cheualac的个人专页

已經多年無光顧玉葉甜品,以前光顧的年代是兩位上年纪的老人家主持今晚抱着支持本地特色小店的心態去光顧,結果是滿肚氣,掃興而回今晚是肥女人主持,一坐低我未放低公事包已大聲喝我落單,話唔好阻住佢,我感覺十分趕客!叫了個熱紅豆沙,糖不甩..送嚟嘅紅豆沙只是暖的,糖不甩根本是凍的,咬落有D硬,感覺糖不甩似喺之前有人叫咗唔要,我叫就比我食天呀!根本是垃圾食物!期間有客人影食物相比個肥女人大鬧,所以我都無法影相比大家睇上嚟睇食評,原來之前已經有其他受害人…查看更多

位置坐落在橫巷路邊,絶對是澳門隱世美食和太座一同叫了豬手麵和雲吞麵,麵身軟硬適中,爽口彈牙,豬手炆得非常入味,雲吞味道亦相當濃郁,份量亦絶不欺客..每碗麵都是澳元20，在澳門今時今日百物騰貴的日子,呢個價格絕對超值,但喺要唔好介意在路邊食嘢..…查看更多

今天和太座享受完美味嘅竹昇麵之後，太座話想食好多名人推介嘅馮記三盞燈豬腳姜..本來我個人對於D所謂名人推介其實無乜信心，好多食肆出名之後都好粗製濫造，今次又一次證明惡夢喺會重複..我哋日落時分,大約黃昏六點半到達馮記,當時應該喺店主坐陣, 個路邊攤檔只有我們二人幫襯..太座問了消費細節後，清楚要求了一客30元只要蛋,豬腳和姜嘅拼盤..我用了一張50元澳幣比店主找,店主居然只找回10元澳幣,我話佢知應該找20元,但佢理直氣壯兼好唔耐煩,擺哂款咁話 : 啱㗎啦,我唔會呃你嘅!我感覺有如被人強搶..為免爭吵亦免掃慶,10元我唔同佢計教,只希望D食品令大家滿意,但喺現實令人失望..豬腳姜的酸度酸到簡直有如飲純醋,我完全感受唔到食物本身嘅味道,更唔好提人地做到好嗰種酸中帶甜,令人回味嘅味道..D姜同豬腳亦好明顯炆得唔夠淋,好明顯啱啱煮熟就匆匆攞嚟賣,我完全感覺唔到佢做嘅豬腳姜有D乜吸引力..為免浪費,我哋盡力食完D食材,D汁就唯有倒咗去,之後大家都要飲大量清水去中和番..本來打算如果D豬腳姜好味,會速遞番香港孝敬外母,最後大家決定,可以慳番!以後都唔想再信D名人所謂推介..真喺希望越大,失望越大..…查看更多

閒日(星期三),時間約大約下午1:30,店裡面只有我同另一位顧客..麵包賣相一般,好像不是很新鮮,似乎已經長時間放置..之後選擇一件三角蛋糕,有透明膠紙包住,但由於手上已經握住許多物件,唯有要求店員一個背心塑料袋,避免掉落地上..店員表演得極不願意提供,不客氣地冷冷說蛋糕已經有膠紙包住,然後立即轉身入房 (這件事情絕對屬實)..三角蛋糕,半邊黃色,半邊巧克力色,中間只是有一點點的Cream,份量感覺很小,進食後感覺味道一般,甚至可以說沒有味道可言..總的來說,食物一般,趕客功夫出色..已經決定永不光顧百奇麵包西餅..…查看更多

閒日(星期二),時間約大約下午5:30,店裡面只有兩檯顧客,超過四張空檯..未坐下,我與家人仍然站立著卸載背囊的時候,店員已經站在身邊,要求落單..坐低之後叫咗水餃麵 + 豬手撈水餃麵麵底很淋,水餃和麵的味道也十分普通:(,份量超小,我家樓下一般麵店叫一個水餃麵$12還要比佢好味,抵食..豬手撈也從來未見過咁梅咁多骨的豬手,口感賣相完全不能接受,百佳外賣的豬手還要比佢好味..我也決定不再order其他的食物,寧可去其他的餐館再食..大約下午6:00,剛剛食完最後一口食物,店員馬上走過來,要求結單..總的來說,食物水平一般,份量超小(價格高,但簡直是小童份量),趕客功夫十分落力也非常出色..絕對永遠blacklist祥記麵家…查看更多