whitecoatoff的个人专页

訂位後聽說牛扒一般般，帶住啲啲忐忑既心情，硬着頭皮去（訂位時俾埋錢）🤣。點知有驚喜‼️服務好好，唔多講啦🤣餐前麵包，沙律正正常常啦，配早餐茶。除此之外，跟餐仲有炸薯球，分別係避風塘同冬陰功口味。 重點牛扒，我同朋友都揀咗烤美國肉眼扒。我7成熟，佢3成熟，上枱好靚仔。第一啖（3成熟）已經好驚艷，肉質好柔軟，好豐富既肉汁，好有牛味，充滿炭烤既香味👍🏻👍🏻👍🏻而7成熟差別係就冇咁多肉汁同嫩滑，不過肉質都係柔軟，有牛味同炭烤既香氣。 有個細節位十分加分，牛扒上枱嘅時候餐碟都係溫既❤️有少少美中不足既係3成熟既牛扒邊位有少少熟左啲。 最後生果雪葩配新鮮時果😂UM…我覺得一般啦，水果唔甜同埋雪葩好酸。 🫶🏻我覺得值得一試，尤其係特別日子/生日慶祝。重點係牛扒味道既好加酒店服務唔洗$500係OK既。…查看更多

▪️大早餐有腸仔，滑蛋，沙律，乳酪，麵包，菇，蕃茄。不過所有野好似迷你feel，細細件禁。除左沙律，菇，蕃茄係正常size，其他都好細件。有啲以為自己叫左兒童餐🫣正常一個all day Breakfast該有嘅野都有既。不過味道好一般，有啲唔抵既感覺。▪️Mocha 都係好一般，朱古力味一啲都唔突出，反而比咖啡蓋過左。 🤟🏻 如果以食環境嚟講又未覺得有咁舒服，唯一優點係有素食選擇，適合返唔同嘅人。但係禁樣既質素，埋單接近$200🫢真係唔值得，我覺得可以有更好嘅選擇。…查看更多

▪️芝士手工肉醬貓耳朵粉淡淡芝士奶香同蕃茄肉醬係一個好常見嘅配搭，味道不過不失。貓耳朵粉偏軟。▪️黑松露大啡菇芝士煎蛋和牛堡薯條恕本人未明顯感受到黑松露嘅味道。漢堡幾好食既。煎過既麵包，口感有啲硬。和牛漢堡扒香口，肉質鬆軟。大啡菇好juicy 。薯條香脆。▪️南瓜海鮮意大利雲吞本身對意大利雲吞冇乜興趣，不過意外地好味！南瓜汁充滿海鮮嘅鮮味，配酸種麵包非常好吃。我覺得係MVP。▪️海鹽焦糖肉桂蘋果牛角包窩夫我一向唔鍾意雲呢拿雪糕，佢係淡淡嘅雲呢拿味。肉桂唔會太濃。牛角窩夫香脆。反而海鹽味唔明顯。係一道好溫和既甜品，唔會太甜。▪️daily dessert（焦糖燉蛋巴斯克蛋糕）起初覺得偏甜，之後友人話要配埋cream一齊食。的確！帶點鹹味嘅奶油，中和咗偏甜嘅蛋糕。職員話會有燉蛋流心，實物見唔到同埋品嚐唔到燉蛋嘅味道。不過味道係好味既。▪️蜜糖檸檬烏龍茶蘇打吸引我嘅係甜味加蜜糖，唔會另外加糖。我覺得幾好飲，清新。唔會太甜同太酸。非常淡嘅茶香味。▪️香橙蜜柑蘇打正正常常，橙同蜜柑味唔係好出。▪️濃爆72%REAL朱古力鮮奶濃郁嘅朱古力奶，冇乜水味。🫶🏻整體而言呢間餐廳嘅食物幾好食，暫時唔覺得有伏🤣價錢合理，份量適中。值得一試👍🏻…查看更多

行完獅子山朋友想食燒肉，就搵咗間而家好興嘅一人燒烤，或者都可以揀同朋友一齊燒😉如果揀坐窗口仲可以望到獅子山🏔特別岩岩行完，望住黎燒簡直係人生一大樂事❤️❤️❤️咁岩做緊醬油味虎蝦套餐優惠🤩🤩，$128有虎蝦2隻同200g嘅牛五花加牛板腱🐮，仲有埋白飯、湯同泡菜👍🏻👍🏻👍🏻不過泡菜比一般淡味啲，可以試吓轉迷你沙津😂😂😂肉類都算新鮮，仲有唔同嘅醬比你揀，值得一試❗️❗️❗️…查看更多

