khcheng88的个人专页

著起龍袍唔似太子一向鍾意搵未食過既餐廳,想搵中菜食, 見到呢間星期六晚去到, 嘩, 成個廳, 連埋我得3枱客.靜到不得了叫餸啦叫左龍袍燒豬脾紅燒大蝦豆腐煲薑蔥蠔煲金銀蒜炒白菜先黎紅燒大蝦豆腐煲, 好似冇煙既原來我誤會左佢,個煲係好熬既味道唔錯, 蝦都爽, 佢有個list 既菜式係有特價 原價$168,而家$98, ok, 就算原價$168 我都覺得ok但第二,第三味就出事之後到薑蔥蠔煲, 佢上枱, 拎住個汁, 問淋唔淋落去已經唔對路我食薑蔥蠔食唔少,通常係蠔走走油, 再同薑蔥一齊爆, 咁先香,  未食過就咁炸再淋汁完全令人失望, 薑蔥響底, 將炸蠔放上面, 再淋汁, d 味入唔到d 蠔度唔知佢呢個係邊度煮法, 廣東煮法唔係咁囉問個阿姐, 佢d 態度仲衰衰地, 都符合openrice 前面post 阿姐態度第三味就龍袍燒豬脾, 叫得龍袍燒豬脾, 加個招牌名響個菜式度, 諗住係好野啦原來冇料到, 好似我響Apita/Aeon 買果d 焗豬脾咁, 係比多左2個醬咁大吧(黑椒/芥辣)金銀蒜炒白菜, 就正常發揮, 算好食整體感覺麻麻地, 我唔介意價錢貴d, 但我expect 質素服務唔得, 菜式唔得, 唔知日頭生意如何, 應該好難做落去…查看更多

睇住魚事者 開店到做到有分店一直都有食開都鍾意佢個炸魚條見耐冇食 食下啦其實佢兜醬好少我見冇哂醬 問佢拎多兜醬 佢竟然話要收多$5係既 你要多款醬 收$5 好合理丫但說實 我係點哂d 醬，d 魚條未食哂先問你拎最氣頂 我話你地比咁少醬 都根本唔夠點阿姐話 可能今日比多左魚條我笑死我 你孤寒 但仲講到益左我 比多左魚條你呀冇問你收多錢就皇恩浩蕩啦其實 我已經叫左個撈麵我係口痕先另叫個小食我經濟d大可以食完個麵就算唔係話叫個小食好巴閉 只係諗住開心食下野你就同我計住計住 D醬真係咁矜貴？ 我決定唔食喇 但你咁慳 我怕你番用我食剩既比下一手，所以我決定撈埋我d 撈麵醬先走應該都冇下次 入openrice 睇先見人話衛生唔好懷疑有蝨乸，講完我都形住痕痕地唔知係口痕定身痕…查看更多

好耐冇食呢隻pizza. 心血來朝，今晚就叫啦次次都係食呢隻烤雞pizza. 一路都好食既但今晚好失望一打開，已經發現唔多雞肉食第一件 成日醬既，肉都冇塊再食多舊，又係冇肉既，忍唔住要影相寫食評睇相 得果七舊雞肉條 仲要超鞋一舊pizza 得果條雞肉條 真心搵笨我唔會再食呢間垃圾其實而家出面好多 好食既pizza 佢$140 個pizza 又唔係大， 我唔expect 咁既質素其實雞肉都唔係好貴者以前都唔會咁少雞肉真心唔值得幫襯…查看更多

