純粹就腳入去飲早茶，點知中伏地壇黐立立，一陣味！點心好求奇滿心歡喜揀咗個天鵝造型帶子酥，所謂嘅帶子只係一豪子咁大，仲係韌嘅！酥？大家睇吓層皮，一啲都唔酥囉，超過三十蚊㗎，可唔可以有良心啲，俾啲合格嘅食物質素顧客呢，唔怪之得星期日9點幾都有咁多吉位！不過最需要改善嘅係衛生問題！可唔可以清潔下張地壇呀！…查看更多
以上食評乃用戶個人意見 , 並不代表OpenRice之觀點。
1
用餐途徑
堂食
金華冰廳
2023-03-04
今日下午喺旺角搵嘢食，諗住搵間茶餐廳簡簡單單醫肚，點知中伏，食到一肚氣！啲阿姐服務態度極差！首先，繁忙時間本人係知道的，卡位坐四個人係合理的，但係阿姐嘅說話係咁㗎：「四人座，坐埋一邊」後面嗰張枱仲離譜，你哋未齊人喎出去啊！出去排隊呀！一聲唔該都冇！唔好意思都冇！點解要食得咁受氣？真係好想即刻走，但係真係肚餓，叫咗個涼瓜牛肉飯，點知我老公食完星洲炒米都未嚟，跟住一放低就覺得有啲唔妥一夠涼瓜都冇，左抄右抄真係冇！跟住就問阿姐呢碟涼瓜牛肉係冇涼瓜個喎？點知阿姐望住啲入邊嘅「青椒」，佢竟然話涼瓜囉！我真係俾佢激死！真係唔敢叫佢換！！！點知會唔會加料㗎！全場亞姐就係喺度呼呼喝喝啲客人，點解食嘢要食到咁受氣！千祈唔好助長呢啲服務態度，真係映衰香港！…查看更多
以上食評乃用戶個人意見 , 並不代表OpenRice之觀點。
讚好
用餐途徑
堂食
員工服務態度極差，一入門口冇人理，伯伯唔識嘟安心出行，又唔幫佢，後來幫佢態度又極差，好嫌棄人哋！跟住攞飛等位，有位後一粒聲都唔出，都唔知張枱喺邊，有冇人理好慘！跟住坐低又冇人執枱，後來點咗幾樣點心，鹹水角粉果味道ok,但係點知蝦米腸就極度唔掂，一啖咬落去，係凍嘅，又大舊，只有一邊係輕輕煎過，好似食緊舊粉咁，終於忍唔住同阿姐講要求取消阿姐仲吱吱佐佐，問究竟有乜嘢問題，跟住我真係好嬲，講咗幾個原因之後補充一句：你同我取消啦！佢先至行咗去。😤😤😤仲有食粉果嗰陣，問亞姐有冇辣椒油，亞姐只回一句：我冇嗰噃！就走左，咩事呀！飲茶飲到一肚氣😡😡😡我話過以後都唔會再幫襯！…查看更多
以上食評乃用戶個人意見 , 並不代表OpenRice之觀點。
3
MinhMinh8402
由新加坡飛來港，今晚到康和閣同朋友食飯一肚氣，入座後點薑蔥雞，女部長話賣曬，再點脆皮雞又話無，跟著點燒鵝又話賣曬，女部長話咩雞鵝都無推薦燒腩同叉燒，咁就點咗燒腩叉燒雙拼同5個菜肴，跟著嚟咗－枱客坐鄰桌大大聲問女部長有咩食，就無再注意，我們點的菜肴陸續上菜，鄰桌也開始上菜，見到鄰桌上燒鵝同薑蔥雞，問上菜阿姐，點解隣桌遲嚟有鵝同雞，我哋點就無，女部長當時在場但無應就同上菜阿姐－齊行開，跟著翻轉頭同我哋講鄰桌訂咗雞，我話佢哋坐低至大大聲話唔知食咩，你自動請缨幫點菜，邊有訂嘢，佢哋完全無訂位，張枱係佢哋嚟到至開位，唔好話佢哋訂咗枱留咗隻雞，女部長馬上走開唔應，跟著我向男部長反影，點知佢俾嘅答案仲令我哋更加激氣，男部長話除薑蔥雞之外，其他雞同鵝都有，女部長可能唔知，問我哋‘咁你哋喺咪仲要‘，語氣極差，我直接回佢－句‘－肚氣食唔落’，問男部長我哋仲有兩嗰菜仲未嚟，佢話冇落單，朋友－句話答佢，要點嘅就話無，點咗嘅就無落單，馬上起身埋單，點知唔埋單仲好啲，－埋單，收銀阿姐就答嘴，俾張訂位單我同朋友睇話嗰張枱訂咗7點同訂咗隻鵝，我即刻無名火起馬上話佢哋亂七八糟，全部大話精，我哋張枱八點坐低，鄰桌遲我們約10分鐘才到，仲話係馬太訂位7點，全班樓面含部長和收銀阿姐講完－個大話想蓋－個大話，點知－個話訂雞－個話訂鵝，講多錯多。原來睇翻Open Rice 對此酒樓的評論，我們不是第一個遇到這種情況，服務態度之差簡直將香港美食天堂之美譽完全破壞，奉勸海外朋友及香港友人切勿光顧此酒樓。