之前尼間邊爐放題成日好多人，walk in都要等好耐。年前同朋友經過，咁啱冇乜人👍🏻👍🏻有期待就有失望🤦🏻‍♀️兩個字：難食‼️三個字：好難食‼️ 首先雪櫃食物種類好少，都係丸類同菜，例如：白魚蛋，甜不辣，花枝丸，麻吉，芝士丸等。連腸仔都冇😐同有少量熟食，例如：台灣腸，鹽酥雞，蛋餅等。我真係唔明一間打邊爐既餐廳，點解提供既丸類可以禁難食🤢口感霉霉爛爛，好劣質❗️鹽酥雞非常之乾❗️反而蔬菜種類同飲品方面合理，唔算少。不過菜品略嫌有啲唔乾淨。至於肉類質素普通一般，冇乜怪味既。帶有啲肉味，同埋唔會覺得唔新鮮。 我地大約4:30入場，唔知有無關係啦🤔除左上菜嘅時候，其他時間好少有服務員經過。好似孤兒仔咁，叫佢哋都要擇吉時🫠 埋單每人$261，平衡各方面下都係無下次啦😇…查看更多

▪️ 秘製無骨雞腿腿扒飯配自家製甜酸醬雞扒煎得幾香，肉質鬆軟。配開胃甜酸汁，可以撈一碗飯🤣米飯係珍珠米，米粒偏濕，口感濕軟，冇乜米香。不過配菜全部都係烚嘅，淡茂茂。▪️ 薯條配黑松露醬薯條要趁熱食，否則就好快變腍。有啲M記薯條嘅感覺。醬汁有淡淡嘅黑松露味。▪️ 經典芝士蛋糕濃郁芝士味，偏甜。食幾啖就唔想食啦。餐飲係熱柑桔，似即沖嗰種🤣。食物普通，正常水準。價錢合理，如果唔叫小食同甜品既話，約$100到。地方算大，環境舒服。同朋友聚會係一個唔錯嘅地方。…查看更多

左去元朗形點一間cafe打卡😋😋😋，頭舖唔算大，但裝修都幾時尚簡約，採用半開放式廚房。嬰幼兒配套都唔錯，除咗有bb櫈，仲都3個bb餐俾你揀，適合一家大細一齊去👍🏻👍🏻👍🏻佢個98套餐都抵食，有曬沙律、小食、主食，餐飲、餐湯同甜品，飯仲有唔同口味俾你揀添，我地今次叫左波菜奶油三文魚同日本味噌燴牛肉，配溫泉蛋醬油漬飯同牛油粟米飯，bb餐就揀左茄汁燴雞肉丸。波菜奶油三文魚食落唔會太漏，魚肉都唔會干柴，啲汁有好香既蒜香味，值得一試。而日本味噌燴牛肉就麻麻啦，兩者味道唔太夾，我同朋友都唔鍾意🤣🤣🤣小食叫左日式牛肉薯餅、日式涼拌豆腐同吉列廣島蠔，兩樣炸物都好食，炸衣唔會太厚又脆，日式涼拌豆腐就正常發揮。餐飲方面必須讚下紫芋頭奶昔，好香芋頭味同奶味，又唔會太甜❤️❤️❤️甜品有荔枝冰粉同迷你味噌焦糖蘋果醬新地，荔枝冰粉荔枝味好香，都唔會太甜，顏色粉嫩，賣相一流，而另一個可能我地食唔慣咁創新既口味，覺得下次可以唔駛再叫😅😅😅…查看更多

今次好接地氣咁食大排檔，去到先知原來兩條街啲舖都係同一間，咁真係要試下啦🤣豉椒炒蜆味道唔會太辣，太鹹啱啱好，最緊要係無沙👍🏻椒鹽九肚魚魷魚鬚雙拼新鮮炸上黎，香好脆又熱辣辣，不過就要等得耐啲。海蜇豬手正常發揮，最有驚喜嘅係馬拉盞通菜煲，咸香味十足，送飯一流👍🏻👍🏻👍🏻…查看更多

尼間主打韓國湯麵同湯飯😆今次我揀左牛肉湯麵，朋友揀左辣排骨湯麵。湯麵既牛肉同排骨份量好足，肉質一啲都唔湯渣feel，唔柴但都唔嫩滑。朋友話排骨好重手同多肉🤓湯既味道都唔差，牛肉麵味道清淡啲，而辣排骨麵就重口啲，不過都唔難入口❤️套餐除咗主食，仲有其他小菜，味道都不錯。有麵有飯，非常豐富同滿足。因為我鍾意食韓國嘢，所以真係岩晒胃口🤩禁多野每個餐都係百幾蚊，CP值好高。飽到上心口👍🏻👍🏻值得一試。…查看更多

