signorinawin的个人专页

朋友建議食黃店慶祝生日，由於好多黃店都係小店，不設預約，所以喺冇booking下，中午時間去尖沙咀都幾難搵到位食飯。上到Mamaday，full晒，話要等一個鐘先有位，而且用餐時間只有個半鐘。但由於其他餐廳都冇位，我哋行下行下好快就過咗一個鐘。蟹柳沙律洋蔥圈卜卜脆薯條配明太子醬，好味少少辣嘅蜜糖芥末雞翼薄皮辣肉腸pizza，簡單好味道！泰式肉碎crossover日式蛋包飯飲品有好多選擇，呢個係牛油果沙冰，好fresh！草莓茶越南咖啡除咗要支持黃店，呢間餐廳裝修好特別，驚喜處處，食物都唔錯，可以encore…查看更多

晚上D2 Place係搵食熱門地方，今晚去荔園食中餐。晚市都有得食蝦餃小菜大約4人份量，西蘭花蝦球，都幾新鮮。海鮮豆腐煲，材料豐富。蒸雞，比較油膩，好在雞肉嫩滑。瑤柱蛋白炒飯，普普通通啦。肉絲炒麵，個肉汁另上，幾特別！食物質素唔錯，裝修以懷舊為主，小時候去荔園玩嘅回憶返晒嚟，係一個家庭聚會嘅好選擇…查看更多

疫情下冇得去日本旅行，惟有食日本嘢補償吓啦！平日中午Yoho Mall間間餐廳都要等，睇嚟個市開始復甦喇滑蛋揚雞飯壽司定食燒比目魚我食燒鱸魚，配菜豐富，尤其欣賞燒冬菇同茄子，不過塊魚就薄咗少少。lunch menu包飲品，呢間嘅咖啡好香，奶味又濃，好多顧客都會揀嚟飲…查看更多

中午想坐得舒服啲歎西餐飲咖啡，於是選擇咗Chef's Stage。Lunch menu有唔少選擇。餐湯配牛肉包，仲有沙律，最驚喜係有幾塊西柚，酸酸甜甜好開胃，食完前菜已經飽咗一半炭燒燒烤醬雞胸肉漢堡配粗薯條，份量好大，個包烤得好脆，薄切雞胸有幾塊咁多，燒烤醬十分滋味，粗薯條雖然邪惡但好好味，雖然係set lunch但造得一啲都唔馬虎朋友食鴨胸沙律，好大碟，滿載而歸！最後飲埋杯咖啡，今晚要食輕食先平衡得到…查看更多

齊齊撐黃店！閒日11點幾去到Sora Cafe仲有早餐食，我同朋友叫咗同一款早餐，佢要多士、煙肉、煎蛋，仲加咗牛油果。我就要炒蛋、雞肉腸，多士轉牛角包(加$10)。早餐來講，份量啱啱好！煙黑椒牛肉香草包，朋友話好好食仲有lunch menu，呢個係瑞典肉丸意粉。卡邦尼意粉。期間限定：薑汁牛奶咖啡小店由兩夫婦經營，每份餐即叫即做，所以等候時間都幾耐，味道唔錯，完全食得到嗰份誠意，值得支持…查看更多

D2 Place同D2 two係深水埗搵食好去處，有唔少新餐廳，環境唔錯，不過價錢唔便宜，一家人搵食，都係搵返性價比高嘅餐廳好啲。見金鳳門外排晒隊，價格算比較抵，一於去試試。暖暖牛油餐包配餐湯，最佳配搭！咖哩雞扒飯，份量好足，食唔晒要打包。我食雞扒鐵扒餐，兩件大大塊嘅雞扒，配合黑椒汁，雖然油膩咗少少，不過真係好滋味呀…查看更多

K11 Musea 4樓嘅Kiki麵店可能位置比較偏僻，所以星期五下午茶時段人流唔多，我哋一行四人餓咗成個上晝之後走去試試。套餐$148好抵，有麵、小食同飲品，仲可以加錢轉特飲。大家一致揀招牌嘅Kiki擔擔麵，雖然menu上有一條辣椒，但完全唔辣肉燥超多，麵身好軟滑，果然好味道！椒麻雞，肉質好滑，全部都係雞髀肉蒜泥白肉麻辣蹄花冬瓜珍珠奶茶冇得調校甜度同冰量，但比例perfect，清甜唔膩朋友話菠蘿茶都好好飲，不過部分果肉有啲硬。…查看更多

