hungrymiss的个人专页

疫情下晚晚煮, 煮到頭都大埋. 今晚都係買外賣算, 諗起附近開左間幾大間既清湯腩, 裝修新淨光猛好似唔錯!清湯牛腩飯 $58好耐冇食清湯腩啦! 加$6就可以轉崩沙腩, 梗係轉啦!  一打開比湯浸住唔覺眼, 一不落去, 份量估唔到咁多, 好多舊呀崩沙腩有軟筋膜口感爽脆,  肉軟腍,有肉香 口感煙煙韌韌, 清湯香甜唔油膩, 正!  仲有白蘿蔔都係好野, 冇渣又甜。 醉雞飯 $53醉雞加$5就可以轉脾, 皮香肉滑就最夾花雕, 酒香突出, 入味之餘又有雞味, 好食。另外加碟油菜 $19, 都唔馬虎, 加左D腩汁又好味D。碗崩沙腩又多又高質, 覺得好抵~ 醉雞都好食, 150蚊有找, 快靚正好似好過自己煮~~…查看更多

食完雞煲落到樓下見到依間迎開糖水鋪, 新到招牌都未搣, 原來試業中! 見唔到就話, 見到就想食糖水, 就入去外賣番屋企食~ MENU設計幾靚幾吸引, 好多款中式糖水, 而且係每日新鮮製造, 依D手工野又傳統令我有D期望~店入面既裝潢好簡單, 簡潔明亮又唔會好迫狹。外賣包裝整潔, 盒面上寫上簡單字以識別邊碗打邊碗, 貼心。楊枝甘露 大大粒芒果, 當然唔少得柚肉同西米, 楊枝甘露好香甜, 味道岩岩好!芋茸蓮子西米露 推介! 芋茸味道好突出, 融入於西米露內, 所以質感杰身, 好濃郁呀! 加上甜甜地既蓮子,  絕配! 中意芋頭味既人不可以錯過。白果蕙米腐竹入口好滑溜, 白果香重, 底部好多蕙米, 每啖都食到D好有口感, 腐竹已經煲到碎哂變左精華, 整體味道清甜,  好味~相信依間糖水鋪真係完全手工, 做既糖水既味道都好天然, 又香又甜反黎唔會有死甜味,  LIKE!…查看更多

之前係天后食過既馬祖又開多間係銅鑼灣啦! 銅鑼灣分店係正vpoint樓下, 而且店內燈光同裝潢色調明亮, 加上一邊落地玻璃, 仲有2人同4人卡位, 座位設計寬敞左, 整個空間感更大更舒適。11點後有全日一人餐, 包括小食, 主菜同飲品。 如果想散叫都可以, 另外有個晚餐menu既, 見佢小食多款又幾吸引, 就一於叫一人餐化算d藥膳上湯濃汁手作牛丸牛丸咬落好有質感有咬口, 叫得濃汁牛丸果然咬爆個下有汁必出黎, 正!鹽酥墨魚春卷墨魚春卷面頭脆身內裡彈牙, 鹽酥加上少少辣粉, 香口又惹味。藥膳麻油雞飯 $96未食已經聞到超勁麻油香, 呷一口湯, 除左麻油味外仲有藥膳味既後勁, 而且不失清甜, 唔會因為麻油而令湯變得油膩, 當湯飯咁食好正~ 雞件份量多, 而且件件都好好肉地, 好足料!香辣養生湯農場雞米線 $96食親粉麵都要加辣既我, 揀左香辣養生湯, 一次過滿足兩個願望可以見到養生湯底藥材配料, 紅棗圓肉杞子齊哂, 仲有木耳添, 湯底夠哂濃味! 中辣對我黎講岩岩好, 辣汁又香又有辣勁。另外幾中意食完成個米線都唔覺口渴, 全無味精感, 真係幾健康!無糖茉莉花茶 $2 依度既自家特飲好抵飲, 好似茉莉花茶, 柑桔檸檬特飲依D比較健康既飲品咁, 熱既唔洗加錢, 凍既都係加2蚊! 茉莉花茶清香就算冇糖都唔會好淡口, 我中意!…查看更多

