ctap614的個人專頁

我隻狗係非常鍾意食生果，所以帶咗佢嚟呢度食個寵物 smoothie, 我哋揀咗汪汪莓莓味 （士多啤梨 + 藍莓），知道佢哋係用新鮮冰凍水果整，所以食得放心，而且狗狗非常鍾意…查看更多

之前見好多好評所以黎一試，結果非常失望，我地係散叫的。首先，牛舌我地試晒兩款都係麻麻地，若牛肉我覺得比較好食只有 Misuji & Dai Sankaku，其它牛都係一般。帶子亦都唔好食，北海道海膽和牛 sushi 都可以既但收得呢個價錢我認為唔夠新鮮。本身想試埋佢個 oysters 但係已賣晒。至於甜品已打算好安全叫 green tea ice cream，但個餅係淋晒好似放左好耐咁，都同侍應反映左個問題。由於食物真係一般，所以冇乜影相。最後，我地兩個人食埋單 $23xx，以呢個價錢黎講，我認為質素應該可以好 D，我係「唔會」推介朋友黎試。去完呢度食，令我更加掛念日本。間野第一次訂位幾麻煩，因為要六點先有人聽電話，但埋單時侍應話下次可 WhatsApp 訂位，電話係 6281-9101。…查看更多

有次一個人經過開灣仔, 由於睇到幾多好既食評所以之前 bookmark 左呢間打算試下，叫左個最貴既生牛河試，食物就一般唔會難食，但又未至於我會再想特登番你食，因為佢個 location 都唔係方便，另外佢有張好似拉麵紙比你填。間餐廳好細，所以如果坐滿人你都唔會想坐得耐。價錢我覚得未好食到值呢D價。…查看更多

平日經開中環想食越式生牛河都仲意黎呢間，一般我會過左 lunch hour 先去唔駛排隊。環境都舒服乾淨，一個人去食又可以坐 bar 枱或冇乜人佢都比張枱你。唔忙既時間去，你食完之後坐下佢都唔會特別吹你走，牛肉我都覺得ok 既，但呢個都真係個人口味，咁如果要同巴黎既越南野比當然冇得比，但普普通通食個正常既 lunch 都唔差，我記得佢個 lunch set 都係 $100 頭鬆 D (已加一), 有埋春卷了，另外食物都唔算太咸，不過食完之後一排都有 D 口渴，但暫時我未遇到另一間我較仲意可以食越南生牛河既餐廳。…查看更多

星期六下午過左午餐時間先去，所以冇乜人馬上有位。店好細但環境及清潔都 ok。餐牌選擇不多，而我選了生牛河、春卷及牛油雞翼。之前睇 review 有人寫餐廳冇用味精，但我食完之後好口渴，所以我相信係有用味精的。試過一次，覺得冇乜特別，未必會特登再去。 生牛河普普通通 牛油雞翼幾香口 …查看更多