asbest的个人专页

只係將原本嗰間一風堂，由大間轉細間，由有人落單轉為自助。門口部落單機係今次吸引我入去嘅原因，因為想攞番去日本食拉麵嘅感覺。不過結果我都係坐入去用二維碼落單。但用二維碼就要用手機比埋錢先，如果只有八達通但無八達通apps的人，也要出門口用番嗰部機。食物質素：塊肉厚過紙少少。啲麵有啲硬（唔係好覺個落單介面有得選軟硬度）。個湯底同以前一風堂一樣，算合格。麵嘅份量好少，食完似無食過。塊肉都唔係大。唯一令人有飽肚感係隻雞蛋，無開邊，原隻上，都幾糖心下，算幾好。比起以前，枱頭嘅芝麻及其他配套無左。不過而家唔使收加一，都好！如果周圍好多人排隊食飯，都可能會去多次呢間嘅！…查看更多

星期五食個午餐，無唸過咁多嘢食，有前菜（湯或沙律），有好大個pizza（正宗薄批），甜品，咖啡或茶，應該仲有少少遠海港島東景（雖然而家出面遠處有工程遮左）！個pizza有啲“穌”，但不太影響味道。最重要係剛出爐，夠熱，我要走辣肉就走左辣肉，所以好OK.杯咖啡就麻麻，不過呢度唔係預你嘆咖啡嘅地方。甜品係tiramisu,合乎水準。沙律入面有啲咸煙肉，係就係硬啲，不過第一次食，感覺幾特別，有甘甘地的味道。…查看更多

話說北角海逸唔好食，我今晚食呢間歷山酒店（都係海逸集團）都不遑多讓。未至於難食，但無論食物種類：熱食種類很少，絕大多數只是較低價及飽肚食材，只有一款熱菜，蔬菜類幾乎只有沙律。味道：沒有一款有想再重吃嘅欲望。甜品好少少，尤其係麵包布甸。賣相：枯了的沙律菜也有放出來，不似酒店吧！裝修：部分有靚裝潢，但椅子質地及顏色令人覺得有發霉感。大致上屬三星級餐廳。優点：交通方便，完全不用冒雨，由炮台山站上橋過橋就到所以都有可取。洗手間：裝潢靚，只係水龍頭感應部分和水龍頭分開，有些奇怪。服務：非常好，有禮貌，周到。令人覺得未至於太失望。本人應該不會再來。…查看更多

連續兩日今日第二次試呢間嘅菜式。溫泉旦卡邦尼意粉餐＋ 台式奶茶。溫泉旦好味，唔會周圍流，可用叉叉起一半吃，口感幾好。個汁好creamy，唔錯。不過又係意粉略嫌硬身。奶茶就真係未試過咁味，係有茶味，不過係帶酸，個茶底唔得，有啲難飲。本想來讚下，点知發現都係有嘢要改善。…查看更多

叫左個午餐香剪龍利柳伴煙肉麵包蓉芥末子忌廉汁，但就話轉左煙肉薯蓉，ok la. 食落都幾香，薯蓉整得好creamy好香，煙肉份量搭得幾好。今日餐湯蕃茄湯，好稀，失望。餐飲想upgrade去原價36元嘅latte,以為係補差價3元（因餐牌寫可以叫33元或以下餐飲），点知要視為特飲，要加19元（latte係特飲？！真係無言！）幸好問左侍應姐姐先，佢都話啲客都有負面反映。於是惟有叫普通凍咖啡試下先，味道麻麻，唔吸引我下次再叫。啲奶另上，但唔夠多，可能杯咖啡都幾大杯，係好似好抵飲咁！…查看更多

都試左好多間喜茶，呢間都試左兩次。唔知点解調得無咁好飲，同樣係芝芝產品，同樣少糖，呢間就會調得甜得滯，又少啲芝士！呢間最大好處就係交通方便，搭地鐵唔使熱唔使冒雨便到。…查看更多

價錢平，只需98元，無加一，食到飽。但味道有待改善。唯一特別嘅地方係有火鍋，可焯菜，響鈴，齋火腿等等。較美味的係熱薰薯仔，多士，炸饅頭，咖哩齋，炒麵。其餘的有待改善。總結：為飽肚，可以。為味道，失望。…查看更多

