ElocinHoo的个人专页

諗住同表妹食好西💕去咗呢間好耐無食過嘅瑞士餐廳🇨🇭叫咗必食嘅芝士火鍋同鵝肝🫕間鋪裝修過.. 應該係攞埋隔離個鋪位，但 d 位擺到仲逼過以前..不過當晚全場得三、四枱客，D 嘢食失晒水準，超級麻麻。無下次。…查看更多

必食推介：生菜魚肉、(熱)豆腐花呢度嘅生菜魚肉絕對係我由細到大食過最好食嘅一間！最鐘意加丁點麻油再配上辣菜脯，好味到連湯都飲埋❤️**食得辣嘅朋友真係一定要試下呢個辣菜脯，夠辣得嚟仲好香.. 勁惹味 😋😋(熱)豆腐花夠香夠滑！❤️之前住深水埗幾乎日日食，而家搬咗去較遠地區..有時放假都忍唔住特登出深水埗食！另外仲有新鮮每日即包嘅餃子、肉燥撈麵都好好食！而家仲有自家製蛋糕，但好快賣晒..唔係次次都有機會食到 😅😅想試嘅朋友要早 d 喇 😊…查看更多

$ 58 一份意粉，無飲品，份量少到唔洗十分鐘就清晒，味道好咸。喺全店 0 食客嘅時候去買，企喺門口幾分鐘都無人理，d 職員個個發緊夢咁兜口兜面企喺度都無反應，即使客人叫外賣她們都好似唔想行過嚟咁。呢間嘢完全無質素可言，無下次。…查看更多

呢度態度麻麻唔係第一日嘅事，但今日直情係差！第一：舉極手都無人理！係喺我面前面對住我嗰個都唔理！第二：嘢飲等九世耐都未有，明知佢未沖，見有 d 凍話想轉熱飲，一句出咗單就一定要飲凍嘢 （ + $ 2 ），事實任何人都知無可能改唔到單囉！d 態度仲要勁差！！！第三：豬頸肉炒麵，炒到勁濕、勁碎、勁咸！打工仔有幾多時間食 lunch？唔係真係咸到食唔到都唔想嘥時間再等過囉！個工作人員 d 態度係差到好大聲咁放低碟嘢喺我面前！態度仲衰過人俾狗食咁！然後再食碟嘢係接近無味 👍🏻最後：下午茶餐，說好的甜品呢？？？嘢唔好食、態度勁差！唔係第一次去呢度食，但今次真係過份到超出我底線！唔會有下次幫襯！…查看更多

同男朋友行完街諗住食碗糖水，一入到去好似無人見到我哋咁，算，自己搵位坐，叫咗一個香蕉船（ 榴槤雪糕、曲奇雪糕同薄荷朱古力雪糕 ）同薑汁芝麻湯圓，香蕉船首先出場，見到個榴槤雪糕圖片係青色，但出到嚟係黃色，擔心搞錯所以唔食住叫一叫個啊姐，個啊姐同我嘅距離只係四、五步遠，佢竟然唔係行過嚟問，而係大大聲問我咩事，我照同佢講，佢先行埋嚟睇一睇，之後又係大大聲一句：「 榴槤呀 」就走開咗.....…查看更多

兩個人食，食晒都好似無食過嘢咁！每樣食物份量都好少，味道主要係無乜味，環境 ok，服務...基本上我要求好低，唔黑面已經覺得 ok。但客人食緊嘢點解你會掃地？有無諗過掃起晒 d 灰塵？…查看更多