疍散的个人专页

壽司選擇少。元氣價錢，但質素比爭鮮低。最大問題係衛生唔得，佢啲碟係好似冇洗過就裝壽司比客，碟上面充滿油脂，唔係一碟，係每碟都係咁。🤢枱面亦一樣，油嘅。😑定位做親子餐廳，但衛生做到咁，真係唔會帶小朋友再去食。…查看更多

結婚一週年, 因近日我倆滿腦子都是有關腹中bb, 忘記了好好安排慶祝, 我亦忘記了到Morton's訂枱, 令老公未能享用美味牛扒. 還好老公體貼, 一齊再諗食乜好, 睇吓睇吓, 見到津屋仍有時段可以 book 枱, 就決定到此兩個半人慶祝.18:45左右到達, 未爆場. 環境尚算舒適清潔, 唔會太暗, 唯獨座椅...如果改用木或籐, 整體效果會更好, 更rustic. 牆上掛了很多木製牌, 例出部分菜式, 正常居酒屋setting. 最吸引我眼睛的, 是手寫的 special. 鯛魚湯霜, 飛魚刺身, 伊佐木(Isaki)薄切, 去筋吞拿魚腩, 但因有半個人仔, 所以我唔可以食魚生, 老公當然細心陪我一齊唔食, 免得我忍唔到口. 所以是晚全以熟食為主, 同埋冇得飲清酒.:: 前菜 ::一坐下來就奉上玄米茶同一小碟前菜, 味付螺內加青瓜粒及人工蟹柳絲. 問題係, 埋單時發現原來每位硬食$10...老實講, 唔太喜歡於沒有明顯說明下要付錢硬食前菜, 加上這個前菜極之無誠意, 買些現成貨撈一撈就算, 根本唔值$10. 老闆不仿考慮改用一些低成本 home cooking 小菜, (如芝麻菠菜, 薯仔沙律) 及免費附上, 可能更親切. Otherwise, 倒不如不做前菜. 津屋的價位不算低下, 是否有必要收呢$10前菜費去維持成本呢?:: 和風沙律 ::和風沙律有mixed greens, 青瓜同角切魚生, 有八爪魚, 油甘魚, 三文魚, 吞拿魚及希靈魚. 基本上除了希靈魚我地唔鍾意食之外 (simply not our cup of tea), 其他魚生都好新鮮, 配以日式油醋汁, 是一個不錯的開胃菜. (多謝老公比我食小小魚生, 以解我過去3個半月的相思之苦~~):: 韓風焗蠔 ::蠔是老公至愛, menu有的話當然唔會放過! 焗蠔, 煙肉蠔串同生蠔, 經過一番掙扎, 我地選擇了韓風焗蠔! (生蠔我唔食得, 煙肉蠔串有燒得dry嘅危機). 一客兩隻, 用的蠔不算細, 蠔底鋪了小量雜菇, 蠔面鋪滿以韓式辣醬提味的蛋黃醬, 好惹味, 蠔亦焗得恰好, 一啖咬落去, 好多汁! 老公好鍾意食, 意猶未盡, 食到尾再追加多一客! :: 燒三文魚皮 ::這個燒三文魚皮認真不得了! 師傅細心燒出香脆魚皮, 魚皮上有一點點三文魚肉, 香脆之餘, 留有點點魚油的香. 如果沒有叫野菌鵝肝飯, 我真係會想加個紫菜茶漬飯, 自製一個燒三文魚皮紫菜茶漬飯!(幻想中:魚油的豐腴加上綠茶的清香...):: 野菌鵝肝飯 ::這個菜式可謂全晚最笨之選... 因為想食鵝肝, 所以我地放棄了海膽炒飯. 一片煎香的鵝肝, 加上十數條本菇hea嚮一大舊飯上面, 淋上小量燒汁再加上細切大蔥, 唔太知佢想點(日式碟頭飯加底?)... 件鵝肝亦不算理想, 外面煎得不夠脆, 有筋, 亦有小小腥, 不討好. 但本著不浪費的心態, 都成個KO佢. :: 燒牛舌 & 大蔥牛肉串::燒牛舌一般, 灑鹽不夠. 大蔥牛肉串的牛肉燒過火, totally overcooked. 唔值呢個價錢. 新蒲崗的歎燒做得比津屋好.:: 鹽燒海鰻 ::是晚亮點!!當我打開menu一見到有鹽燒海鰻, 已經決定要叫! 最後上場就是這個鹽燒海鰻及追加的韓風焗蠔. 這個鹽燒海鰻比燒三文魚皮更加不得了!!真係食得出師傅的細心! 魚身不薄, 亦大份, 魚皮燒得香脆, 魚肉仍然保持濕潤, 一啖咬落去鬆鬆軟軟的, 沒有骨, 啖啖肉. 如果可以再多灑一點鹽, 配上桔仔而不是檸檬, 或者配以蘿蔔泥柚子醋做沾汁, 可能會更好. 因為太好食, 所以埋單時特別請侍應代為多謝師傅的手藝. :)(幻想中: 加杯燒酌或冷清酒...):: 芒果雪糕 ::贈送的甜品是芒果雪糕, 查詢過後津屋用的是進口貨, 芒果味清香不會太濃, 好似有點點椰子味. 十分 creamy 又不太甜, 是一個美好的完結.雖然是晚有好味的, 亦有不足的, 但整體來說一晚食到三道出色的菜式, 以及有令我其待的刺身, 我一定會再光顧津屋. 好彩老公都滿意呢一餐(冇中伏)&多謝老公請食飯~~…查看更多