見呢間冰室新開，好似開唔夠三個月，就試一試，叫了滑蛋叉燒蝦球飯，但我對這道菜的表現感到有些失望。蛋的狀態較為老化，飯粒又凍涼，而且整體的賣相也不太好看。看似外賣回收倒返上碟咁。首先，讓我來談談蛋。蛋應該是這道菜的重要亮點之一，但我發現蛋的質地略顯老化，缺乏應有的滑嫩口感。這可能是因為炒蛋的時間過長，或者使用的蛋品質不佳所致。新鮮、嫩滑的蛋能為菜品增添豐富的口感和美味，但這次的表現讓我感到失望。另外，飯的狀態也讓我有些困擾。飯粒凍涼且顯得有些沒有熱度，這可能是因為在保存或加熱過程中出現了問題。滑蛋叉燒飯的飯應該是熱蓬鬆的，能夠與叉燒肉和蛋完美融合。然而，這次的飯粒給人的感覺卻是稍顯凍硬和缺乏活力。最後，這道菜的整體賣相也有所不足。菜品的外觀應該能夠引起食慾，但這次的滑蛋叉燒飯在賣相上並未給人留下深刻的印象。也許是菜式的擺盤和裝飾可以進一步改進，以提升視覺上的吸引力。總體而言，這份滑蛋叉燒飯在蛋的狀態、飯的溫度和賣相上都存在一些問題。然而，我相信每道菜品都有改進的空間，並且每家餐廳都可以從客人的反饋中學習和成長。希望未來能夠享受到更好的滑蛋叉燒飯，並且這些建議能對改善這道菜的味道和外觀有所幫助。…查看更多

話說果日想食燒味，響銅鑼灣小巴街（我唔認到街名），本身想食棋哥，經過見到呢間d 燒腩幾靚，就比引左入去，入到去都冇乜野，一貫燒味店格局，咁叫野食啦，見餐牌，四十幾蚊，心諗咁抵，叫啦，想食燒腩，同阿姐講，呢就話嗰啲係燒腩骨，要加錢，$78 喎，果刻想食既，貴少少就貴少少啦，點知黎到，係咁x 樣，左邊果3 舊根本係燒肉，得右邊果兩舊仔係燒腩，真係心諗搵笨實，當人傻仔咩，老實，你貴$30 蚊，比哂燒腩比我 我都服，點知你一半腩 一半燒肉，咪成$10 舊燒腩，咁我就接受唔到喇，食完，走人，如果普通燒味$48 有野飲，ok 啦，但特別要求就唔好喇…查看更多

而家做生意 網絡宣傳真係好緊要，老實唔係有網上宣傳，我唔會識得去買黎試，第一次晚上7 點半去到想試已經賣哂，得返肉餅，咁今日收工，諗住買半隻雞加料，見佢拎個真空袋雞出黎，心知不妙，老老實實，我對pre pack 食品冇乜好感，一早切開哂，d肉汁都流哂，返到屋企開黎食，味道ok 既，跟3 個醬汁，薑蓉杰得黎有d 怪，成$100 半隻，我覺得乜媽媽抵食d 同冇咁乾…查看更多

其實好耐無去食，今日就腳就幫襯下，叫左常餐，牛肉意粉 火腿煎蛋多士。牛意冇咩特別，ok 既，煎蛋都熱辣辣，多士夠厚，可惜塊火腿好唔掂，凍，係冰凍果隻凍，大佬煎煎或者比火辣辣佢唔係好大工程者。另外通常茶記都比柸熱水你浸下餐具，佢柸茶係凍 好似凍茶咁，點解我知？因我浸完叉，我會抹抹佢，發現係茶色 即係茶唔係水，但就凍冰冰既。有時咪就係輸左細節位，今日十一點零去，都坐唔滿，唔知係咪顏色事定真係質素差左。有得揀應該唔會番食…查看更多

去到朗豪坊 見d poster 影得d 壽司幾好，諗住試下我唔怕你收得貴，但怕你交唔到貨黑松露海膽蒸蛋，海膽細舊，又唔新鮮，失敗蒸蛋，唔夠滑身用人工蟹柳，魚蛋，元氣貨式，收我$58，唔值壽司拼盤，佢叫「阿媽家姐」壽司拼盤，d 魚生死實實，乾左d , 兩粒魚子飛左響隔離舊壽司，有粒壽司舊魚上面有舊飯，賣相一睇都唔覺得，收$398，仲要湯都冇個，如果有質素$398淨壽司都話丫，但呢碟野唔會值$398 囉睇OpenRice 呢間野d 食評好正面，唔知係咪我食lunch 唔岩時間呢？但我又唔見佢有lunch set 或價錢平左。…查看更多

