小書的个人专页

一早都想試下 本家，因為聽說是正宗韓國味道。我們一行6人，我到來的時候，朋友已經把菜單裏好吃的東西都點了一遍。可能我們人數比較多，前菜非常多，而且可以無限添加。首先有大家最想食的醬油蟹，餐牌上寫的是HKD 520一份。我們這一盤有5隻蟹，不知道是多少份。店員的服務非常好，會先問一下有多少份量是就這樣生吃，有多少份量是拌飯。然後幫我們平均分配好，如圖。吃進口裏一點也不腥，非常好吃、開胃。拌飯每一口的口感都很豐富。第二個很期待的就是烤鰻魚。韓式的鰻魚我也是第一次吃。同樣也是店員會幫忙燒好、剪好給我們。有幾款不同的醬料點，個人認為就這樣吃比較淡，加上醬料會好吃一點。第三款是生拌牛肉。味道不錯，不會腥，口感滑捋捋。接下來就是重頭戲，韓牛。朋友應該點了幾款不同的肉，有牛有豬。韓牛最好吃。吃完肉之後，來了一碗水冷麵。價錢不貴，吃了很多肥膩的東西之後來一碗冰涼的冷麵，非常解膩。最後，來一碗人蔘雞湯。材料份量充足，暖洋洋的結尾。最後埋單一共HKD 3240，雖然價錢肯定不便宜，但的確是非常滿意的一餐！…查看更多

大圍新開台灣菜餐廳家傳肉燥乾拌麵，HKD 42，正常麵量。肉燥份量足，不過較為淡口，向侍應加辣椒油會惹味啲。鹽酥雞，HKD 28。好少見帶骨嘅鹽酥雞，幾好味。海鮮卷，HKD 26。入面有花枝、蝦，不錯。涼拌黑木耳，HKD 16，清涼爽口，好食！而且價錢便宜，抵食。台式奶茶加珍珠，跟餐可以有半價，HKD 15。個人覺得，台式奶綠加波霸珍珠少甜更好飲，係我近排飲過最好飲既珍珠奶綠。女服務員一人睇全場，服務態度佳。…查看更多

環境好懷舊，復古風格幾得意。餐牌咁我地就叫左2款。第一款係 沙嗲出前一丁沾麵，餸就揀左滑牛肉，HKD 78。牛肉正常水準，個沾麵醬汁係超級咸，10分滿分可以有9.5分咸。個麵輕輕掂一下已經好咸，完全冇撈下先食既感覺。第二款 係 窩蛋牛肉煲仔飯，HKD 88。粒窩蛋上枱嘅時候已經穿咗，有少少影響外觀打卡，扣分。佢嘅牛肉同上面嘅沾麵係同一款牛肉，冇乜特別。粒蛋佢自稱係日本生食級雞蛋，然後個飯係冇任何醬汁，因為每一枱都會有三款醬汁比客人自己試吓，有豉油、蒜香、蝦油。我覺得三款都各有特色，唔錯。總括而言，都只係會黎試一次打個卡既餐廳。…查看更多

聽講呢到既乳鴿好抵食，所以黎呢到一試。環境幾得意碗碟一如既往既特色。沙田乳鴿，原價HKD 177三隻，堂食有優惠HKD 39一隻。都幾熱辣辣，唔算超多肉但可接受，呢個價錢算幾抵。煸四季豆，HKD 89。全晚最好食係呢碟，豆角同豬肉都好入味，必點，推薦！水煮魚春卷，HKD 59。我只可以話佢係一個幾有特色嘅點心，一咬落去裏面啲麻辣汁就會爆出黎，好濃郁嘅水煮魚香味，要小心啲食如果唔係會搞到周圍都係，裏面又真係有一舊魚。不過我自己食開鹹/甜嘅春卷，唔係好適應呢隻味，反而同行嘅友人好鍾意食。大肚婆炒飯，HKD 109。純粹係用嚟填飽個肚，冇乜特別。有四隻蝦、少少蔥花、超級無敵少既蛋碎，肉鬆、超級無敵少嘅蟹柳。可愛南瓜，HKD 39。食完飯就食甜品啦，入面係豆沙餡，佢嘅表皮類似湯圓，但係唔彈牙的，比較黏牙，不過不失咁啦。原價HKD 520埋單，不過乳鴿有個折扣同埋如果down 佢個app 都有優惠券，所以埋單四百幾蚊。…查看更多

