bluedragon的个人专页

成日去食因為最愛佢個炸雞環境❤️❤️❤️❤️🤍都幾滿意佢個格調，韓風簡約，暖色調，配乾花做裝飾，望落好舒服衛生❤️❤️❤️❤️🤍衛生唔錯，次次入去都冇不適感，明亮乾淨服務❤️❤️❤️🤍🤍服務幾好既，有禮有效率，要咩都會盡快送上，食物都好快就到，唯獨感覺人手真係長期唔夠，長期店面都見唔到人食物❤️❤️❤️❤️❤️各樣野都好食，飯團餡多新鮮，啖啖爽脆口感，蛋包飯滑嫩配牛肉，汁充足，惹味炸雞係我最愛，外脆內軟，調味均勻，唔會太濃，啖啖滋味，仲有薯條同年糕做配菜，香口、軟糯、爽脆等口感集於一碟，滿足哂唔同需要佢既飲品甜品，樣樣都冇令人失望…查看更多

剛發現呢間分店已經結業了，但可否都表達下意見？我係之前食嫁喇，每次出去個頭都會去食，佢仲有其他分店，所以都照寫番個食評環境❤️❤️❤️❤️❤️裝修靚，坐得舒服，有唔同既枱型可以選擇，想坐得chill d又得，想坐舒服d又得，想闊落d又得 ，想方便食完即走又得衛生❤️❤️❤️❤️❤️非常好，我曾經見到有人倒瀉野，侍應都反應算快有即時清理，會詢問客人是否還好，所有眼見既野都好乾淨整潔，冇見到任何污漬或痴立立服務❤️❤️❤️❤️❤️有事算係可以即時處理，員工有禮貌，反應都算快。其實都諗過比4個心定5個心，又比5個心好似好造作，但我又真係諗唔到野去扣佢分😆食物❤️❤️❤️❤️🤍價錢黎講唔係平，但味道賣相質素各樣都係很好，款式都多，個湯係份子料理，呢感滑得黎有d粒粒有層次，滿足味蕾，意大利麵調味合適，咖啡應該屬於Nuts味重，因為我偏好nuts味咖啡，我幾鐘意，開心果甜品稍甜，但都好enjoy總括，有機會一定會再去佢分店食過🥰…查看更多

環境❤️❤️🤍🤍🤍呢個位呢幾年不斷轉手，經濟真係明顯地差。。。記得細個呢度個間碗仔翅檔開好多年，而家個d1年，最多2年講番環境，做街坊生意，不能期望太多，但認為佢雜亂既裝飾溝埋餐牌，又有d廣告，賣商品咁，又中又日，有圖又冇圖咁，散叫又跟餐咁分得好唔清晰，睇到好眼花，要睇一陣先睇得明衛生❤️❤️❤️🤍🤍真係。。。一般吧，大排檔既質素服務❤️❤️❤️❤️❤️叔叔非常有禮貌，又好細心介紹各樣野，好親切食物❤️❤️❤️❤️🤍佢同我講吉野牛肉飯好食，咁我叫啦，番屋企一打開，嘩!睇落咁清淡既，白雪雪咁，仲諗住中伏啦～點知又幾好食，食完一啖會有癮想食下一啖佢d餐跟埋小食，60蚊左右真係好抵，因為佢連個小食都好大份，成個餐食到好飽個種，枝豆好多好多，比出面散叫既都多，超正不過佢同我講咖哩餃子來貨貴，抵食，但呢個真心覺得唔好食，炸到好乾，佢d炸物都好乾同冇乜味，感覺就係來貨直落鑊冇處理過既個種總括：抵食，夠飽，係足以令我再encore…查看更多

