szechan0817的个人专页

因為要去探朋友，星期六下午一點鐘左右想喺屯門搵個地方坐一陣，飲返杯咖啡。唔想去連鎖店，於是用Google睇下附近有咩好啡，見到白羊評分好高就去嘗試下。到達白羊時已經有8成滿，除了賣啡之外，仲有牛角包，bagel 等輕食。我見有賣手沖，好似都吸引。我哋各自點了一杯啡同一份輕食。食物上菜速度好快， bagel 咪道幾好。朋友既牛賣包賣相都唔錯。埋單時發現性價比好高，30多蚊就有齊啡同bagel ，好抵，店員態度又好。係一間值得再訪既小店！…查看更多

大約星期三晚上6:45到達銅鑼灣，要在7:30前完成晚餐，最快就係食車仔麵。 剛去到榮記都只係有三個人排隊，大約10分鐘就可以入座。 排隊呢啲都睇運氣，畢竟好多遊客都會幫襯。不過最近幾次去都只係需要等一陣就可以。環境少少逼，少少嘈，仲有啲遊客。一早諗好點咩餸，所以好快落到單。豬紅墨魚頭細麵，西洋菜加一支無糖可樂。上菜極快，專心食完就走人。（豬紅好好食，會成日掛住想嚟食）埋單70幾蚊，7:15就食飽走人，時間控制極佳！:)…查看更多

本身想去尖沙咀嗰間分店，但真係就唔到時間。星期二晚放工時份同事話想去銅鑼灣，仲問我食咩好，即刻提議。銅鑼灣店喺希慎廣場6樓，餐廳都開揚，有吧枱亦有圓枱。我去到嗰陣冇人等位，餐廳都未滿座，可能因為新開啦。阿夫利同另一間西餐share個舖位，起初張枱上面只係有西餐餐牌，我哋要問先攞到拉麵餐牌。我見同場都有人同枱又叫西餐又叫拉麵。都好嘅各有喜好嘛。同事叫咗柚子拉麵，我就食豚骨拉麵，加咗一個魷魚小食。同事嘅柚子拉麵湯清仲有柚子香。我嘅豚骨拉麵，都ok嘅，冇咩特別，我下次都會食返柚子。至於小食，魷魚太油⋯唔會再叫。唔使等位令人好開心，同埋間店都大，坐得幾開心。阿夫利我喺日本食過⋯咁梗係日本好食啲啦❤️…查看更多

其實一路都想搵機會嚟食，但之前得外賣店，實在唔太方便。直至之前偶然睇到報道話開咗少量位置堂食，即刻千方百計搵機會嚟嘗試下。本身都擔心lunch time 高峰時間去會冇位，但都決定博一博。1點前去到，完全唔使等位就可以坐底。當時都仲有幾個人喺門口等緊外賣嘅。午餐有套餐供應，都幾抵食。最後我哋食咗鴛鴦餐，雲吞雞麵餐同額外點咗一籠小籠包。鴛鴦餐有酸辣湯，生煎包同鍋貼，仲包一杯熱飲。酸辣湯最好上枱，幾好味，唔算好辣，細細碗，都幾開胃。生煎包同鍋貼都熱辣辣，好好食。份量都唔少，一個人食可能會食唔曬。雲吞雞麵正正常常～好大碗下，性價比高。最後出場嘅小籠包，超級好食！皮簿多汁，又夠晒熱～ 超級出色，一定要再嚟食小籠包～…查看更多

我好鍾意食豬什，但平常真係唔太知邊度有得食。昨日去開荃灣就見到，決定一試。去果時大約中午1點半，都差唔多坐爆晒。呢度有腸粉呀，普通啲既粉麵，一見到有豬什，點都要嘗試下！ 淨豬什$54， 加麵底就加$6。環顧四周，大家好似都係食緊豬什。豬什洗得幾乾淨，份量都好多，湯底同辣椒醬就正正常常。 我幾鍾意個豬紅同埋豬腸～食完好飽肚，暖粒粒，我諗冬天食幸福感會加倍。好難得食到豬什，好開心，一定要再嚟食下其他野～！！…查看更多

