lime soda的个人专页

去友和所以黎到長沙灣呢度個場明明係老人場但又翻新到好hip hop咁成件事好唔夾商場樓底矮又黑離廁所遠遠已經聞到陣廁所味對呢個商場印象真係麻麻地本來諗住去food court睇下有咩食好多無開舖同埋坐滿食自己野或者煲劇嘅人就廢事食佢了到左荷里活冰室唔上開飯睇都唔知佢咁多分店伙計態度有性格淨係想揾個位食下午茶啫求其叫左份西多同炸魚沙律西多居然仲灑上荷里活字樣可以打卡喎但附送嘅麻醬沙律菜同西多真係唔夾唔使夾硬放落去炸魚餐幾抵有沙律又有薯角但萬年油炸炸出黎勁黑…個兜沙律醬唔知放左幾耐已經乾左餐飲熱啡檸水正常枱，餐具，餐牌都幾污漕尤其係枱上調味架…店面裝修得靚都無用啦…查看更多

無咩野做便去行下商場黑雨過後都無入過黃大仙商場黎睇下浸成點先睇完搵個地方食下午茶商場都好多餐廳揀左食金記個舖位彎彎曲曲唔係幾好擺枱人手唔夠好多枱吉左都未執坐左張二人枱隔離個人有篋完全無讓開嘅意思好辛苦先爬到入位朋友叫嘅口水雞飯勁快就到不過佢堅持要等埋一齊先開飯…雞同個口水汁都好大眾味唔難食但都無驚喜自己叫個四寶飯等左半個鐘先上無人叫所以咁耐？理論上四寶都唔係啲咩難整野抵讚係叫左多汁真係好多汁飲品叫左熱杏霜同熱牛奶呢兩樣都漸漸消失在茶餐廳中了……查看更多

試新野韓式甜辣麥炸雞甜辣係邊？係咪有醬㗎？個炸皮就係好脆嘅但同原味差唔多味食唔到甜味又食唔到辣味喎件雞槌都幾好食新鮮炸起好香好脆但隔離個件雞上脾就好差雖然都熱但啲肉霉㗎喎咬落去啲肉粉碎都唔知自己係咪食緊雞真係要講番句到底發生了甚麼事？呢個新口味雞咁多人讚好食第一次食就咁失望應該就唔會比多次機會佢了今晚個薯條都係新鮮炸起幾好食又大包杯熱奶茶都ok係件雞失望啲btw坐隔食緊野個阿叔食食下野除左對鞋…真係多謝晒…查看更多

其實紅葉，紅葉餐室，紅葉冰室係咪同一間野黎？個餐牌都差唔多，唔知有無記錯。呢幾排黎多左紅葉食，一家大細坐張卡位真係好迫，通常唔會一次叫晒啲餐同餐飲，無位放呀。但每次加單都比人黑面，啲店員真係好鬼有性格，咁係嘅加單又霸張枱耐啲呀。下午茶嘅豬扒包配沙律係最受歡迎之一，勁多人叫，咁個包有返咁上下大，雜果沙律又幾好味咁。瑞士汁炒牛河就一般啦，基本上無炒過，攞個汁撈一撈就上碟。焗肉醬意粉都幾好，肉醬調味唔錯仲有落香草葉。焗白汁雞扒飯抵食，好大塊扒個飯又有炒底。餐飲有熱奶茶，凍鴛鴦，凍檸茶，幾正常嘅味道。順便講埋，枱面，餐牌，水杯，水壺都黏立立。…查看更多

好耐無飲茶，今日黎左稻香飲，下午茶都幾多人，等十張八張枱㗎。原來下午茶點心有特價，全部一個價，咁又幾抵喎，可以唔使睇咩點就叫。叫左六樣野，點心都黎得幾快，樣都唔差。除左xo醬蘿蔔糕其他都幾好食，唯獨呢樣又油又盛似炸定好耐，仲好鹹添。唔覺唔覺原來都叫晒大點以上嘅點心，都唔算誇張啫，隔離個枱蝦餃燒賣一人一籠添啦，兩個人食四籠蝦餃燒賣，真係有幾鐘意食呀。不過部熱水機有無清潔㗎？打開層格水墊，下面有蜘蛛仔，眼不見為乾淨了。…查看更多

