gpzk的个人专页

聽人講荃新天地有間炸雞幾好味...所以今日就去會一會佢~幾個人叫左一份半半炸雞同三重芝士炸雞同炒粉絲,食炸雞當然仲有啤酒啦一開始就黎左一半半炸雞 (叫左甜辣味同香蒜蜜糖味)個甜辣炸雞個味夠甜但唔夠辣,肉都幾滑 好味 ; 如果辣D會野味D之後食香蒜蜜糖味,個味其實同甜辣都幾似 都好野味~最後就上埋剩返既三重芝士炸雞同炒粉絲炒粉絲就太濕同一PAT PAT ,味夠 但食真係咪搞 ...好糊口 三重芝士就一樣 雞滑味夠,芝士粉仲要好多 但食完三隻炸雞,會發現佢地都係偏甜 個味都唔係話差好遠所以可能就咁叫返1隻自己鍾意就夠,價錢唔算平,但有做9折同啤酒買一送一所以都可接受, 另外主食方面就無太多選擇 所以我認為食依間鋪可以先食炸雞,食完再轉場 …查看更多

FB 有好多唔同既關注組,最近仲入左個叫焗豬扒飯關注組,入面好多人都推介 西營盤既一間老字號茶記~當然二話不說去試試,入到即刻都FEEL到果種"" 懷舊FEEL""  (即係好舊,誤? )坐低就叫左一個午餐同焗豬 (因為即焗要等15MIN)落完好快職員就隊左兩個湯黎 ,即係個湯碗都知懷舊紅湯個碗飲完仲會見到D歲月潰而午餐果個都係典型"港式頹飯" 無特別既之後講返主菜 -焗豬扒飯一見到個汁就知SHARP醒,難食極有譜啦..但係一食就發現 , 豬扒竟然係吉列豬黎無錯呀!!! 係吉列豬  !!! 第一次食焗豬係用吉列豬 你話佢好食又唔係,唔好食又唔係但個人黎講,就唔係好夾囉飯底炒得唔錯,個汁都唔錯,但個人以為衰左響吉豬到可惜~ 唔知下次可唔可以走吉列哩 …查看更多

星期日有賽馬賽事,諗住入場睇下好耐之前已經聽到人講馬場美食中心既咖哩好好味 ~想順便試一下點知果日大概2點幾去到,好多野都已經開始收工, 依間都係 搞到無緣試下 …查看更多

響FB見有人講開,龍門居有間炸雞好抵食~所以就定左屯門美食之旅鋪頭地址唔算難搵;鋪頭唔大入到去睇餐牌,見到選擇都幾多,但因為要去好多場食野,所以是但叫左一個龍蝦汁意粉 同一份炸雞意粉味道足,唔會太淋 個龍蝦味都幾濃 ~好食炸雞都炸得好好,但個調味唔均勻 有位係無味.但炸得好干身 肉汁都算多 整體係好味GE~如果去開龍門居掃場街前 當正餐食 佢係理想選擇~順帶一題,職員服務態度屬於小店質素 唔好祈望太高…查看更多

屯門美食其中一間收藏已久既餐廳....但次次都就唔到時間 ,搞到食唔到 今次終於夾好時間再出發,位置唔算響市中心 要西鐵再轉輕鐵先到一去到都見到好多""街坊"" 已經食緊, 睇落應該都唔會差得去邊叫左最出名既雞撈面同咖哩黎到既時候,兩碗野賣相都非常"靚仔" 雞脾好軟滑,係個面就差D咖哩都好好味,但如果再辣D 會再好味D但兩個味道都唔係話驚為天人,只屬正常多少少如果我住附近 依間一定會成為飯堂~但專登入去就....總結: 住附近街坊既話就會好開心,專登去就未必值得…查看更多

