ivylo415的个人专页

星期日太陽好曬, 跟友人決定先在附近食個TEA,選定了九龍城的Chip In Fish & Chips Bistro,坐下才發現 7 days left...餐具整潔乾淨, 友人要求我拍照放上來.MEUN上都有不少食物, 大部份都係煎炸看到fish and chips都有晒心理準備~經典吧, 薯條好熱, 新鮮出爐,魚肉好滑, 外面脆卜卜, 不過粉漿略嫌太多了, 後面有一部分仔都是沒魚的.同樣地墨魚外面一圈都是空空的, 墨魚都可以成功咬斷!都OK~洋蔥圈咬一口差不多都散開了...味道幾好, 我不多食洋蔥, 這洋蔥味不算濃.…查看更多

友人在觀塘返新工, 下班時間相約在APM食晚餐感覺好耐冇食泰國菜, 決定去試下御泰坊~MEUN不算話有好多選擇,傳統既野就一定有.需時25分鐘的<椰青海鮮焗飯>好濃郁的椰汁香! 海鮮大部份在相中可見..裡面有D魷魚椰肉都可以刮到出黎食! 好味~<生菜包香葉炒豬肉>菜只有6塊, 有3塊仲穿左, 食晒D菜仲有好多豬肉...同埋好咸, 連埋D汁更咸!!!<蒜蓉炒通菜> 通菜整到短短, 我諗大慨2寸,味道不過不失.啖啖肉之選既<豬頸肉>肉質爽口, 配上辣椒汁更惹味, 好味!<蝦餅>外暖內熱, 都係熱辣辣最好味,加上醬汁酸酸甜甜!…查看更多

因為在isquare睇戲, 係度周圍望睇下有咩食,有間泰茶冇咩人等就決定入去試下!餐廳都算大, 入到去已經拼桌,4變2+2(係咁意拉開左個位咁)點餐後會列印出黎貼係桌邊,不過全泰文, 係完全不知道說什麼的因為職員見到我地坐好耐都冇野食,都會主動過黎睇下單,幫我地跟下!椰青, 印象中$35水係滿滿在裡頭, 好甜, 不過感覺都不多 (我貪心了嗎), 肉容易刮得出, 不算特別嫩.細既小食拼盤,我以為有蝦餅之類, 結果無, 有點失望!雞翼有蜜糖, 好味!其他都係熱辣辣, 都OK.芒果蟹肉炒飯就快見不到的蟹肉, 食食下已經冇蟹味,芒果普通, 加埋一齊我覺得怪怪, 又乾又濕咁(我不識欣賞)實在係好普通既一個飯.明爐烏頭魚魚都係咁啦,個湯汁好味!新鮮青檸, 酸味十足,一飲落去又酸又辣超正,味道又濃, 好好飲!…查看更多

偷得浮生半日閒, 中午與友人到了現祟山食飯地下有間西餐有露天及室外的座位.有SET LUNCH的, 主菜及飲品一杯.9個選擇, 可以加$10配沙律/湯我選的是F, 澳洲牛肉漢堡包配著角及素菜沙律(黑淑汁/洋蔥汁)嘩嘩嘩!! 點解個漢堡包可以咁大個?!要把漢堡包分成4份, 有芝士,菜,洋蔥,蕃茄,牛肉.本身個包沒什麼醬汁, 是牛肉帶有汁, 不會覺得乾巴巴.牛肉味道幾好, 有汁本身有點調味!薯角很好食, 雖然看上去像重炸(比較深色厚身), 都是外脆內熱的!素菜沙律份量可以多一點點 (我都明白漢堡包比較大)!友人點的餐..因為坐室外, 被蚊子看準, 都叮了幾口,下次再食要坐室內~…查看更多

琴晚在九龍城蒸腳後去了南角道的oslo.因為門外修路中, 有少少隱蔽!裡面裝修簡潔舒適,室內分兩邊.有一款二人套餐1. 田園沙律 / 廚師湯2. 一款主菜3. 甜品4. 飲品(竟然拍錯了, 這是一人晚餐!!!)廚師湯 - 白湯只有粟米, 不過都有忌廉, 不算稠!鮮忌廉煙三文魚意粉忌廉味出色, 意粉彈牙, 煙三文魚不會好大陣味!意式煙鴨胸意粉看到有鮮蕃茄在裡頭, 醬汁偏酸,鴨胸煙韌好味道!綠茶紅豆多士盒紅豆上有甜甜的糖霜, 更有2球綠茶雪榚最震撼應該是濃濃畫上花的CREAM!!麵包有蜜糖脆卜卜, 好食!飲品:薄荷朱古力 - 沒薄荷味但有濃濃的朱古力水蜜桃綠茶 - 不甜微酸, 有水蜜桃香味~店舖面積不大, 人客不算多, 職員不多所以上菜時間有點慢, 有足充的時間才來吧!…查看更多

