Choco Yau的個人專頁

中環都爹利街又名煤氣燈街，歷史悠久的花崗石樓梯配上四枝碩果僅存的煤氣街燈，早在1979年以被列為香港法定古蹟，更是不少經典港產電影和MV的取景埸地，梅艷芳的作品《夢伴》第一句歌詞「煤氣燈不禁映照街里一對蚯蚓」，正正來自這裡的煤氣街燈。這次分享給大家的意法餐廳正正位於都爹利街的中段位置，在喧鬧的中環商業區來說，也算是旺中帶靜的小角落。餐廳入口的紅色拱形檐蓬十分吸睛，配上室內既優雅又浪漫的裝潢，令客人恍如置身於法國街上的小餐館一樣。餐廳裡面採用了非常光猛的開放廚房，每一位坐在大廳用餐的客人都能清楚看到廚師在裡面烹調的過程。當天入座的時候，其中一名侍應主動走向我們自我介紹，還告訴我們當晚的用餐會由他全程安排，接下來的每一道菜都由他親自捧餐，還會主動分享每道菜式的材料和烹煮方法，這一點讓我覺得我並不是單純來吃一頓飯，而是一種高級的用餐體驗。食物方面也是非常豐富，從前菜的牛肉他他和法國藍龍蝦炒蛋，到中段的西班牙紅黑寛意大利面，還有主菜的牛排和海鮮濃湯配銀鱈魚，我感受到廚師團隊對食材配搭的心思，餐廳用上新鮮的食材，並沒有添加額外的調味，反而把食物最原本的味道呈現出來。手工意大利面的質感是完美的al dente，而且紅蝦醬汁十分濃稠，味道和口感也是很好吃的！…查看更多

第一次嚟到位於上環嘅鮨燐總店✨ 位置都幾隱蔽 不過地方細細竟然有分上下層 良師傅話6-8位都可以喺上層包場🥳 仲有獨立洗手間非常方便!! 入正題👉🏻 今次食嘅係晚餐omakase之中最貴嘅套餐盛惠每位💰$1880 +10% 價錢都尚算可以接受 比起好多神店收費更合理 食落仲幾有驚喜添喎🤩 年輕嘅師傅就係會令客人感受到嗰份撲都撲唔熄嘅熱誠😍柚子酸汁鱸魚石垣貝帆立貝配青檸間八配白味噌醬白芝麻醬油漬鰆魚配生洋蔥 (推薦🎏!!)日本響螺薄片配黑椒 (推薦🎏!!)北海道毛蟹(推薦🎏!!)大拖羅夾生洋蔥(推薦🎏!!)北海道紫蘇葉炸蟹肉餅 (熟食) (推薦🎏!!)日式炆煮鮑魚配肝醬 (熟食)右口魚赤鯥魚免治牡丹蝦x白蝦x蝦膏 (推薦🎏!!)魷魚 x 白海膽 (推薦🎏!!)有號碼白海膽 (推薦🎏!!)日式響螺清湯…查看更多

斷斷續續因為疫情而暫時停開嘅關東煮專門店終於係10月尾重開喇!!🤩 銅鑼灣區又多翻一間由日本師傅坐陣嘅小店🇯🇵 除咗主廚之外 另一位女侍應都係日本人 用英文都唔係幾溝通到🤣 所以所有預約都係要經online booking 除非你想即日walk in咁就無辦法要打電話去問喇☺️ 食物方面除咗傳統嘅關東煮之外 真心推介酒盗烏賊🦑 味道咸香 口感煙韌 送酒超正🍺 仲有好濃郁嘅牛筋煮 感覺有啲似港式炆牛腩 不過味道就鮮甜好多 當然最後仲要食埋個親子丼先夠滿足啦😝😝…查看更多

多得朋友邀請比我跟埋去痴餐如果唔係都試唔到呢間至少要兩三個月前訂位嘅法國菜Jean May🇫🇷 餐廳位於灣仔嘅橫街窄巷 入口以好清新嘅青綠色為主調💚 用餐位置座位唔多 空間感大仲坐得非常舒服 有啲家庭式餐廳嘅溫暖感覺🥰 …查看更多

最近幾年專食天婦羅嘅餐廳越開越多 位於中環史丹利街嘅Tempura Jiro開業幾個月 暫時見唔到鋪天蓋地嘅廣告😌 不過晚市都已經book到年尾十一二月喇你可以留電話排waiting list搏有人取消你亦都可以好似我咁book下晝但係就照食dinner menu🤪 千八蚊嘅menu其中一個分別就係可以揀主菜 鮑魚或者海膽魚子醬脆脆💁🏻‍♀️ 餐廳選用咗6-8月比較當造嘅紫海膽 紫海膽比馬糞海膽淺色少少 而且味道鮮中帶清 無馬糞咁濃味 配上魚子醬啲輕微咸味 食落有提鮮嘅作用 加埋紫菜脆脆就即刻令到成個口感好豐富喇😍😍另外有兩款天婦羅炸蝦👇🏻除咗蝦頭之外 一款蝦係一個薄漿低溫 另一個厚漿高溫炸 食落感覺都幾唔同 我自己就比較鍾意厚漿脆卜卜嘅口感喇🤪 至於個蝦頭又炸得幾乾身 只係咬嘅時候啲蝦鬚會係咁拮住個口哈哈🤣🤣🤣…查看更多

