Felix Yu的个人专页

在停車場已經聞到烤肉味，入去攞位，8點幾冇乜人。先叫個牛肉套餐，300g原味牛肋肉，300g調味牛肋肉，2條腸。先上一堆配菜，有泡菜、生菜、酸辣沙律菜、腌蘿蔔，另外一堆醬油。有份烤汁同埋芝士放爐上加熱。侍應教，先烤原味，因為調咪牛肉有汁已燶。原味牛肋肉，燒香兩面，剪開再燒一燒邊位，點少少鹽，原汁原味，好正。點知……然後到調味牛肋肉仲正，完全唔駛點醬已經勁好食。加單，調味牛肋肉，豬大腸，豬頸肉。豬大腸冇調味，一般啦。豬頸肉點醬食，ok好食。睇下menu，原來仲有炸雞，叫左全份，味道普普通通，但份量好足。…查看更多

雞煲、串燒、火鍋，一次過滿足3個願望先上雞煲，小朋友食所以叫唔辣，好夠味，小朋友都食到停唔到口。留肚食串燒（都可以備註唔辣），叫左：司華力腸，大大條燒到脆卜卜牛肉粒，易咬好味蜜糖雞翼秒速俾小朋友食晒雞軟骨、牛舌、菇……都好正燒海鮮：蠔：一般啦，都ok既扇貝：好味，蒜香好香蝦：一般，少少梅火鍋，叫左花膠湯底：肥牛有4款，個人感覺牛小排最正，其次安格斯炸魚皮：香脆其他叫左牛筋丸、鵝腸、鴨血、餃子、生根響聆…… 大滿足的邊爐菜：紙仔冇菜，但問職員有既，自己寫個「菜」字x1，就上一份，有生菜同油蜜菜，乾淨清甜飲品：汽水啤酒任飲，仲有清涼爽同馬蹄爽，紙包茶…查看更多

見新店未有評價，但可以OpenRice落單，試下啦整體味道都幾好食肉類味道唔錯大大件燒菠蘿抵食夾大件韮菜，娃娃菜，好味炒米粉配燒烤非常完美雞蛋生菜腸粉，清清地，幾滑鋪頭係轉角位，唔想用apps可以電話落單。我單有辣有唔辣，唔同辣度都會分開包，唔會互相影響。非常滿意，得閒再試。…查看更多

Open Rice落單外賣兩個二人餐1. 蜂蜜牛油炸雞，勁好食2. 芝士（車打士）炸雞，一般，個芝士醬唔係熱辣辣咁樣唔好食，好膩3. 雞肉卡巴，最出色，好好味4. 炸雞卡巴，ok，但冇雞肉果個咁好味5. 炸魷魚鬚，正6. Nacho，唔係粟米片，係春卷皮果隻，個人唔太好整體上好抵食亦好好味，大大份，下次再試其他口味。…查看更多

午市放題過一過癮$148加一，120分鐘，豬牛雞任食。身為牛魔王，當然是狂叫牛。掃QR Code手機點餐，未點餐先送上小拼盤（豬牛雞各2件）。牛肋肉最嫩口，肥牛（牛五花）最惹味：夾生菜一齊食，清一清肥膩感。個燒汁都唔錯，唔太咸。呢兩款翻叫左4次大大碟，大滿足。烤冬菇和洋蔥這些，記得同牛肉一齊烤，不斷把肉汁滲到菇和洋蔥內，咁就唔會乾燒燒到乾爭爭。冷麵都幾好味，有泡菜（自己唔鍾意，所以一開始就夾走晒佢地）。…查看更多

叫左個片皮鴨冬瓜盅套餐皮脆肉厚，甜醬好香好味冬瓜盅，足料好味薑葱焗生蠔，味道唔錯，唔太咸仲有椒鹽肉排，好夠味，送飯送啤酒一流蒜蓉開邊蒸蝦，粉絲吸晒鮮味，正仲有個上湯青菜（當晚係白菜）4人食，計埋茶錢（冇叫飯或酒水），埋單810。…查看更多