大雨天，原來想食既餐廳又要排隊，所以機緣巧合黎左呢間。有聽過話呢到既撈麵好好食。黎到見到，d撈麵份量真係非常之多，我估計應該有2餅麵。第一碟叫既係牛柳粒、司華力腸。撈麵原本嘅辣到已經訂咗，有少少辣辣地好惹味，好開胃。牛柳粒係超級無敵多，然後唔會硬，炒得好好食，反而我覺得司華力腸得半條，仲要再剪開一半，好似少咗啲。不過，總體來講都幾好食。第二碟係豬頸肉同埋雞扒。雞扒同平時茶餐廳食到嗰啲一樣，豬頸肉有另外嘅秘製汁，幾好食。反而小食，釀餃子雞翼，麻麻哋，感覺好似喺出面唔知邊度食過嘅批發，入面嘅餃子香料味太重，令到我哋完全食唔到雞嘅味道，不推薦。總括而言，黎呢度食撈麵就啱啦！…查看更多

位於二樓，中午去食冇乜人。睇到呢到D食評，大部分都係讚食物，彈服務，果然不出所料。去到餐廳門口，有圍欄圍住左個入口，入口有幾個𡃁妹，好似好為難咁討論左一陣，先問我地幾位放我地入去。等我仲以為佢咁爆棚，原來入面坐左10枱人都冇，仲有2/3係空位，完全唔知為難緊d咩。之後，落完單之後，我地話要2杯水，侍應哦完就算，5分鐘都冇反應。此時，有另外兩位客人入坐，居然馬上有水，我地提一提想要水，卻被無視。不過食物方面係唔錯。烤牛肉炒粉絲，HKD 98。細細份，粉絲唔多，不過有牛肉、洋蔥、木耳、菇、青椒，都幾多材料，而且洋蔥唔會好硬都幾好食。香蒜蜜糖炸雞，HKD 178。冇諗到有咁多伴菜，有薯餅、薯條、薯格。炸雞方面，係無骨炸雞，其實香蒜蜜糖味唔算好重，反而係另一種講唔出既秘製味。另外，有3款汁可以點，不過炸雞原本味道都唔錯，唔點汁都好食。值得一讚係我食咁多舊，好似都冇胸肉，唔會乾/鞋/死實實，所以好食。埋單加一後HKD 325左右。…查看更多

環境有2層，唔算大，坐樓下。泰式生蝦，有6隻，HKD 98。好難會唔好食～泰式酸魚，HKD 198，原條。得少少辣，上面d粉絲，浸軟左之後幾入味幾好食，魚就普普通通。泰北冬蔭功，HKD 128，又係酸酸辣辣，反而呢個唔太辣，幾啱我，好多材料。麵包咖哩軟殻蟹，HKD 188。全場最好食，不論麵包、咖哩汁、軟殻蟹都好出色，推薦。最後以 菠蘿海鮮炒飯 作為結尾，HKD 128。除左海鮮，上面仲有腰果、蛋、肉鬆，幾豐富。…查看更多

個名幾特別的餐廳，好適合我呢啲無時無刻都想偷偷Lazy的小夥伴～叫了兩個漢堡餐。第一個是安格斯牛肉芝士漢堡 （$108）我另外加了煙肉$10。漢堡材料有牛肉、芝士、三大塊蔬菜、番茄、煙肉。肉眼可見，薯條非常非常之多，旁邊另外有一份沙律，有茄汁。薯條其實唔需要點茄汁，因為佢落咗一啲調味粉，比出面的shake shake粉更加好食。第二個係照燒雞肉漢堡($88)，加雞蛋($10)。雞蛋煎得好靚，雞扒有汁唔會乾，唔錯，其餘材料一樣，亦同樣好大份好多薯條。凍特濃朱古力，HKD 42凍檸茶走甜，HKD 32…查看更多

