nomnombae的个人专页

係附近做完野揾食，見到假日要排隊嘅pancake店竟然有位，餐牌都無睇就入左去坐低😅多數食pancake都係食甜嘅，但午餐想食啲咸野，就叫左個煙三文魚牛油果pancake～估唔到咸味嘅pancake都唔錯，加埋個沙律都夠飽lunch set包一杯飲品，我就揀左cappuccino,埋單$100左右~…查看更多

依間元氣新裝修好，有高速列車送餐，咁啱經過就去試下啦～一坐低就有個QR Code，用手機scan就可以自己點餐，睇啱食咩就順手落埋單。方便左又減少漏單嘅情況👍🏻三文魚頭湯可能容易傾瀉，所以係侍應送過黎而壽司就全部都由高速列車送到面前，當拎走上面嘅食物，列車就會自動返去～我同朋友都中意食呑拿魚，所以主要都係揀依種魚。香辣呑拿魚蓉都幾夠味，而且魚蓉都幾大舊😋仲叫左香葱呑拿魚卷，外面有層芝麻都幾香。驚唔夠飽叫多左個卷同章魚燒，章魚燒嘅外層仲係燒嘅，應該係新鮮整嘅😋兩個人埋單$200左右，假日嘅簡單午餐都算ok…查看更多

同一班朋友食lunch又想坐得好啲傾耐啲，就入左依間越南餐廳。本身唔太肚餓，但見午市套餐抵食啲就揀黎試下~套餐98蚊包小食，主菜同飲品。我就揀左雞串燒，雞絲湯河同滴滴咖啡。雞串燒上面有醬汁同炸過嘅蒜片，味道唔算好特出。雞絲湯河嘅湯底唔會太濃味，配料有雞絲同冬菇絲，不錯不錯🐥👍🏻等到最尾先飲嘅滴滴咖啡一開始已經上左枱，所以已經無咁熱。可以配煉奶飲，味道唔苦👌🏻…查看更多

行商場咁啱上到去就俾門口嘅裝修吸引左過去睇，反正諗唔到食咩就入左去啦啤酒買一送一，當然要叫返兩杯啤啤佢🍻叫左個燒魚翅黎送啤酒，味道咸咸地，口感有啲似燒魚乾，不過凍左食就會有少少腥明太子卷蛋都好大份，入面嘅明太子份量好多~澳洲和牛串燒，我地揀左鹽燒。牛肉唔會燒到乾哂，但就無乜特別啦。香蔥呑拿魚腩卷都幾好食，不過上面嘅魚腩可以再濃味少少就更好。見到燒元貝上枱都哇左聲，仲有火係下面燒緊。食嘅時候有諗過會唔會燒燶筷子😂元貝燒左一陣都唔係好夠熱，食落都無乜驚喜。雞湯烏冬👍🏻👍🏻湯底夠濃，仲有成隻煮到唸哂嘅雞脾，雖然配料簡單但就幾好食…查看更多

之前上網見到介紹陳黃記嘅藥膳湯底，就揾個機會試下～一出左石門站一直行就到，鋪頭入面都幾闊落，就算人多都唔洗同隔離枱手肘碰手肘咁食。叫左一枝雪梨山楂水，兩個小食同招牌嘅藥膳米線。雪梨水酸酸甜甜幾醒胃，兩個人share一枝啱啱好😋流心醉蛋好香酒味，蛋黃偏向似溏心蛋，煮得夠入味👍🏻瑞士雞翼嘅汁好濃，雞翼都吸哂啲汁，平時唔太食雞皮嘅我都覺得唔油膩，如果可以大份啲就好啦haha今晚嘅主角就係呢碗人蔘雞湯米線！入面有人蔘絲，枸杞，棗同雞塊，麵底有幾個選揀。湯底飲落有人蔘嘅甘味，唔咸無落味精，平時食麵都好少飲啲湯，今次都飲左大半碗😍👍🏻兩個人埋單$160左右，抵食又好食，下次再試下其他湯底嘅米線~…查看更多

本來同朋友去K11想食嘅pancake店裝修緊，唯有去揾其他野食。行過Luna cafe見除左蛋糕，都有主食，就入左去試下~店面唔算大，但環境唔錯，都幾安靜，啱哂我地食野傾計😝揀完就出去點餐俾錢，侍應會送過黎。我地唔太肚餓，就叫左一個意粉同甜點share蕃茄肉丸意粉嘅賣相唔錯，蕃茄醬夠哂濃，入面仲有茄蓉同茄粒👍🏻而肉丸嘅味道都好夠，唔會淡而無味。因為怕太膩，就只叫左一條抹茶芝士脆條分享。外面嘅脆皮有杏仁粒，食落都幾鬆化，而入面嘅抹茶芝士，抹茶味都足，而且口感好滑。有機會會再試佢嘅其他甜品～…查看更多

同同事係跑馬地食lunch,記起之前幾過依間泰式餐廳，見set lunch 幾扺食就去試下。set lunch都有兩種，貴啲啲有湯/小食+主食+飲品，我地都唔太肚餓就揀左普通嘅主食+飲品佢地叫左炒飯同Pad Thai，份量都唔少。我就揀左紅咖哩(雞)飯，套餐包埋飲品~紅咖哩味道都幾濃，椰汁味重，唔算辣。泰式奶茶味道相對比較唔甜，而加埋冰之後有啲淡，不過都係好飲嘅。埋單每人$70左右，係跑馬地黎講價錢算可接受，環境同食物都唔錯，有機會會再黎~…查看更多

