yanyankillu的个人专页

好喜歡食 All Day ~ 當然整 All Day 難度唔高。我明既，值唔值呢啲價錢？ 出得去食就唔好理，就當嘆下吧 😌😌.而我食緊呢間時，興致勃勃亦想寫下食評，因為 $98 超足料，本人認為十分值回票價 🤭 用既食材亦唔係普通 cheap 野。另外加左 $24 飲 Dirty 😌 啡味濃，奶味濃，口感層次分明.同行者食左 紅酒汁牛xx意粉，亦係好味，足料 🤭.店內位置唔算多，店員亦得兩個，見佢地忙著忙著，其實我幾開心，因為最緊要有生意 🤣…查看更多

3月某日, 一行 50 人, 有大有細, Book 左場先付 $500 訂。大草地, 有小動物餵食 (自費), 都好適合一家大細的。至於食物方面, 雞中翼, 魚蛋 我覺得係 OK 既。至於 BBQ 必備既腸仔就完全無味 !!!價錢方面都唔算貴。⭐⭐⭐《不過》~~ 可能人數太多, 當我去比錢個陣又無為意 50人既錢點計, 最後我跟張收據比錢, 點之。。。張收據未扣 $500 訂, 今日打返去問啦。佢話當日點清數, 無收多唉～！只怪自己無計清數。做事太急！咁個 $500？咪要自己賠囉！ 可以點, 買個教訓。😭⭐⭐⭐ 各位~~~ 一定要點清啲錢先走呀！就算比佢吹你, 比後面既人望實你, 都要點清楚先走。走左就無架喇！！😯因為重點, 所以要有三粒 ⭐⭐⭐。…查看更多

一個月會黎佐敦做野兩次, 每次都要珍惜揀食咩既機會, 今日同事們又陪我食 Toast Box 喇。一向都鍾意食海南雞飯既我, 因為今次有同事食, 所以我揀左叻沙~ 😁1) 燒雞飯配菜 (我無試🙊添)2) 海南雞飯配鹵豆腐 - 超滑既雞呀, 再配佢個汁, 真係好好味, 墊底既青瓜都入哂味。❤❤ 我一向麻麻地鹵豆腐, 所以無評價 🙈3) 星洲叻沙 - 個湯底唔辣, 好香, 略為有少少唔夠飽, 始終無咩肉呱。不過飲埋個奶茶, 就夠飽喇🌹我唔喜歡太甜, 所以記得要叫少甜。😝…查看更多

一向都好喜歡 Pizza Express...難得新世紀呢間仲有得 book 位，情人節都有普通套餐，無理由唔揀呀～ 😂Book 左九點，因為必須行完街先可以食飯 😲應該係九點關係，個場唔 Full，啲人客都開始走咁 🙈 所以兩個人坐左張三人 sofa 位，個 pat pat 都坐唔哂呀！😎今次叫左個二人餐，另加左雞翼。埋單 $399，唔貴呀～頭盤 : 必食❤蘑菇忌廉包沙律 : 必食❤凱撒沙律Pizza : 咩肉腸忌廉 pizza~ 跟我想像中既唔同，後悔~ 食返四重芝士仲好。其實佢係咪比錯我 ??飲品 : 必飲❤無限加添凍檸茶。And 一杯汽水雞翼 : 有5隻，係好味既又大隻，不過多啲人食好啲。總括 : 衰左係個 pizza 到，感覺上海廣場最好食 😋…查看更多

以前試過呢間舖既前身, 唔記得咩名, 係基督教開既, 所以專誠黎試佢既今生。😋😋Book 左8點, 當日唔 full, 可能平日呱, 所以係舒服既。3個人, 點了二人餐 再加 黑松露薯條。唔係超肚餓, 都夠食的 !!!牛扒七成熟 ~ 對我唔喜歡血冧冧的都 OK。龍蝦汁大蝦意大利飯 ~ 我覺得個龍蝦汁好夠味。凱撒沙律 ~ 基本 😂 好難會唔好呱, 大碟啲仲好。😋跟餐仲有兩個湯, 蒜蓉包, 野飲, 甜品 ~野飲 ~ 我試左 Cappuccino, 我唔係太喜歡面頭既玉桂粉, 如果可以拉個花, 會出色好多。👍甜品 ~ 藍莓芝士 & 意大利芝士散叫既黑松露薯條 ~ 係有黑松露味, 但食就無特別。😵裝修同食材, 同前身差唔多。其實係咪轉左名咋？😅…查看更多

