maplelee的个人专页

朋友嚟緊要移民係佢走之前決定farewell一下佢話想食日本菜因為之後都應該少機會食到咁我哋就揀咗呢間係尖沙咀嘅焱丸水產貪佢有日本特色 又坐得舒服我哋叫咗自慢焱丸號入面有多款刺身 吞拿魚刺身、三文魚刺身、海膽刺身、三文魚籽等等 非常豐富我哋仲另外叫咗甜蝦刺身同帆立貝刺身 兩款刺身都好鮮甜 之後就到燒物 侍應即場幫手燒 正 👍🏻醬油木魚帆立殼燒鮑魚殼燒蟹味噌甲羅燒芝士蟹肉甲羅燒最後再加個紫菜魷魚鬍天婦外層炸得香脆又唔油膩非常滿足嘅一餐…查看更多

今日屋企人話帶我去「香江花月」打邊爐餐廳位於銅鑼灣利舞臺廣場未去之前都覺得一定係正嘢嚟 😋果然不出我所料，一去到就俾成間餐廳驚艷到！超級有氣派！啲座位全部都勁闊落，餐廳中間仲要有架古董味十足嘅車係度！啲嘢食都非常吸引，有好多特色湯底可以揀我哋揀咗「日本牛乳玫瑰鍋」，真係有朵玫瑰係度！打卡一流！我哋仲叫咗好多火鍋配料：伊比利亞黑豚嫩肩胛：因為屋企人唔食牛肉，我哋揀咗呢款「伊比利亞黑豚嫩肩胛」，伊比利亞黑毛豬算係豬入面和牛嘅級數，肥美得嚟肉味濃郁，呢款嫩肩胛更係不可多得好食嘅部份，我梗係要淥多兩片 👍🏻即炸響鈴卷、皇帝菜、自家製魚皮餃：響鈴脆得嚟唔會好油膩，淥三秒拎起，連埋啲湯汁一齊食，打邊爐必點！七色丸：七色丸係七隻唔同顏色嘅手打丸，每粒都爽口彈牙 👍🏻白鱔片：屋企人至愛！白蘿蔔件：連蘿蔔件都要切成花，睇得出餐廳真係好用心做好每個細節！酸梅湯：比之前飲過嘅都好飲！今餐所有嘢都非常滿意，多謝屋企人推介 👍🏻…查看更多

今晚同男朋友慶祝生日，當然要食好啲！我特登揀咗位於銅鑼灣嘅「重房」食omakase，果然非常高質！前菜係super food水雲，上面加上蟹肉，酸酸哋好開胃之後食白子，師傅話係先用熱水焯到半生熟，再加上酸汁，口感creamy呢個係有富山灣「冬季之王」美稱嘅冰見寒鰤！有晒證書，保證真材實料！師傅特登將魚嘅表面smoke過，將啲油脂迫晒出嚟，上面仲灑咗啲京都五色芝麻，非常好食！之後食嚟自日本岩手縣既陸前高田真蠔，口感creamy，上面有少少醋味啫喱同柚子皮，一切都好夾！金目鯛之前都食過唔少，但師傅教我哋呢款係最出名嘅金目鯛，叫「地金目」，口感嫩得嚟又夠爽，唔怪得出名 粒貝上面加上鹽昆布，非常鮮甜爽口呢個係用鮟鱇魚肝整嘅最中餅，師傅話將鮟鱇魚肝slow cook，加上糖同味琳，上面再加上由靜岡縣嚟嘅士多啤梨同淡雪鹽，口感非常豐富磯煮鮑魚配上魚肝醬，肉質鮮嫩彈牙雙色拖羅，一塊係半肥瘦，另一塊就係最肥，加上柚子胡椒同紫蘇葉，口感一流！用油淥過嘅金雕，連啲魚鱗都脆脆食得！隔離係南瓜蓉湯球，一咬開就係滿滿嘅南瓜湯，估佢唔到！左上：深海池魚，煙薰過，啲香味出晒嚟，上面係北海道麵鼓醬，辣辣哋左下：赤貝，非常爽身右上：甜蝦加上上面嘅蝦頭膏，非常鮮甜右中：赤身，上面有啲日本炸蒜右下：北海道赤海膽，比一般海膽濃味仲有碗全冇味精，用魚熬出嚟嘅靚湯最後甜品係水信玄餅，旁邊嘅汁加上檸檬汁後會由藍變粉紅，勁得意！…查看更多