做最好的純壽司??  識唱既都應該有返咁上下年齡 回正題,紅日去屯門...諗住大食一餐,行過見到好耐都無食既純壽司 唔知點解比個裝修吸引左入去 純壽司即係峰壽司集團既其中一間,數數手指都成廿年都有以前峰壽司紅既時候,真係一位難求但之後日本師傅走晒,人氣就不斷下滑,作為以前FANS既我都一樣 ...無回頭今次食算係比機會佢平反? 咁又平反到唔到哩??答案係有進步既...餐廳同以前最大唔同我覺得係依家有定食SET叫,仲要好抵食 ,以下個餐都係200唔駛 平剩係吞拿魚散叫都成30蚊件佢有2件...但味道真係好似回不去咁,唔知係未人大左 口味變左? …查看更多

全港食過最岩口味既牛肉麵  - 二悅位置響消防局對面後巷,都幾隱秘下架~店鋪大概都係10個位到 唔大唔細主理由2個廚加1個待應 一眼就可以望晒 雖然細 ...但又唔會細得黎唔好坐~叫左紅燒牛肉麵~佢係一個盤咁拎過黎 都算有擺盤同幾有儀式感 ? (誤講返食物 -佢個湯底濃得黎唔會令喉嚨唔舒服,牛肉都算大件~值得一提佢用既麵 配佢原有既醬汁已經好好味 食到我次次都會另外加底再湯食,當然 你都可以沾麵食法啦~整體黎講同坊間食到既有少少分別,湯底都係…查看更多

豬小姐響元朗人到就出晒名既~出名係咩? 就係佢既態度同野食 ~食過都算好多次  但次次都會聽到/受到佢老闆娘既氣最記得有一次 打去問佢有無開我:HALO,想問今日有冇開呀?佢:聽得你電話,當然有開啦!!!(我都未回覆到佢) 電話已經嘟...嘟...嘟...嘟.... 但話雖如此,佢野食水準真係好好味個湯底有少少甜,蘿蔔好入味 無渣,仲好甜河粉好滑 燒鴨好味如果價錢 唔好講 , 份量都唔好講 仲有態度都唔好講既話~ 佢一定定係好好味既一間餐廳~ 受得氣既一試無妨 唔係就自己衡量下,因為依間餐廳從來都無人話佢唔好食 只係有人會講態度…查看更多

炒飯應該可以算代表到香港既本地美食而提到炒飯 , 牛頭角金飯館都一定會入一席今次經開就會一會佢,響佢未開鋪果陣響門口等左陣,之後開門就立刻安排入座...話咁快 位都坐滿 都可以睇到間鋪好受歡迎~叫左招牌椒鹽豬扒炒飯,佢話要等10-15分鐘黎到第一眼見到個炒飯係,咁大份既?但食落先發現其實飯量 唔係咁多,只係配料多 炒飯個飯唔知係未專登想做到干身,我食落好干,仲有D硬 配埋佢D料頭 硬上加硬 (SAD豬扒就炸得幾好 唔會好干 同份量都算多不過1個炒飯要$8X 其實都算幾貴下 ,依個味道同價錢 對我黎講就唔太值~…查看更多

以前有人講女人有兩個胃,食完正餐 食甜品我諗佢個講法 -係真!!  因為我又再次遇到個女人係咁今次去大角咀食完正餐 就行到一間叫想甜嚐甜既鋪頭見OPENRICE 正評都算多 ,就諗都無諗入去全場都無人 包場,正佢就叫左中式糖水,我就睇完又睇個餐牌 對於一個唔好糖水既男人 真係都幾難擇~最後諗住擇個最正常既夾格雪榚SET就算因為製作需時,都等左15分鐘到先到一黎到,賣相先贏 ; 真係擺得好靚 有擺盤既 格仔餅味道厚實,唔算太脆 個雪榚應該係乳酪雪榚,同埋都幾唔易溶 食到大半佢都唔會溶晒 總結:糖水甜品都係女人好...佢地有兩個胃都真係比我證實左 哈哈 …查看更多

