winniekongyy的个人专页

以前去親機場都會心思思想食大力水手而家旺角都有得食啦係TOP商場basement food court 要自己搵位嘅 尚算闊落唔逼人叫左一號餐 包括左汽水 薯條 同埋 6件雞翼汽水係即飲蓋 免飲管 加分薯條係喊香 似X當奴嘅扭扭薯條質地每一條都脆 我喜歡呢款味道同質地六件雞翼我得到嘅係四件雞中翼同兩件雞鎚仔表皮係脆嘅 有點點似X德基嘅味但係入面有點乾而且咬到入去冇乜味有點點失望 成個餐其實份量都好夠 係食得飽嘅但質素與味道就一般般希望下次食其他餐會有驚喜啦😅…查看更多

🍝蒜香白酒蜆肉意粉 好惹味嘅意粉 蜆肉都算好多值得一試 份量都多 包餐湯 🧋Iced Red Bean Coffee Latte 唔好睇佢好淺色咁樣 咖啡味好濃配合粒粒紅豆 少少甜味 幾好飲環境方面 坐位都算闊落 唔會同人地太近 但由於場地都係一係密閉空間 所以開放式廚房 會令到油煙味四散食完成身味😅😅…查看更多

同朋友Bookmark左烤魚工房好耐上次6點去到都已經非常多人 要等2個鐘 所以放棄左今次特登5點左右黎到 都要等一陣間先入到坐😅所以期望好高 除左烤魚 燒烤都係主打我地叫左 豬頸肉 牛肉 韭菜如果你係內地食過串燒 佢地就係個種味道👍🏻好有風味 細細串 都唔錯豬頸肉係好味到要encore 牛肉就一般啦韭菜都係正常發揮到個烤魚啦 我地叫左 鮮青椒味烤魚小辣 中麻 可以揀小油 魚就揀左江團魚 另外仲叫左 萵荀 金菇 同寬粉條魚好入味 配埋啲湯食啲魚肉非常好味👍🏻👍🏻呢款魚嘅肉質都算滑 而且少骨份量岩晒兩個人食 仲有quota叫少少配菜食完好滿足😋 已經想再黎Encore 離開嘅時候 見到前後門都佈滿晒人證明佢真係好值得食呀🤣🤣…查看更多

Lunch Time 去APM嘅Five Guys 食Burger 三個女仔去食 每人一個Little Bacon-Cheese Burger 🍔🍔🍔再加一個Regular Fries 🍟同行嘅朋友叫左 Oreo Milkshake同Strawberry Milkshake ，我就叫左 汽水🥤🍔Burger 非常大個 食完已經好飽塊肉好Juicy 好有肉味 配Bacon and Cheese都好出色 仲可以揀好多配料 好開心🥳🍟好有咬口 感覺好fresh 炸得岩岩好得黎入面仲軟綿綿，好好味😋 加埋黑椒粒仲正🥤🥤🥤汽水係可以無限refill嘅 而Milkshake 朋友都大讚好味😋雖然有啲貴 但真係值回票價 下次會知道點樣預計分量架啦🤣🤣…查看更多

疫情後重開之後第一次幫襯LAGOM地方闊落 好好坐 店舖內採光好好 景觀開揚雖然係觀塘工業區 但係窗外望到啲樹 都幾舒服🍝奶油花雕燉雞意粉自己覺得一般般 意粉粗身 有少少咬口奶油味不太有 雞件大份 好有酒味但略嫌唔算太配合到 而且 價錢都好貴下🫠☕️純粹拿鐵鮮奶咖啡 轉燕麥奶冇甜味嘅一杯咖啡 唔太有感覺 如冇記錯 係需要加$20 /$48🍗台式炸雞配黃金泡菜說到尾 即係鹹蛋黃炸雞 唔算好油膩幾好味 泡菜就是普通泡菜 好似都要$98總結正常發揮 但價錢同味道唔成正比$108嘅意粉 冇嘢飲 而質素亦平平黎講 真係有啲貴 而且位置亦唔係十分便利 有點點失望…查看更多