完全同意，奉歡各海外朋友及香港友人切勿光顧。剛從新加來港，今晚八點和香港友人到黃埔康和閣食飯，坐落點菜，同女部長落單點薑蔥雞，話無，脆皮雞，都無，跟著女部長話咩雞都無，點鵝，賣曬，話剩翻燒腩同叉燒，咁就點咗雙拼加5個菜肴，跟著有枱客入嚟，樓面安排坐在鄰桌，客人坐低就大大聲講今晚有咩食，女部長自動請纓協助安排，我們也沒再注意，我們陸續上菜，鄰桌也開始上菜，但發現鄰桌上燒鵝同雞，就問上萊阿姐，我哋先點就話無雞無我，點解鄰桌遲嚟有，女部長在場無應就同上菜阿姐行開，跟著返轉頭同我哋解釋話鄰桌有留咗隻雞，我就答佢，佢哋行入嚟你啲同事至安排枱，佢哋坐低大大聲話唔知食咩你至話幫佢哋安排，唔好同我講佢哋訂枱同訂咗雞，女部長唔應就無禮貌自己走開，我朋友就向－位男部長反映，男部長話有雞有鵝呀，可能女部長唔知，用極差語氣問‘咁你哋仲要要’，我直接答－句‘依家－肚氣唔要啦’，跟著問男部長，我哋仲有兩個菜未上，佢查單話冇落單，我朋友就馬上話唔要喇，仲起身去埋單，好衰唔衰，收銀阿姐就答嘴講寫咁大隻字都無落單，有冇搞錯，無端端俾張訂位紙話鄰桌真係馬太訂咗7點同訂咗隻鵝，我話我哋八點坐低，鄰桌遲過我哋，部長話訂咗雞，你就話佢哋訂咗鵝，真係一個大話又－個大話，成班人亂七八糟。翻睇Openrice對康和閣評論，原來我哋碰到嘅絕差服務態度唔係第一個，3 、4年前已有之，真係奉勸大家切勿光顧康和閣。
完全同意，奉歡各海外朋友及香港友人切勿光顧。剛從新加來港，今晚八點和香港友人到黃埔康和閣食飯，坐落點菜，同女部長落單點薑蔥雞，話無，脆皮雞，都無，跟著女部長話咩雞都無，點鵝，賣曬，話剩翻燒腩同叉燒，咁就點咗雙拼加5個菜肴，跟著有枱客入嚟，樓面安排坐在鄰桌，客人坐低就大大聲講今晚有咩食，女部長自動請纓協助安排，我們也沒再注意，我們陸續上菜，鄰桌也開始上菜，但發現鄰桌上燒鵝同雞，就問上萊阿姐，我哋先點就話無雞無我，點解鄰桌遲嚟有，女部長在場無應就同上菜阿姐行開，跟著返轉頭同我哋解釋話鄰桌有留咗隻雞，我就答佢，佢哋行入嚟你啲同事至安排枱，佢哋坐低大大聲話唔知食咩你至話幫佢哋安排，唔好同我講佢哋訂枱同訂咗雞，女部長唔應就無禮貌自己走開，我朋友就向－位男部長反映，男部長話有雞有鵝呀，可能女部長唔知，用極差語氣問‘咁你哋仲要要’，我直接答－句‘依家－肚氣唔要啦’，跟著問男部長，我哋仲有兩個菜未上，佢查單話冇落單，我朋友就馬上話唔要喇，仲起身去埋單，好衰唔衰，收銀阿姐就答嘴講寫咁大隻字都無落單，有冇搞錯，無端端俾張訂位紙話鄰桌真係馬太訂咗7點同訂咗隻鵝，我話我哋八點坐低，鄰桌遲過我哋，部長話訂咗雞，你就話佢哋訂咗鵝，真係一個大話又－個大話，成班人亂七八糟。翻睇Openrice對康和閣評論，原來我哋碰到嘅絕差服務態度唔係第一個，3 、4年前已有之，真係奉勸大家切勿光顧康和閣。
用餐途徑
堂食
御名園 (鴻運中心)
2021-12-12
真係好矛盾，明知服務差，但係都要嚟等位，因為啲點心真係好好食，服務差到呢一個點，難頂！首先人手唔夠，眼見在場有空枱，但冇人執枱，所以出邊等位等好耐。新手叫極斟茶交點心紙都要等眼見有時啲人自己去斟水，呢度啲阿姐成日都心情唔好，講嘢好晦氣，如果你頂唔順嘅，就千祈唔好嚟啦。曾經親眼目睹兩位阿姐喺度嗌交，嗌完交一擰轉身即刻講埋粗口，啲食客聽得清清楚楚，救命！如果老闆有機會見到呢篇食評可唔可以真係正試吓呢其實廚房整嘅點心真係好好食我相信啲人忍受忍受咁差嘅服務都係為咗食好味嘅點心，老闆可唔可以請多啲人同埋培訓一下員工嘅服務態度啊！
