yuenyuen2的个人专页

本身有定量套餐 因為唔餓無叫放題 等咗好耐位到叫飛先話太多人唔做定量餐 咁個職員係拎飛個時又唔講 講咗我唔洗白等啦 同埋想做多啲生意係正常 但都唔好隨意取消又唔寫明係門口呀 香港啲飲食業生意慘淡咪呢啲職員都有份造成 …查看更多

嘢食選擇好彈性 又好多有齊晒前菜 湯 飯 同燒肉燒肉嘅質素都符合價錢 調味唔會太濃 剛剛好服務態度非常之好 嚟過幾次印象好深刻店員主動又有禮貌店面好乾淨 同完全唔會油煙。推介！…查看更多

上次嚟嘅時候可以有附近露天停車場泊車，今次無咗之餘，場內保安又話唔到俾我地知邊度可以泊，第一個保安話泊彭福公園，下個保安又話度度都無得泊一定要泊車證，搞到我地要打去餐廳詢問，餐廳又無咗電話要不斷轉駁先打到去客服問，場內停車停一兩分鐘都唔得，不斷俾人趕出去，好似難民咁係咩事？保安又無禮貌。去到餐廳食嘢，經常無侍應理，跟住加錢要咗三份安格斯牛，啲牛竟然用平時buffet啲切牛肉，好似煲湯瘦肉咁，好意思問人要幾成熟，出到嚟全部十成熟。大家樂都做得更加好。上一次嚟仲有生蠔食嘅時候，所有嘢都好好體驗，今次差到唔會再嚟。…查看更多

第一次嚟到黃金海岸酒店嘅海岸扒房食，一行十幾個人，食午餐自助餐一去到已經見到滿滿嘅食物放擺放得好靚，而海鮮就放係正中心最養眼位置再行入啲就見到無敵大海景，個日天氣唔錯，而坐嘅位置正正對住個海景，加晒分入面嘅座位唔算好多，所以人數亦唔多，咁仲好，唔會太嘈吵呢間自助餐最吸引應該係海鮮同牛扒，一開始梗係食海鮮啦極度推介佢嘅龍蝦，一隻隻開晒邊，一啖就可以食到，唔洗剝嚟剝去啲龍蝦仲要有好多膏，不過唔係隻隻有，啲膏好鮮味仲有必食嘅長腳蟹腳！佢剪好晒一條條，一拎就食得，仲有切粒嘅長腳蟹，一啖啖，唔覺唔覺就食咗幾盤刺身有馬刀貝、三文魚、甜蝦等等，唔會慳住慳住俾，一大碟拎番去食頭盤有好多款沙律，煙三文魚、parma ham、等等熟食方面有片皮鴨，點心蝦餃、燒羊架、即切牛肉等等，佢嘅片皮鴨唔錯，一食落去啲鴨嘅汁咇出嚟，餘香滿口另一個推介嘅係黑松露忌廉湯，意想不到咁好飲，湯濃得嚟唔會太濟，黑松露嘅香味好夠，湯有口感，明題係新鮮用面團煮出嚟甜品方面，佢有廿款左右，有各式蛋糕、果撻、朱古力噴泉已經係基本，仲有馬卡龍、雪糕係movenpick飲品都好多選擇，有雜果賓治、果汁、咖啡等等，加$60有酒飲，有香檳同紅白酒，而且唔係超市普通貨色佢另一個賣點係即場有樂隊演出，唱得好好之餘仲帶起咗成場嘅氣氛，令人食得好開心呢間自助餐係近年食高頭幾名高質，誠意推介…查看更多

呢間餐廳已經開張一排，呢兩日終於有時間試下閒日晚飯時間唔洗等位，入到去都有唔少空枱，因為入面相當大，坐位都闊落舒適:)我地叫咗個牛扒套餐、芝士牛柳粒火鍋同焗豬扒意粉🍲啲餸唔洗等好耐已經送到牛扒雖然唔係好大塊，但有好多配菜，例如蕃茄仔，薯條，沙拉菜，泡菜個泡菜非常好味，但都頗辣下，好開胃芝士火鍋配安格斯牛柳粒，芝士湯唔係好濃個種，但一滾起已經聞到好香芝士味啲牛柳粒相當高質，肉香濃厚得嚟有口感,加埋芝士湯，係估唔到都幾夾焗豬扒意粉，佢餐牌有條小辣椒🌶️，食落都幾辣下，除非幾食得辣，唔係未必食到。驚喜嘅係佢啲麵條好彈牙，靜係食個意粉已經好好食，焗嘅時間剛剛好另外值得一讚嘅係侍應嘅態度非常好，好有耐性又細心，有禮貌，有親切感食過番尋味，下回再戰…查看更多

朋友推介呢間卜卜蜆，於是嚟咗試下，順便慶祝生日🤣🍰由於呢間餐廳一定要訂位先，唔係嘅walk in基本上唔會有位準時到達餐廳，佢地提醒一定要兩個鐘交枱因為朋友未到，侍應再次提醒要早啲叫嘢食，因為兩個鐘要交枱啦🙉到齊人後就開始叫嘢食，咁梗係要試下卜卜蜆啦😂仲叫咗安格斯牛、鯇魚片、炸魷魚、豬肉片、涼拌木耳同雜菜🥗卜卜蜆幾好食，味濃新鮮，但間唔中都係食到有沙🥘安格斯牛最高質，牛肉香一拎起就聞到，唔係普通貨色但個木耳嚟錯咗生個款而唔係涼拌，食落口發覺無味道，問一問先知佢嚟錯，仲俾侍應話我唔講清楚😩鯇魚片、魷魚、雜菜個啲就一般，同平時食到嘅基本上無分別，無咩驚喜🍤食到一半嘅時候，侍應又表示記得一個鐘後要要交枱啦🙄🙉🙉🙉食到趕頭趕命食一餐飯佢催咗四、五次交枱，本身食物質素係唔錯，但體驗就差啲😂…查看更多