呢間本地小店👉🏻滷友記喺荃灣區開業超過兩年 除咗滷味之外仲有啲滷肉飯同麻辣雞絲粉皮等小食 深受荃灣街坊歡迎 最近終於開到嚟銅鑼灣區可以試吓喇✌🏻我自己一個人去就試咗個四餸麵 揀咗滷水雞翼、蘿蔔、陳皮魚蛋同墨魚丸 份量十足不過滷水湯底比預期中淡味而且油膩而且略嫌啲蘿蔔咬落有渣🥲 簡單快食個快飯都可以考慮 不過下次可能唔會再揀滷水嚕…查看更多

認識我比較耐嘅朋友可能留意到我真係好少去九龍區覓食😂 今次真係岀外靠朋友 跟住朋友去咗尖沙咀嘅Kokorozashi食lunch omakase 價錢只係$580 單單比較價錢就比銅鑼灣中環都平一截🤩 午餐嘅omakase有13個course (四款刺身六件壽司) 由刺身到壽司感覺好快就食完 不過for女仔我覺得都夠飽嘅😆 至於食材方面就中規中矩 唔算好突出 而調味方面睇得出係花過心思 壽司方面 除咗魚類 當然唔少得蝦同海膽 舍利嘅酸度亦非常適中👍🏻 特別喜歡大拖羅 完全無經過炙燒 食落有魚味之餘又唔油膩😝至於壓軸嘅海膽同三文魚籽 當然係份量十足 食完即刻滿足晒啦🥰整體嚟講都算唔錯👌🏻…查看更多

唔知有冇人同我一樣 廿幾歲人但又好鍾意食中餐呢😂 呢間上海菜有兩間分店分別喺銅鑼灣同將軍澳 主打京滬菜式 必食嘅招牌菜就肯定係香酥烤鴨喇🦆 餐廳專門挑選大約兩個月大鴨 雖然體型較細 但皮下脂肪會無咁厚 再需要兩星期前就放入凍櫃凝固脂肪 加上繁複嘅工序排走鴨油去減低油膩感 先可以做到咬落鴨皮酥化帶油香 鴨肉口感軟嫩👍🏻 …查看更多

話說放工時間要喺銅鑼灣搵位食飯真係好辛苦 無book位嘅話都唔知要等到幾點先有飯食🥲 除非你搵到好似呢間仲未被發掘嘅寶藏餐廳啦😂 呢間越南餐廳位於時代廣場對面 暫時人流唔算多 食物選擇方面除咗越南粉 仲有比較少見嘅越南火鍋 有椰子雞湯同蟹湯兩款選擇😍😍味道唔錯而且價錢合理 不妨一試😝 特別推介好香蒜味嘅脆卜卜牛油雞翼 仲有落咗和牛油(wagyu beef oil)嘅火車頭 湯底 味道香濃又唔油膩 粒牛丸仲好彈牙添呀🤪…查看更多

市面上嘅鐵板燒餐廳一般定價較高 大眾亦好自然覺得食鐵板燒就一定係好貴💸 板神雖然主打鐵板燒 但亦有壽司刺身同熟食選擇😍 啲和牛仲有晒鹿兒島和牛認證 質素有保證👍🏻 我去嘅灣仔分店仲坐落喺商業大廈嘅30樓 景觀非常開揚😆.午市套餐定價由$380-$600不等 性價比高!! 價錢分別在於選擇唔同等級同厚薄嘅牛肉(美國牛/日本和牛) 其他菜式都一樣 包括前菜、沙律、車海老大蝦、自選主菜(帶子/銀鱈魚/法國鵝肝)、季節蔬菜、炒飯、麵豉湯、甜品 額外加100蚊仲有三款時令刺身 份量算多而且夠新鮮😝.每個套餐都有嘅車海老大蝦有我成隻手掌咁大隻🦐 而且師傅將蝦頭入面嘅蝦膏整成醬汁 一滴都無浪費 唔需要額外調味已經好好味🤩 香煎帶子就加咗矜貴嘅魚子醬喺上面 味道夠晒鮮味👍🏻 重頭戲嘅薄切牛肉 包住大量香蔥同炸蒜片 食落有層次之餘仲好惹味😜 每人有六小件牛肉其實真係飽到不得了 不過都一定要留肚食埋個鐵板燒炒飯啊 炒飯永遠都係食鐵板燒嘅埋尾菜式 好多人以為最後嘅炒飯一定係驚你唔飽要塞飽你 但係其實炒飯絕對係師傅水準展示嘅一道菜 唔單止飯粒要夠乾身 配料多得嚟要炒得夠香夠均勻 你估真係咁易咩🤣 而板神呢個炒飯絕對係好好味 因為我明明飽到嘔都堅持食晒佢😂😂 連師傅見到都叫我唔好夾硬食晒哈哈…查看更多