心血來潮想食港女餐 就去左APM食梳乎厘餐每人個lunch set再加一份梳乎厘share Soufflé Omelette Chicken Curry Rise 上面係一層甜味嘅梳乎厘，下面係日式咖哩雞飯，側邊有啲沙律，份量好少，兩樣野加埋唔係幾夾Tiramisu Soufflé 好正常嘅味道，梳乎厘唔係特別香，又唔係特別質地好好，不過不失，正常發揮環境方面，都好闊落，傾偈幾唔錯，企企理理但係性價比都好低，試一次就好了…查看更多

去開銅鑼灣 需要快食一個晚餐見冇乜人 就入去SHAKE SHACK幫襯下啦叫左個 Smoke Shack同埋Fifty/Fifty店員會提供嘟嘟機通知你去Pick Up方便👍🏻👍🏻🍔Smoke Shack -Single牛肉漢堡配上煙肉同辣椒粒 配搭幾啱口味但係漢堡冇乜肉味 亦有少少韌煙肉 冇感覺到有咩特別麵包部分 係濕嘅 完全支撐唔到入面嘅餡料索左啲肉汁之後 完全係冧晒 Failed 😐仲完食完成手油 一般美式漢堡包店嘅Single其實都好大個好夠飽肚，但佢嘅Single其實只係岩岩好有別於紅色格仔裝修個間🫠🥤Fifty / Fifty 聲稱係一半Lemonade一半紅茶兩樣野我都感受唔到🥶而我叫左少冰，都仍然係成杯冰😖🫡總結: 冇乜特別事我都係食返紅色格仔牌子了…查看更多

行開灣仔利東街 見到Pizza Express 好耐冇食就入去幫襯下 兩個人 最抵就係叫一個Set for 2啦🧆意式焗肉丸正常發揮😅以為會配波波麵包點知係一片片 雖然有啲失望 但味道不錯🍝卡邦尼忌廉意粉一食就知冇落到鹽😅意粉彈牙粗身，有忌廉味，但煙肉略為少左啲，其實就算有落鹽，都唔會係好食嘅意粉🫥🍕北京烤鴨薄餅每次想食Pizza Express，其實都係為咗佢而嚟☺️甜醬, 蔥, 青瓜 味道好夾，烤鴨就不過不失啦但係食到尾段，覺得非常咸，如果多啲人Share食就會好啲🫡總結: 人地話唔同分店嘅質素同水準會有啲唔同今日都真係體會得到😅😅…查看更多

同朋友係旺角搵地方hea，行過去618 上海街影下相，見到天台層有間虫二Cafe幾得意就入咗去坐下叫左兩杯有酒精嘅飲品同一個小食🍽蛋黃醬烤魚餅軟綿綿嘅魚餅加上木魚碎紫菜同蛋黃醬非常夾 好有日式料理嘅味道 推介👍🏻👍🏻☕️咖啡啤威士忌咖啡夠濃，配威士忌好夾，再加埋氣泡水，好得意，下午時間飲都唔會覺得好重口味🍸太白春夢桂花係Gin嘅桂花蜜，飲第一下好有Gin嘅味道但好快桂花蜜就走晒出黎，建議每次飲之前都攪一攪，唔係飲到最後只有桂花蜜嘅味道…查看更多

Book左愉景灣酒店Staycation👩🏻‍🤝‍👨🏼Check-in之前係酒店食Lunch先估唔到非常有水準前菜可以揀餐湯或者沙律 我哋一人一款 Share當日餐湯係中湯嚟 好似係螺頭煲雞湯？好足料亦都冇味精嘅味道 好飲 👍🏻👍🏻🐷蜜汁豚肩肉蜜桃莎莎配白飯及時蔬好好味😋有咬口得嚟又好夠冧，嫩滑有肉汁 仲有烤過嘅味道蜜汁岩岩好 配埋蜜桃粒粒 酸酸甜甜 非常清新推介推介~~🐮紐約客牛排配牛油薯蓉及時蔬正常水準嘅牛排🥩熟成度岩岩好嘅只係本身塊排有點點韌 但烤過嘅味道都好出薯蓉都打得好夠滑👍🏻🍰最後仲有件藍莓芝士蛋糕不過不失 正常酒店水準 冇諗到咁大件😋😋仲有嘅係 餐廳嘅座位都望到開陽嘅海景樓底又高 位與位之間都闊落食物水準再加上環境 非常滿足😊👍🏻另外，如果入住酒店 仲有85折優惠 價錢都合理…查看更多