佢哋嘅卡邦尼意粉好出色。佢哋嘅醬汁好濃郁又順滑，同埋彈牙嘅麵條完美配搭。明太子忌廉意粉有濃郁嘅明太子醬汁，每一口都好滿足，令我嘴裡充滿幸福感！如果你鍾意明太子，一定唔可以錯過呢道明太子忌廉意粉。另外，佢哋嘅宇治山政小山園御用茶都值得一試。餘韻長，旨味強，具有上質抹茶香氣。每一口都能感受到茶葉嘅細緻口感，令我心情放鬆同埋享受。Mocha帶有咖啡同巧克力嘅豐富層次。每一口都好香滑，令人愛不釋手。喺繁忙既市區有一間寧靜既cafe真係別有一番風味。…查看更多

今日試間新開嘅潮洲菜館，佢主打新派潮洲菜，非常特別我地叫左個4人餐，個份量都唔細，食完個個都話飽！串茄核桃沙律將沙律釀喺蕃茄仔入面，非常清新，做開胃菜一流酒香凍鮑魚鮑魚有咬口，再加埋酒香非常正翡翠蟹肉羹菠菜碎配蟹肉絲又幾清新，食完更加期待下一道菜招牌滷水拼盤潮洲菜最基本嘅餸佢都做得好好。滷水夠晒入味，獅頭鵝啖啖肉油絲縱炒蝦球蝦球大大隻好爽口彈牙，一啲都唔梅。配埋啲豆口感剛剛好碧綠川椒雞呢味菜聞落已經好香，估唔到喺潮洲菜館都有川味嘅餸，仲要幾出色鮮蟲草花濃湯菜苗啱啱食完咁惹味嘅雞，食返啲嫩菜中和返味蕾。除左菜佢個湯都好好味！潮式炒麵線炒麵夠乾身，仲加埋大大粒蝦球，配埋芽菜韭菜洋蔥忍唔住食左兩碗甜品特色西瓜凍好特別嘅甜品，望落似真西瓜但食落係啫喱嚟！…查看更多

今日去啟德附近探屋企人，當然要參觀埋個新開商場AIRSIDE同埋入去搵間靚餐廳食餐好嘅 😋屋企人揀咗食高級中菜「嵐月」，餐廳位於商場三樓，裝修得好有格調 👍🏻我哋因為人多，所以都叫咗好多款唔同嘅嘢食：辣朱古力拌法國鴿胸：睇落賣相已經一流，食落簡直可以用皮脆肉嫩嚟形容嵐月西斑牙黑豚叉燒：侍應推介叉燒係必食，所以我哋都叫咗，果然冇介紹錯，非常Juicy桔柚黑鱈魚：外面酸酸甜甜，非常開胃蔥油脆皮三黄雞：又係皮脆肉嫩，真係好驚豔仙翁米雞湯浸菜苗：仙翁米係一種淡水野生藻類植物，我哋初頭仲以為係海葡萄，真係有眼不識泰山 🫣皇帝蟹脆米泡飯：個湯好鮮甜，加上脆米，非常有口感松茸海膽越光米：松茸海膽都令個飯好香奶油甜酒凍芭菲：中菜廳都有芭菲食，正 👍🏻桂圓杞子燉雪燕：我哋都有叫中式甜品，非常滿足嘅一餐！…查看更多

荔枝角近排新開咗間日本餐廳叫「金酒屋」，鍾意食日本嘢嘅我同男朋友即刻book咗嚟食餐好嘅 😋秋田煙薰蘿蔔薯仔脆脆沙律：用脆脆嘅薯片做底好特別，一啖一件size啱啱好黃金粟米天婦羅：天婦羅炸得香脆又唔油膩，冇好厚嘅炸粉，高質 👍🏻三文魚牛油果卷：三文魚片非常鮮甜，上面嘅三文魚籽粒粒都勁飽滿金丼（月見海膽三文魚籽拖羅蓉）：呢個丼只係睇賣相已經非常震撼，啲海膽、三文魚籽、拖羅蓉份量超級之多，而且非常新鮮月見宮崎和牛卷：宮崎和牛刺身、香蔥，加上爆漿月見蛋，三樣嘢加埋冇得輸安格斯牛肉鰹魚湯稻庭烏冬：安格斯牛肉有好多片，稻庭烏冬有咬口自家製雞皮蝦：串燒蝦外面包咗脆脆嘅雞皮，蝦肉爽口彈牙巨蜂乳酸梳打、柚子乳酸梳打：梳打夠氣，又唔會太甜…查看更多