又到星期一， 心情梗係差。鰂魚涌午餐時間搵食都幾難。 雖然天氣好熱都博一博行去潮洲人食個靚lunch。大約12:45去到，竟然唔使等位就有得坐。記得上次黎都好爆下，可能因為岩岩開張無耐。今日黎到見到唔使等位都有啲驚訝。上次食咗「蠔米」今次轉食清酒大蜆米， 再加個魚皮同同事開心share。魚皮細細碟，但兩個人share 岩岩好。大米粉分量都幾多，男同事食晒，女同事食淨啲啲。 蜆唔算多但好好味， 不過下次食都食返「蠔米」出色啲：）聽到店員話唔食米粉可以改配飯或菜底，都算friendly。搵返上次「蠔米」既相一齊出埋先🤣…查看更多

在附近游水，帶著電子書想找個地方消暑一下。記起上次經過梔子門口見到好靚的裝修，於是走去看看。大約下午三時去到，店內大約30 多個座位，當時都有兩三張兩人枱可以選。餐牌有很多選擇，咖啡，茶，酒，沙律，麵包，蛋糕等等。因為已經吃了午餐，又獨自一人，所以只點了一杯iced americano。聽到店員跟其他客人說用餐時間90分鐘，但如果沒有人等位，可以繼續坐。見到隔離客人的花茶和蛋糕都看著很不錯。我安靜地打開電子書，開始我的閱讀時間。星期六的悠閒應該是這樣。…查看更多

偶然經過，在店外就可以透過玻璃見到廚房的情況，看到漢堡的製作過程讓我決定走到店內看看。店內空間不算大，大約可以坐六至七人。疫情教會我更留意店舖的清潔，這家小店絕對是有俾心機。我見到店員在客人離開之後都會立即做清潔，就吃得更放心。雖然是因為看到漢堡的製作過程讓我走進行小店，但我最後選擇卻是 PASTAS of the day － Tomato & Squid Pasta。我最欣賞這個意粉充滿蒜香，微辣，份量剛剛好。疫情之下小店不容易啊，希望小店保持水準：）…查看更多

一直都想找個機會試，見到團購網有$19元窩夫加雪糕，就買2張試一試功力如何～第一天去吃是堂食，可能是晚飯時間，不是很多食客。選了朱古力窩夫配雲尼拿雪糕等候時間約5﹣7分鐘賣相ok，立即在旁享用。把雪糕放到窩夫上，十分快就溶化。窩夫熱力十足，沒有偷工減料，鬆軟的質感的確幾好：）而且有user friendly把窩夫分成小份，會比較易入口。很快就一個人KO了一整份窩夫。第二次是星期四下午，人流比上次更少了。黑板上學生優惠，25元綠茶窩夫配雪糕。可惜我不是學生，不可用此優惠。依舊是19元團購，友人選了士多啤梨窩夫配雲尼拿雪糕這次等了8﹣10分鐘賣相相當不錯可惜士多啤梨太酸，影響了整體味道。以19元的小tea time而言，還算合格。眼看仍有多種不同的窩夫選擇，應會再到此找尋驚喜:)…查看更多