晚上同朋友跑步後, 因為朋友未食晚餐,打算到毓華街隨便搵嘢食, 行到去毓華里,見到有間新野喎, 裝修仲幾靚仔!原來朋友之前都有留意過, 米飯主題餐廳.企係門口望下, 價錢OK喎, 好似幾靚仔咁, 決定一試!裡面的環境都乾淨企理,MON上有7個<是日套餐>可選擇,價錢都是$33-$38, 價比性高!MEUN都有不同種類的食物,米線/沙律/鐵板飯/焗飯/蛋包飯等等因為去到已經差不多10點,1030左右要埋數CUT單,有些食材都沒有了~友人點了<田園鴨胸鐵板飯> $38, 追加迷你沙律及蒜容包($16)迷你沙律 - 醬汁都幾好味, 有埋粟米係度, 菜不會苦蒜容包 - 厚身一點的方包, 不脆不夠香, 不推介.<意式香草雞肉丸> $26沒想到上面有濃濃的芝士, 都可以拉絲了.雞肉丸好食, 很好肉地, 加上醬汁很好味.我地兩個都點了荔枝蘆薈冰紅茶,超級甜!! 上面的冰全部溶晒都係好甜,特別如果飲管係底部開始飲, 甜到我頂唔順.其實食物與價錢比例是可以接受,不過盡量小心選食物, 甜的我會避免.…查看更多

九龍城出名多泰國菜,絕對是總有一間在左右,今次入到龍崗道的昭拍耶!我地有4個人, 店面都好乾淨, 是家族式經營.剛好是星期日, 很快就有位, 但過多陣就開始爆場~炸蝦餅好正!新鮮即炸, 好燙口夠彈牙, 味道相對有點淡不過OK!如果加上醬味道更好更豐富!椰青椰汁好甜, 裡面的肉又好滑嫩.青咖喱(豬)+薄餅初初食落去唔太辣, 但過多陣就開始感到辣了~椰香味唔太夠, 但配埋薄餅就好正包埋塊豬肉一齊食, 一流!不過怕辣既朋友就食唔到咁多蠔仔蛋蠔夠晒大粒, 不過就唔夠蛋香感覺無咩蛋咁底個度仲有芽菜墊底, 溝埋一齊食都幾正嫁生菜包(豬)本身都好鐘意食泰國野, 特別係生菜包呢間D菜同豬肉都好岩岩好, 唔會話食完菜仲有一堆豬肉但呢個生菜包真係幾辣!想食既朋友要留意一下其實還有個酸辣鳳爪, 不過沒影相但鳳爪真係好辣, 鐘意食辣的朋友可以一試~注意: 店舖只收現金…查看更多

早前一田大減價在裡面擠擁了一下, 被擊敗決定在新城市食個晚餐.決定了在Bene Italian,沒想到外面小小的一家店, 原來裡面很大的!有晚市套餐- 沙律/湯- 主菜- 飲品朋友點的是豬扒鵝肝豬扒硬一點, 用力切. 鵝肝都OK~點了一個小食, 蜜糖雞翼推介!! 很好食, 熱辣辣脆卜卜, 甜甜的裡面的骨拆了一條, 可以很有儀態地進食~四式芝士薄餅個人覺得不算有太濃烈的芝士味,其實芝士咪是很足夠的, 但因為是四式, 我預期會很濃烈!海鮮墨汁意粉是用墨汁而成的意粉吧, 因為牙齒都沒有黑黑的!都OK, 不是太特別.…查看更多

在工作遇到不順, 突發性約友人共進餐, 打算發揮小宇宙狂食的.到了現崇山的元祖橫丁, 當時晚上7點多,不需要等位, 座位有分外面裡面 (外面=商場位置開放式)!食身種類多: 前茶/沙律, 壽司, 卷物, 刺身, 鍋物, 天婦羅 等等晚市飲品 讚好FACBOOK有半價飲品.六款不同的壽司, 夠鮮甜!厚身肥美的刺身, 芥味令我有淚水了.醬燒三文魚腩壽司,入口即溶, 很讚! 推介~海老天婦羅外脆內熱, 大大隻蝦好味!南瓜天婦羅薄片上, 沒特別.吉列南瓜薯餅有濃濃的南瓜味, 清清地.吉列紫芋薯餅 甜甜的紫芋是我的大愛, 食完都已經飽了.對了, 讚好及分享FACEBOOK專頁有9折~食物質素幾好, 服務無問題, 座位不逼很舒適~會再次光顧~…查看更多

