fung_fan的个人专页

之前下午茶時間想黎食意粉，但原來下午茶時間只有下午茶餐，當時便點了多層港女tea，而且預約時要求坐窗邊睇到瀑布的枱，咁岩出面有陽光，同朋友嘆住靚景，影相打卡。今次想黎食午餐，無預約，雖然坐窗邊位，唔係睇瀑布的景，但都望到公園園境，有d客人會坐係室外位，睇落都幾chill。點了一人午市套餐HK$198，仲加錢叫了一個甜品HK$48，總共HK$270.6 （已計加一）。Starter:椰菜花忌廉湯（素)正常忌廉湯味，因為肚餓，所以好快飲晒。Main: 三文魚意式燴飯配西蘭花丶蘑菇有啲肚餓，本身驚個飯唔夠食，但燴飯有芝士片，芝士味濃郁，飽肚。Drink:熱奶茶唔好會熱，所以唔洗驚焫親脷。Dessert:法式焦糖燉蛋 今餐亮點，味道不錯。…查看更多

咁岩放假黎呢頭有野做，所以預先搵下呢頭有咩好野食，見到網上唔少報道，睇落好吸引，所以預先訂了枱食午餐。我到先，朋友未到，但侍應叫我入去坐住先，侍應應該係泰國人，餐廳比較細，枱與枱之間的空間亦比較窄。和牛船麵 （蛋麵） $98湯汁好濃味、好惹味，重口味既人會鐘意。蛋麵普通，牛肉有點韌，炸豬皮好食，仲有丸同菜，好豐富。和牛船麵 （金邊粉） $98朋友叫的，金邊粉更加索到湯汁。沙嗲雞豬串 $98雞肉3串，豬肉3串，雞肉正常發揮，豬肉有點韌；有3款醬汁，沙嗲醬多花生，有誠意，好食。班蘭香茅茶 （凍） $38雖然甜左少少，飲飲下好快變淡，但好飲，可能唔加冰會好點。泰式椰子雪糕 $58有椰子肉、椰果、花生，材料好足，幾靚，但如果椰子味多點就更好。椰青 $58總共$493 （已計加一）…查看更多

餐廳傍晚6點開門，我地係傍晚約6點4幾到，已坐滿人，留電話等通知，約7點入座。餐廳樓底高，有空間感，大門全開，有播音樂，很熱鬧，很放鬆的感覺。朋友食過呢間泰菜幾次，佢話超好食，帶我去食，佢揀左幾樣佢覺得超好食既菜式。我心諗，泰菜一定唔會伏既，但食完呢間，嘩，覺得真係超好食！招牌泰式蟹肉炒飯$168啖啖真蟹肉，飯粒粒分明，有鑊氣，好好食；上枱好熱，但好快凍左，可能因為碟的材質散熱快。泰式虎蝦炒金邊粉$158鐘意食酸野既人應該好愛。秘製和牛串燒$198共3串，脂肪味好香好好食，唔韌，青瓜解膩，但食到最尾果粒牛肉有點韌，可能因為擺耐左，又或者因為碟的材質散熱快。斑蘭椰子湯圓$88共5粒，好香斑蘭及椰子味，好好食。共$678 （已計加一）…查看更多

平日夜晚要係附近睇戲，所以搵返附近餐廳食晚餐，已預先訂了枱，傍晚6點幾食。在商場頂樓，不難找，整體不算多人、樓底高、鋪面及枱面頗大，空間感足夠，木系裝修有舒服溫馨的感覺。蒲燒鰻魚定食$168因為怕熱氣，所以叫鰻魚，擺盤精緻、鰻魚夠juicy、如果多幾塊便更好，當然價錢都會有所加幅。特選厚切吉列里肌豬排定食 (標準180g) $168朋友叫的，好大塊，可以share食，無咩肥膏，好健康的感覺，有小塊檸檬可解膩。跟餐味噌湯可以暖下肚先。跟餐漬物係大豆芽，仲有青色的菜，估計係菠菜，開胃。白飯及椰菜絲任添，係加分位。店員會俾芝麻客人，客人自己磨，幾有趣。枱面有自助免費醬料。餐廳提供竹筷子，夠晒衛生。總共$336 (已包加一)…查看更多

之前見挽肉黎香港設分店，已想試，但ifc分店難預約，每次去預約app見到可預約的時間都麻麻地。咁岩呢日係尖沙咀，決定黎排隊碰運氣。餐廳不是派籌形式，平日傍晚6點幾排隊，前面已好多人，可能因為我一個人，所以6點幾入座，我食完出餐廳見已截龍。餐廳外面裝修低調，比較難搵，到我入去時，店員帶我入去一個小空間，在機器前點餐及付錢，然後入座。餐廳內裡環境較暗，不會很嘈吵。挽肉と米套餐$148跟餐麵豉湯白飯任添，係加分位，我加左一碗飯共有三塊漢堡扒第一塊原味，有肉味及炭香味，最好食第二塊係蘿蔔蓉，加柚子醋第三塊係生雞蛋加醬油，有啲似壽喜燒味食完第二塊已飽飽地，唔係好食得落第三塊，食完唔覺口渴，應該無味精菠蘿熱情果果蔬梳打$45枱面有多款免費醬料，水免費任飲總共$212 （已包加一）想encore!…查看更多