好耐好耐冇食車仔麵啦, 真係好想食但係因為疫情關係, 已經好少堂食, 而就算堂食都盡量去d大d闊落d既餐廳, 車仔麵店通常比較迫狹多人, 食得冇咁安心。今日同個同事傾開計, 係咁叫我地去食荔枝角依間車仔麵, 話乾淨企理絕對唔嗱渣, 餓左車仔麵咁耐既我放工就同個同事一齊食! 入到去見到d位兩個兩個同隔板隔開, 而且鋪位係車仔麵店黎講都算大, 又真係幾企理! 枱面已經set好左位, 有餐墊, 銀包架, menu整齊放好, 仲有獨立包裝既餐具, 一眼睇哂非常整潔。依度仲準備左6款唔同風味既辣汁, 仲好貼心寫埋如果想試味可以問店員拎試味碟, 中意食辣既真係開心!我同同事都叫左米粉, 加左麻辣醬, 店員又好貼心咁辣汁另上, 話驚我地太辣, 果然好夠辣勁, 又麻又香又辣, 正!  我揀左辣魚蛋, 蘿蔔, 滷水雞翼, 牛骨汁牛丸同牛腩, 全部餸都合乎水準, 特別推介辣魚蛋同牛骨汁牛丸~ 辣魚蛋好惹味而且大粒又彈牙, 牛骨汁牛丸咬落爽彈之餘好juicy, 而且牛汁味濃, 一定要試。我同事揀左滷水豆腐, 魚肉春卷, 蘿蔔同腩肉,  每樣比左舊我試下, 滷水豆腐好入味, 而蘿蔔都係必點, 又甜又腍又冇渣!見佢車仔麵都幾有水準, 就叫多d小食試下。全部都即整熱辣辣既!炸雲吞一口一粒, 脆卜卜非常香口, 而且真材實料有滿滿蝦肉係入面。蜜糖燒賣炸燒賣本身只係一團麵粉, 但脆脆地咸咸地再加左蜜糖就停唔到口。脆B生煎包幾特別, 包皮比一般生煎包薄脆, 入面既肉餡飽滿又juicy, 有驚喜!車仔麵店黎講依間真係超班, 淨係環境同衛生程度已經令我留低深刻印象, 加上車仔麵同小食都好好食, 一定會再回頭~…查看更多

南記深受打工仔喜愛, 皆因佢又平又好食, lunch time去食番個又夠哂飽肚! 最中意既湯底就係酸辣湯, 入面有好多酸菜勁正, 今日食牛丸春卷米線, 牛丸彈牙春卷一如以往好味~ 而且南記既米線又滑又硬身, 係我中意既口味…查看更多

吉豚屋既吉列算係貼地, 唔貴正常一個飯60至80左右, 我就比較中意佢既滑蛋豬扒飯, 配埋佢既豬扒汁,吉列蝦就大部分都係緊炸粉, 一分錢一分貨, 依度既吉列唔夠鬆化唔夠脆。但係成個飯加埋佢個豬扒汁就會好味d, 間唔中去食下都ok既!…查看更多

又食牛角下午茶啦, 今日唔食燒肉食石鍋飯, 佢d石鍋飯餐7折後勁抵食, 同出面食lunch價錢差唔多只係60蚊左右, 但係牛角食物就一定有咁上下質素牛肉入味, 中間生蛋黃拌飯真係不可或缺! 仲有牛角飯上面既紫菜碎, 正 因為用石鍋所以成個飯keep住好熱辣辣, 拌飯黎講依個質素好高又平, CP值高!!…查看更多

今日同屋企人去食rubytuesday, 中意個度既野食大大份岩哂一堆人share, 加左錢食salad bar, 但係saladbar都幾差因為佢限定只可拎一次既時候個個出去拎都係堆到好滿, 結果跌哂d料落bar枱, 一來salad bar大部分野長期都係吉既, 二來d野跌正周圍都係衛生麻麻, 要叫店員refill d沙律材料先可以不到我地盤沙律, 其實比人不兩轉之後, salad bar又吉哂其他主菜食物質素都幾好, 特別係甜品好好味, 推介tall cake同埋芝士蛋糕…查看更多

大家樂燒味飯一向都唔錯既, 價錢又平今日lunch就諗住快靚正食個cha燒飯! 同師傅講要瘦d因為近排減緊肥, 份量都幾多! 瘦得泥又唔太乾柴, 快餐點水準ok啦～ 見d員正忙得黎又幾nice, 服務唔錯…查看更多

最中意食牛角下午茶 過左2點半之後有7折, 加錢食牛角飯仲可以無限添食, 有埋野飲同沙律跟餐。一定會揀有牛既餐, 無牛既當然係平d, 不過黎牛角點可以唔食牛呢, teatime都唔係話好爆, 始終星期1至5, 所以我就坐得幾舒服, 幾靜。可以慢慢享受一人燒肉…查看更多