舖頭有啲細，燈光偏暗，裝修有啲古舊感覺。每位客人都有一份甜品同沙拉菜，味道正常👌🏻今次揀左咖喱吉列豬扒飯🍛賣相好日式家庭料理感覺。咖喱香料味唔重，微辣，容易入口。好適合撈飯🍚至於吉列豬扒口感酥脆，不過肉質有啲柴，無乜肉汁。整體感覺一般，餐點味道正常，唔會難食，但都唔係好味😆…查看更多

舖頭好細，起初安排坐係最近門口位置。同客人出入既距離非常近（有無人明白食野既時候啲衫啊袋啊，係隔離飛過好影響食慾）。同職員反映後就調位。第一感覺已經有啲唔舒服，大扣分。等咗45分鐘都未出餐。比我遲落單嗰啲都已經食緊。又再同職員反映😮‍💨我見其他客人都有同樣情況。甚至乎結帳嘅時候都有啲唔順暢。覺得餐廳職員做嘢好慢同好混亂。食物方面，菜式選擇簡單。我揀咗兩碟熱菜同一碟涼菜。味道不錯，視覺上都幾精緻。有食日式住家飯既感覺。雖然食物不錯，但我未必會想再返去。餐廳嘅俾我嘅感覺係唔可以好放鬆禁食飯。…查看更多

普普通通無乜特別嘅吉列豬扒飯🫢我覺得豬扒有啲肥添，頭尾部份都有幾件充滿肥膏，得返中間位幾件比較瘦嘅可以入口。$88一個餐，成塊豬扒食得2/3，有啲唔抵🤔唯一既優點係炸得酥脆囉😂…查看更多

有日見到佢杯朱古力非常吸引🤩所以去尼間食brunch啦▪️忌廉蘑菇湯：有滿滿嘅蘑菇粒粒，所以蘑菇香味濃郁。質地比較稀，唔夠Creamy。不過不失啦🧐份量足夠，唔會小氣。▪️感味・大満足早餐 ZERO all day breakfast：冇乜特別，味道正常，係一個好普通嘅all day Breakfast🤣因為有部份係加工製品（煙肉，香腸，茄汁豆，薯餅），見圖知味道😂麵包外型好似貓，幾可愛。配無花果伯爵茶味嘅果醬，味道甜甜加口感脆脆的。滑蛋炒得幾靚，無蛋香味。最後有個無糖乳酪。▪️痴_線朱古力：不得了！係滿滿嘅脂肪啊🤣賣相好吸引，杯面鋪滿朱古力碎，非常重手😋朱古力非常香濃，口感仲有少少creamy添。 朱古力值得encore，已經覺得好少地方可以飲到咁香濃嘅朱古力。至於食物就普普通通，不過不失。…查看更多

前排上網介紹尼間舊式麵包店嘅蛋撻🥧今日經過筲箕灣諗住買黎試吓啦。其實我偏好酥皮底，但係尼間既曲奇餅底非常有驚喜😳餅底好鬆化🍪滿滿牛油香味🧈蛋漿嫩滑🥚不過蛋味唔太香濃🤔新鮮出爐嘅時候熱辣辣♨️仲散發出淡淡嘅蛋香味😋$4一個，有呢個質素👍🏻性價比十分高‼️…查看更多

第二次encore尼間漢堡包🍔。第一次既時候被炒滑蛋三文治同薯餅驚艷到😲招牌炒滑蛋三文治：麵包鬆軟🍞炒滑蛋全熟得黎算嫩滑🍳入面加左一塊半溶芝士係令到炒蛋香啲🥚不過雞蛋本身無乜蛋香。醬汁微辣，幾野味🌶️招牌蛋薯蓉加法包：薯蓉口感滑溜🥔鹹鹹地幾好味。不過法包就比較遜色🥖口感好似餅乾咁，脆得黎有啲硬😥同埋份量比較少同細塊，唔足夠同薯蓉一齊，如果可以多幾塊就好啦🫢松露迷你薯餅：超級香脆‼️😋遠距離都聞到薯餅嘅香味🥔咬第一啖超級脆口‼️‼️口腔彌漫住油香同淡淡嘅鹹味。不過無乜松露嘅味道。第二次去嘅時候都係叫返之前嘅野，另加芝士漢堡。整體好似唔第一次好食😌芝士漢堡：麻麻哋啦🧐麵包都係鬆軟嘅。半熟流心蛋無乜蛋味。漢堡扒係似普通雪藏漢堡扒，唔係手打既。口感好乾，冇乜肉味同香味🫢可能係醬汁同牛肉加埋一齊既問題吧？🤔成個包嘅味道有啲難以形容🫠有啲腥腥地禁🤢第二次去食物方面有啲扣分🤫整體感覺唔難食，同特別貴囉🤣全部單點，無餐飲😅連水都無免費提供啊（其實食食下係有啲口乾嫁）。如無意外，唔會有第三次啦😂既然不痛不癢，禁不如食麥當勞啦（個人覺得😝）…查看更多