這家Brass Spoon絕對是我最愛吃的越南粉。他們現在有三間分店，分別開設在灣仔、中環及鰂魚湧。在2015年開幕的灣仔總店非常受歡迎，店鋪在周日及假期都不營業，而且每天只是營業七小時，但是香噴噴的越南牛肉粉還是令店外大排長龍，而且下午兩三點賣完就會關門。後來因為太多人碰門釘的關係，所以才在中環開設第二間分店，之後再進駐鰂魚湧。老闆黃先生在巴黎長大，外婆是越南人，他在上大學的時候已經決定要開一家越南牛肉粉店。他特意求教常光顧的一間牛肉粉店的越南女店主，希望她教導她湯底的秘方。吃了十年，求了十年，都沒有獲對方傳授廚藝，直至女店主的丈夫離世，她逼不得已結束經營才把秘方傳授給黃先生。這家的牛骨湯頭味道濃郁，不但用上100斤的牛筒骨，還加入了牛腩和手腱，湯和湯料的比例大概是一比一。秘方還有加入牛湯油，是湯底上面的一層油分隔而成的油，加入了牛湯油之後味道就變得更重牛香味，而不會有油膩的感覺。另外不得不贊他們的河粉真的超級滑溜，絕對是全港最好吃的配搭！…查看更多

如果大家有時候會去數碼港放吓狗或者野餐 相信你唔會否認數碼港真係一個美食沙漠 想飲杯靚咖啡都無得選擇🤯 不過最近Interval就同Farmacy合作開咗呢間以全環控智能室內水耕種植概念嘅餐廳🌱 餐廳一邊有透明玻璃可以見到室內種植蔬菜嘅房間 客人食到嘅蔬菜都真正由Farm to Table非常新鮮💯 餐廳位於二樓戲院旁邊 裝修簡約 空間感好大 除咗可以食件牛角包飽杯咖啡之外🥐 又可以食個Pizza配杯紅酒喎🍕 下次去完放狗或者野餐終於有個地方食好嘢喇 狗狗都可以坐岀面㗎🥰…查看更多

🌧落雨濕濕又涼翻啲 食個牛腩煲都係唔錯嘅選擇 位於士美菲路熟食中心嘅順景食店 朋友介紹就係岀晒名食清湯腩 地點易搵 而且環境比我想像中乾淨由地下搭電梯上二樓轉右行到尾就搵到順景佢哋日頭就賣一碗碗嘅牛腩麵 夜晚就枱枱都叫清湯蘿蔔牛腩煲🔥 大大煲有齊最馳名嘅坑腩、爽腩同半肥瘦腩 仲有鮮甜蘿蔔 湯底清甜唔油膩 食咗啲牛腩之後仲可以叫餸打邊爐 火鍋配料選擇唔多 都係啲基本嘢 我個人就好鍾意個超彈牙嘅墨魚滑🦑 另外手切肥牛同海鮮亦需要預定 不過老實講食完啲牛腩都好夠飽喇😂…查看更多

呢間modern Italian係我bookmark咗一段時間嘅餐廳之一🔖 不過佢哋喺Openrice嘅review就比較參差 前幾日我就自己一個去咗位於跑馬地嘅分店 親身去完又覺得其實唔差喎😝個人覺得都值得食.餐廳係半開放式設計 近門口嘅位置可以帶埋小動物 座位闊落都坐得幾舒服😌 食物選擇簡而精 頭盤、主菜、意粉/飯、甜品都齊晒 店員會主動介紹off menu嘅special dish 仲有iPad比埋張相你睇👍🏻 我就揀咗好邪惡嘅蕃茄汁焗肉丸意粉🤤 個賣相好靚之餘 蕃茄汁份量超多 夠晒撈啲意粉唔會乾爭爭 酸甜適中仲有啲黑椒 肉丸大大粒一咬即散 成個配搭係好好味😋 適合朋友聚會大家share食就可以試多啲款式啦🤪…查看更多

舞鶴喺銅鑼灣立足超過五年 一直都以大件夾抵食同唔花巧嘅高性價比做賣點😉 最近嘅生意雖然受到疫情影響 不過舞鶴依然維持原有嘅計劃 喺同區開設分店 而且仲加入鐵板燒嘅元素🔥 新店空間感好大 而且分開壽司同鐵板燒區域 抽風系統好強 食住壽司係完全聞唔到鐵板燒嘅油煙味👍🏻 .今次試咗晚餐時段嘅omakase 包括海鮮蒸蛋、10款刺身、1份鐵板燒熟食、5件壽司、時令日本進口水果 整體嚟講刺身都算新鮮 齋食刺身其實飽咗一大截😂 .鐵板燒嘅熟食我揀咗銀鱈魚配南瓜蓉🐟 口感外脆內軟 保持到魚肉嘅嫩滑 而且仲有煎香咗嘅魚皮同皮下脂肪 算係幾驚喜 下次反而可以試吓個鐵板燒🤪…查看更多