雞脾大雄的个人专页

放工同朋友行吓街，買咗好多嘢。諗住搵個位食吓嘢吹吓水，見到呢間粗店燒烤門面都幾靚。睇佢外面餐牌啲串燒都唔係好貴，一於坐低食吓串燒吹吓水。門口位置都唔算難搵。餐牌入邊啲串燒都係10幾蚊至到30 蚊不等，咁就可以方便試都好多款。入面都有幾多人架，啲店員服務都好好😌，好快就有得安排入座。先嚟我哋就叫咗個藤椒魚皮。而面前有兩碟粉就係俾我哋等陣點串燒食，一隻粉就辣嘅另一隻就好似啲蒜香味重啲。呢度個烤魷魚真係做得好好食，食落好多汁完全唔韌。烤茄子都係另一樣我鍾意食嘅。佢大大份仲要食落好Juicy❤️❤️。估唔到佢連翠玉瓜同韭菜都燒得好好，全部蔬菜唔會燒得過火，咬落去仲爆曬汁。完全唔會係平時食都好乾身嗰啲蔬菜。我哋仲叫咗好多串肉去食羊肉識落唔騷，亦都好嫩滑。最令我驚喜都係個生蠔，48蚊就有兩隻大大隻生蠔，隻隻都好飽滿。佢仲要未燒到全熟，保留部份蠔汁加上個蒜蓉辣椒，咬落去成件事好混和，啲蠔汁包住晒成個口。呢間舖頭下次我多啲人嚟就可以一齊邊食，邊吹水邊飲嘢咁happy hour。一定好Chill~~😘😘…查看更多

同朋友過嚟西九文化區行下，都行到日落。見肚餓又想食啲嘢，原來西九文化區都有幾多餐廳。呢間Hooman by the sea就主打食熱狗既。佢啲熱狗好有特色，全部都係用唔同品種既狗狗嚟命名。我見入面有一隻係特別注明有辣椒，就係Bulldog😂。鬥牛犬我都好鍾意，就揀佢啦❤️。佢店𥚃面仲有好多寵物用品買，方便啲毛爸毛媽一邊食一邊睇，仲有寵物雪糕。啲狗狗跑得耐休息就可以嘆下😂。講返我熱狗，真係做得幾好。啲手絲豬肉同個醬好入面，熱狗腸係法蘭克福腸，質素都唔錯。上面仲有墨西哥辣椒同原片芝士，絕對令到成個包好豐富。加錢配既蕃薯條炸得好好，我無加任何醬都食得好好味，仲要唔口乾。望住靚景食住好嘢呢度都真係幾好。…查看更多

今日行過荔枝角買嘢，順便諗住睇吓附近有咩好食。見到呢間係食Pizza嘅舖頭，佢晏晝都有Pizza set嗌。好吸引到我，所以我就入去了😂。我去到嗰陣可能好早，所以都仲未係好多人。佢Menu上邊大部份嘅Pizza都係個set已經包嘅，有部份就要加錢先有得upgrade。佢啲Pizza都成八九吋，所以$88呢個聲都真係幾抵。下邊仲有好多小食可以叫添。先嚟嘅係今日嘅是日餐湯，今日嘅餐湯係洋蔥湯。音樂好甜，飲得出係用好多洋蔥煮出嚟嘅。絕對係食正餐前提起食慾嘅好選擇。你睇吓入邊仲有好多洋蔥絲添。我另外仲加咗佢下邊寫住推介嘅水牛城雞翼，食得辣嘅朋友絕對要試一試，完全嗰種辛辣嘅刺激同Tabasco醬料嘅味道都好濃郁。雞翼亦唔會炸到好乾身，咬落入邊仲好有肉汁。Pizza嚟到了，個Pizza大大份。我今次叫嘅係相芝士牛肉煙肉薄餅，你望吓面頭上有勁多嘅芝士。佢唔係你出邊食好厚嗰啲薄餅皮，係好正式意大利薄餅嗰隻薄皮，質感非常之好。牛肉同煙肉嘅份量亦都好多，Pizza嘅size夠晒大食完成個Pizza我個人都好飽了。最後我都叫咗杯凍咖啡，作為呢個餐飲。凍咖啡嘅味道絕對唔係用普通咖啡粉沖出嚟嘅，我冇加奶嘅關係，佢有小小嘅焦香感。亦都非常之適合我喺今日嘅提神作用。…查看更多

