就覺得甜左D～細細間舖頭，原本係幾焗嘅，不過侍應態度都好親切周到，四周圍遊客用各種語言稱讚食物，又幾好氣氛嘅～:)今時今日咁嘅價錢可以品嚐到咁樣質素嘅食物，仲會不滿足咩？…查看更多

因為我唔中意食日式拉麵，平日都算係幾少幫襯日式餐館。不過呢間就有好多其他野食，最啱我喇！午市套餐沙律：兩片生菜+幾粒粟米+味道奇怪嘅沙律醬。。。:(牛肉火鍋：贊！ 湯底味道好特別，有D似燒鰻魚...不過好味！主角牛肉頗多，另外有幾種野菜/菌菇/豆腐+1粒蛋，算係豐富！加埋附送嘅白飯，呢餐都夠份量～隨餐一杯熱蜂蜜梅子蜜，甜度適中，雖然同火鍋就唔係好夾，但係本身幾好飲～:)朋友叫嘅批薩同黑椒XX飯就麻麻地～。。。…查看更多

個人覺得套餐分量對於女仔就應該夠嘅，男仔可能食唔飽～。。。不過而家D burger都縮晒水，mos burger都唔算細啦～黑醋雞肉堡：好味！尤其中意D椰菜都切成絲～ 黑醋醬汁幾清爽，又夠惹味，搭配雞肉最啱喇～:)烤牛肉珍珠堡：朋友最中意呢款，下次我都要試下～～厚切薯條：認真麻麻者。。。北海道牛乳雪糕：太甜，奶味太重，朋友話好似"旺仔牛奶"。。。:(…查看更多

一早知道呢間嘅咖哩吉列豬扒飯好出名，去到apm梗係要試下啦～雖然都有人排緊隊，不過好彩我地未夠5分鐘就有位。:)果日叫左3個咖哩XX飯，都要$60-70蚊到，轉餐要再加>$15。其實咖哩都ok，飯都係用日本米，不過吉列豬扒就真係。。。比3個喊面都唔夠！！一見到件豬扒已經知唔掂，幾乎係黑色咁。。。出面果層"麵粉"又硬又乾，豬扒就好鞋，炸到完全冇肉汁。。。好彩有檯面果樽漬蘿蔔～！酸甜味都幾下飯，成樽就嚟比我地食晒～。。。對於咁嘅價錢嚟講，一定要比喊面啦！唔通$70只係為左幾舊漬蘿蔔咩～:(…查看更多

呢間泰國餐廳唔做下午茶，大概3點幾就會掛『休息』牌。。。午餐最抵，$30-40 一份餐，包凍熱飲品。食過幾次午餐，真係覺得好味，好過附近其他泰國餐廳！我朋友去過泰國，話呢間真係做得仲好正宗tim！好多菜式都係推介！ 蟹黃咖哩雞飯：招牌菜！！唔會好辣，初次幫襯可以試下～ 青咖哩雞飯 / 紅咖哩牛肉飯：比較辣D，有所不同，都好味嘅！ 咖哩汁拌白飯，至正！！ 泰式炒金邊粉：唔係好記得具體嘅味道，淨系記得都幾好食，朋友話比起泰國當地，只係少左D香料以適應香港食客口味～:) 海南雞飯：都ok, 不過覺得冇咩特別咁。。。最大嘅缺點就係飲品。。。:( 連凍奶茶都有D怪～ 可能係啱泰國人嘅口味？…查看更多

之前行過呢間糖水鋪，試食過細細杯嘅豆腐雪花冰+涼粉，就覺得好好味，今日終於『正式』嚟幫襯喇！睇餐牌仲覺得貴左少少，點知原來一份雪花冰係咁大碗！！ 真係O晒嘴～～～我地兩個女仔叫一份都足夠share la...豆腐味好濃好正，雪花冰口感又得意～雖然我唔係好中意食冰沙或者綿綿冰，不過雪花冰就食到冇停口！配料就係芒果、紅豆、豆腐（固定配搭，不過可以加料）。芒果好甜好新鮮！紅豆就唔會太甜，啱啱好～ 豆腐就一般...下次再嚟試下其他味道嘅雪花冰！:)…查看更多

啱啱開張果針嚟幫襯過，覺得OK。。。點知而家D食物質素同服務可以差成咁！！絕對冇下次喇！下午茶免收茶芥，於是就冇人問你要咩茶，咁都算啦～鳳爪颜色怪怪地，『皮開肉綻』，完全唔似樣，味道就更加唔使講喇。小籠包比起以前，好明顯係換左又平又差嘅速凍產品！入面冇湯汁，餡料冇肉香味。糯米雞就又幹身又冇味。。。:(茶餐嘅『真係菠蘿包』超細個，得兩粒。。。叉燒包幾乎算係最好食嘅——雖然都係超市買到嘅普通貨色。。。…查看更多

之前就見到openrice咁多人話呢間嘅蜜糖雞翼好食～今日去葵青劇院睇崑曲，當然要去試下啦！餐廳環境衛生通透，D凳都幾舒服～:)order完之後先發覺冇位。。。不過好彩未到兩分鐘就有人離開～ 可能因為係星期日生意特別好，不時都見到有人企住等位。蜜糖雞翼：一個字，正！蜜糖落得好足，肉質又好，又入味，冇得彈！ 朱古力泡沫奶茶都ok，不過不失～5隻美味雞翼落肚，真係好滿足！ 有機會都要再幫襯！…查看更多

行到門口就見到好多人排隊，不過我地兩個人就可以即刻有位～XDD之前試過D水果撈，覺得冇咩特別 。。。今次叫左熱嘅金黃椰汁紫米露，反而有驚喜！ 又香又濃，唔會太過甜，大粒西米同粟米粒令到口感更好，贊！…查看更多

如果唔係團購$48自助餐，應該好少人會搵到上去呢間啩...明明係新開嘅，環境又唔係幾好。服務OK。除左蛋糕係自己去拎，其它都係即叫即整。加埋服務費$58，冇日式、燒野、火鍋，D餸超細碟，味道一般，上菜好慢，仲要漏單。。。:(雖然有送晚市coupon，都唔会吸引我地再来帮衬。。。…查看更多

睇D食评话尖沙咀果間不如灣仔，我地『不遠萬里』搵到嚟呢度。。。呢間真係好『隱蔽』。。。 1點幾都好多人等位～豬頸肉芝士汁撈公仔麵：必食推介！芝士汁濃而不膩，女仔食一碗已經足夠。豬頸肉應該係蜜汁燒烤，入味又彈牙！其它餸同埋奶茶都幾好，不過冇咩特別。下次去灣仔應該會再幫襯！…查看更多

去之前都预左要排队，點知我地等左兩三分鐘就聽到嗌『第一個三位嘅』～ 真係好彩啦今次～～D侍者真係訓練有素，寫野，上菜，收碟，埋單，都好快手。。。仲要間隔2秒就有人過嚟睇下咁～。。。食物真係好味！名不虛傳！食量唔大，都係就左快餐：炒蛋香滑而不油膩，正！牛油多士唔係好韌，鬆軟之餘，烘得啱啱好，正！加多杯熱鮮奶，暖粒粒～個胃好舒服～～…查看更多

上次去尖沙咀就經過呢間Cafe，就見到D Snoopy蛋糕好吸引～裝修同食物嘅樣完全係Snoopy漫畫風格，仲有D漫畫書可以借閱，坐住傾計幾粒鐘都唔會趕人～其實呢度最好嘅就係『氣氛』，食物都OK～系TST都唔算貴啦～～…查看更多