今日心血來潮想食鐵板燒 見K11 musea 有，又新新地就去試。由於疫情 ，大鐵板燒房， 兩個兩個位咁間開，我一點到，果陣冇乜人坐得都好既。lunch menu 鐵板燒其實唔多選擇，得三個set. 就叫左有龍蝦鵝肝果個。前菜普通，個蒸蛋滑既但太齋，得雞肉同粒冬菇，普通料。龍蝦上枱 一睇 咁瘦既 ，龍蝦我食唔少 好少見咁瘦，師傅話新鮮既，不過可能波龍太瘦，冇既，即好似蟹有水蟹咁掛，鵝肝份量ok. 個炒飯都幾好既。不過侍應既態度真係麻麻。食完飯 佢就話上甜品同野飲，我話唔係有湯同漬物，佢淨係係喎咁，佢漏左佢冇覺唔好意思喎。好啦飲埋湯寫餐飲，「茶定咖啡」「日本茶同咖啡」，我問有冇凍檸茶，佢都係話「茶同咖啡」。我食鐵板燒都唔少丫，和三昧都有檸茶揀啦，大佬 我去食鐵燒呀 唔係澳牛喎，你加句唔好意思公司規定都好，可以對應得禮貌d 者。佢地出面有個露台可飲野，我就要求左出去飲，又係果條女帶出去， 露台其實唔大，我出去果間冇人，近露台邊有張二人櫈，但曬到hihi. 埋d 就有d 圍住既櫈，佢就點我曬爆二人櫈，我就話我坐冇咁曬果既圍櫈。佢話一陣可能要搭枱。其實都係有冇比個心出黎既問題。你可似話兩邊都得，但圍櫈一陣可能會搭枱，咁個感受都唔同啦，其實我飲果一陣 我走都未有人出黎。師傅話疫情 佢地都休息左一輪，岩岩開返唔夠一星期，係咪個女侍應休得耐唔記得點做。簡單講，呢餐性價比低既，食物普通，侍應態度唔搭。我諗最值係個露台景飲野。encore指數好低…查看更多

不嬲都覺翠河衛生麻麻，不過佢奶醬多用粗粒花生醬好好食，所以都會幫襯，今日落單，竟然冇粒，再問部長，原來轉左花生醬，問佢係咪以為都轉，佢話起碼用完先，即係有排唔洗幫襯。…查看更多

放假晨早流流，想食個靚早餐開心下，點知遇著個黑面串咀伙計。叫左早餐， 跟餐係甜餐包，個包dry 到爆，叫個女伙計拎牛油，點知佢話兩蚊，咁我話乾枯枯點食， 佢就話： 你可以一早話要多士，我一早知q佢餐包冇牛油咩。佢爆呢句野果陣個咀臉真係衰到冇人有，之後佢即時同老闆娘匯報，老闆娘都係面黑黑的，條女真識做，咁我都費事出聲了，最多以後唔去呢間野。 今時今日，咁既態度，真係冇下次…查看更多

一早訂定位, 怕團年飯冇位訂左八點鐘我地準時到達, 入座都冇咩野想叫點菜, d 伙計行黎行去, 好忙, ok 近新年, 多客, 忙係正常到有伙計黎喇, 果個似似地部長落單想叫個焗魚腸, 賣哂, 想叫半隻雞, 又賣哂下...八點jar vo.乜都賣哂, 咁我地再諗諗...之後叫點菜, 叫左牛尾煲, 焗肉排, 都唔記得仲有咩菜因為我地覺得第一個部長d 態度好敷衍, 咁我地見有第二個部長, 我地再問有冇焗魚腸, 佢又話有d 野食黎得又慢...之後, 我地不斷見到d 炸子雞出黎.我地得出個結論, 其實佢地唔想半隻雞咁賣, 佢地想我地叫d 貴野, 例如整條5-6百蚊既斑食下(因為佢都有sell 我地食魚)所以叫乜冇冇乜, 仲要個肉排漏左單, 食到都冇哂癮結尾紅豆沙, 淡而冇味, 好似溝左水咁, 不食也罷感覺唔太好, 應該冇下次…查看更多