今日好難得可以同男朋友出街食飯，梗係要搵間好餐廳食餐好嘅 😋 男朋友book咗呢間位於尖沙咀厚福街嘅「鮨一日本料理」，啱晒我心水！前菜我哋叫咗海葡萄番茄沙律，海葡萄非常多汁爽脆，咬開後鹹鹹哋嘅味道同本身酸酸甜甜嘅蕃茄非常之夾 👍🏻刺身我哋叫咗象拔蚌同石垣貝，兩者都好新鮮，象拔蚌仲帶有鮮甜嘅海水味 👍🏻壽司我哋叫咗穴子（即海鰻）壽司同大蝦天婦羅飯卷，大蝦天婦羅炸得香脆 👍🏻熟食方面我哋叫咗茶碗蒸、味噌煮牛舌同煙肉炒日本野菜，茶碗蒸好滑，牛舌嘅份量亦好多，食到我哋都非常滿足！…查看更多

天氣開始轉凍，趁呢個機會梗係要打返個靚邊爐，我同男朋友今日就去位於佐敦嘅「打邊爐」 開餐😋呢度嘅湯底好有特色，我哋揀咗從未食過嘅「椰子沙白蜆蟹鍋」嚟試吓，一上鍋已經聞到好香嘅椰子味，而且真係有成隻蟹係個鍋入面！蜆嘅數量亦都好多，絕對真材實料！配料方面，因為男朋友鍾意食牛，我哋叫咗「手切霜降安格斯肥牛」，非常有牛味，同個湯底都好夾：另外仲叫咗：自家製西洋菜帶子餃子、自製鮮四寶丸：芋絲：雜菜盆：炸午餐肉：涼拌木耳：風沙椒鹽粟米：嘢飲方面就叫咗自家製嘅香茅檸檬薏米水同竹蔗茅根水：…查看更多

趁住聖誕節同男朋友去慶祝一下，我哋揀咗位於觀塘工廠區嘅「登堂」嚟開大餐 😋雖然我哋得兩個人，但都被餐廳安排坐四人位置，而且仲要有兩張長形梳化，坐得超級鬆動舒服，淨係呢點已經非常抵讚！👍🏻食物方面，而家餐廳做緊Semi-buffet，可以任食沙律、海鮮、小食同甜品，包埋加一都只係二三百蚊一個人，價錢相當親民！我哋揀咗「烤焗紐西蘭羊鞍開心果保雲酥」同「鮮魷魚手造闊帶面」做主菜：羊鞍烤焗得好香口 👍🏻魷魚真係好新鮮，個sauce好creamy 👍🏻我哋仲叫咗半打法國生蠔（$108），係每日指定款，食落好新鮮：套餐跟嘢飲，我哋叫咗「金桔檸檬冰茶」同「熱柚子蜜」：…查看更多

今晚難得同一個好耐冇見嘅朋友食晚飯，梗係要食餐好嘅！我哋就揀咗尖沙咀嘅「焱丸水產」嚟開餐 😋餐廳裝修得好日式，好有日本居酒屋嘅感覺，最特別係每一枱都會有個爐，啲燒物都係侍應即刻係你面前燒嘅，好正！👍🏻我哋叫咗以下幾樣嘢嚟燒：蟹味噌甲羅燒（$68）& 黑松露蟹肉甲羅燒（$68）：蟹膏味香濃，即燒即食零舍好味 😋帶子磯燒（$68）、醬油木魚帆立殼燒（$75）& 鮑魚殼燒（$136）：帶子好鮮甜，燒完啲汁一定要飲埋！除咗燒嘢食，我哋仲叫咗其他嘢：蟹籽蟹肉薯仔沙律（$78）：焱丸號壽司（$158）：刺身3盛（$160）：轟炸雞（$58）：北海道海鮮炒飯（$78）：嘢飲我哋叫咗白桃梳打（$52）同卡西斯/伏特加（$58）：…查看更多