是日是與前度男友(即我老公~)拍拖5週年, 兩個半人去食上海菜.之前有次朋友聚會想去四川樓菜館的, 但當時已結業. 今次見重開, 當然想去一試.兩個半人叫了小籠包,三鮮鍋巴,紅燒獅子頭以及上海粗炒. 份量大, 所以最後係要打包半份紅燒獅子頭及上海粗炒回家.:: 小籠包 ::雖不及鼎泰豐的皮薄, 但餡料鮮味, 湯汁亦十分充足!點些醋食吓食吓, 我食咗3隻~~:: 三鮮鍋巴 ::因要戒辣, 所以唔食酸辣鍋巴. 三鮮分別有雞片,蝦仁,同火腿片. 味道較清淡, 自己食會加少少醋提味. 鍋巴亦新鮮脆口, 唔會有油益味. 上菜時會細心問需唔需要代為淋個汁上鍋巴, 我地當然唔使, 自己慢慢邊加邊食. :: 紅燒獅子頭 ::紅燒獅子頭個味就好似同我想像中不同, 唔係甜又唔係鹹...不是我杯菜. 或者叫碗白飯去配, 效果會唔同啲?:: 上海粗炒 ::最後上的是後加的上海粗炒! 色澤平均, 又不會好油, 味道係我細細個試上海粗炒時嘅味道. 醬油的香同甜, 食得好開心. 唯獨一樣美中不足的, 係除椰菜, 重加多幾條白菜去炒, 白菜沒有椰菜的甜同脆, 所以係唔加好過加. 可惜. 但味道真係唔錯~~價錢合理, 多謝前度男友請食飯~~ 我同bb食得好開心~~…查看更多

今次係舊同事聚會, 又係開心吹水嘅時候.事源有晚同老公去大埔Olive Cafe食飯, 但覺得不太好味, 所以舊同事介紹了昌運的 Once Kitchen. 果然唔錯. 雖然格局裝修一般及有點不協調感, 但整體上是清潔舒適的.4個人決定『圍揼』, 叫了煙鴨胸沙律, 白酒青口燴意粉,蜜糖香芥燒豬手及12oz 美國大草原穀飼牛扒. 餐湯我當然選擇了南瓜忌廉湯.南瓜忌廉湯濃度適中, 足料清甜, 另有少少細粒南瓜, 是日例湯飲得出主廚的誠意, 唔錯! (就係呢一啖湯, 我決定以後唔使去Olive Cafe, 因為Olive Cafe 嗰個南瓜忌廉湯係水水的, 冇味.)煙鴨胸沙律 [冇相] 嘅鴨胸肉有點過甜, 油醋汁亦略為甜了一點點, 份量正常, 分到3人前菜份量的. 白酒青口燴意粉就有點令人失望, 意粉同汁嘅味道係好嘅, cream sauce 唔會過"傑"同過濃, 意粉當然唔會係茶餐廳軟度, 但如果喜歡食 al dente 的可能要特別指示. 出事位係青口, 用的是 blue mussel, 我估係次級急凍貨, 或者係新鮮貨但煲完湯頭先再用, 因為係原全冇味! 真的好可惜. 已向廚房反映, 希望下次有改善啦!蜜糖香芥燒豬手係老闆娘推介, 皮果然燒得脆!帶了適量肥肉的脆皮, 咬落去會好滿足!!(我一真相信食豬手唔食肥肉係唔尊重隻豬手!!) 不過, 如果主廚可以有辦法令豬手冇咁dry就更加好! 附上的蜜糖紅酒汁(第一啖以為係用Port =P)係一個 surprise, 酒味是比較濃的. But i like it!12oz 美國大草原穀飼牛扒, 叫了5成, 但其實似7成, 有牛味, 正正常常的牛扒. 其實特別出色的是豬手同牛扒嘅伴菜, 烤 new potatos 以及蓮藕片!!Overall 係一餐好味的晚餐, 用餐期間見到其他食客的order, 令我垂涎三尺, 例如煎三文魚扒, 燒豬仔骨以及焗豬扒飯! 下次再去試!!希望 Once Kitchen 可以保持水準及加以改善青口啦!…查看更多

