linglingbread的个人专页

今日到上水打針睇大家食評揀左呢間，環境方面係正常空間感OK，因為我帶住BB車方面好重要，店員服務態度良好，但係提供嘅係熱水有啲奇怪，因為正常日式餐廳應該都係茶多，都係第一次係熱水😂午餐價錢中等，最後揀咗壽喜牛肉鍋，$88本身要求都唔會太高，但係入邊嘅配料仲小過吉野家難啲接受，所以性價比唔高，叫多左2個小食，$48天婦羅魷魚絲得幾條，夾埋都冇10條真係有啲小家，仲要係短嘅；另外再叫咗個日式芝士年糕，同圖片不符細一半之餘，仲要有一舊係凍嘅😅你期望入邊嘅流心係完全無流之餘仲要有啲好似未夠熟甘。咖啡方面係即磨咖啡，但係都係偏向酸嘅豆，咁好唔好飲就因人而異又唔會飲唔落咁樣。以上全部都係真實食評，絕對唔會寫假評語😊供大家參考🫣…查看更多

今日帶咗BB去咗元朗一間小店度食嘢，想講老闆娘係好好幫忙安排座位🙏🏻雖然環境唔大，但係都可以容納到BB車嘅☺️環境方面雖然比較細，但係都坐得舒服同埋就到聖誕入邊有聖誕樹，都有啲聖誕氣氛喎🎄嘢食方面，首先咖啡係偏酸味嘅豆，我同朋友都嗌咗榛子咖啡咁如果鍾意酸味咖啡嘅就可以過嚟試吓，我自己本人就一般酸味，但係我覺得都可以接受同埋都好香同夠濃☕️嘢食方面就嗌咗西冷燴飯同埋茄汁雞肉意粉，我覺得價錢合理，仲要星期六日都有lunch set都幾好，但係茄汁雞油意粉就冇乜特別嘅，但係個西冷燴飯有驚喜，我覺得係真係五成同埋整得好食。唯一要改善嘅地方就係得一個廚師出餐比較慢，但係值得欣賞係店員嘅服務態度同埋老闆娘都好細心安排，有機會係會再過嚟食😊…查看更多

睇好多人食評都講到個甜品好出色，咁就今日特登過嚟食個晏晝，真心意粉係出色嘅明太子意粉係好食嘅，個份量都比其他日式嘅餐廳多😌另外再叫咗個墨魚汁比目魚燴飯，入口都係Creamy同埋有墨魚味嘅，個比目魚都係即炸，但係就比較細舊咖啡方面我覺得都係濃郁同埋香嘅，老公飲個杯Dirty就太過濃味，我杯Cappuccino還好，但係個畫花就。。。。。。唔係好知畫緊乜最後重頭戲當然叫咗個甜品大家都講到個藍帶師傅咁厲害，叫咗個榛子焙茶pancake，可能太有期望就有失望🥺首先我自己唔鍾意太甜，佢係唔甜嘅，但係佢嘅榛子同茶味都唔出，側邊嗰啲啫喱都係冇乜味嘅，只係個pancake勁重蛋香味，但係好似出邊好多都做到。所以OpenRice有時真係令人哋太有期望就有點失望吧🙃因為我同老公係帶住小朋友過去，真心店員係好有禮貌同埋好關愛我哋，例如怕音樂太大聲影響BB瞓覺，呢個係真心感謝佢哋都做得好好嘅地方❤️🙏🏻整體係會再過嚟食個意粉，但係甜品就可以不用了😊…查看更多

今次第一次嚟，本身諗住去旺角嗰間但係無營業。呢間似係近排先開入邊嘅環境都好好😀👏🏻就算book咗位都要等位🥲嘢食方面我覺得如果甜品唔好每人嗌一個因為都好大份，女仔基本上冇可能食得晒🫣朋友叫咗All Day都OK嘅，冇乜話好特別甘，但係如果係午餐嘅話就可以包$33嘢飲就更加抵，見人哋嗰啲都好似幾靚下次可以試吓👍🏻😆同埋溫馨提示以為要加$8先有雪糕點知變咗多咗一球雪糕🍦😅另外咖啡係OK嘅😆👍🏻所以下次會過嚟試吓個午餐😀…查看更多

試過所謂招牌但係我同老公都覺得個湯底係一啲都唔鮮甜，可能我哋食得重口味。但係唔似其他人講到話咁好食必須要食🙄️同埋食完之後我哋之後都係口渴所以都係覺得比較重味精，所以同好多人嘅評價好唔同😅…查看更多

岩岩食完但真心覺得唔好食😑，我叫左龍蝦同豬肋骨，龍蝦無乜特別但個豬肋骨係等左30分鐘先到😑，重點係用餐時間90分鐘😑，環境細都唔緊要，佢有個霓虹燈嘅牌係射到你隻眼盲😟，再等到你餓完先上嘅嘢食😤，仲要咸到嘔又細份🤯，大家唔好因為黃店盲撐，因為餐廳首要食素質的😰…查看更多

想講未試過甘難食嘅hightea😠😠上到去完全無想像中坐得甘舒服，位同位之間又近，您講咩人地都聽到。😕好啦，重點叫左個438嘅2人set，上菜勁慢，好似廚房得1個人運作甘。🙄黎到都已經見到好乾好小嘢甘中伏開始😠，難食到喊😭啲包乾到爆，接觸左空氣唔知幾耐，所有嘢都係難食，啲曲奇又淋，成盆嘢個成本都唔知洗唔洗30蚊🙄完全唔明點解啲人覺得呢到正，嘢食勁無誠意，一定一定唔會再黎，都勸大家唔好上黎，真心伏味，一啲都唔值🙅🏻😤😤…查看更多

上年第一次係荃灣食真心覺得好好味,麵夠彈牙,肉夠味同淋..平均幾個月都會去食一次,今次真係難食到要負評,,佢地啲水準唔係下降,係直頭好似飛機墜毀咁下插!佢地啲麵一間淋過一間,真心我自己煮都好食過佢,叫左個半根半腩牛肉麵,啲牛根好奇怪地係淋但係透明冇味,係少少入味都冇想點呢其實?!之後叫左個口水雞翼,黎到真係呆左~30蚊3隻,上面個啲辣椒仲衰過我屋企個樽,想問下邊到有口水風味?隻雞翼同個醬係完全分開,隻雞翼係全白色,上面所謂口水風味既辣椒醬正正就係我叫佢俾啲辣椒醬我送麵個啲,我真係驚喜到不得了,又唔係平過人,但係又難食過人~真心覺得啲廚房佬請番黎係倒米,對野食毫無原則可言.…查看更多

一直覺得茶餐廳就係食啲好麻甩嘅炒粉麵,常餐個啲~今日有朋友介紹我去食呢間外表茶記,內裡一啲都唔麻甩嘅餐廳~竟然係食西餐嘅???講真真係有驚喜,因為個米唔係淋哂無咬口個啲,反而係真係似意大利甘有咬口之餘好似未熟得透哂甘,,我覺得甘樣正宗啲,個蝦雖然得一隻,但係無雪味,仲要有膏架🙉因為太餓,所以誤打誤撞叫左兩個都係鮮茄汁,但係意大利粉又係做到岩岩好☺可能因為我個人比較喜歡有咬口嘅嘢,所以我覺得好不錯重點: 留意到佢午餐Set同晚餐Set價錢,午餐四十幾起到七十幾到,真心抵食😍但晚餐起步價七十幾,話貴唔係好貴,但係簡親應該都會過百,但我有機會下次會試下佢個晚餐,睇下分別大唔大😂…查看更多