好耐冇去過呢類老牌餐廳食飯，今晚去名寶石懷緬吓青春時光熱辣辣餐包配湯香煎石斑、雞扒配薯菜，份量好大，味道唔錯。鵝肝粉飯，唔肥膩，飯炒得好乾身。仲有甜品，啫喱或布甸，我揀咗芒果布甸，配煉奶，好滋味…查看更多

雖然呢間係茶餐廳格局，但裝修佈置都幾特別，而且幾好坐。海南雞飯一般，油飯幾香，仲配一碗足料例湯，雞皮好肥，雞肉都算滑嘅，醬就麻麻喇，竟然冇薑蓉:(朋友食牛肉烏冬，佢話麻麻哋，食剩好多牛肉…查看更多

難得平日有假期，歎個豐富早餐彬記重開，係美孚食粥嘅好選擇，百搭早餐有唔同配搭，叫咗皮蛋瘦肉粥，材料幾豐富，多皮蛋，粥底好綿滑，好過海x多多聲！配炸兩，雖然得八舊，但都夠飽。腸粉有葱花，醬汁好味，美中不足係油炸鬼唔夠脆。…查看更多

今日約埋一班同事去元朗運動場附近食lunch，見韓舍有午市套餐，加15蚊有任食前菜、小食同甜品，而且地方都幾大，所以就試吓。咖哩吉列豬扒飯，同事話飯同肉都係涷嘅，而且完全唔韓式囉。瑞士汁雞髀紅腸飯，比較正常。我拎咗幾件壽司同沙律，都算幾多選擇。可惜呢個韓式烤豬肉拌飯，醬汁冇咩味道，豬肉又乾，唔好食最後揀咗幾件甜品反而ok，啲主菜就真係麻麻喇！…查看更多

趁早少少放工，去香港地歎個下午茶假期勁多人，閒日就人少少，地方寬敞，坐得好舒服！西多士好厚，同朋友share每人一半，食完都滯滯哋熱辣辣嘅包上面塊牛油極速融化，中間有層濃濃花生醬，好味咸牛葱花蛋治，烘底香脆，厚蛋足料，唔錯！配埋兩杯熱飲都只係$74，今時今日來講已經算係超值喇！…查看更多

想試飲茶好耐，見最近推出點心放題，而且夜晚都供應，於是去試試。裝修充滿歡樂氣氛仲有公仔for影相用menu好得意，有晒佢嘅cute版包點icon點心放題$158一位，加$40有小菜，再加$30有飲品，我哋揀咗豆漿同涷檸茶，豆漿好飲，唔係太甜。前菜有麻辣香菇、雞絲粉皮，仲有沙薑雞同三杯雞，精緻得來味道唔錯。抹茶包、叉燒包同奶皇包，熱辣辣流晒心嘅奶皇包超好味encore多一輪得意包點，紅色係紅豆麻糬包，黑色係肉鬆豬肉包。基本點心都包，但可惜冇蝦餃呢個叫舉手雞花，即係去骨雞翼，醬汁類似鎮江骨，酸酸甜甜咁，仲有大大舊菠蘿，係成餐最好食嘅一道菜XO醬蘿蔔糕煎得好入味。水煮魚好辣，我就麻麻哋。雖然限時90分鐘，但可能唔算滿座，所以我哋食足兩個鐘，好滿足呀…查看更多

次次去電影中心睇完戲都嚟呢度食返碗潮州河，雖然近年來加咗好多次價，不過性價比都算合理。選擇好多，不過我次次都食貢丸水餃河，水餃皮薄料多，雲耳絲同蝦肉爽口，最正係配幾條菜，今時今日好多間粉麵店貴得嚟一條菜都唔俾架，所以食得好滿足！今次雙拼餐配嘅油菜得通菜，唔多啱食，所以揀咗涷奶茶，少甜都好甜，不過又幾好飲喎，好邪惡呀…查看更多

好耐冇食雞煲，朋友建議試新嘢，見18樓好評多又抵食，一於去試試。之前喺一品食過，麻辣味比較濃，呢間叫咗小辣，更啱我口味，辣得嚟冇咁麻五個人share大煲，份量啱啱好！手機落單好方便，種類應有盡有，我哋叫咗3轉，除咗響鈴唔脆同太厚之外，每樣嘢都有水準臨尾食埋杯雪糕，perfect…查看更多