價錢合理環境都舒服，坐位之間唔會太擠迫，服務效率亦唔錯。🍜麻辣牛腱刀削麵 $79好鐘意刀削麵煙煙韌韌嘅麵質撈勻啲麻辣醬汁真心好食感受到強烈嘅「麻」同「香」上面仲有幾塊厚切牛腱燉得好腍形容為入口即化塊不為過🍚黑糖豬軟骨飯 $72估唔到咁大舊豬軟骨塊可以炆到咁腍配上甜香嘅醬汁確實能夠勾起食慾濃郁又唔會過膩欣賞肉質軟嫩一夾就會散開配飯食真係一絕，配菜仲有溫泉蛋🫘一口豆腐 $10豆腐炸得金黃酥脆外皮薄薄一層啱啱炸起咬落去仲有「卡滋卡滋」嘅聲音🍤府城蝦卷蝦卷雖然有小小油，但確實炸得香脆除左蝦肉之外仲有啲好似粉葛/馬蹄之類嘅爽口感咬落去好有層次🍮芋圓仙草凍 $40呢個仙草凍份量都幾多夠兩個人share入口冰涼，唔會太甜配料芋圓同紅豆俾得好足芋圓Q彈，紅豆甜度啱啱好喺食咗啲麻辣同炸物之後呢碗芋圓仙草凍真係好解膩如果一個人食唔晒佢仲有個mini版$14咋🍵冷泡四季春茶 $14原價$25跟餐$14，價錢算抵四季春入口清新唔會太澀，相對解渴🥤愛玉荔枝綠茶 $14愛玉荔枝綠茶味道好似荔枝玉露但又冇咁甜加上有啲愛玉粒飲落好清爽總結：平民台式滋味，都算係一間好有誠意嘅台式餐廳主食有水準，特別係刀削麵會想encore小食同甜品亦唔失禮加上環境寬敞舒服，服務又唔錯，平時lunch都可以嚟食！…查看更多