交通非常方便，一出地鐵就見到。食物味道不錯，不過款式不多。熱薰類和冷盤海鮮類分兩邊放，响餐廳的一頭一尾，有些不方便。飲品應該係做得最好嘅部分，有鮮榨橙汁，懷舊樽裝汽水。沙律款色太少，未見過有酒店buffet有咁少款色。海鮮最貴應該係開邊龍蝦，長腳蟹。無帶子刺身，不過有大隻甜蝦刺身，都算好味。甜品偏甜，款式也未夠吸引，放置在雪櫃入面，位置偏高，取出時有難度。雪糕係gelato,食左mango lemongrass,好似馬鞭草咁味，另外一款開心果，略嫌甜。不過仲有好多款，例如朱古力，香草，奶茶等等。整個場面積算大，放置枱椅密度低，沒有其他酒店的擠迫感覺，幾好。不過椅子（尤其靠牆梳化）和桌子高度唔夾，人坐低了很多，食得不太舒服。有海景，但由於樓層唔高，望出只見塞車中嘅東區走廊。總括來說，不過不失，無乜驚喜。…查看更多

咖啡唔夠熱（可能係啲奶凍）。但今日萬聖節有個萬聖節公仔嘅糖塊，都幾驚喜。個沙律用柚子汁，稍甜。多士有啲凍，少少硬/唔脆，上面唔知咩油，唔香，又整到個麵包好油。個炒旦剛炒起，又熱又滑。雖然話tea,但價錢和味道及份量唔成正比。第一次來有啲失望。可能下次食意粉會好啲…查看更多

唸住呢間會好食，有格調，怎知同銅鑼灣另一個出名的競爭對手相比，呢度服務態度似一般茶餐廳。要先到收銀處買票，不打緊，但收銀服務員沒什麼禮貌，問及會唔會有收據時，唔耐煩地答“等陣“，我唔係問点解未有，係問會唔會有，我見已經有個號碼牌，唔知仲使唔使企响度等。我未食已經對此店大打折扣，加上座位擠迫，一排面牆座位，但和隔離相隔太近，唔舒服食tea係大忌！至於食物，個pancake上唔係太多醬，所以食食下會覺得好乾，咁都唸住有啲生果响度滋潤下，唉，除左嗰幾塊香蕉，嗰啲士多啤梨及藍莓好酸，好不容易才吃掉。結論係：唔會推介呢間！…查看更多

試過尖沙咀嗰間，隔左四日，再試銅鑼灣呢間，無論店內氣氛，班㦸賣相同碟頭都比尖沙咀分店贏成條街。嗰間食完一陣風，呢間食到抱住個肚。嗰間用紙杯紙盆，先埋單後食，呢間就高級好多。舖面大些，裝潢又靚啲。不過呢間有加一，尖沙咀的沒有，That's why!…查看更多

已經食過不下十次，因為比起香港其他酒店，價錢實在較低，但食物及環境又不會好似三星酒級店般低級。來嘅客人不會搶食，大家都有禮。位置也方便，出地鐵行兩個街口就到。食物種類係唔多，也不是高架菜色，但味道不俗。只係甜品略嫌遜色。至於服務，每次服務員的熱誠比其經理(部長)的熱誠更好，無奈每次來已換了服務員，但部長仍在！！例如：今晚就有個哥哥仔服務員，見我地有行李要放，又得兩個對坐座位，要另加椅子放東西，於是中段時間換了個卡位給我們。第一次可以坐到卡位，真係突如來嘅驚喜！…查看更多

每一次來都要等半個鐘先整到出來，價錢又唔平，只係裝潢好靚，粉色系列，好fancy.梳乎厘鬆軟，但上次第一次食都無乜驚喜。咁点解要來第二次，真係因為呢一帶無乜食梳乎厘店舖，而呢間不過不失囉。…查看更多

開張初期食過晚餐，印象麻麻，今日試下食tea,有驚喜。呢間下午2:00就有tea.絕對可以當late lunch,好啱我。叫左個“煙三文魚，炒旦，酸忌廉配多士伴野菜蕃茄，及熱咖啡。個咖啡好得，奶同咖啡混得剛好。啲野菜係越色，唔係凍冰冰，酸甜度又剛好。個多士鬆化，旦熱熱地，三文魚温度咸度和旦，包配得好好。可以再來。…查看更多

响openrice揾下土瓜灣有咩地方可以食個hea lunch. 選左呢間。叫左“香煎美國頂級牛肉漢堡配菠蘿燒烤汁“嘅set lunch. 份量連我呢個大食肥妹都話多。個餐湯可能係南瓜湯，但唔知点解好大薑汁味，我個人唔like雖然個賣相靚。個漢堡，好大份，有塊厚菠蘿夾在其中一層，加上醬汁，好juicy. 但塊牛有啲蘇味，且唔夠入味，所以搞到個漢堡麻麻地！杯凍咖啡都令人失望，無乜咖啡味，又無乜奶滑口感。唯有安慰自己百鬆啲元唔好要求咁多。不過，如果想同朋友傾下偈都唔錯。…查看更多