去開葵芳搵朋友 佢話想食酸菜魚 咁就問下佢有冇推介,佢話附近有間友義氣‧酸菜魚 味道OK 所以就去啦~鋪頭位置唔算近葵廣,都要行一段小小既路~唔知係未位置唔算近,所以唔駛排就即入叫左酸菜魚同炸子雞,但同行唔食得辣 所以都係叫左小辣先到既係炸子雞 - 份量睇落大份 但雞唔算好多, 味道尚可之後就黎左主菜,酸菜魚 都算多料但其實食辣...同行食得唔夠辣 要互就~~ 真係好痛苦魚質數算好,幾滑!!配料都算多,但酸味不足 仲有小辣搞到個辣都差D所以希望下次可以同D食得辣D既FD食…查看更多

葵廣一向都係掃街天堂, 但每一次去到 我都會上三樓食過手卷先 -卷之屋去到次次都有一條小人龍,都知佢係屬於葵廣一大人氣店嗌左三文魚腩手卷 $27三文魚腩手卷 - 一睇都知厚切 佢刺身同飯既比例 可以做到1:1咁濟一咬落去  D紫菜仲脆架 之後加埋D WASABI 豉油,啖啖肉 真係一口接一口總結:之前食過其它口味,都係三文魚最好食;但佢個價其實都算貴,因為份量唔算多 但係味道就真係一絕 好好味!! 次次去葵芳都會去幫襯~…查看更多

講到上水名物, 好多人都會提到鳳嗚居 廣城 杜記等等....其實仲有一間居民至愛冰室 - 樂樂 佢都係一係唔錯選擇~!同其它餐廳常餐一樣,選擇都係火腿 餐肉 通粉 意杪 多士 炒蛋 煎蛋+野飲但點解會講到係居民至愛哩? 其實係因為佢樣樣都有心思 有心機做火腿通 - 個湯底好淡,但唔係無味 食落好健康既感覺煎蛋 - 用本地農場蛋,好濃 好香多士 - 一定要嗌大火,濃邊好食奶茶 -比其它餐廳做得好,有奶味 之後茶味就會出黎 食完好飽,但又唔會覺得好重負擔 ~ 食完又係美好既一天…查看更多

壽司郎由日本到香港已一段日子,分店都開始開到18區都係不過食過唔同分店既...對佢地水準都好壞差半~今日黎到荃灣廣場分店,由於響食飯時間之前到,所以唔駛等就可以即入 ~依間荃灣分店好似比其它分店都算大,四人卡位都算多但係因為就到食飯時間,所以就算好多卡位我地2個人都分唔到 坐低無耐,響迴轉帶即見到碟好靚既油甘魚 即提油甘魚壽司- 腩位,厚切 入口好香魚油 油甘魚咬口十足 好味!!之後就用PAD 落單,影左幾碟特別靚既想分享下赤蝦壽司 -比平時大隻,啖啖蝦肉 正~厚切三文魚 - 兩碟響唔同時間嗌,睇質數都知邊碟好D 壽司郎有一個好特別既分享 , 就係流量快 如果嗌左既壽司剌身唔靚 等一等,好快就會轉第2盤 又會靚返都算係壽司郎既小技巧…查看更多

大丈夫食堂由地鋪開始已經係我既食堂 ,當初都係睇YOUTUBE 介紹去試 好快就變左我既食堂 三不五時就去食 ~依家上左樓上鋪,鋪仲大左 位又多左 但好味道不變!! 不過好多人第一次都係去食炸豬扒,其實我想講 佢三文魚飯先係裹MENU同其它定食一樣都係有齊前菜 沙律 蒸蛋都係屬於正常味道但主菜三文魚就真係正,一睇就知又肥又厚 一碗仲要有成6-7塊 ,啖啖魚肉 爽除此之外,佢仲要可以免費添飯同沙律 岩晒我地D大食人士 包你食得飽如果食開炸豬扒既朋友,下次擇三文魚都不失為一個好選擇~…查看更多