呢間餐廳一直都多人食，同埋經常見到有人排緊隊，但我從來都唔太鐘意去人多既地方🫠今次咁岩趕係差唔多last order個輪去食，所以人唔多，都唔駛等直入喇🥰環境❤️❤️❤️❤️🤍唔知係咪因為客人不多，我一家3口落坐一張大卡位，舒適，店內燈光暖和，看著舒服，到處有d精緻小裝飾，點亮沉悶的餐廳🤗頗讚衛生❤️❤️❤️❤️❤️店裡乾淨企理，室溫適當，時常見到員工打掃衛生，到處冇見到任何不妥地方👍服務❤️❤️❤️🤍🤍可能有d掛住收工，比較忙住清潔執野，唔太見到我舉手有要求加水，收下碟個d食物❤️❤️❤️❤️🤍唔。。。講唔出非常好食，但都屬於好食個個level，擺盤拼盤精緻，眼精有享受到，咕嚕肉味道偏重，但配料多，夠大碟，又靚又啖啖肉甜品又係勁靚，靚到唔捨得食，不過醬係好足夠，只係我比較希望雪糕個part多番少少，食落會冇咁漏，同冇咁乾over all都係good good 既…查看更多

平時都鐘意食佢d朱古力，而且覺得佢係朱古力中既名牌，送禮送佢感覺都比較高人一等😜😜朱古力品質一定有保證再黎就係之前食過佢優惠買一送一既雪糕，個時仲好多人排隊添！雪糕濃厚幼滑，朱古力味重，口感比較實，味蕾都感受到好豐滿既感覺今次夏天就黎臨，朱古力飲品又做買一送一，加上行街行到好口渴，就滿心期待衝去試試，今次唔太多人排隊，好快就買到，等左2分鐘都冇就已經出黎喇環境❤️❤️❤️❤️❤️保持一向風格，裝潢光線充足，燈光打落去雪糕同朱古力度，非常吸引眼球，令人精神抖擻既感覺，適量既小裝飾更添高貴感衛生❤️❤️❤️❤️❤️一如以往都係非常乾淨企理服務❤️❤️❤️❤️🤍因為今次買飲品，對話唔超過10句，所以不能評論太多食物❤️❤️❤️🤍🤍重點黎喇，今次呢個朱古力沙冰，大約40蚊2杯，好抵既，但味道淡，冰稍為偏多，合乎價錢質素，但個人感覺唔合乎呢個舖頭既等級，所以真係。。。針對今次而言，唔太滿意:(總括：咁搞搞新意思，令客人尋求下新鮮感者，所以依然會支持該店既…查看更多

本人雖然鐘意食野，身形都非常龐大🥴🥴🥴但其實最最最首選都係淡味同素食，有時食素食淡唔代表唔好食，就好似食壽司，我喜歡同一款食物，1件原味1件點豉油芥末，咁樣，原汁原味鮮味我知道，我感受到，配搭醬汁所演變出黎既味道同感受我都會知道環境❤️❤️❤️❤️❤️簡約輕格調裝修，簡單得黎感覺好輕鬆而有特式，會有種優閒感衛生❤️❤️❤️🤍🤍其實門面同裡面都好乾淨整潔，感覺一d都唔污糟，但邊食邊有1，2隻細少蚊滋/烏蠅仔飛過，所以扣左呢度2個心心，整體上冇不良感受既。其實好多食肆內都好難避免呢類問題，有d食肆甚至會有米奇🐁🐁🐁呢個好睇食肆本身，商場或管道等各方面，但呢一個例子我認為好個別既服務❤️❤️❤️❤️❤️服務我認為係好好既，剛開始我睇唔明餐牌，員工好有耐心同笑容為我講解。用餐方式都係半自助，自己取餐，自己斟水，但唔算麻煩，又順暢既。亦有員工時常出黎收拾餐桌。其間就係不慎有蚊滋仔飛入我碗飯內，當我拎去想換過一碗時，第一位接觸我既員工想問清楚情況，雖然我並未覺得冒犯，但第二位員工二話不說提出補回我食完既份量，十分爽快要比個感受立即升級（如果補回原份更開心🤣）食物❤️❤️❤️❤️🤍我叫既組合係雞肉，三文魚，泡菜，蛋黃醬配白、糙米半半，雖然有蛋黃醬，但佢味道依然係偏淡，如果唔係加左泡菜，相信唔食開淡口既人會稍嫌冇味，但三文魚既鮮味係直達腦部，呢點非常讚👍👍另外，飲品堅果奶我非常鐘意，感覺健康又好味，顏色仲好令人愉悅添，但我比較愛甜，如果我鐘意得甜度都應該比正常高少少於我，我係非常愛既。但抵食呢點。。。相信真係要想享受時間慢慢嘆既人先會去食，唔係唔值，但係香港呢個時間急速，競爭力咁強，樣樣鬥平既地方，真係要願意花錢花時間先識欣賞呢股清泉🤔總括，絕對會再食（荷包夠漲既時候）致Openrice審核：第1：此食評是好評，我亦根據真實用餐過程而寫，為何要我改做試食活動？第2：餐廳即時對我的問題作出反應，我是很讚賞的第3：收據在我上傳的照片中請不要再沒看清楚我的評論就彈回我的食評，謝謝]]]]]]]]]]]…查看更多

