hyo12eun的个人专页

第一次黎既時候試左極高性價比既午餐set，但係今次黎試晚餐就真心失望。極度懷疑食材貨不對辦，而且食材不新鮮🤢首先，晚餐$108個set真係無午餐咁精緻，無一盆咁上，只係一碟碟咁擺曬係檯面。賣相就算啦，但係碟薑煮秋刀魚黎到，完全唔係秋刀魚！🤢根本個樣就係沙甸魚咁！仲要食落去就係沙甸魚罐頭個種魚腥味... 隔離檯都有叫，即刻就反映比店員聽，但係店員就一再強調係秋刀魚...結果隔離檯即刻話接受唔到就走了。個店員係咁堅持話係秋刀魚，所以我就放棄嘈，直接唔食就算。但係姑且勿論個碟係咪秋刀魚，定係沙甸魚，食落去質感硬到同罐頭一樣，仲一陣魚腥味。咬落去啲骨頭同沙甸魚一樣已經煮到林晒，可以食...🤦🏻‍♀️咁樣既魚要煮幾耐先可以煮到咁樣，仲要係用薑煮都劈唔走陣腥味...附上張圖比你地睇，我就絕對不建議大家去點魚，不過其他熟食應該可以，畢竟可能都係煮到僵屍肉咁一定熟曬🤢🤢…查看更多

試過其他壽司郎店，紅磡店真係差啲。相比之下，佐敦店環境比較好，也寬闊啲，整個感覺真係不一樣。其實其他魚生都食得入口，但係$12 既吞拿魚真係唔好試🤢 舊吞拿魚成舊沙冰咁，食落去無味兼且成舊冰咁，即刻吐翻曬出黎，完全唔得🤮...之後搵侍應換左舊，雖然無咁凍但依然無味同中間凍冰冰，似係未完全解凍。都係一分錢一分貨，為左個肚都係比貴小小，食啲安全啲既。🤢另外點既海膽一樣，腥味重，奉勸大家唔好點呢兩樣。…查看更多

搵到一間新嘅健康飲品店，試咗兩隻新口味：1）益生檸檬君🍋2）益生荔枝君🥤呢兩杯飲品好足料，水果同酸奶比例啱啱好😋啖啖果肉，口味清新又清爽，最適合呢種炎炎夏日☀️檸檬君味道較酸，但係一啲都唔影響味道，反而突出咗佢係真材實料😆荔枝君就真係冇得彈，清甜可口❤️…查看更多