約咗班朋友，諗住喺附近食吓嘢傾一陣。因為附近都冇乜位，見到呢間話啱啱好有位，所以就入咗去。大家都有啲肚餓，各自叫咗嘢嚟食。而我叫咗呢個鹽焗鱸魚。上到枱嘅時候都見到幾大份，但識落魚味唔係好龍，而且仲焗到有啲乾。朋友就叫咗個腐乳卡邦尼意粉，佢話食落腐乳味都唔算突出。飲品就冇影到，不過都加錢叫咗杯Dirty 。杯Dirty就幾出色奶味同咖啡味道恰到好處。佢入面嘅裝修係好有特色嘅，偏向似係有啲時代嘅太空科技感。地方好闊落，所以坐落亦都唔會覺得迫，幾方便同大家傾偈。…查看更多

難得請咗一日假，朝早去睇咗個早場。餓到晏晝又好想打邊爐，附近搵到呢一間晏晝有得打邊爐，仲有靚牛嘅放題。因為都好早去到，都唔使點等位就有得入😂。入邊啲裝修好有香港嘅味道，佢仲有啲搞鬼設計嘅海報非常特別。一條長長嘅走廊有各種各樣嘅丸類同蔬菜，去到尾仲有啲面啊小食同飲品。食肉獸嘅，我哋見到團嗰個set有M5和牛食，所以就決定揀咗呢個試吓。除咗好好味嘅M5和牛，佢其他嘅部位非常吸引。上邊嗰個風門樓肉質香濃，而我夾住呢一塊牛版鍵除咗香濃嘅肉味重好有牛肉嘅質感。都唔記得講個湯底，我揀咗清酒味噌卜卜蜆。入面有非常多嘅蜆肉，而個味噌亦都好夠味道，配上啲牛食都好夾到。食得太多肉，當然要攞返啲菜。佢呢度有翡翠苗食，出邊都真係好少見。而佢飲品有自家製嘅冷泡茶，另外佢仲有呢排人氣好高嘅汽水。最後食到飽晒，店員仲俾咗份甜品我哋食，非常之好味。…查看更多

疫情咁耐冇得去旅行，突然間好掛住台灣嘅麻辣火鍋。喺OpenRice search 附近就搵到呢間。我哋去到嘅時候已經有好多人，不過等位唔算太耐，大約等咗15分鐘左右。Hayden嘅時候都見到佢餐牌有好多嘅選擇，我哋揀咗美國精選牛套餐。佢既美國牛都好新鮮，完全冇發黑亦都冇出晒血水。煮出嚟食落肉味好重，亦都有油脂感。食得多亦都唔會咁容易食到膩，完全係好適合放題任食。除咗哦佢呢度啲水餃雲吞都好出色，我就最鍾意佢個菜肉雲吞同埋燕餃。菜肉雲吞食得出佢係自家製，入面啲餡料好足亦都有啲雲耳嘅爽脆。而燕餃因為出邊好少有，佢肉味香濃，絕對唔會失望。除咗打邊爐料，佢出面仲有啲小食前菜。泰式鳳爪亦都做得非常出色。佢仲有一系列嘅海鮮有花膠，花膠煮出嚟好入味。而沙白食落完全冇沙，好鮮甜。出面自助區域仲有好多唔同嘅食物同甜品飲品，反而今日太匆忙都唔記得影低個麻辣鍋。佢個麻辣鍋好足料越食越香越麻。最後我飲左好多枝冷泡茶😂😂。但呢個價錢回味到台式麻辣風味絕對值得 。…查看更多