🥰同樣已經好耐前食嚕～呢間係板x壽司重新出發升級版店舖😇，價單貴左，裝修同原身初出道時差不多🤔，整體都離不開以前既影子環境❤️❤️❤️❤️🤍光線明亮，環境十分讓人倍感精神，裝飾間隔恰度好處，係冇咩亮點或令人睇完會覺得特別既地方🫣，坐位剛好，冇太寬冇太窄，枱面就細左少少，如果點多d野都唔夠放。衛生❤️❤️❤️❤️🤍衛生感覺很不錯，吧台內外餐具工具餐牌碗碟都擺放整齊☺️服務❤️❤️❤️❤️🤍壽司師傅認真整食物既態度，感覺嚴謹又專業🫡，員工態度親切，服務都唔錯🤗，感覺咁細間舖但好多員工不停走動在旁服侍，時常收拾餐具又時常斟茶🍵不過佢地傾計都有點兒太進入無人之境了👻，專業形象稍為有d降分👾👾👾食物❤️❤️❤️🤍🤍食物啊…餐牌都豐富既，有餐有散叫，同板X時期係一樣既質素，都係好食既，魚係好新鮮，擺盤靚，飯用左赤醋，味道比日本普通醋濃郁同層次會多左，炸野食得出個油都好新鮮，唔會係不停翻炸個種，但價錢係有提升，咁門面功夫做好左，適當提升價錢都合理既，不過係我既觀點上，就唔算太抵食喇。總括係：🤔🤔冇咩事都唔會特別入去食，又唔係值得打卡／特別好食／服務超好／特別平／好Chill，算係中規中矩之上，但又冇其個別特式喇…查看更多

利申先，我係好一段時間前幫襯嫁喇，針對員工感受個part千萬唔好對號入座，除非咁耐以黎係都係同一個人😆環境❤️❤️🤍🤍🤍級數係敏華、太興既個類環境裝修，普通到可能行過食完都唔會記得自己食過個間餐廳係咩名咩樣衛生❤️❤️❤️🤍🤍一般，冇太大特別值得講既地方服務❤️❤️🤍🤍🤍比較差，店內員工走動頻繁，但當你想搵個員工攞杯水時都搵唔到，但當你起身出去自己斟既時候就會有人衝過黎話幫你，但杯水我已斟完，食物擺放都有d粗魯，埋單時收銀個位有d黑面，唔知道咩原因，但令人感受不太良好食物❤️❤️❤️❤️🤍食物上佢選擇好多，中餐西餐日餐食物都有，我記得我係下午茶時段黎，佢有好多5，60蚊既飯餐選擇都非常抵食。我叫左個鐵板黑椒牛肉，同奶茶，個飯同pepper lunch好似😍，有儀式感，味道偏重，黑椒味都好強，口感都算唔錯，係d油太多，比pepper lunch還多😅，價格就比其平，抵食既奶茶就都係現時一般店舖質素，更有d‘鞋’口，茶膽可能過份加熱了總括黎講，有可取之處，唔排除會再食，適合附近既打工仔💪…查看更多

