馨馨的个人专页

open rice外賣自取做台式飲品半價優惠，$16 是中杯裝，在app 無得加錢轉大杯裝，但卻可加錢加其他配料，另外可選少冰/多冰和甜度，我選半甜味道ok，會再幫襯。…查看更多

麻辣雞煲做緊半價，半價後$84,星期二再用嘛master card減$15 優惠，最後$69 就食到，超抵抵抵。我叫咗小份的火焰麻辣雞煲，佢寫2-3人份量，份量真係夠3人食，因佢d雞件好大舊，仲要件件都係肉，個套另外會有一杯清湯和一杯醬汁，取餐時個姐姐仲比咗張紙仔我，我以為是下次幫襯的優惠卷，原來是教你如何回家後，如何整個雞煲。個餐仲有一大盒洋蔥和茜，絕不吝惜，真係值得一讚，因為有這2款配料，整到個雞煲又香又甜甜地，好好味。…查看更多

$110 一人餐很抵，再用openrice優惠減多$20 超抵，套餐一人份量剛剛好，丸/餃/海鮮/肉 每款有d, 菜一大盒，仲有2款菜添，麻辣湯包內有3件鴨血，另會附上一包清湯，個餐仲會包一罐飲品。丸/餃 合共有十粒，海鮮有幾款選擇，我要咗蝦就有2隻，嚮領2件，麻薯2粒，仲有一盒豆腐花。其實個套除咗丸類和餃子係無得選外，其他野食野飲，都有得選，大家可自已入去睇睇，另外佢個麻辣湯包，係超大包，絕對足夠，因有清湯和麻辣湯包，所以個外賣餐都幾重吓。…查看更多

千賀水產食過幾次，觀塘和銅鑼灣都幫襯過，一直都覺得質素OK,但昨晚去食，質素跌晒WAT,近期真係可以唔使去食。一行四人，諗住吹吓水，所以比貴d無限時，7點入場，熟食/點心 款式比以往少，每盆熟食只得很少份量，但加添速度超慢，或無再加添，以往食完一盆會轉款，現在無了，而可order的食物有一半無，當時7點喳，水餃無，脆肉鯇魚腩無，蝦無，墨魚滑又無，好多都無，9點半已開始收冷食和沙律bar枱的食物，當晚的點心，只得幾款，比人拿晒又係等好耐先再加添，我d朋友話一d都唔值，睇嚟未來半年都唔會再去囉。每次要揾職員落單叫食物，但職員太少，想揾佢地落order都好難，唉！現做緊優惠，以下價錢再加一1. $238 一送一 (限時2粒鐘) 2. $298 二人同行一位半價 (全晚) …查看更多

街坊小店，價錢唔算貴，大大個燒魚頭 $128,都幾多肉，又唔會燒到過曬火，仲附上店主自家調製的醬汁。榴槤飯團細細細粒$22,覺得貴咗少少，因燒過，面會翠翠地，而且榴槤味都幾香，食到中間位置，會見到有少少榴槤蓉，但如果大粒d就更好啦。仲有檸檬薏米水$15枝，足料好飲8佢地仲有其他燒物，但一條友食唔到咁多，唯有下次再試，平時午餐和晚餐，想食平平地，可叫碗喇沙食。…查看更多

邪惡炸雞脾下午茶餐$30，不是平時食開的普通炸雞脾，佢唔知用咩炸粉做，味道係ok好食，最緊要係即叫即炸，下午茶餐包沙律和一盒飲品，我建議加多$3轉罐裝汽水支持大角咀街坊小店，老細2公婆好好禮貌，d野食又唔差，基本上你唔會揾到一款食物係難食的。…查看更多

新店開張，照排寫到自己好掂，附近又無其他店食生滾粥，一於試吓先，$40 碗雞粥，話就話生滾，比完錢在門口等咗唔夠5分鍾就有，買完行返公司唔使3分鍾，食時碗粥只係暖唔熱囉。料唔算少，但$40 來說，佢算細碗，食完一定唔夠飽幾個同事試過燒味飯，個個都話分量少，食唔飽，個個都話無下次。以咁㗎價錢和分量+質素來說，我試一次就夠，附近還有更多更好的選擇。…查看更多

