Desiree_yummy的个人专页

同屋企人又去咗嘆甜品 開餐～我哋全部都係芒果控嚟㗎😆！今次試咗「芒芋之戀」同「芒圓丸」✨ 兩款都有QQ嘅小芋圓，芋頭味好香～特別推薦「芒芋之戀」！入面有台灣粉粿圓同西米露，再加超多芒果🥭 口感好豐富，一碗落去已經好飽🤰今次嘅芒果又大又甜～甜品整體都好高質👍細路仔就叫咗「波波拼盤」做tea time🍴有炸燒賣、炸魚蛋同薯條，小朋友最鍾意😋每次必點「心太軟」！！次次都流心成功💘朱古力味好濃🍫加雪糕真係無得頂～而且碟上面仲畫咗好靚嘅花🌺 打卡一流📸飲品方面叫咗「蘋果玫瑰白桃沙冰」🍧 粉紅色好靚～味道清新又解渴🌊…查看更多

👏 帶住小朋友，90分鐘都夠慢慢燒夠輕鬆又夠飽～ 加咗錢可以食埋海鮮，二百幾蚊一個人唔止基本豬牛雞蝦🐷🐔🥩🦪🦐齊全，連墨魚咀🦑、爽口魷魚鬚🐙、花甲🦪都有！牛肉部位選擇多，牛魔王爸爸食到唔停口🤣 小朋友最愛嘅蝦蝦同雞翼無限追加，終於唔使追住餵飯！除了燒烤，炸雞軟骨香脆惹味，柚子蜜單骨雞翼🍗小朋友搶住食！特別推薦清甜蘿蔔湯，解膩一流，仲有多款韓式小食泡菜、蘿蔔、芽菜等等！仲有新鮮生菜🥬，啱住包燒肉食呀😋～甜品都有架，小朋友最愛自助軟雪糕機🍦，見到即時心心眼😍！…查看更多

佢哋出咗啲新嘢，有「芒芋之戀」同埋「芒圓丸」，兩款都有迷你小芋圓，淡淡芋頭香，煙煙韌韌！我比較鍾意「芒芋之戀」，台灣粉粿圓&西米露，配埋勁多芒果🥭，口感非常豐富，好飽肚😛仲有兩兄弟必點嘅「楊枝甘露」&「芒果椰果愛玉」，今日嘅芒果好大有鮮甜，幾款甜品都非常好食😋😋。貪心一啲，今日食埋「波波拼盤」，有炸燒賣、炸魚蛋、同薯條，小朋友最愛🤣！而我都每次必點「心太軟」，水準穩定，基本上都一定有留心效果，朱古力味濃郁，配雪糕一流，今日仲畫咗隻超靚嘅花碟😍😍😍😍呢度嘅飲品都唔弱，「蘋果玫瑰白桃沙冰」🩷粉紅色好靚，清香鮮甜又解暑！…查看更多

🩷 鵝肝芝士牛肉漢堡配凱撒沙律及薯條，鵝肝煎得香脆但不油膩，牛漢堡外脆內juicy，牛肉味濃郁，鬆軟的麵包烤得香脆，層次豐富，非常好味！🧡 香草燒雞金黃色外皮香脆，內裡雞肉鮮嫩juicy❣️。🐻 Tesrapy Ice Bear Coffee可愛的咖啡熊冰，加入熱咖啡與鮮奶後慢慢溶化，味道隨著咖啡濃度變化😌。🤎 75%朱古力蛋糕濃郁綿滑，超正！💚 檸檬蛋白撻驚喜十足，蛋白上層搭配酸酸檸檬，完美解油膩感。…查看更多

差不多每個月食1-2次🤭，因為真係好鍾意食佢嘅甜品🥹😍，有齊西式甜品、中式糖水，仲有小食，下午茶＆宵夜有好選擇！必點窩夫🧇＆心太軟🖤！🤎 糖不甩丸子窩夫：窩夫外脆內鬆軟，芋圓＆小丸子都煙韌 Q彈。今次唔要雪糕要雜果，係鮮水果切粒，好有誠意🍓🍇🍈！🧡 榛子朱古力石板街窩夫：濃郁香甜嘅榛子朱古力，上面舖滿脆脆嘅爆谷，口感＆味道都好豐富呀🖤 心太軟：擺盤好靚好精緻，一切開就流心，用比利時朱古力🍫，好濃郁，配埋雪糕一齊食，又熱又冷，雙重享受！💚 開心果擂沙湯丸：開心果味濃郁，滿口開心果！勁香呀～💛 芒果西瓜汁，原來咁樣 mix 好夾！店舖裝備擺設都係貓喵🐾，好可愛～～…查看更多