有時飯麵食得多，都要轉轉其他食物換換口味以前係澳洲食過東北正宗餃子，白烚都可以好食到停唔到口，今次黎試下呢間餃子專門店，個名起得幾好，易記又貼題☺️環境❤️❤️🤍🤍🤍非常簡單既裝修，冇咩多餘裝飾，半開放式廚房，比客人可以觀看製作大部分食物既過程。枱櫈簡約，擺放隨意，快餐店既視感，仲有吧台適合一個人用餐既客人，坐位不太舒適，可能想增加轉流吧？🤔🤔衛生❤️❤️🤍🤍🤍真係非常一般，就算堂食，食物飲品一率用外賣盒外賣餐具，員工只見收銀個位，唔見有其他員工係廳面收拾，好多枱未執，抹左既枱都唔係好覺得十分乾淨，地下會見到有d污漬，出餐都唔太專業，感覺衛生頗一般🤨服務❤️❤️🤍🤍🤍成個過程只有收銀同取餐時接觸到員工，冇服務可言，因為客人多關係，落單員工2個又有電話落外賣，有d亂，又等得有d耐，取餐叫完號員工就走開，冇同客人對單😐食物❤️❤️🤍🤍🤍我點既係煎松茸素餃，同香椰拿鐵，想食素但又想食得惹味d😋佢既餃真係好大粒，食得好飽，但食到d油‘益’味好重，仲帶d苦，有點兒過咸（呢點係個人口味），食到最後2舊食得有點艱難（絕唔係因為食唔落，我好大食🥲）然後係香椰拿鐵，勁難飲，沖粉咁，冇椰香，咖啡味又怪，明白一間餃子舖提供呢種質素既咖啡好合理，只係佢個價錢收14蚊就唔太值，餃子價錢勉強合理，話哂真係大大粒既總括：好評過多不太真實，唔會想食第2次。。。…查看更多

今次犀利到呢～淨係記得影左幾張餐牌😂野食一落枱已經被狂風掃落葉喇～今次我地係2個家庭黎食野，有小朋友環境❤️❤️❤️❤️❤️環境真係冇得輸，完全係打卡店，除左廚房，其他全部都開放式，行過路過一覽無遺，咁樣有度好，更吸引人想入黎坐下嘆下食下野，裝修明亮，粉粉紫紫又帶金，非常夢幻，充滿童話少女感，圓枱梳化西式精緻設計，坐得都舒服，小朋友都好鐘意衛生❤️❤️❤️❤️❤️店面乾淨企理，冇見到任何污漬污垢，冇灰塵，枱櫈，餐具都十分整潔，完全冇油脂油膩感，呢點非常讚服務❤️❤️❤️🤍🤍可能開放式設計，員工都偏愛向店內走動，我地坐係面向商場又最邊既個張枱，冇點服務到，水杯又細，好快飲完，需要不停叫員工斟水，到最後食完野，先開始多d過黎收拾同斟水。最後更有個小插曲，臨走時水杯自爆，開頭員工聽到聲望哂過黎，但要等到我揮手示意先正識過黎查看，員工反應都好有禮貌，只係有d後知後覺食物❤️❤️❤️🤍🤍我地有叫餐有另外叫甜品同飲品，所有野都好精緻美觀，令人食指大動不過佢呢度都係甜品做得出色，主食小食味道都係比較一般，都好食同新鮮既，主食有點感覺份量都太精緻，唔太夠食，甜品做得好好，配上水果，又鮮美又甜美，影相更加一流。飲品就稍為遜色了，我點左杯沙冰，冇咩味道，冰為多總括：會考慮再黎Chill下既😎…查看更多