路過，見門口幾得意，帶小朋友一齊食個午餐有All Day Breakfast，即入。入面既擺設，好多懷舊野，小朋友覺得好多野都好新奇有趣。點左All Day Breakfast，牛奶炒蛋好香，有腸有煙肉有火腿，粟米青瓜多士，仲有水果另外叫左個Pizza，4款錎料自己揀服務唔錯，食物都幾好，會再黎幫襯。…查看更多

每次附近玩水上活動，一定上岸黎連記食lunch。叫碗餐蛋麵，餐肉厚，反蛋糖心，丁麵跟麻油，最正係仲有會兩條菜，菜係清甜的。飲品就多數都直接去雪櫃揀，款式多，每罐都好夠凍。服務態度又係好好，好nice。…查看更多

星期日，11點入坐，唔駛排隊直入。見到1130已經開始要等位喇。一家四口黎飲茶，叫左鐵觀，唔錯。職員拎餐具黎，已經幫你係出面打邊爐咁消好毒先拎俾你，熱辣辣。好多優惠，點心4送1，套餐，特價點心優惠紙點左5個點心鳳爪：大路野，好味既鵪鶉蛋燒賣：好耐冇見，足料珍珠雞：竟然有咸蛋黃，料足牛肉球：好好食馬拉糕：一大籠有6件特價腸粉：叉燒併蝦，唔錯唔錯皮蛋瘦肉粥：又係好好味炸野叫左炸豆腐同魷魚鬚，小朋友最鍾意食炸野。脆皮雞跟湯粉：半隻脆皮雞，皮脆肉嫩埋單4百幾，大滿足…查看更多

朋友介紹，試下啦睇餐牌，正路野，拉繩烏冬飯類叫左個牛肉丼，叉燒拉麵味精重，化工味，完全係買現成re-heat放上碗既感覺，唔會「唔好食」，因為本身就係整好既，但一定唔係稱得上「好食」。地方打卡影相扮野一定得，但坐落勁唔舒服，枱同凳既高低根本唔合理，食野又Lei hea，座位又唔硬唔軟，頂蘿友。總結，冇下次…查看更多

睇到食評唔錯，今日黎試下。肉眼扒：好好食，薄身，但很軟很香戰斧豬扒：香脆，配士多啤梨醬，好好味Risotto, Pasta：小朋友好鍾意食，冇機會試法式薄餅：原來係pan cake底，再放D餸係面，配紫薯係有d得意，不過份量好少，當小食小食拼盤：大路正常野湯：跟餐要湯，磨菇湯，香濃飲品：Lemonade，好好味整體上味道係唔錯，值得一試…查看更多

食開旺角，今次試下沙田1. 座位太窄，好難坐2. 太咸，咩都好咸3. 清酒唔好飲，梅酒過甜4. 點菜上得好慢，仲有漏單真心冇咩特別亦冇咩好食，同樣價錢有更多選擇，唔會再黎喇…查看更多

一行4人點4份早餐，其中1份遲遲未上，25分鐘後追，仕應睇睇單話有落到單就廚房係做緊，等下啦。再等15分鐘仲未黎，再問，就話廚房未整其他人早就食完咁既服務，唔會再黎…查看更多

食物同其他分店一模一樣，食過既都會知係抵食夾大件，好評。但馬鞍山呢間，杯真係好有問題，用不銹鋼杯，裝汽水已經唔係咁好，而且d杯係100%有污積！問侍應佢盡搵都只係搵到隻比較少d積⋯⋯⋯另一個問題係排隊好耐，之前試過兩次7點拎飛，排200張，最終放棄，去第二度食完返去睇，都仲有50張！今次5點半拎飛（4人台），都排50張，結果7點先埋到位！最後，呢間野只收現金！好似間間都係，但幾時先可以進步一下呢？…查看更多

下午茶時間去，唔駛等位，上菜好快食品大同小異，都係正路啱價野唯一想講你既然唔收卡，又唔收八達通！免費泊車要「電子消費」，就係咁冇左個2小時免費泊車！今時今日街市都收八達通、支付寶，估唔到呢間餐廳如此落後！…查看更多