又來到聯和墟的飯堂之一食午餐，好多人呀，所以都等咗一陣位。可惜今日午餐嘅咖喱已經賣晒，所以今次試新嘢！💛菜脯蒸肉餅飯：非常好送飯，肉餅質感不錯，加上菜脯增添口感❤️辣肉醬青口茄蓉長通粉：酸味味的蕃茄醬🍅大有點點辣肉腸的辛辣，非常開胃！有四隻大青口連殼，也有不少辣肉腸～長通粉煮得，不會太腍，保持彈牙口感，下次可以再encore午餐Menu $5x，性價比幾好，難怪午餐真係好多人食，有時都要等位😆😆😆…查看更多

🧡 海膽醬鳳尾蝦意粉：海膽醬非常濃郁，掛掛在意粉上，每條意粉都有足夠醬料，隻鳳尾蝦🦐好大又彈牙，小朋友都鍾意食😋🤎 自家製牛肉漢堡滑蛋飯：隻滑蛋捲得好靚，蛋味濃🥚，牛肉漢堡肥瘦適中🐮，口感彈牙，醬汁偏鹹但撈飯剛好💛 煙肉酸忌廉焗薯：煙肉炸得香脆，焗薯香甜，配酸忌廉特別好食💜 蜂蜜檸檬梳打：蝶豆花紫藍色，有啲蜂蜜好甜，好清新又靚🧡 柚子咖啡湯力：咖啡味酸，配搭甜蜜柚子蜜，啱晒想飲咖啡，但怕苦嘅人，我自己就非常欣賞…查看更多

12月慶生又慶聖誕🎄！見到個畫咗 minecraft 嘅生日心太軟碟，超開心🥰！ （不枉我專登搵呢間自助餐😆‼️）對於可任飲紅白酒汽酒🥂🍷 + 任食生蠔🦪、和牛🐮、長腳蟹🦀、龍蝦🦞感到非常開心🤣🤣🤣！佐賀牛和牛鐵板燒，即燒即食，入口溶化，不得了！食咗幾轉🤭～ 壽喜燒🍲都有，豚肉鮮嫩，豆腐＆菜索晒湯汁，超甜🥰生蠔🦪鮮味爽口，每次可以拎3隻🤣！熱食都有好多選擇，避風塘生蠔、荷葉蒸蝦🦐等都好特別又好食，連蛇羹🐍都有！…查看更多

❤️ 幽靈來襲！士多啤梨朱古力窩夫 Super Cute！朱古力窩夫 外脆內軟又濃郁，搭士多啤梨🍓 酸酸甜甜 + 朱古力碎🍫，口感豐富。麻糬鬼裝飾👻，好襯好可愛！萬聖節必試！🎃💜 惡鬼荊棘海提子沙冰提子🍇沙冰清甜，好解渴！鬼仔眼裝飾又可愛👁️～🧡 啖啖蟹肉千層面 薄薄嘅面皮加上鮮嫩蟹肉🦀，超鮮味。自家醬汁加芝士🧀，口感層次豐富，食完真係唔想停！💛濟州柑橘乳酸梳打 漸變色，真係靚！清新柑橘味🍊加氣泡，爽口又解渴🫧！🤎 韓式奶油排骨鍋🥘 份量好足，有6-8支排骨！排骨夠淋又入味，奶油湯底濃郁香滑，有少少辣🌶️，好惹味，配料好豐富，有紅蘿蔔🥕、白蘿蔔、年糕＆粉絲，非常飽肚。…查看更多

OMG！每個角落都係小惡魔𝗸𝘂𝗿𝗼𝗺𝗶😈，打卡位特多！💜 Kuromi藍莓希臘乳酪梳乎厘：PHI招牌疏乎厘，鬆軟鬆軟，淡淡蛋香，質感綿密，𝗸𝘂𝗿𝗼𝗺𝗶 造型嘅藍莓＆希臘乳酪，藍莓🫐果漾酸甜而不膩，又有果仁，口感及味道都豐富～💜 Kuromi邀你共享精緻意大利飯：紫薯汁意大利飯，顏色特別，口感煙靭；粉紅色係醃蕎頭，酸爽脆；碗荔枝豬肉卷，滿口荔枝甜果香及肉汁～💜 與Baku共享全日早餐：BAKU熱香餅好可愛，小朋友都鍾意；全日早餐好豐富，有太陽蛋、腸、煙三文魚、煙肉、沙律菜等，最特別係有紫色嘅茄子，襯晒主題！🖤 Kuromi藍莓無花果沙冰：口感清爽好消暑🖤 PHI X Kuromi紫薯咖啡：甜密紫薯同咖啡好夾…查看更多