環境❤️❤️❤️❤️🤍裝修幾靚，配色精神又有悠閒，海南風，海灘店既風扇同燈裝飾，倍添風情。舒適既坐位，行人通道有d窄，但呢點影響唔大衛生❤️❤️❤️❤️🤍衛生做得唔錯，冇見到枱或櫈有任何污漬污垢或油脂，周邊牆身，邊位角位欄都冇見到灰塵服務❤️❤️❤️🤍🤍正常，一般帶位，上菜，收錢，冇太大記憶點味道❤️❤️🤍🤍🤍唔係唔好食，又冇話差，只係都冇特別既味道／風味，普普通通，價錢又冇特別平貴總括：不太會考慮再黎耶🤔…查看更多

有一段時間活躍係荔枝角，呢間係呢區我最愛既食肆之一，食左好幾次，但我依然唔太專業，掛住食，都冇好好影相分享比大家😅環境❤️❤️🤍🤍🤍講真，真係好求其，一堆木枱、櫈，我黎過幾次，坐過唔同位，有張枱爛爛地，有張搖既，櫈都坐得唔舒服，佢最好係有室外座位，可以比想享受大自然同陽光既客人，但如果熱天，就邊張枱都會熱，因為係極度扯風，個門口又長期唔閂實衛生❤️❤️🤍🤍🤍員工大多係比較年輕既男士，所以細心同愛乾淨方面應該稍弱，每次執台都有好快手咁去抹，只係塊布感覺都唔係乾淨，次次坐低張枱都‘’立痴痴‘’🫥餐具都係。。筷子都好殘舊。。應該唔係故意做出黎既老式情懷吧？😶‍🌫️服務❤️❤️❤️🤍🤍原因同上，效率好快，快手快腳，快出餐，基本禮貌都有，係cool左d既，不過我ok既🥰青春、活力既帥哥啊💁‍♂️💁‍♂️💁‍♂️不過就真係有點粗心大意，衛生、服務、態度都麻麻，入座都係叫左聲隨便坐就算食物❤️❤️❤️❤️❤️老實講，餐牌唔豐富，選擇唔多又唔夠彈性，純粹係想食台式飯而試，點知一試愛上我食過佢鹽穌雞、醉雞、魯肉飯、佢仲可以揀小食，配埋杯飲品，食飽飽鹽穌雞唔係我食過最好食，但合格👍醉雞個人超級鐘意，調味真係剛好，酒味咸味好平衡帶d甘香，又唔會有苦味。魯肉既肉同配菜配搭均勻，口感相互，汁緊貼住每樣食材，調味剛好，配上白飯，簡直一流，口水都流🤤🤤但飲品就……太甜，揀少甜就變左溝水咁淡而無味。。。價錢就。。。其實我覺得有d貴，只不過佢d食物係值呢個價錢既，其他就。。。拉左個curve啦…仲有，希望餐牌多樣化少少，可以加錢附加多樣主餐既餸／白飯／小食，小食增加幾樣，絕對可以增加每張單既總價，或者整d輕量餐，有客人試過好食，之後就會愈點愈大份嫁喇！絕對有信心😎總括：肯定會再食，個調味完全合哂我河車…查看更多

環境❤️❤️❤️❤️🤍都係意樂個類既裝潢，不過係牆上既掛飾幾特別，有d8，90年代味道😎衛生❤️❤️❤️❤️🤍程度都係一般，可能有d受內部裝潢顏色影響，感覺唔到太乾淨企理既感覺，但相信衛生係冇問題既😬服務❤️❤️🤍🤍🤍嗯…下午茶時間黎食，客人都keep住頗高流動性，所以員工都幾忙，加上做飲食業通常呢d時間先開始輪流食飯，人少服務唔到位都情有可原，不過食物等得真係有d耐，我都等左半個鐘味道❤️❤️❤️❤️🤍輕量，所以真係幾少下，雖然平面睇好似好大份，其實個飯係非常薄既一層，幾下就食完🤣🤣my bad🤪咁都可能係因為幾好食，所以我好快食完:)我食焗豚肉飯，汁非常充足，每一啖都係滿滿既惹味，豚肉切塊，口大d可以一塊一啖，啖啖肉，彈牙又軟熟可樂冰底非常爽快佢餐牌都仲有好多選擇，介乎係茶餐廳與台式餐廳之間既選擇總括：會再黎食，打工仔、女士、小朋友非常適合黎，因為可以食輕量，價錢又再彈性d喇☺️…查看更多