平時叫開外賣🛍海南雞飯都出色今次試下堂食其他嘢~ 🥑牛油果五色米紙卷以為牛油果會係重點，點知每舊都係得一少片好失望😥 碟上面有芒果醬叫做令成味餸菜有啲味道🥕新加坡古法炒蘿蔔糕好濃味嘅蘿蔔糕 好重醬油味冇特別comment 但係食左幾舊就唔想再食🌮烤馬來葱餅 配 咖哩就係餸菜名一樣，葱油餅點啲咖哩黎食但係葱油餅質地偏硬 咖哩味道就唔錯 少少辣 啱啱好🥘地道老鼠粉啲粉有咬口，入面有魚仔乾，有花生，夠鹹香上面隻半生熟蛋令成個粉多左份蛋香味份量唔係太多整體來講, 不過不失，食返大路嘢會比較好，下次都係食海南雞飯會滿足啲😥要讚嘅係，我覺得裝修都幾舒服，感覺乾淨用嘅碗碟都幾靚，令人賞心悅目😊…查看更多

Lunch Time已經買過幾次外賣，第一次堂食🪑環境闊落 仲有好靚嘅壁畫做裝飾 乾淨企理✨🍝 乳豬卡邦尼意粉 $68 👍🏻好好食 好夠汁 好香 意粉有咬口入面仲有煙肉同蘑菇淨係卡邦尼意粉呢part已經非常對得住$68呢個價錢✨☺️仲要有3件脆皮乳豬👍🏻真係大大加分✅ 肥瘦適中 外皮仲係脆卜卜 仲要好有誠意附上乳豬醬 抵讚🙌🏻飲品方面，除咗有汽水 仲有唔同嘅茶飲都非常有驚喜😊絕對係會再encore嘅餐廳👍🏻之前外賣食過漢堡包同豉油雞飯都好出色😋…查看更多

👩🏻‍🤝‍👨🏼同男朋友入愉景灣慶祝生日已經事前做好Research 要嚟呢度食👍🏻有室內室外位置 地方好大 唔怕冇位仲可以望住個海食嘢添☺️好寫意架💕🐟黑白芝麻吞拿魚捲好好食👍🏻👍🏻作為Starter 份量都好多有一陣好特別嘅香料味邊邊嘅芝麻亦都配合得好 鹹味適中建議點佢嘅沙律醬一齊食 會提升風味🍽蘑菇黑松露意大利飯❤️係水準之作😋 個汁同黑松露配合得好好每種味道都唔會蓋過大家飯係有咬口亦唔會有生米嘅感覺蘑菇非常多 每一啖都會食到仲有好多好多芝士 香得嚟唔會漏👍🏻同埋好大碟 相信三至四人都好夠食🐔招牌烤雞(半份)相比之下 呢個就失色少少 因為肉質係乾嘅唔點佢側邊個醬 其實冇乜味道不過 佢俾左好多薯條🍟 係好食又脆又粗幼適中嘅薯條😇🙌🏻 整體嚟講 如果大家去愉景灣 呢一間係非常值得嘅試同回頭嘅餐廳👍🏻👍🏻…查看更多

用外送App叫附近嘅晚餐🍝從未食過咁油嘅意粉🫠唔係認知嘅卡邦尼意粉，冇蛋味亦冇汁🙃有啲似蒜油意粉咁（但只有鹹味），食每啖意粉都會滴油。。。而盒底起碼都有兩湯匙份量嘅油留低係度🫣完全係誇張！！！相信係肉嘅油份？定仲有橄欖油？但要讚嘅係豬腩粒粒嘅鹹香同質地都好適中👍🏻唔係只有肥肉，係肥瘦均勻嘅👍🏻整體嚟講，味道正常，意粉軟硬適中，有少少咬口嘅，分量啱啱好，肉嘅水準都好好只係真係俾啲油嚇親☹️…查看更多