自從搬出嚟住之後，都好少有湯水飲。今日見到呢間有燉湯又有點心食就入去食個晏。佢就位於呢一個美食廣場入面。門口睇到佢哋嘅餐牌，都有唔同嘅點心，亦都有啲蒸飯同我最想飲嘅燉湯。我哋星期日嚟到呢度，望落去都唔算好多人，亦都好快就有位。我最後就揀咗一個蒸飯同一個燉湯嘅套餐。首先嚟嘅就係我揀嘅燉湯，佢係椰子雞湯。望落去已經望到兩舊好大嘅椰子同埋好多嘅雞肉。燉湯望落去都非常清澈冇乜油喺面，但係飲落去係好有濃郁嘅椰子同雞味亦都感覺好補。蒸飯我就叫咗鳳爪排骨飯。個飯嚟到嗰陣熱辣辣，佢亦都排到好靚令到我覺得好有胃口。排骨嘅肉質好嫩滑，食落亦都好好味。鳳爪亦都好入味。佢未至於係蒸到好淋，咬落仲好有質感。最後我仲叫咗籠合桃包加餸。合桃包出邊好少有，佢入面有粒粒嘅合桃。食落好香濃真係出邊都好少食到有呢種質感。呢一餐個燉湯真係令我有返屋企飲湯嘅感覺，下次經過亦都會再嚟食下。…查看更多

疫情關係，已經好少出嚟食飯啦。突然間有啲掛住食放題，就去咗呢一間大瀛喜。我哋揀咗8:30後來食，咁樣就有個優惠啲嘅價錢。入到去其實全部枱都好滿。不過我哋喺之前一早預約咗，所以都唔使點等。呢一間放題佢仲有一個自助區域，入邊有好多選擇🥰🥰有熟食，有熱食亦都有甜品同雪糕。而最主要嘅刺身，壽司同一啲日本料理，大家可以掃佢枱頭嘅QR code就可以自助落單。落完之後好快就到啦。啲刺身全部有冰鎮住，食落好鮮甜，三文魚油脂好豐富。而佢仲有我最鍾意食嘅芝麻雞翼。芝麻雞翼好香口食落好脆。食得出佢係即炸嘅，因為食嘅時候好熱，亦都無返咋嗰啲油膩味。天婦羅蟹棒亦都好香甜，蟹柳味好鮮。佢亦都有燒菠蘿，燒菠蘿咬落好多汁。^_^，食落一啲都唔酸。佢飲品區有好多唔同嘅嘢飲，亦都有啲冷泡茶。我就揀咗我成日飲既錫蘭檸檬紅茶。雪糕亦都有好多唔同嘅選擇。我揀咗嘅係呢條脆皮嘅咖啡雪條，咬落朱古力皮好脆，入邊亦都有香濃嘅咖啡味同埋奶味。已經好耐冇食放題了，放題嘅選擇比以前多咗好多，好多元化，適合到好多唔同嘅人士。就算唔食生冷嘢嘅，而家都可以嚟食放題。😂😂…查看更多

返工忙完一日，今日收工想同朋友係附近搵間餐廳傾下大家近況。去到呢間Cafe，個門口望落同附近好唔同。咁有特色一於入去食下傾下先。入面都已經好滿人，好在唔使等位。我地仲有得坐佢樓上既雅座，可以更舒服咁傾心事。晚餐小食同飲品既選擇都多，我最後揀左慢煮安格斯牛肩肉蝴蝶粉，香煎蟹餅同一杯Dirty。呢度既Dirty都做得好好，咖啡既香加上鮮奶既滑，好好入口。個蟹餅黎到都好大份，食入口係好豐富既蟹味，入面係真係有好多既蟹肉，絕對係推介。後尾問翻老闆原來啲蟹肉係每日自己拆肉，老闆笑住話賣一份蝕一份😂😂。慢煮安格斯牛非常之嫩口，肉味重之餘仲要咬落好滑。配上個蝴蝶粉又煮得剛剛好，啲粉唔會好淋。香草蕃茄汁係好濃厚，配搭上個牛肉成件事都好Match。嚟緊呢間cafe都會成為我同朋友既定期見面首選地點🤗🤗。…查看更多