好似去咗日本一樣既環境~叫了兩個四品料理，第一份，兩冷兩熱，HKD 108。三文魚富士山飯團，中間有熟三文魚。本格金平牛肉，送飯圈一流，變左牛肉飯姜燒松板豬，同牛的味道有少少似清酒溏心蛋，好食軟綿馬鈴薯蛋沙律，推薦，好食第二份，都係兩冷兩熱，有部分唔一樣 名古屋之手羽先，即係雞翼，有2隻和風芥末籽章魚沙律，好清新北海道流心芝士薯餅，好大份，可以2個人分黎食，如果唔係會好飽。飲品盛夏·富士山特飲，HKD 58。打卡一流，味道不太好飲，有DD藥水味。春櫻白桃梅子梳打，HKD 52，比上一杯略好飲少許，冇味的梳打。…查看更多

之前有聽朋友介紹過，咁啱見到旺角新開，所以專程去試吓。不過佢嘅店面太簡約，行過咗龍都唔覺，然後倒返轉頭搵呢間舖頭。人流唔多，只有一兩枱客人，環境好清幽，完全唔似車仔麵，簡約文青風。車仔麵，我叫咗油麵。餸叫咗咖喱魷魚、蛋、日式叉燒。如果唔係送咗幾條生菜，成個包裝真係好似日本拉麵。日式叉燒幾好食，推薦，如果舊叉燒再大份啲就好，魷魚佢比好多，份量幾充足。蛋係流心的，真係好有食緊日本拉麵嘅feel。我叫小辣，已經都幾辣。咖央西多士，附有牛油同埋煉奶。中間的醬會比較多，唔知點解食落有少少奶皇包的味道，不過都算幾好食。凍檸茶加$8。椰汁紅豆冰加$12埋單HKD 104。…查看更多

預約左2點，不過都等左大概10分鐘先有得入去。入面既環境好光猛好新淨，比想像中好好多，因為出面睇佢d顏色係略舊。極品可可冰沙，HKD 55。有兩款口味，呢一款係特濃巧克力口味。好豐富，上面有好多粒朱古力，有3塊Oreo，2條朱古力餅。野莓荔枝冰沙，HKD 50。飲落比較清新，好爽甜。之後，主食叫左明太子義大利麵。HKD 98。以前喺第二啲Cafe都食過明太子意粉，呢度嘅質感完全唔同，呢到意粉比較幼身，會比較乾身同黏住，各有千秋，我覺得都幾好食。不過上面嘅紫菜有少少搶味，加唔加就見人見志。小食嗌左松露薯條，HKD 58。一口入就知係新鮮即炸，好好食。佢本身條薯條唔點任何醬已經有松露味道，好入味，然後有松露醬同埋茄汁選擇，仲可以無限refill醬，必點之選，推薦！最後，到甜品出場。莓好時光蜜糖吐司，HKD 108。非常之高，有好多好多士多啤梨，你可以見到有兩層。之後有好多cream，一粒馬卡龍，兩條朱古力，仲有一個芋味雪糕。唯一少少扣分，就係佢入面嘅吐司，係長條型，太大條。個人認為應該再分細一半，無論點雪糕定Cream都會易入口d。埋單HKD 405。…查看更多