又係 Gals' night out, 今次同女朋友們食韓國菜,3星期前試過唔錯, 所以推薦呢間作為今次gathering的美食地點.一早已訂枱, 所以唔使等.一坐低已和盤托出6款泡菜, 好開心!特別喜歡薯仔同辣青瓜. 當晚食到半場, 叫秀Refill泡菜, 因為太好味啦!泡菜煎餅好香口, 亦好大份, 食得好開心.雞肉什錦石鍋飯, 味道正常, 只是韓式伴醬略為太甜, 唔夠辣. Portion 亦唔錯.豆腐湯連白飯, 清清地好好味, 唔會太濃, 一個唔錯嘅選擇.上前光顧 (6月19日)有叫生牛肉, 但不推介, 因為出很多水同埋調味一般. 反而燒牛肋骨會力推, 因為好惹味同好大碟, 用鐵板上好香!!另一力推是炒粉絲!!唔會油膩, 香口!炒年糕都好好味, 第一次食炒年糕係配料多過年糕的!!…查看更多

星期天與另一半外出食 Lunch. 唔知食咩好, 去咗一直未有機會去的大元村. 美食廣場平台有好多食店, 但另一半見到有門口餐牌有 Laksa, 所以二話不說就入去食. 普通的茶記, 但有好多焗飯同碟頭飯可供選擇. 一坐低就已經送兩碗足料例湯, 是日係 ::青紅蘿蔔煲豬骨::, 好甜好好味. 另一半叫了 ::肥牛 Laksa::, 味道係okay嘅, 但當然唔係好正宗啦, 不過我唔會話佢差, 因為你唔太認真當佢係 Laksa, 佢係一碗有 Laksa 影子嘅湯粉, 味道唔錯. 我就叫咗 ::什肉腸黑椒汁焗飯::. 汁好香好味, 炒飯底亦乾身, 如果個炒底可以再多少少蛋會重香口. 汁嘅份量足夠, 唔使就住就住咁去撈飯. 因為價格合理, 味道唔差, 好過去大X樂比$40幾蚊食焗豬扒飯, 絕對會有下次!! 最重要係好想試埋其他汁~~…查看更多

中午路過, 入去食 lunch. 一個人所以唔使等太耐.見有時間限定的醬油拉麵 (自問不太喜歡豬骨湯...), 冇再睇餐牌. 要了一個, 要細麵, 硬.:: 博多醬油拉麵 ::等了個5分鐘就上棻, 第一時間飲啖湯, 好鮮味, 同時亦有柚子味, 很清新!! 美中不足是湯底略為肥了一點, 大概因為另加上一些固體脂肪以提升湯的風味. 下次試試問是否可以不加.叉燒亦十分有水準, 軟得入口即溶.食到一半先發現, 不見了那半隻半熟蛋, 問了一下立即奉上. 很好. 唯半熟蛋沒有以味玉方式制作, 味道平凡了一點.午餐是貴了一點, 不過食完都滿足. 一定會再去.…查看更多