環境❤️❤️❤️🤍🤍環境一般得黎其個別特式風格都幾出，木枱木櫈配黑色框架，型格隨意路線，就算係好耐前食，我睇番d相都記得係邊間食衛生❤️❤️🤍🤍🤍記得都係麻麻地，都係個種好d既茶記式運作，抹台塊布感覺抹左大半日都冇洗過個種服務❤️❤️❤️🤍🤍都係一般，電話掃code落單，除左帶位落餐埋單，冇咩點接觸員工，都係d正常普通既對話，感覺平常食物❤️❤️❤️❤️❤️我同友人叫焗飯同加配左個薯條配芝士茄醬，實際菜式名已忘記😆飲熱奶茶價錢實惠，飯量足，有得加配食物，非常夠飽性價比高，食物味道可能係焗飯比較容易加分，個薯條冇話整得好香脆可口，但係個汁就真係好好食，不過食得多有d膩，應該飲檸茶檸水比較好，但我配左個奶茶，奶茶都係普通質素佢餐牌上都有好多選擇，唔同配搭，會令人諗下次黎食咩好總括：唔錯既選擇，咩時段食都岩既…查看更多

記得呢餐係上年母親節前席食，抱歉，本人很懶。。。而家先想起要食番食評，見諒見諒🙏🙏🙏🙏🙏其實本人係非常唔鐘意去d有名氣，又多人排隊食既地方，因為大多都是大集團，虛名，空有一堆打手為其助威吶喊，打造名氣。但今次係長輩想食，所以就去左環境❤️❤️🤍🤍🤍好普通既裝修，對比佢既出名程度，呢種裝潢我真係不能接受，非常簡單又顯笨重，完全係冇係門面裝潢上花過心機，佢最出彩應該係將麵粉工場放係門口，吸引大量人圍觀，亦令人覺得食物新鮮製造，加倍好味:)呢點係值得讚賞既衛生❤️❤️❤️❤️❤️人流如此快而且量大，都可以保持地面乾爽，枱面冇一絲油立立，成個店舖營運係快速整潔既服務❤️🤍🤍🤍🤍差，堅差，差到爆，由門口接待，編排坐位，到食野埋單，都成肚氣門口等得又耐，人又多，仲要比商場呀姐因為拖地叫我地避左避右，仲要聽佢話d人整污糟地下，輪到我地準備入座時，員工自己溝通，我地企係門口又唔知等緊乜，左望右望左避人右避人咁編排坐位，我地6個人，佢因為忙，客人多，夾硬拍2張枱塞多張櫈要我地坐4人枱，肥d都轉唔到身，其實佢枱大咁做都尚可接受，但係咪應該事先講明？而家茶樓搭枱呀？茶記式夾硬塞呀？你食物收咩價錢？服務費冇收嫁？同個員工講又扮聽唔到走開用餐其間，想搵人斟個水又冇，叫人接點餐紙又冇，問多2句又唔耐煩，係後面扮哂忙係度大叫係係咁應第d客人，食完又趕人走咁樣，叫個埋單都要叫2次，一起身野都未攞齊就有員工係側邊企係度等你走咁食物❤️❤️🤍🤍🤍我地叫左小籠包，抄手，山藥菇麵，仲有幾樣唔記得喇，好食係好食，尤其個小籠包，係冇得彈，不過諗番百幾蚊6粒，我又覺得應該係要咁既質素。整體食物味道係滿意既，但而家時代既人，要求唔單只係食物質素，仲有服務同性價比，當然仲有其他因素，就呢次用餐經驗，我認為呢度性價比偏低總括：有錢食都唔想比佢賺…查看更多