咁岩放假要去大埔廣福道，所以搵下附近有咩食，係google map搵到呢間餐廳有滷水鵝，於是去試試。中午12點幾，店內已有客人，但不用排隊，裝修新潮。套餐內的食物可自由配搭，亦可加購其他食物，食物不算大份，岩晒想一次過試幾款食物的人。上餐好快，點餐後大約一分鐘便上枱🤣招牌滷水獅頭鵝餐$70鵝肉 （如果更厚肉就好啦）味正常滷水咸左d跟餐鮮鵝油撈麵食唔出鵝油味，麵質較乾，可能因為無淋跟餐湯跟餐湯淡味，唔太識欣賞，後來先知係要淋落麵度跟餐酸菜正常鵝腸$20嚼多幾下便食到鵝腸味鵝肝$59聽大埔友建議加錢叫鵝肝，但就要等一陣，口感輕盈花生$4我無額外叫小食，係店員俾我，但埋單先發現要額外俾錢，唔夠香脆總共$153 （不收加一）隔離枱有叫冰粉，想試，但驚食唔晒，所以無叫…查看更多

見網上有片話台灣人去台蔡滷肉飯，仲話好有台灣味，所以我約左個荃灣友，慕名而來。平日傍晚6點幾去排隊，已坐滿客，前面有20個人排隊，我地等左大約8個字，食左大約8個字，建議餐廳派籌，客人便不用在室外排長龍。鋪頭細但樓底高，所以感覺舒適。芋泥燒排骨餐$80芋泥重芋頭味，好食，如果芋泥份量更多會更好，跟餐有一碗滷肉飯，面頭鋪左有酸菜，我地2個人食一碗不夠食，2碗又好似太多，店員話可以加飯，係加分位。滷肉唔會過咸或過甜，唔油膩，唔會太重口味，味道適合香港人。玉米起司蛋餅$48質感不錯。大腸包小腸$40糯米煙韌，好食。跟餐飲品加$15朋友飲，我無試。總共 $190 （已包加一）見餐牌有花雕麻油雞湯麵，好吸引咁，想下次試下。…查看更多

咁岩黎中環，朋友推介，加上我鐘意食拉麵，所以試試。傍晚6點幾到餐廳排隊，排隊時叫埋餐、俾埋錢，7點前入座，好快便上餐環境：座位量好少，大部分座位是可望住師傅煮麵，當中有少量客人面對面的座位，我地被安排面對面坐服務：有濕毛巾抹手，不錯有凍水同日本一樣用竹筷主食：鯛清湯$138附送一小圓碟的醬，很香濃海鮮味朋友叫的鯛沾麵$148附送半粒青檸，及少量類似魚乾的小食麵會出煙，有趣，麵質類似刀削麵，口感很好，加分湯底濃郁，但有少許腥小食：炸鯛魚皮$48原來鯛清湯有附送比較硬，在湯中浸一浸會較好味日式炸雞$48不是脆的，已調味，味道普通飲料：柚子梳打$48朋友叫的西瓜梳打$48偏甜，是預想到的人造西瓜飲料味總共$526 （已包加一）見到餐牌有火炙牛肉壽司$58，但驚太飽，所以無叫。…查看更多

之前係網上見到the verandah既chill chill渡假風環境，深深地被吸引住。事前已訂枱，特登放假黎食，諗住少d人，順便同朋友行下淺水灣。窗外係陽光與海，餐廳裝修係復古風，樓底高，天花有吊扇，好休閒的感覺，枱與枱之間的空間闊，講野唔會被隔離枱聽到，枱面大，可以同時間放多碟食物打卡去之前已預先做好功課，諗住叫2個午市套餐，點知去到無左心目中的套餐，唯有叫另一個套餐，再加一個appetiser及一個意粉，2人share食。Prix Fixe Lunch Menu $608麵包 （橄欖油、黑醋）味道正常APPETISERS:VITELLO TONNATO(sliced veal loin with caper berries and arugula)朋友覺得ok，但唔太岩我食MAIN:BEEF BOURGUIGNON(mushrooms and pearl onions)味道中規中矩DESSERT OF THE DAY: 好似係梳乎厘coffee (有蝴蝶酥）YELLOW FIN TUNA TARTARE(Provencale herbs and toasted focaccia)$238味道中規中矩KING PRAWN SPAGHETTI $398(lobster bisque and tarragon cream)味道中規中矩總共$1368 （已包加一）唯一美中不足係訂枱已寫明慶生，但甜品沒有生日牌/蠟燭，但隔離枱同款甜品就有…查看更多

之前係銅鑼灣見到豬腳小姐好多人排，我好鐘意食豬手，但未食過韓式，所以默默地擺係bucklist。咁岩放假同朋友去尖沙咀行街，原來尖沙咀都有豬腳小姐的分店，所以就訂枱食，我地係當日第一枱客。星期六日無單人午市套餐，我地叫左2人套餐，好大碟，豬手及配菜佔了成張枱，但都有位食野。朋友好細心，發現張單寫住follow豬腳小姐社交平台及dm便贈送非酒精飲品，朋友揀左菠蘿味，我揀左香桃味，送飲品係加分位。招牌蒜蓉豬手（M)、吞拿魚蛋黃醬紫菜飯糰蔬菜沙律配菜 （泡菜、白蘿蔔、韭菜、洋蔥、椒片、蒜片、椒粒、沙律醬珊瑚、2種醬）總$438加一豬手唔會好油膩，唔攝牙，好加分，蒜蓉醬加了甜味，第一次食蒜蓉係呢種味，超級好食😳配菜好多，有酸甜辣咸、有口感成碗飯俾我地，但要自己整飯糰🤣最後太飽，食剩左飯，帶走…查看更多