其實都唔係話好晏先去食，大約一點左右，都已經冇曬海南雞同海南雞髀，真係有啲失望。等左30分鐘，終於有得坐。一上枱就黎左2杯野飲解渴，速度都算快。之後，叫咗一個皇牌3+2撈檬，HKD 63。佢裏面有好多唔同材料，包括手撕雞、豬頸肉絲、脆豬肉、扎肉絲、烤牛肉。每一樣都幾有驚喜，其中最好食係脆豬肉！雖然佢細細粒但係味道好特別。係我會回頭再食嘅選擇。鎮店四鳥椰汁酸湯檬粉，HKD 80。老實講啦，雖然支持良心小店，但係佢真係唔好食。上面嗰塊雞皮係唔錯，但係就僅限於此。佢嘅香脆雞同埋滑雞件都唔好食，手撕雞正常。本身諗住叫海南雞髀，因為冇晒先至改叫呢個，但係如果佢啲雞搞成咁，都令我擔心海南雞髀好唔好食。同啱先嗰個3+2相差好遠，唔係特別推薦。…查看更多

夜晚7點先開門，已經有好多人order 。燒原條蒜香茄子，HKD 32。呢個價錢真係好抵，唔算好辣。燒牛油什錦錫紙包，HKD 38。好熱好大包，有娃娃菜、金菇、雞脾菇。之後，叫左一堆串燒。最好食係呢串 海鹽極品燒牛脷芯，只係HKD 18。入口即溶，5星推薦！燒豬花腩，HKD 18。賣相好靚，食落唔錯。燒蟹子丸，HKD 15。不過不失。燒雞肉串，係以前超級市場d來貨，唔好食的，不用叫。另外仲叫左雞軟骨同明太子燒雞翼，明太子燒雞翼幾特別，可以一試，兩款都好食！…查看更多

母親節到處人多，再次光臨呢一間酒樓，試埋上次未試過既點心。餐牌首先點左之前都有叫過既幾款唔錯既點心。黑魚子花姑燒賣皇，HKD 22。雖然得2粒，但佢一粒等於平時1.5粒既size，所以好抵食。醬皇蒸鳳爪，HKD 32。新鮮，大隻。之後試新野。筍尖活剝蝦餃皇，HKD 22。都係一樣，大大粒，幾新鮮。蜜汁叉燒包，HKD 32。要咬幾啖先見到叉燒，正常水準。百花炸釀蟹鉗，HKD 40。個人認為40蚊得2隻有啲貴，雖然好食，但同出面嘅炸蟹鉗差唔多味道。生煎韭菜蝦餅，HKD 36。我本人唔鍾意食韭菜，但係呢個整得好好食，韭菜mix蝦餅原來咁夾，令我都成舊食曬，必點之選。碧綠叉燒腸，HKD 35。普通，冇乜特別。胡椒湯芋絲蒸魚雲，HKD 36。屋企人話個湯幾好飲，我自己就覺得同平時酒樓差唔多，中上。…查看更多

餐廳內位置不多，環境唔算好優雅，不過勝在特別。叫左好多野食，第一樣黎既係金龍卷，HKD 68。侍應哥哥仔一點火，佢起碼燒咗成分鐘，可以慢慢影相，效果好靚，打卡之選。味道方面，因為比火燒完，入口仲係熱辣辣。唔需求點豉油，因為佢原本有汁，上面又有沙律醬，本身都咸咸地好夠味。之後，主食，叫左一個激突三文魚丼，HKD 138。有三片三文魚、三片三文魚腩、三隻蝦、帶子一粒、魚子，算係好豐富。第二個係乜蟹都有丼，HKD 128。呢款可以自選汁，我選左芝士蟹子，所以上面會有蟹子。有蟹鉗二個、好多蟹柳、蟹膏。個人認為性價比冇第一個咁高，不過都好食。小食，三件炸雞 HKD 28，兩件炸蠔 HKD 22，幾好食。小食，炸三文魚鰭，HKD 22，呢個價錢有咁大舊好抵食！上面既芥末醬有d多此一舉，冇好食啲。叫埋野飲同加一之後，埋單一共HKD 463。不過，每一樣野望落都唔貴，但份量不多，男士好大機會唔飽，因為我地食完之後都馬上搵甜品食飽肚了。…查看更多