豬西大火雞的个人专页

星期六的晚上喺奧海城行到攰攰哋，諗緊會唔會去附近食嘢但出面天氣又唔係咁好落緊雨，行經呢間餐廳又一直都未去過所以就本著試一試的心態去食過early dinner。入座時候只係六點零鐘人流不多，好多檯可以揀， 睇咗陣餐牌就點咗二人晚餐 ，好老實講呢間餐廳就真係唔係太多嘢可以寫，佢嘅嘢食樣樣都係不過不失，沒有特別好吃，亦都沒有特別難吃。呢個豬頸肉青木瓜沙律嚟講呢啲豬頸肉燒得可以，青木瓜絲分量足，酸汁正路冇驚喜， 整體味道不過不失。之後到呢個泰式海南雞雞，雞本身就係雪藏貨啦呢點就毫無置疑，都唔會有太大期望，而實際上當然就是沒有雞味的冰鮮雞， 雞本身只有雪藏味就當然要用碟上的醬汁去掩蓋一下，整體來說不吃也罷。大蝦炒金邊粉上枱睇落幾靚，但都係金玉其外，大蝦是沒有蝦味的上面淋上滿滿的泰式辣醬， 金邊粉炒得過淋，味道偏甜，蛋漿的網面看上去很漂亮但食落去乾爭爭， 影相打卡就可以但食就真係免啦。最後呢杯士多啤梨奶昔是全晚的大伏，就是用士多啤梨雪糕加冰塊打碎， 個雪糕就是用類似牛奶公司的士多啤梨雪糕去打成，不予置評了，有興趣試伏的就自己去試試吧。總括嚟講，如果沒有其他地方可以選擇的話，呢間餐廳是可以一試，但絕對不能抱任何期望， 四百蚊左右二人餐喺商場範圍都算係叫做不過不失。…查看更多

一個落雨絲濕的週末下午，本來想去附近嘅餐廳，但去到門口時才看見長長的人龍，然後便轉去附近呢一間慢煮為賣點的餐廳。餐廳前身係做打邊爐兼有少少日式嘢食，當時感覺環境/食物都是一般般，果然冇做好耐就轉咗做呢間慢煮工業。 我自己本身就嗌咗個all day breakfast 包一杯餐飲，大家都會睇到一個好hea嘅炒蛋，好hea嘅兩片蕃茄，小小綠珊瑚沙律菜加千島汁，一隻微型嘅蘑菇，烘燶咗少少嘅多士，凍曬嘅魷魚圈同凍曬嘅薯餅，同埋煎到乾爭爭嘅煙肉， 再加一杯好hea的凍咖啡。友人叫的一個意粉味道都是馬馬虎虎，賣相完全不吸睛， 相都費事影。另一件令人費解的事，就是我哋隔離枱已經走咗三個字以上，先至有同事斯斯然去執枱。其實本身餐廳人流都唔算太多，待應們都十分得閒但係佢哋居然喺度傾計都唔諗住清野， 你話本身太忙人手唔夠就話啫，人客已經本身不多，種種原因呢間餐廳絕對不會有下次！…查看更多