以前覺得 Tony'sHell食個晚餐$400 在大角咀都幾離地，所以一直都無試過，上星期中午行過，佢竟然開咗，原來佢轉咗型，睇睇個餐單和價錢，午餐$45 喳。仲有其他小食 今日終於試咗，佢每星期會轉餐單喎，我食咗海鮮炒烏東，料都幾足有蜆肉+魷魚+蝦，蝦有雪味但好爽，最緊要係少鹽少油無味精，食完唔口渴，食到尾又唔會油浸烏東，味道好啱我口味，絕對值$45,咁㗎價錢，好過去茶餐廳食多鹽多油啦。而原價$40杯飲品，現半價$20,生果茶味道淡咗d, 但夏天飲啱晒，佢d生果好新鮮，上網睇返，完來佢隻是環保杯，可重覆使用，仲冷熱飲都得㗎。另外食滿$40有一個印仔，儲滿10個，老細話有優惠喎，但佢死都唔講優惠係咩。…查看更多

唔係化，間店仲裝修緊，都未開張，就在openrice見到店名，又知道晒d營業時間，真利害。點解唔貼張menu呀，等我知道吓咩價位和有咩食嘛。生滾粥在石門區真係無㗎。…查看更多

炸雞脾 $15即叫即炸，所以要有少少耐性等，都算大隻，皮胞有汁，唔會炸到乾晒。麻辣魷魚 $17好味，夠麻，如多少少汁就更好。珍珠奶茶 $8下午茶時段，買滿$30,可半價換購…查看更多

今日試咗下午茶餐，佢下午茶時間由1500-1700供應魚生飯有2片三文魚+半粒帶子，味道都ok, 飯份量都唔算少，仲有大量伴菜，五顏六色，又美觀又好食，套餐可任選2款食物，另外想選水牛城雞翼，但因巴西雪藏食物影響，暫停供應喎，於是選了八抓魚丸，一份有四粒，，我覺得粉咗少少，因我鍾意食實心少少的。(如果想食飽d, 可選麥樂雞塊，一份有8塊)套餐仲包熱飲一杯迷你魚生飯+八抓魚丸四粒+熱飲=$38+10%咁㗎價錢真係超晒值…查看更多

今日行過入去試吓個午餐，都好多款選擇，我選咗坑燒豬肉眼扒，以為份量好少，食落都夠飽，豬扒有2 塊，size比想像中大塊，味道幾好，無雪味又唔硬，不過汁唔夠，攪到個意粉齋咗d.餐廳細細都幾迫吓，不過就有點懷舊feel, 服務一搬，但有人搭枱前都有問我可不可以，懂得尊重值得加分，午餐免加一，凍飲不用額外加錢。…查看更多

只做外賣不設堂食，$20 一碗海南雞飯真係超晒值，味道都唔差，個醬汁ok, 真係貨真價實，唔知個優惠做到幾時。另外仲有其他越式飲品和甜品，價錢都唔貴，下次試完再寫食評。…查看更多

新開張去試早茶，只得一款茶無得選擇，茶錢每位$3,無加一兼有8折蝦餃/燒賣/小籠包 可散叫，2粒起，啱晒我一個人，可試多幾款。食物質素唔錯，用料新鮮，蝦類食物值得推薦，蝦餃和蝦腸都好爽口蝦腸+咖哩魷魚+蝦餃2粒+小籠包2粒+茶錢$3=$57…查看更多

朋友話好吃，終於去試食了，下午茶時段，所以無乜人，叫了鐵板魷魚飯，味道一搬，唔可以話好好好吃，但都ok, 不過都幾油吓，至於分量就好足，魷魚食極都仲有，起碼有10 塊以上，所以$40算抵食。…查看更多