今日第一次去, 平安夜, 有聖誕大餐, 每位$498, 但覺得唔太岩食, 所以都係散叫, 因為做聖誕大餐, 所以餐牌今日少d 選擇叫左呢d 野食:1.海葡萄沙律, 開胃,但份量唔多, 兩個人岩岩好2. 雜錦刺身(上), 得五款, 每款兩件, 入口都新鮮, 價錢偏貴, 份量都少3. 和牛炒飯, 唔似和牛, 不過都估到邊有咁多和牛比你食, 不過想食炒飯又冇咩choice, 份量就岩岩好, 兩人, 每人兩細碗, 大食d 都唔夠, 4. 炸蠔,好食, 仲有d 汁響入面, 唔係乾哂5. 燒雞亦, 唔夠味, 係面頭有咸味, 入面d 雞肉冇味, 呢個唔抵食, 貴, 得$45 得3隻, $15/隻~整體偏貴, 但大致都好食係"燒雞亦"不建議order.服務就好極端, 本黎係劣評, 我之前見有d openrice 食評話炸軟殼蟹好食, 咁我見menu 冇, 咪問下個侍應我: 今日有冇炸軟殼蟹? , 女侍應(冇表情, 串樣):"餐牌有就有, 冇就冇", 我心諗, 下, 咩服務呀, 有時menu 冇, 我唔覺得一定冇, 問你, 洗唔洗咁答先, 就算真係冇, 都可以表達得令人comfort d 者...之後食完, 個好似經理/supervisor 既女職員問我d 野食點, 我就話食物都唔錯, 但係d 服務真係唔得佢就勁sorry, 話都聽到佢(女侍應)咁答我, 都覺得唔好意思, 都話左佢之類...因為佢, 服務拉返少少分啦...…查看更多

住響炮台山, 去天后食甜品係慣性節目由Silly Boo 睇住佢岩岩開, 老細問意見...到而家都幾多人!感覺愈黎愈麻麻, d 職員真係要再training 喇, 態度唔掂...可能多人, 佢地又想快...之前睇食評, 話連蓋磅, 到我今日去..直頭話要蓋加$1, 直頭反感因為我最憎d 食店外賣加$1, 我唔mind d 野食貴d, 你打左落個成本度冇得講嘛但個爛膠蓋唔洗$1 嘛, 感覺就好似比人昆左咁正如你唔會一匙一紙巾都去同個客計一樣...講返味道, 最鍾意石榴, 酸酸地, 幾好味不過, d 個收銀同加蓋收錢令我唔想再去..:(…查看更多

放假, 好遲先食早餐, 所以唔係好肚餓去到銅鑼灣, 諗住食個tea 算次次去果頭都係雞扒飯, 今次行過, 見坐得都好似舒舒服服又有d tea set 食...就去幫襯下...點知...講返正題, 唔知食乜好, 又唔想食三文治諗住食個西多士啦...見有法式西多士老實, 我真係唔知.法式西多士係點上枱...真係用法包整...唔通用法包就係法式?呢個唔係問題, 個問題係, 佢好似將d 麵包浸左水咁...個口感好差, 差到爆...好難食...我為係我見識少, 到我得閒上網睇下, 冇一個介紹係我食果個咁樣衰的...而我太太就叫左三文魚意粉, 份量少, 但正常, tea set 丫嘛不過, 得d 三文魚碎, 好似好少家, 我都試左啖, 好咸~都係唔好食個凍檸茶就ok, 又夠大柸, 我懷疑, 呢度係咪比人飲野同hea, 而唔係比人食野既地方...我見呢度d 食評都唔錯喎, 不過唔知點解我搞成咁可能wrong timing wrong food....…查看更多