同朋友去開灣仔覓食，本身想去嘅地方離地鐵站有啲距離，又落住雨，就諗住行返出去求其揾間餐廳，點知見到個門口同餐牌都幾吸引，就走左上去試下。餐廳嘅入口唔太顯眼，朋友上黎嘅時候都行過龍。😅我地幾個都唔太肚餓，就叫左兩個主食同一個小食share～薯條炸得好好食，不過鹽略嫌多左啲。配嘅沙律醬有黑松露，食落好香停唔到口😝大蝦鴨肝意粉食落辣辣好惹味，個汁有蕃茄同紅蘿蔔粒。鴨肝煎得唔錯，旁邊有黑醋汁可以配搭。本身想叫個墨汁黑白意粉，但已經賣哂，所以就轉左五香豬肉温泉蛋手工粉。其實同肉醬意粉差唔多，不過手工粉幾特別，似係長條型嘅貝殼粉。温泉蛋就好似有少少過熟，切開嘅時候無流出黎。餐廳嘅飲品同裝修都好適合打卡影相，不過我地都無叫到，可能下次再試啦～…查看更多

去開元朗睇戲，就順便行下YOHO MALL，兩年後再黎，開多左好多餐廳，一時花多眼亂都唔知點揀。一坐低會有個QR Code落單用，自己揀食咩就可以直接落單。兩個人叫左兩杯飲品同兩款主食。Hazelnut Latte 同Ginger Caramel Latte不過不失👌🏻值得一讚係除左牛奶外有更多選擇，仲可以轉用荳奶，杏仁奶或者燕麥奶，係免費架！🥰鑊仔薯粒係餐廳招牌之一，我地揀左和牛牛粒果款🐮鑊仔上枱時仲熱辣辣，有芝士，蛋做配料，和牛粒唔算多。雖然係baby size，但全部都係飽肚嘅食材，所以都夠食。另外仲叫左青蘋果窩夫🍏窩夫十分鬆脆！切嘅時候覺得好驚喜，竟然唔係一般好厚實果種😋…查看更多

成日經過呢間野都想試，星期六同朋友行過就決定入去試試佢咩料子。因為我地兩個都唔係好肚餓，就叫左個pizza set share。Pizza + latte 總共$89三文魚pizza本身冇好大期望，因為始終都只係一間coffee shop，但係呢個pizza食落出奇地好食，蕃茄仔好juicy，同埋三文魚好夾。Rose latte呢間咖啡不嬲好高質，次次行過一定要叫杯cappuccino攞走。果時心血來潮叫左杯玫瑰花味，可惜就唔係好岩我口味，我都係比較鐘意傳統咖啡，呢種可能岩女士口味多d…查看更多

同朋友去開觀塘揾野食，經過轉角位見到依間好似幾正就入左去。我地入去嘅時候啱啱開鋪，但坐左15分左右已經愈黎愈多客人。餐廳好細心，見到旁邊有兩三枱有小朋友，會主動搬bb凳，仲提供膠餐具俾佢地👍🏻我地叫左cappuccino 同flat white，兩杯都唔錯仲有Egg Benedict 同cheese burger。Egg Benedict煮得啱啱好，仲有牛油果同ham做配料，夾埋一齊幾好食~Cheese burger 嘅牛肉好juicy,值得一試！…查看更多

最近大家都忙工作，難得同朋友約見面，就揀左個地方食早餐。之前都聽過西貢嘅let’s jam,不過尖沙咀依間對我地黎講會就腳啲~我揀左九宮格多士，可以一次過試多幾種唔同味嘅果醬😋自己就中意薑味，夠哂特別。整體黎講都唔算太甜，每格份量都夠搽滿一格多士👍🏻飲品就揀左桂花雪梨茶，未飲已經聞到好香桂花味，入面好多雪梨肉，真材實料～朋友食嘅意粉都好似幾好食，下次要再黎試下～…查看更多

訂左枱係Grand Hyatt食飯，見未夠鐘就去左酒店嘅酒吧飲杯野。入去嘅時候尚算早，所以只有2 3枱客人，侍應就俾我地坐係梳化。中間嘅圓型吧枱有一大束鮮花裝飾，十分華麗✨坐底就上左小食盤，有果仁，蔬菜片同pretzels 🥨。本來諗住有pretzels好正，點知已經’淋’左..😔但蔬菜片就仲脆嘅，唔錯👌🏻我麻麻地酒類，所以叫左杯西柚汁梳打，飲落酸酸地幾醒胃，但就無乜西柚味，都幾好飲嘅。…查看更多

天氣轉涼，最啱食啲熱辣辣嘅野，就去左何文田食石鍋烏冬。係旺角東站行過去好近，大約十分鐘就到。叫左一個小食同烏冬。坐係吧枱隠約見到入面一個個火光熊熊嘅爐頭燒緊客人嘅石鍋烏冬🔥🔥玉子明太子燒上面有燒到燶燶地嘅沙律醬，明太子就唔多，個蛋都幾厚，味道甜甜地。石鍋牛肉烏冬就揀左咖哩湯底，上枱等左5分鐘無咁滾先食到😂好香咖哩味，唔會太咸，魚嘅味道好淡，因為已經俾咖哩味蓋過。烏冬好彈牙，好好食，唔係外面果種普通嘅麵，就算浸係湯度耐左都唔會’淋’晒。…查看更多

行開銅鑼灣，記起朋友介紹過嘅刀削麵館就去左試下。我會食辣，就揀左招牌嘅口水雞藥膳刀削麵，雞同麵會分開上，刀削麵係用鍋上，黎到嘅時候仲係滾緊嘅😯湯底好香淡淡嘅藥材味，飲落唔會有藥材嘅苦味，亦都唔會太咸。而口水雞嘅麻辣啱啱好，底下有青瓜吸晒啲汁👍🏻而醉雞就好香酒味，雞肉亦唔會好’鞋’口，如果之後經開都會再黎～…查看更多