新北江食店多，舖細間同平價錢出晒名，今日成三點黎到呢度都係間間食店爆人，隔離嘅麗江就老馮等位等外賣企晒成條路。見未食過麵膳咪試下佢，門口個男人食緊嘅沙律餐幾吸引，一於叫佢呢樣。下午茶A+B+C自由配撘，加又得唔加又得，揀左A+C都係四十二蚊好平。見佢咁抵食，諗住影定相介紹人食啦，點知出事…嗱，肉醬意粉就預左係煮定個汁煮定嘅意粉，有人叫就筆出黎，個汁無茄味又偏甜，未到話難食嘅。司華力腸沙律其實幾有誠意，條腸煎過先啦又唔係比腸片，個沙律幾好味添，醬汁甜酸味教得好，青瓜、薯仔、雜果切碎大細均勻，不過食到一半見有條毛腳…唔講都知係咩啦，估唔到中招啫…唉呀…阿姐話換過碟比我，喂喂，換過碟都係同一盤黎啦，我又唔信即刻切過呀。後來換左炸薯條，即炸熱辣辣應該安全嘅。餐飲熱檸水，個杯幾污糟，可能不銹鋼係咁樣掛。之後入嚟嘅人繼續都係食沙律餐，咁咪出自同一盤沙律真係唔知啦……查看更多

嚟食個午餐，點左肉骨茶，肉骨茶嘅味道都唔錯，湯頭濃郁，但係用餐後覺得非常口渴，仲有啲唔舒服，不知是否師傅落太多？除此之外，對侍應的態度都唔太滿意，佢哋大聲閂櫃門，對話又細聲講大聲笑，對客人嘅要求敷衍了事，一句得啦得啦等陣啦，態度悔氣，缺乏基本嘅禮貌同尊重，一副茶餐廳老店嘅氣場盡現。總括黎講，菜色味道都唔錯嘅，但係喺服務方面需要改進，希望餐廳能夠更加重視顧客嘅感受，提高服務水平，畀顧客們有一個更好嘅用餐體驗。…查看更多

放假日入元朗掃街其中一站就係麴町小丸子呢間真係全元朗最好食嘅小丸子買左八粒原味小丸子現場約有十幾個人等緊咁嘅陣容都心知不妙見上個人話用whatapp落定單佢買左十六粒原味再加左十幾粒其他味開小丸子party？點都唔會係一個人食卦最後等左四十分鐘先有得拎真係好慢長小丸子又綿又香口仲係多醬多章魚熱辣辣夠哂正雖然一拎上手唔小心打斜左搞到盒小丸子影出黎唔靚但真係好好味等咁耐都值得佢同茶星人合作緊買對方野可以減五蚊㗎…查看更多

好耐無黎醋頭家呢個位唔太順路少左黎平時通常買醋飲今日一於試下其他野叫左一杯仙草奶茶另一杯芋泥香芋仙草奶茶要左半糖咁樣少少甜好飲啲仙草又多又滑奶茶茶味唔錯好飲呀芋泥香芋第一次飲芋泥幾多下仲加左小芋圓成杯野變得好飽肚好杰身其實似食緊甜品多過飲品飲完唔使食野啦…查看更多

啱啱去食完間cafe人均食咗二百幾蚊都唔知有咩落肚咁既然大家都唔飽就去附近嘅茶餐廳食飯返個下午茶實際啲啦 叫左宮崎牛肉包同咖哩牛腩湯伊麵餐飲叫左茶走同熱華田兩個人都係八十幾蚊實實在在有啲澱粉質味道我覺得唔差牛肉包個包有牛油塗過牛肉都幾好味係啲洋蔥生啲囉牛腩麵個咖哩湯幾好飲有啲香料味少少辣咁不過呢我就唔係好like食伊麵嘅如果可以揀公仔麵會開心啲茶走同華田都幾好飲夠濃個伙計仲無啦啦走埋黎比左細細杯煉奶佢話杯茶走落少左奶比啲我地自己加返咁搞笑嘅正常茶餐廳嘅味道同態度啦好似又無其他食評講得咁差…查看更多