朋友來九龍灣與我進共午餐,選擇了SCHOOL FOOD.一開幕時經常性出現人潮, 現在都減退了.入座限時75分鐘,午市套餐三選一小食, 九選一主食, 包一杯果茶及甜品.小食: 韓式炸餃子/香辣雞翼餃子身做到很乾脆 (不同形狀的), 裡面都保留汁, 不過不失~雞翼肉質很嫩滑, 但比想像中要辣!主菜: 廚師卡邦尼年糕/ 醬燒豬頸肉拉面雖就有一條辣椒的辣度, 沒有感到辣.卡邦尼很稠, 夾起來好像切出來的年糕很煙韌, 另外粉絲配上卡邦尼也很美味~醬燒豬頸肉拉面這豬頸肉外貌像牛肉, 加上洋蔥絲可以減輕醬燒的濃味醬汁足夠, 配上拉面味道更豐富.拉面上可以看到有一點點紅色的辣椒,越到底越辣!甜品是綠茶紅豆布丁可以看到上面的2粒是紅豆, 嗯, 甜甜地綠茶布丁有彈性, 不是很濃烈的綠茶味.朋友覺得太甜都沒食完.上面圖中都有拍到飲品, 是蘋果茶很甜, 可能是希望幫助我們中和辣味...套餐有4款東西, 價錢可以接受, 飽飽地離開!…查看更多

星期日下雨天與姊妹到了油塘大本型到了Spade by Lassana享受個下午茶今日下午茶時段由2點開始未夠鐘只好坐著看有什麼好東西位置都算多, 是開放式的環境乾淨, 越坐越多人有小食熱食及層架可以看到職員把層架一個個準備好即時製作!來到這次的重點:和風新滋味層架留意返, 跟傅單上是有點出入的!第一層有馬卡龍(macaron) 及 三文魚他他脆脆馬卡龍真心甜, 面層不夠鬆化完全不知道中間是什麼, 食不出來.三文魚他他脆脆三文魚好足料, 底好脆, 耐左都不會軟但脆脆可以厚一點點, 好味.第二層有綠茶雪榚 及 迷你士多啤梨吉士牛角包綠茶雪榚: 濃郁的綠茶味, 沒渣很滑.迷你士多啤梨吉士牛角包: 吉士是硬一點 不是想像中的creamy底層是吞拿魚三文治 及 迷你沙律蟹柳漢堡 及 朱古力酥吞拿魚三文治: 餡料足, 帶有醬汁不會很腥朱古力酥: 面層甜甜配上朱古力好夾, 酥夠鬆脆!迷你沙律蟹柳漢堡: 味道一流, 一絲絲的蟹柳配上沙律醬更帶有黑椒!同時餐配有2杯飲品另外加了個<白雪與巫婆>上面都是滿滿的香蕉及有一球焦糖香蕉雪榚是很鬆軟和帶脆的吐司!不要依賴meun點菜, 有機會沒有及上其他東西指著<<和風新滋味>>餐牌上的東西卻有分別, 沒有預先通知!…查看更多

一直都想試一下炑八韓烤, 近近地去九龍城食地方都大, 位置鬆動, 一到即坐.下面有隻傳單有一份指定肉送的~坐底就送來前菜沙律.泡菜.芽菜.海帶.燼邊有粟米芝士 及 泡菜蛋.先來一個厚切五花腩其實是一大舊上的, 之前有職員成個放上去燒, 再之後有人黎剪開佢肥膏位不算特別多, 我覺得適中, 想咬開不過失敗!下載佢地個APPS係可以送芝士生蠔,芝士很稀, 食起來一陣腥味.泡菜芝士薄餅底是泡菜, 可以看到面頭白色全是芝士這薄餅很軟, 一定要托住食, 口感超芝士泡菜令整體不太膩.八爪魚大大隻, 可以在燒前 或 燒後剪同行友人都一致覺得好食, 只是太煙韌, 咬到牙軟!還有另外2款付費的食物,有套餐, 不過先睇下岩唔岩食!…查看更多

一直看著google map搵地方，差少少MISS左！係一個隱蔽的小巷的最入面（入口有貼單張）主要目標是豬扒包，菜單一目了然。花生奶油方塊炸麵包，很乾身，扑扑胞上面的奶油很濃甜！一個人食一太多了～豬扒包裡面的豬扒熱到咬不到！！！豬扒很軟熟，不會很油而且很好咬，絕對是可以分享。…查看更多