煲仔飯要有靚飯焦，同意請舉手🙋🏻‍♀️！最近去深水埗睇布料，發現有間乾淨企理嘅煲仔飯，一於試試！個裝修有啲東北風，掛咗辣椒串、粟米串等裝置，一個個雅座都好有特色。⭐嗌咗兩款煲仔飯，飯粒分明又乾身，撈乜都好食😆！兩個煲底＆煲邊都有香脆飯焦😋，陣陣焦香 + 脆脆口感，為煲仔飯口感＆味道都加添層次～～🧡 炸菜田雞煲仔飯，田雞肉嫩滑多肉，冇腥味，炸菜夠咸又爽脆，撈埋一齊食加啲煲仔飯醬油，味道豐富😋。🩶 鹹魚肉餅煲仔飯，肉餅夠大塊，半肥瘦肉餅，肉質有彈性，鹹魚夠鹹香，撈埋肉餅味道就啱啱好。如果鍾意偏鹹，可能會覺得舊鹹魚唔夠大😆。💚 涼拌拍青瓜，欣賞佢真係拍青瓜🥒而非切青瓜。口水汁辣中有酸，好惹味又開胃，啱晒中和食晒整煲煲仔飯嘅飽濟感。…查看更多

第一次食，幾好食呀❤️ 酸辣牛肉麵：勁酸勁辣！鮮牛肉大大片，公仔麵煮得啱啱好，仲 keep 到彈牙，索啲酸辣湯汁勁惹味，食完有個醒神早晨😆～🧡 香煎嫩滑雞扒伴珍寶腸：配多士＆嫩滑炒蛋，條珍寶腸好大條，仲𠝹咗紋。雞扒煎得幾好，皮變得香脆，雞肉嫩滑juicy，而且都好大份！！冇醬汁都好夠味。炒蛋夠滑～🥤凍奶茶：茶味＆奶香滑味平衡，唔會太澀或太甜。🥤咸檸七：有齊鮮檸＆整粒咸檸，有誠意下次可以再去嘆早餐。…查看更多

前幾日同小朋友去樂富玩，去 Food Court 醫肚，太想回味泰國之旅，所以就揀咗呢間樓錦豐。嗌咗好多嘢食，最鍾意呢幾樣：🐔 泰式無骨雞飯，無骨雞啖啖肉，嫩滑但不油膩，油飯香噴噴🍍 菠蘿炒飯，小朋友最愛～炒得夠乾身，好足料，有菠蘿、雞肉等，淡淡咖哩味上有甜甜提子乾＆咸肉鬆🍳 香草肉碎蛋飯，用泰國香料炒肉碎，香辣惹味，整穿蛋黃拌一拌，多一種風味❤️ 紅咖哩牛腩飯，紅咖哩少少辣但夠香濃，牛腩肥瘦適中，少少淋，唔柴口🥤泰式奶茶，好甜又滑，真係好似泰國飲到嘅泰式奶茶上網睇返，原來樓錦豐係由泰國廚師👨🏻‍🍳主理，唔怪得咁有泰式風味啦！…查看更多

慶祝開學🤪，買咗個 #開心果士多啤梨天使蛋糕 🤭！（想食蛋糕時有一個藉口就夠😛）外層白白滑滑嘅忌廉，忌廉甜得黎唔假，好 creamy 好有質感，有啲開心果朱古力醬💚＆新鮮士蛋啤梨🍓點綴，設計簡約中有啲清新感～ 如果開心果醬可以再多少少就好😆，仲有開心果仁碎，碎碎口感切開有驚喜！粉紅＆綠嘅戚風蛋糕，非常鬆軟，又帶少少濕潤，口感好好。整體有濃郁開心果味 + 堅果香氣，搭配微酸士多啤梨❤️，無論係下午茶或飯後甜品都咁正😋～…查看更多

好開心呀！聯和墟又多一間好好食嘅甜品店🥹😍，有齊西式甜品、中式糖水，仲有小食，下午茶＆宵夜有好選擇！必點窩夫🧇＆心太軟🖤！🤎 糖不甩丸子窩夫：窩夫外脆內鬆軟，沾煉奶或半溶嘅雲尼拿雪糕⚪都好食。芋圓＆小丸子都煙韌 Q彈。仲有好多款窩夫，下次想試 Oreo ＆ Baileys 😋🖤 心太軟：擺盤好靚好精緻，一切開就流心爆發，用比利時朱古力🍫，好濃郁，配埋雪糕一齊食，又熱又冷，雙重享受！🧡 香芒蜂蜜水晶：自家制嘅水晶，淡淡蜂蜜甜蜜🍯， Q彈好咬，仲有椰果 ＆ 清甜芒果肉🥭，芒果汁底，平時鍾意食芒果甜品嘅必試呢個！💛 香蕉船：雙球雪糕 + 一大條香甜香蕉🍌，加上彩虹碎碎，小朋友最鐘意🩷 心花怒放：色彩繽紛嘅鮮果粒，火龍果、芒果、西瓜等等，下面係蜂蜜水晶，上面又有雪糕球🍨＆海藻珠，夏天消暑一流～🧡 花枝丸鹽酥雞拼盤：炸得好香脆，又唔會油淋淋，配泰式酸辣醬，香口又惹味～💛 蘋果柚子蜜：酸酸甜甜，不過最特別係隻貓貓靚紙杯！店舖裝備擺設都係貓喵🐾，好可愛～～…查看更多