出名的吉列品牌, 但我覺得水準未達標.同老公兩個人6:00去到, 所以唔使等位. 但要求7:30還枱, 因為佢話當晚 Full Booking... 最怕呢樣, 食都食得有條 deadline...叫了兩個 set, 一個豬扒蠔, 一個蝦帶子. 店員服務很好, 主動解說磨芝麻及不同的醬汁, 又主動為我們安排兩個 set 的炸物一齊放, 方便我地 share. 上菜時更特意提示我們先食帶子及蠔, 免得出水, 就 service 而言, 我是滿意的, 亦彌補了要我還枱呢個缺點.兩個 set 都好豐富, 漬物較鹹, 如果可以是帶酸的會更好. tartar sauce 好味.:: 吉列帶子 ::好大隻, 亦炸得剛好, 充滿肉汁, 好好味!:: 吉列蠔 ::同樣好大隻, 亦同樣炸得剛好, 同樣充滿肉汁, 同樣好好味! 好像比食 lunch 時嗰隻大一點點!:: 吉列蝦 ::其實之前有試過食 lunch, 但覺得隻蝦細同冇味, 所以唔太想叫, 不過老公最鍾意食蝦, 所以都叫來一試. 比食lunch好一點點, 不會足以令我再食. :: 吉列豬扒 ::失敗之作. 冇肉汁, 有肉味. 唔好食. 椰菜絲清甜, 豪不吝嗇地 refill, 無論配以海苔汁或柚子汁都係送飯佳品!基本上如果我再來, 只會叫帶子及蠔, 但如果豬扒做得不好, 我會選擇試其他品牌...…查看更多

屋企有b剛滿月, 買蛋糕呢個重任交了給我!雖然個蛋糕係address比姪仔, 但個蛋糕另一個意義是多謝大嫂, 生b辛苦了! 所以今次買蛋糕都有點難度, 因未完全掌握都大嫂的喜好. 幸好沒有失禮, 買了一個大家都覺得好味的蛋糕!:: Dark & White Chocolate Mousses with Orange Custard Cake::賣相吸引, 畢竟收這個價錢, 賣相不可以不吸引, 其實我個人覺得那橙色朱古力球是多餘的, 只不過是白朱古力加橙色, 沒什麼大不了, 反而最吸引我雙眼的是那塊橙乾, 多兩三塊我會更開心.Chocolate mousses layer: silky smooth 以及不會是死甜.Orange custard: very creamy, 如果橙味再重一點會更好.Crumbly bottom (大嫂十分喜歡)整體而言, 蛋糕的味道算是 well balanced 以及不會太 heavy. 連不好甜食的老公亦對這個蛋糕讚不絕口. 雖然是貴了一點, 但 worth it. =)PS: 塊橙乾比大佬搶奪了, 冇得食. >,<…查看更多

晚上8時許等埋老公放工一齊食飯, 等佢期間 search 到 Camper's, 又近老公公司, 所以決定一試. 是夜濱海街沒有太多車, 随便就 hea 咗架車喺門口. 可能星期五晚人人去了飲紅酒或者 happy hour, 所以唔使等位.服務不錯,但侍應們比我嘅感覺係有點心急, but okay 的, 唔會 rush 你. 環境清潔舒適.豬軟骨是老公至愛, 可惜已經沽清. 所以點了一日之野菜溫沙律, 黑芝麻牛肋骨咖哩(男のカレーライス)及茄子豚肉味噌燒定食, 另加$5一杯西柚汁.:: 一日之野菜溫沙律 ::南瓜, 蓮藕, 椰菜花, 豆角, 薯仔, 紅洋蔥, 西芹, 車厘茄, 紅蘿蔔及本菇, 全部以汞水熱熱的, 淋上濃厚的芝麻醬, 好好味, 份量亦不少, 其實只點呢個沙律加個味噌湯我已經可以飽飽.:: 茄子豚肉味噌燒定食 ::好好味, 豬肉是五花腩, 肉味亦濃, 只是茄子略為少了一點, 定食包了白飯及湯, 不錯. 如果有機會, 下次我會單點這個菜來小酌一杯. 吃完令我心動, 好想留住那 last bite!:: 黑芝麻牛肋骨咖哩::好香的咖哩味, 不會太辣, 牛肋骨亦香軟, 配上南瓜粟米飯亦很好吃.基本上是一間簡簡單單的日本家庭料理, 好開心可以食到不是壽司拉麵串燒的日本菜. 唯獨令人不習慣的, 是出菜比較休閒, 都好, 何必每次都要擺到一枱都喺? 香港人, 吃慢一點點不好嗎?…查看更多