仲有一樣亟需改善嘅就係廁所，最唔鍾意呢個廁所出邊嘅水龍頭係要男女共用，仲有廁所入邊嘅衛生環境極差，好似冇人清潔咁，唔該正視一下，老闆！…查看更多
仲有一樣亟需改善嘅就係廁所，最唔鍾意呢個廁所出邊嘅水龍頭係要男女共用，仲有廁所入邊嘅衛生環境極差，好似冇人清潔咁，唔該正視一下，老闆！…查看更多以上食評乃用戶個人意見 , 並不代表OpenRice之觀點。
讚好
推介美食
炸雲吞、灌湯餃、炸兩、牛肉球、魚蓉茄子、鹹水角、鯪魚球粥……
用餐日期
2021-12-12
等候時間
45 分鐘 (堂食)
人均消費
$70 (早餐)
十三少
2021-10-02
今日來試試新開的「十三少」，聽聞魚好味，服務好，就來實測一下。叫左最多人叫的二人套餐，有如面盆大碟的酸菜魚、幹煸四季豆、酸溏心皮蛋，連兩碗白飯，加28蚊有甜品糍粑。第一讚：落單時我話冇嘢飲㗎，姐姐隨即有禮貌地說：我一陣攞兩杯水俾你哋呀！👍（而唔係叫我加飲品）酸菜魚來了，熱辣辣！👍，辣度啱啱好，特別一站係啲魚真係好滑，講多次真係好滑，唔會有骨，啲湯好好味😋，裏面有酸菜、萵筍片、蘿蔔片，送飯超正，酸菜魚冇得輸！第二讚👍👍幹煸四季豆都係有水準的，土豆、肉粒乾身但係不油膩，土豆內面仍是鮮甜的，份量亦好足夠，第三讚👍👍👍🌟🌟🌟🌟🌟重點來了，原本嗰碟唔知咩孫糖心皮蛋其實係唔好食嘅，我同事我先生就同職員講：啲皮蛋嘅味道好似怪怪地，佢就好緊張咁回應我：咁我即刻同你換過佢啦，（咁我哋其實都話唔使嘅）但係佢就一定要收咗去再拎過另外一碟土豆絲或者青瓜俾我哋，我哋就揀咗土豆絲。佢攞碟土豆絲嚟嘅時候（可能同廚房溝通完）就好認真咁同我哋解釋，話可能呢一批皮蛋出現咗問題，佢哋今晚嘅菜單都唔會有皮蛋，佢哋會換咗另外一批皮蛋再用，我好欣賞呢一間食店對食物質素要求嘅態度👏👏👏後來仲同嗰位職員傾左一陣計，由於呢帶午市人流較少，所以午市好靜，在此呼籲喜愛酸菜魚嘅人士快啲嚟支持一下呢間，服務咁出色、食物又高質嘅食肆-「十三少」啦！💪🏻💪🏻💪🏻…查看更多
以上食評乃用戶個人意見 , 並不代表OpenRice之觀點。
讚好
用餐日期
2021-10-02
用餐途徑
堂食
人均消費
$338 (下午茶)
百味
2021-06-12
本人好少寫食評，今次忍唔住了......👍👍👍我愛龍蝦🦞，又愛酸菜魚，原本諗住酸菜湯嘅濃味會蓋過龍蝦嘅鮮味，但估唔到酸菜同龍蝦係咁夾喎，聰明嘅老闆娘同大廚精心調教過湯底，出奇地夾、酸菜湯嘅輕輕麻辣味，唔會搶左龍蝦🦞嘅鮮味（要預訂），酸菜/龍蝦控必試之選😋😋😋。另外必試之選係鮑魚三杯雞，芡汁香濃，味道超正，鮑魚有咬口，「煙煙銀銀」的，讚👍！雞件有鮮味，啖啖肉，份量足，再讚👍！其他菜色、小食、涼拌都好有特色，作為食家嘅我😆，要再去慢慢逐一品嘗😋😋😋！…查看更多
以上食評乃用戶個人意見 , 並不代表OpenRice之觀點。
3
推介美食
酸菜龍蝦
鮑魚三杯雞
梅酒南瓜
用餐途徑
堂食
朋友介紹抵食魚煲，但實在太大，兩個人冇可能食得晒，所以叫左個細羊腩煲，280 OK啦！最掂就係好夠料，羊腩好冧，又多枝竹，配凍啤，正！看看餐牌發現好多特別菜式煲或茶，籠仔荷葉蒸蟹、豬肚雞、椒鹽三寶、咸菜豬肚粉腸、 xo豉油皇吊桶、又有好多好多種煲、仲要大大大大碟、好吸引，一定會再來！環境舒服又乾淨,啲餸又來得快，老闆娘又親切，又會介紹，冇得彈！七點後就要排隊，要食就早啲嚟啦！😋😋😋😋😋👍👍👍👍👍…查看更多
以上食評乃用戶個人意見 , 並不代表OpenRice之觀點。
讚好
推介美食
羊腩煲
用餐日期
2018-10-21
用餐途徑
堂食
人均消費
$1 (晚餐)