每次經過爆丼屋都好想試, 奈何太多人, 排幾十個號碼, 所以放棄。前日邊行街邊等, 終於等到喇, 45min。係門口認真望左眼餐牌, 想像唔到係咁貴 😅😅 咁。。。都試下啦～座位好迫, 都明既, 要做生意嘛！叫左個遠近馳名既三色海膽飯 + 火灸 ×× 飯, 失憶添, 又唔記得個名。😂😂 無叫小食喇, 因為。。。試下馳名野先嘛！三色海膽飯~ 同伴話都好新鮮, 三色都唔同味, 第一啖好開心, 第五啖都幾好, 但第十啖已經...都係咁, 同埋好頂住, 所以食淨左啲飯 !火灸 ×× 飯~ 刺身就...都係咁, 但我非常喜歡個隻生蛋撈飯, 隻蛋甜甜的。啲飯好香醋味, 我食哂啲飯架。望望左邊同右邊既女仔, 佢地都食淨哂啲飯, 同伴又食淨, 其實我係咪咁大食呢？😫😫 結賬後, 我話同伴食淨野, 咁貴都唔食哂, 浪費食物, 浪費金錢, 我真係有啲嬲架。😁😁 太變態喇我~總括:試過就夠喇, 埋單每人 $205, 呢個價錢, 其實可以食到唔同款既刺身, 而唔係單一食一碗刺身飯。🍱當然未食過, 可以試下既~ 影下相~ 叫試過囉！…查看更多

遲 Post 文亦係我既習慣, 所以要求留意日期 😂😂因為要安排 31/12 既三十人聚餐, 唔想太貴, 又要方便, 有足夠既活動空間, 所以選擇左灣仔 Asian Twist。雖然灣仔地鐵站行過去都要15分鐘, 但因為個地點唔旺 😂, 整個步行路程十分闊落, 唔會迫, 是真的。跟朋友行下講下, 其實15分鐘好快行到。店內裝修唔錯, 高雅, 店員有善, 氣氛好好, 亦因為得我地三十人, 所以有足夠既活動空間。呢個價錢, 唔洗同人迫, 唔會比人噪到傾唔到計, 野食又 OK, 份量又夠, 仲想點 ?? 😂 我啲朋友仔大讚無得頂, 一定仲有下次。Yeah~~ 我安樂哂！！做搞手真係唔易 🙈感謝店舖經理, 廚師, 店員。辛苦大家了！🙇🙇 合作愉快。為大家介紹當中食品啦！😋❤肉骨茶 ~ 因我非常鍾意藥材味, 略為有少少唔夠, 但朋友仔說 好好👍海南雞 + 油飯 ~ 係我既大愛, 佢地既雞係滑過其他國家既海南雞 👍👍三文魚大蝦鮮果沙律 ~ 鮮果堅係鮮果, 正呀, 咪要切好耐囉 ?? 🙈小食拼盤 ~ 有魚餅, 蝦餅, 台灣腸, 春卷, 好味呀, 太多食唔哂添炸豬扒 ~ 有啲薄, 無嘜肉 😅蜜糖雞翼 ~ 正常啦 😁白汁海鮮長通粉 & 茄汁雞肉意粉 ~ 兩個汁都調校得好好食, 同埋有唔少汁 😂 起碼唔會乾先呀班蘭蛋糕 ~ 我係土司工坊都食過, 一樣的 🍰原來我仲有 蒜蓉炒什菌, 沙拉油條, 馬拉盞通菜 我都無影相呀！🙈🙈🙈 因為我已經食緊 海南雞飯 ~唯有下次唔好掛住食, 影哂相先啦！😵😵😵 但唔食, 無力影喎！😫😫😫…查看更多