將軍又返黎啦，咁都如常要食一次回味下嘅，叫左個二人前套餐，再加埋新出個綠茶豆乳批 ，左加右加大概呢餐要100蚊左右啦。個將軍漢堡都一如既往咁啲醬漏晒出黎，加左玉子個包都仲係好薄身，越黎越細個。另一個係雙重將軍玉子，多一塊肉感覺都差不多。原來朋友無食過將軍漢堡，佢一心以為係牛肉，點知咬落黎軟淋淋嘅豬柳肉，佢話豬柳漢堡仲好食啲啦咁，又平啲。至於個綠茶批，我就覺得幾好食，綠茶味濃豆乳唔太甜，個皮仲幾脆添，不過朋友話佢寧願食蘋果批因為平一蚊……然後杯中汽水又細杯左，個批又幼身左，朋友話老麥唔抵食，我自己就覺得ok啦，幾十蚊仲想點。…查看更多

做完一蚊雞又做一蚊羊腩煲，低價搶客呀～富x都做緊一蚊羊腩煲死頂，個邊要連埋個任食邊爐一齊，稻香就半價火鍋料，各有各好啦。個潽洱茶黑過墨斗真係唔多好飲，不過抵讚佢個煲水枱，唔使搵伙計沖水係方便嘅，懷疑佢啲水係點fill㗎？倒左嘅水又去左邊？好想打開佢部機睇下。個羊腩煲都ok呀，有六、七舊羊左右啦，仲有啲豆卜、筍、馬碲咁啦，加滾水煲佢兩三轉就夠淋食得，味道唔錯可以再黎食。後加左豬肉片同羊肉片，都幾好份量唔太離譜，諗住佢半價會縮水添，又啤酒又盛，八半入座坐到人地收工，都係百六蚊好鬼抵食。…查看更多

傷心酸辣粉個午市打邊爐平通街都唔使介紹啦，元朗店79蚊任飲任食仲要有啤酒，唔使加一添，咁平點搞呀。平時都係食雞煲，今日試下新野食肉骨茶，好後悔都係雞煲好食啲。首先個肉骨茶等成廿分鐘先上枱，雖然店方有補返時間，但等咁耐真無引。第二個肉骨茶唔好食，係好足料但無葯材味，肉唔夠淋，成煲野好咸又好油，呢但煲無下次。火鍋料雖然款式唔多，但全部都入得口無野呀，一般凍肉舖貨仔啦，店家不停refill唔使搶，總知一個字，抵！…查看更多

假日夜晚真係唔使諗，超難等位，尤其有左消費券等位等到仲痴線。今日就晏晝黎，見都係好多人就行下商場先返黎，行一行估唔到三點先返，ok喎即刻有得入。食個最平嘅牛豬餐，呢個grade嘅牛都ok啦，要求唔高嘅其實已經好好食。個個都叫唔同湯底，幾款都好味，個花雕頭個陣啲酒味真係好香，不過三十分鐘到已經揮發晒變返普通湯底。個麻辣湯比想像中辣，食肉都ok嘅，但食菜個啲吸湯太多超辣，同會一口辣椒核。其餘個壽喜燒同桃膠雞湯無乜特別囉。飲品同雪糕都好多款，可以任食正呀～…查看更多

其實講唔好食已經客氣左，我想講係好難食…不過朋友請食飯就廢事係佢面前講啦。事原係想食間餐廳爆多人排，咁就轉場睇下附近有咩啱啦，朋友鍾意食辣就入左十二味，完全唔使等位入面又有吉枱，諗住自己入去座，店員叫等陣，唔知要等咩，最後都係坐左門口張吉枱。叫左兩個午餐一人一份，午餐送涼菜一碟，今日係土豆絲，酸酸地幾開胃嘅。餐飲要檸茶，原來係meko牌紙包飲品…無睇清係我錯。朋友叫左武隆尖椒雞，好多椒，雞切到細粒到雞丁都稱唔上，仲細粒過雞軟骨，仲要有骨，食落一口碎骨外無咩其實感想，椒同雞比例大概係5:1，數到有幾粒雞丁。我就揀左牛肉麻辣香鍋，比起上黎呢個就抵食好多，只少好大碟先，有牛肉，薯仔片，蓮藕，大荳芽，雜菇咁，要左小辣加麻，但完全唔辣，高估左佢辣度，早知要中辣，啲料炒得好淋，個感覺係一早炒定一大盤，叫到就筆出黎咁樣，焗到出晒水，除左好多水又好多油，成碟野無味又無口感，唔講真係唔知食緊咩…最好味係碗白飯，完。…查看更多