fitfoodieme's Profile

今日又係進補身子嘅時候。諗到補身不如就去附近嘅東亞菜餐廳- 馬六食返個著名肉骨茶。如果我冇記錯，據說肉骨茶嘅發明係來自馬來西亞碼頭附近嘅一啲食店，由於碼頭附近嘅勞工工作辛苦，需要大量嘅蛋白質，但係銀両同午飯時間又有限，碼頭附近嘅餐廳就有人發明左呢個肉骨茶俾啲工人進補身體。其實肉骨茶的茶指嘅係湯，全名意思就係有排骨同埋有湯嘅藥膳。我叫的係巴沙肉骨茶米線。呢間嘅肉骨茶好有藥湯味，好飲。洋蔥仲有三幾大粒，啱晒我嘅口味。以佢嘅排骨有骨得來筋肉都夠厚，我呢個小食肉獸都夠飽。另外米線非常彈牙，比起喺街上面食嘅其他米線好食好多，但係又唔會太難消化，加埋啲湯，一個字，正！…Read More

今日嚟北角食火鍋放題。第一次嚟呢一間火鍋，咁啱五點幾未到6:00仲可以趕得切佢個早割優惠（好似係咁叫）。二百幾蚊可以食90分鐘，見佢門口話入面有好多嘢食整好咗，同埋喺門口見到入邊有moven pick 雪糕,就一於揀佢啦。入到去我叫咗個麻辣火鍋底，朋友就叫咗個蕃茄火鍋底。出去行咗轉睇吓有咩食，真係超級驚喜，竟然會有鰻魚俾你任夾，同埋竟然有麻辣豬紅，兩樣我喺街度都唔係好常食。於是就夾左泥試下睇下係咪得個樣，哇點知兩樣都好好食，特別推介豬紅，真係辣得來又補血，辣妹必吃。另外就係個movenpick雪糕，有時食放題都會有Häagen-Dazs啊嗰啲雪糕食，但係呢度嘅雪糕竟然個雪櫃嘅溫度係會好似五星級酒店咁set好咗，令到啲雪糕嘅溫度啱啱好，唔會硬掘掘，食落好似gelato 感超級好味。其他嘢都好好味，夾埋啲湯底度食辣得來又唔會掩蓋左啲食物嘅鮮味，正! 呢間嘢有機會我一定會再嚟：D…Read More

今日嚟到Apita food court, 決定試吓好少食嘅麵大將。因為見到food court入邊好多人都食拉麵，而我都好耐冇食日式拉麵啦。過到去counter，發現都好多款式揀，有點兒眼花撩亂。但都係決定食比較傳統嘅豬骨湯底拉麵。管理叫咗個叉燒豬骨湯底拉麵（好似係咁嘅名），後來發現原來有個豬骨湯底拉麵定食仲比較抵食，會跟埋一個細飯同清茶，都係$54，所以就改咗叫定食，要個細嘅鰻魚飯。先試食鰻魚飯，我真係有啲喜出望外。雖然好細個返，鰻魚都係細細粒咁，但係啲鰻魚就煎得好香，嗰邊仲有少少脆同燶燶哋咁，我鍾意。 鰻魚本身都好香軟。啲珍珠飯就比較普通， 不過$54有咁好食嘅鰻魚都已經抵晒。然後到個拉麵， Overall嚟講都滿意嘅。啲面嘅質地都幾好咬口，唔係嗰啲超平嘅渣面。另外個叉燒都幾大塊，同埋俾喺某啲餐廳嚟講都算厚。呢個拉麵我最鍾意嘅係個糖心蛋，做得啱啱好， 要俾個Good佢。呢個定食$54嚟講真係超級抵食。…Read More

今日食北之板。平時嚟食不知版來來去去都係食焗飯。今日想食清少少，於是叫咗個炸豬扒意粉。炸豬扒維持左不知扮一向嘅水準，外面嘅被非常之香脆香口，可能係今日好多人所以呢個豬扒都比較新鮮。另外意粉清得來撈埋啲意粉肉醬又唔會太寡，啱晒今日嘅胃口，始終有時想食清少少但係又唔食得太寡哈哈。😂另外要求叫咗個小甜品，就係綠茶蛋糕。呢個係加$20就可以有綠茶蛋糕同埋嘢飲嘅。綠茶蛋糕都算係咁，最底係蛋糕底，然之後係綠茶忌廉，咁樣卡啦卡啦夾住配搭嘅，最上仲有好多綠茶粉，啱晒綠茶控啦。呢個蛋糕我覺得都中上，對我嚟講食落感覺清新唔會太甜嘅。同埋佢個配搭對於我嚟講又唔會太漏，因為我自己唔係鍾意食啲全部都係cream嘅蛋糕。呢個蛋糕仔就啱晒一啲想食少少甜品過下口癮嘅日子啦。…Read More

今晚吃辣的心又起了，去到附近嘅餐廳叫左個口水雞，再加多杯凍檸茶，我覺得呢個係絕配，食辣嘢我多數都會叫凍檸茶㗎喇。呢度啲凍檸茶都會落成三四片檸檬，係好正宗，同足料嘅凍檸茶。今日的雞唔夠平時嫩口，有少少鞋。佢平時啲雞都係比較嫩嘅，但係相對骨就會多啲，不過就唔會唔夠飽因為都幾大份。 另外佢個口水雞嘅辣汁真係教得好好，我覺得正宗得泥又唔會太辣。我好鍾意上面嗰啲好似豆瓣醬咁嘅嘢，有時啲餐廳慳皮起上嚟真係會淨係落辣油就算，呢間就唔會的，啲醬總係好夠料。…Read More