同日午餐前早了到達用餐地方, 所以週圍行吓. 發現了這間咖啡店. 吸引了私的不單是裝修, 而是我從對面馬路見到有Full Coffee Bar及Coffee shop裝修, 但見到客人食海南雞飯! 好特別, 所以午餐時同女朋友們約定下次 gathering 可以試試. 誰不知上半場午餐後, 我地3個女人即刻轉到千福大少飲杯咖啡.同行友人各點了下午茶餐, 跟餐咖啡是一杯香濃的 Movenpick Coffee. 好香. =)我點了一杯 Hazelnut Coffee Cocktail. Presentation 像一杯甜品, 但味道只是一般, 沒有太大驚喜. 這是一杯視覺享受的咖啡, 享受她的presentation, 同時享受沖調這杯咖啡的咖啡師的手藝, 他沖咖啡時那專注的樣子都是很好的視覺享受! 地方真的不錯, 又不會太嘈. 最好的是落地玻璃, 引進了很多天然光, 不會像那些連鎖式咖啡店黑沉沉. 枱與枱之間亦有足夠空間, 很開心又很舒適地hea了3個小時, …查看更多

約了2位女朋友在此 Gathering, 為的是可以比藉口自己可以喺 Lunch hour 飲返杯. 奇怪的是, 侍應小姐完全冇比過個 Restaurant Menu 比我地, 只係比咗 Bar Menu. 當時係 Lunch hour 時段, 到我地飲到尾,見有另一枱客食意粉, 豬手, 問侍應小姐要佢先比我地, 所以我地沒有再追加order, 轉了場填肚.點了一個 snack platter 嘅 Beer Set. 沒有特別, 量唔少, 所以都滿足. Kostritzer 黑啤味道較甜, 但唔會好濃, 第一次試飲黑啤, 唔會抗拒.…查看更多

到此與攝影師會面, 所以不用等位.店面清潔光鮮, 不過好迫同好嘈, 所以不是一間好的 Coffee Shop.點了一杯 Winter Special 的 Irish Cream Latte, 味道不錯, 有濃郁的 Irish Cream 味道. 只是略為細杯了一點.…查看更多

相信＜飲食XX＞嘅係鱔稿...話說較早前母親大人於＜飲食XX＞看到有點心店的專題報導，所以剛剛的星期日早上9時特意從新界區出來，最後當然係浪費了車錢及本人外出用餐的 quota。最基本的茶: 寫的是又凍頂觀音王又不知年陳舊普洱，點了普洱，茶壺內只見一個普通茶包浮浮沉沉，重要唔夠味，要問佢比多個茶包。完全唔得:筍尖活剝蝦餃皇 – 大粒但完全冇味，蝦又係冇味。好處是連鹹味都冇。甘荀咸水角 – 只是做成甘荀外型比較特別，以一件咸水角計是不合格，皮唔脆。懷舊糯米雞 – 如果南乳味是懷舊的味道，我只可以當自己好年輕。米湯有機菠菜餃 – 用粥底加幾粒菠菜餃就當成創作，是有新意，但基本功不好，再有創意都冇用。菠菜餃沒有菠菜味，而且煮到過了火，餃皮開始爛。流沙煎堆 – 流沙效果的確係做得好，但沒有奶皇的香甜味。星星脆魚腸 – 不知所謂，那塊炸魚正是敗筆，有油益味。煎蔥花腸 – 以為是煎蔥花腸粉，吃起來像卷起來的煎薄鐣，又是冇味。奇怪的是放了很多蔥，卻沒有蔥香。懷舊老爺子馬孻糕 – 連蔗糖味都沒有，何來懷舊之有?粉果 – 食到成口油。正常: (注意:係正常，不是特別好食)蜜味叉燒包香煎蘿蔔糕醬汁蒸鳳爪蜜味蛋散結論是沒有必要特別去食，大部份食物都是味道出問題，老實說，連鎖式茶樓都做得比譚點好。Presentation 再好，店面再企理，味道不好就己不是一間值得去食的食店。連蝦餃也做不好，以一間點心專門店來說更要不得。或許是我對一些略有名氣的非連鎖式小店會較有要求，而我亦對「懷舊」一字比較敏感，所以對所有「懷舊」點心又有更有要求...…查看更多

12:00上到餐廳, 是日第一位客人. 食到差不多3點半, 都不 full house, 所以十分喜歡到 798 同女朋友們見面. 當日我地3個女人應該係最吵耳嘅一枱. 一行3人, 全點 set lunch. 是日餐湯: Carrot & Orange Soup清甜, 好warm.Main Course: Spaghetti Carbonara + Slow cook Ox tail Rissotto + Mushroom RissottoRissotto 略鹹, 但芝士味足, Mushroom Rissotto 如果用多一點濃味的菇會更好. 因冷氣都唔細, 所以食物凍得都快.Dessert & Coffee: Dessert 應該係 Passionfruit + Mango Pudding都軟滑, 不過我的至愛仍是 Banoffee Pie. 咖啡亦香濃.…查看更多