今日同朋友食晚飯，佢幫手book咗係佢公司附近嘅「家賀屋」嚟開餐 😋我哋叫咗以下幾樣嘢：鮟鱇魚肝沙律（$75）：鮟鱇魚肝又叫做海底鵝肝，同埋海帶一齊食好夾岩手縣赤崎蠔（$78/隻）：好大隻蠔，味道鮮甜江户刺身定食（$398）：個定食有成五款刺身，全部都非常新鮮，特別係吞拿魚，非常肥美！定食仲跟埋沙律、麵豉湯同埋茶碗蒸，個茶碗蒸勁滑！中本鮪魚腩丼定食（$288）：朋友叫嘅定食，吞拿魚非常新鮮！青龍（$85）：壽司飯入面包住炸蝦，炸得好鬆脆：鹽燒油甘魚頭（$68）：嘢飲我哋就叫咗原味乳酸梳打（$35）同Highball（$68）：甜品就叫咗日本芝士蛋糕（$25）同朱古力心太軟（$55）：…查看更多

天氣涼涼地，好想食燒肉，朋友帶左我去呢間佢平時食開既試吓，今日同大家分享下。小食叫左芥辣章魚同雞軟骨。炸雞軟骨送酒一流，好香脆！芥辣章魚濃味左d, 個人唔係好接受到。主角我地叫左拼盤牛魔再現，有美國prime牛小排、牛角粒同沖繩A4和牛。呢個價錢（$660）叫到呢啲質素同份量真係幾抵！ 美國prime牛味濃，加上職員幫手燒，完全食到牛既油香肉味！和牛更加係入口即溶，推介！之後我地仲叫左豬腩肉同汁燒牛肋肉。豬腩肉大大件又厚身，每邊燒5分鐘就夠香脆！汁燒牛肋肉因為有汁唔可以太大火燒，慢火燒3-4分鐘岩岩好！最後仲有鹽燒牛舌串燒同溫泉蛋飯。牛舌厚身，做到一口size，肉味香濃又juicy, 好惹味。最後食埋個溫泉蛋飯做總結，非常滿足。…查看更多

今日放工跟朋友去觀塘工廈覓食，朋友book咗呢間叫「掌壽司」嘅日本餐廳嚟開餐 😋好耐冇食過刺身，一於叫咗個刺身盛嚟食，有成六種刺身：生蠔、蝦、油甘魚、鰹魚、帶子同埋鮑魚，聽侍應講生蠔係嚟自日本兵庫縣嘅生蠔，食落非常鮮甜！其他刺身都非常新鮮！另外我哋仲叫咗幾款壽司：黃金蟹膏軍艦、碎蔥吞拿魚軍艦、火炙左口魚邊壽司：左口魚邊好肥美 😋海苔鰻魚卷：燒物方面，我哋叫咗以下幾款：燒帆立貝：鹽燒白鱔、大蔥雞肉串、雞肉軟骨串、燒牛舌、燒豚腩肉：大蔥雞肉串啲雞肉非常嫩滑彈牙，非常驚艷！另外，串燒中間有啲漬物，酸酸哋，配埋串燒食好夾：嘢飲方面我哋叫咗咸柑橘梳打同海鹽柚子梳打：…查看更多

今日放工經過土瓜環，諗住買啲餸返屋企，見到有間幾新，幾時尚嘅燒味店，裝修同傳統燒味店唔同，所以吸引咗我去望一望。見到餐牌好豐富，有至尊叉燒，霹靂火燒腩，燒骨腩，玫瑰豉油雞，飛天貴妃雞，鹵水豬脷，鴻運乳豬，頭抽bb鴿，燻蹄，紅腸同埋王牌明爐燒鵝，如果唔想煮飯，仲可以買外賣飯盒，雙併都只係$39。因為新開張，外賣有九折優惠我最後揀咗玫瑰豉油雞，半隻份量都好多，雞肉質感唔錯，好香，有豉油嘅甜甜地味道。另外因為怕肥但係又好想食叉燒，所以就叫咗個特瘦叉燒$30，個叉燒汁，好好味，雖然係特瘦，但係唔會覺得硬或者好乾，抵讚。…查看更多