呢排無得去旅行，又好想食星馬風味既沙嗲串燒。呢間一口沙嗲就啱哂我😋。佢宜家order滿10包串燒可以免運費，仲有個baby satay既自家電爐仔。我放工係附近，一於order自取返屋企食吓先🥰。位置都好近地鐵站，好方便去到了。佢哋既串燒有四款，包括係雞肉，豬肉，牛肉同羊肉。串燒全部自家製造，真正Made in HK，仲要係無人造色素同防腐劑👍🏻👍🏻。上層既爐盤就用黎燒串燒，下層兩個盤仔就可以俾係整返熱啲沙嗲醬。首先試既係豬肉串，咬落唔柴好入口好juicy，非常好味。雞肉係我咁多款既至愛，佢食落口感最好。仲要食到啲雞肉仲好嫩口，一整原好快就清哂😂😂。羊肉就重羊香味，但食落完全唔羶。唔係好食羊既家人都話好食。宜牛肉就肉味非常香濃，好有咬口😋。兩款既串燒醬料都係花生醬，兩款配上串燒都好好食。但香辣既有更重既蝦米味，食落少許辣香又咸香，非常之好食。三五之己一邊食住串燒一邊吹水飲野，呢個串燒真係滿足到我❤️❤️。…查看更多

聽到烏蠅館個名，都以為係好唔乾淨咁😂😂😂。今日去到門口發現，原來乾淨企理。門口己經聞到香氣撲鼻，唔怪之得叫烏蠅館😂😂因為烏蠅都香到走埋嚟🙈。因為早咗嚟嘅關係，舖頭唔算好多人。唔使等位就已經可以入去。呢間食肆最主要嘅係食烤魚。佢有好多款味道，而魚就有三款嘅選擇。店員話想食滑嘅魚就揀多寶魚，但多寶魚就較為多骨。而另外兩隻就啖啖肉，咁所以我就揀咗特色炮椒三刀魚。烤魚會原條上而佢地仲會送上三款送嘅配菜，三刀魚真係啖啖肉，入口好重魚味唔鯹，亦都食得出好新鮮。飲品叫咗呢個蝶豆花檸檬，顏色好靚，用嚟打卡一流😂😂。味道酸酸甜甜咁好啱用嚟解辣。食完魚之後仲可以叫店員加湯然後打邊爐。萵筍放落去好吸味咬落好爽口。寬粉亦都係另一樣吸味自選，煙煙銀銀非常好食。呢度嘅餃子係本身煮好俾你，咁就唔怕煮得太耐會爛。餃子餡料好粥尤其粟米餃子。仲食到淡淡粟米味❤️❤️。呢度啲嘢好好食😋下次一定會再嚟。…查看更多

早左出門口又無食早餐，到食晏前已經肚餓。所以就食啲粉麵頂一頂肚先😂😂。未到12點，但都好滿人。不過等一陣就入得了🥰。啱啱走咗一轉人，就到我哋入去了。餐牌主打粉麵，但原來飯都有唔少。見佢仲有啲推介既新野添！最後叫咗個牛腩雲吞河同新嘅黃金墨魚春卷加韮菜餃河。先黎兩杯凍奶茶，茶味香濃又唔會太苦澀，夏天一飲個人都涼翻晒🥰。春卷韮菜餃河，啲春卷同水餃都大大件，好扺食！春卷入面有粟米同馬碲粒，仲有啲彈牙既墨魚粒，好好味😍。水餃皮滑，入面好重韮菜味，好香好好味。牛腩河又濃濃既牛腩湯底，所以啲粉都好有牛腩香味。呢度啲牛腩係最出色，肉味香濃，咬落又夠淋重要唔黐牙。仲要有少少肥連住，食落連埋啲油香😋😋😋。雲吞有大大隻蝦，好滿足😊。食完夠哂飽，又可以繼續行街😂。…查看更多