星期天的南丫島人氣十分旺，遊客、當地居住的外藉人士都紛紛走到大街上。喜愛吃點心的我路經此點即被各種點心吸引，另一人則想嚐海鮮，於是便選擇這店進食午餐。兩人坐好後便有職員送上熱茶及水清洗杯碟，再放上前菜 ﹣ 菜脯。（圖中菜脯已被我們吃了幾粒）我個人覺得這菜脯一般，但另一人好像挺愛吃的。我們安頓好後就認真看看餐牌，大多海鮮都是以時價計算，當中也有一些比較普通的菜，如炒飯及炒菜等。我倆選了豉椒炒聖子及炒芥蘭。我便心思思去找我的點心。先是拿了雞扎。他說芋頭很好吃，粉粉的，不像外面雞扎內的芋頭的硬。炒芥蘭的份量好少呀:(這已經是職員送來的份量～～～～！！味道一般吧，沒什麼特別。豉椒炒聖子，價值98元的，心中一直希望份量不要太少。看到之後覺得還可以，聖子幾新鮮～很喜歡吃它的伴菜 ﹣ 青椒~兩個人份量還ok（3個人應該已經不足夠了）可我們兩個為食的人不夠飽，只好附叫作個點心填肚子。鳳爪、燒賣及排骨飯。也只一般酒樓的食物我倆共付上250多元，其實不抵食，不過既然在南丫島榕樹灣大街，貴也是在所難免。眼見鄰座大枱上全是海鮮，相信要過千才可離開呢，哈哈～吃飽再繼續南丫島為食之旅！…查看更多

可能是因為對聖誕節常出現的樹木蛋糕的好奇，我對年輪蛋糕在sogo的出現有點興奮，決定要一嘗！（加上價錢不算是十分貴）店鋪內的師傅站在玻璃後製作蛋糕，吸引不少人圍觀。不同厚度的蛋糕售價不一，我選了比較便宜的一款（反正是淺嚐），把年輪蛋糕帶回家！蛋糕放在一個黃色的紙盒中，再套上一個紙（膠?)袋。袋上有一個貼紙顯示到期日，是兩天之後。吃了一口，覺得有點甜，作為甜品則是剛剛好。只是份量比較少，家中4人分享，每日只吃的上一口。也許下次要買貴一點，但厚一點的年輪蛋糕了…查看更多

南丫島相對長洲而言，小食比較少，加上這店坐落在大街上，地理位置very good一串有三粒的大魚蛋，看起來十分美味，於是急不及待買來一嘗。魚蛋的確大，但沒什麼味道（淡了一點吧）下次還是去長洲才吃大魚蛋好了。不知道這店的雞蛋仔如何？下回可一試呢！:)…查看更多

在南丫島找食，亞婆豆腐花一定不可缺少～在碼頭走向沙灘的路途便會經過，而且人氣之旺是不會錯過的。那天只有熱的豆腐花可選，天氣熱，豆腐花更熱。亞婆的豆腐花真的十分滑，（我已經是第2次光顧了，相信會有第3次～）而且不會很甜，剛好合我的心意（我不喜歡太甜的豆腐花呢）與其說是吃豆腐花，不如說是吃環境！坐在露天的地方吃吃豆腐花，與朋友談談天，看看旅客們經過。可以休息一下實是一件愉快的事。…查看更多

本身想食一壽司，但是要4月先會再開返。行下就見到呢間，又過左2130，只是＄108 加一抱住try try 新野的心上左去，就是惡夢開始！！！！！！！一入到去，成間野得幾枱人又好大煙下:(己經不開心坐低見到個爐都覺得ok,有D期望，點左刺身先。嘩！！！！！！勁驚，D刺身不新鮮都算刀法仲勁差！！！:(唉個爐勁彈油，彈到成枱都係，最後彈到臉， 真心怕立即關爐！！！！！！！D STAFF 服務差到爆！個個黑口黑臉！一定不會再去！＊其實食完己經好累，但都一定要打！因為真的憤怒了！＊…查看更多

終於俾我食到了:]哈哈哈在等位期間發現旁邊的元氣居然不用等位，心中不禁想不如唔好等啦，但為了這拉麵來到銅鑼灣，不可放棄!!!!!終於在等左大約15分鐘之後可以入去~點了原味!!!!!當然少不了加返隻蛋~等左大約5-10分鐘個拉麵上場~先講個湯底先，其實都幾多油，但飲落真係勁香:)隻蛋真係會流出黎!!!勁好食。不過美中不足是，個拉麵份量比較少食完仲有少少餓，要加返個許留山先得。anyway，我們比較幸運，安排坐在吧枱的一角，不用跟別人同坐，而且食完之後仲可以傾左陣計先走:)我會再黎的~:)…查看更多