旺角有唔少樓上鋪，行過幾步都有一間😂。今日肚餓行左去朗豪坊後面，見到呢間好似幾吸引就上去食了。門外已經貼左餐牌，方便等位既時候可以諗定食咩。望到成排酒真係好想飲，不過今晚唔飲得☹️。環境都好舒服，令人好Relax🥰二人餐同四人餐好吸引，不過我今日對佢個明太子烏冬有興趣啲😂😂。沙律個汁有好濃既芝士味，啲菜都食得出好新鮮。磨菇湯同蒜蓉包真係要讚一讚。蒜蓉包焗得好脆但又唔會好硬，係好鬆脆。磨菇湯好重菇味睇得出啲料好足！😍😍咖啡都唔係即沖果啲，飲到好濃香咖啡味。龍蝦明太子烏冬，個明太子味好濃但又唔腥，烏冬都好煙靭。食落好配合我覺得好味過平時食明太子意粉。龍蝦好有咬口，又鮮甜。有一條龍蝦尾都好重本！正！😝😝食完幫佢打個咭仲有甜品送，食到好飽🤣🤣。…查看更多

去到尖沙咀行街搵個地方食晏行到見到麻神嘅招牌即刻打邊爐癮起原來午市有一人一鍋 既衛生又性價比高上到餐廳都兩點下午茶時間不過如果你想坐窗邊卡位 都要早啲去先有位呢度仲有獨立房 如果晚市想一大班朋友嚟食都有靚房靚景講返午市嘅一人一鍋主要有三個選擇有自選鍋底有酸菜魚有醉雞鍋而我今次就選擇左自選鍋底嘅麻辣湯底而朋友就選擇左沙嗲湯底而家仲做緊宣傳食客如果like 社交平台就會送清酒或者小食我選擇咗小食嘅小食有脆芋片 麻辣大豆芽作為餐前小食幾開胃 先來嘅係我揀嘅港式麻辣湯配鮮嫩滑牛肉粟米餃牛柏葉 薯粉 水果蜜桃茶而每個鍋本身都會啲芽菜韭菜南瓜同菜麻辣湯麻而不燥 飲落都唔會啃喉辣度屬於小辣相信大部份人都食到牛柏葉亦都彈牙爽口牛肉大大片 有肉味 唔鞋口唔韌薯粉好索湯 朔晒湯嘅精華 入口彈牙已朋友叫咗沙嗲湯鍋配鮮嫩滑牛肉水魷雞肉片沙嗲味好濃郁 恍似食緊一個好好味嘅沙嗲牛肉麵水魷有𠝹花比牛柏葉更彈牙更爽最驚喜係水果茶 一上枱超多水果有菠蘿火龍果同西瓜可以當水果拼盤咁飯後食蜜桃茶蜜桃味超濃建議可以揀正常冰就係咁食咗一個好高質嘅午餐加下午茶超飽嘅一餐…查看更多

好耐無去過旅行吖！！好想有返啲旅遊既感覺，今日行咗去利東街就係為左去呢間日本甜品店🥰🥰。由地鐵站一出門就係地庫層，行過嚟十幾步就到。入面有好多款酥皮既批，仲有由青森蘋果整既蘋果批，睇落個賣相好好。個個我都好想食😍。宜蛋糕都有好多款式，全部都好靚好好味咁。睇翻個價錢，係呢區都真係算好平添。仲有得加錢就有咖啡飲，15蚊杯咖啡都真係好平。咖啡係用咖啡機沖，咁啱有人買，聞到都真係好香😝。唔飲咖啡鋪頭都仲有好多款黎自日本既梳打水俾你揀。睇到都好吸引你去買😂。我最後叫咗呢個梳乎厘芝士蛋糕同檸檬忌廉芝士批。芝士批個酥皮非常香，仲好鬆脆。入面有好軟滑既忌廉芝士，仲有好清新既檸檬香。食咗都唔覺得膩。另外既梳乎厘芝士蛋糕，食落口感真係有梳乎厘既氣泡感，芝士味仲要好重，好食到停唔到口☺️☺️☺️。…查看更多